കല്ലേറ്റുംകര: സർവീസ് സഹകരണ ബാങ്കിന്റെ വാർഷിക പൊതുയോഗം ബാങ്ക് ഹാളിൽ എൻ.കെ. ജോസഫിന്റെ അധ്യക്ഷതയിൽ ചേർന്നു. 2022-23 വർഷത്തെ ലാഭവിഭജനം നടത്തി ഏഴുശതമാനം ഡിവിഡന്റ് പ്രഖ്യാപിച്ചു. ബാങ്ക് ഒാഹരിക്കാരായ 407 പേർക്ക് മഹാത്മാഗാന്ധി ആശ്രയ പെൻഷൻ വിതരണം ചെയ്തു. സംസ്ഥാനത്ത് അങ്കണവാടി ഹെൽപ്പർമാരിൽ ഒന്നാംസ്ഥാനം നേടിയ കെ.എസ്. സെബീനയ്ക്ക് കാഷ് അവാർഡും ഉപഹാരവും നല്കി.
ബാങ്ക് ഒാഹരിക്കാരനും അധ്യാപകനുമായ ജോൺ ജോസഫ് കീറ്റിക്കൽ വരച്ച മഹാത്മാഗാന്ധിയുടെ ഛായാചിത്രം അനാച്ഛാദനം ചെയ്തു. ബാങ്ക് സെക്രട്ടറി കെ. ലത, ഡയറക്ടർമാരായ കെ.കെ. പോളി, വത്സല രവീന്ദ്രൻ, കെ.ആർ. രാജൻ, ജനാർദനൻ പാലയ്ക്കൽ, കെ.വി. ജോയ്, ടി.എ. ജോസ്, ടി. ജിയോ ജോൺ, മോളി ജോസ്, വിജയലക്ഷ്മി മുകുന്ദൻ, ജുനിഷ ജിനോയ്, പി.എസ്. സുഭാഷ്, ബാങ്ക് മെന്പർമാരായ എം.എസ്. അസനാർ, വർഗീസ് കണ്ണംകുന്നി, ബിജോ ജോസ് എന്നിവർ പ്രസംഗിച്ചു.