പള്ളിവളവ്: മതിലകം സെന്റ് ജോസഫ്സ് ഹയർ സെക്കൻഡറി സ്കൂളിൽ വിവിധ പദ്ധതികളുടെ ഉദ്ഘാടനം നടന്നു. ഫെഡറൽ ബാങ്കിന്റെ രണ്ടുലക്ഷം രൂപ സിഎസ്ആർ ഫണ്ട് ഉപയോഗപ്പെടുത്തി നിർമിച്ച ഹൈടെക് കിച്ചൻ ഉപകരണങ്ങൾ, ഓട്ടോമാറ്റിക് ഫ്ലഷ്ഔട്ട് സിസ്റ്റം, എൽപി വിഭാഗം ലൈബ്രറി, കമ്പ്യൂട്ടർ ലാബ് എന്നിവയുടെ ഉദ്ഘാടനം ഇ.ടി. ടൈസൺ എംഎൽഎ നിർവഹിച്ചു.
മതിലകം ഗ്രാമപഞ്ചായത്ത് പ്രസിഡന്റ് സീനത്ത് ബഷീർ മുഖ്യാതിഥിയായി. പഞ്ചായത്ത് വൈസ് പ്രസിഡന്റ് ടി.എസ്. രാജു, സ്റ്റാൻഡിംഗ് കമ്മിറ്റി ചെയർപേഴ്സൺ സുമതി സുന്ദരൻ, ഫെഡറൽ ബാങ്ക് മാനേജർ ഹാഫിസ്, സ്കൂൾ മാനേജർ ഫാ. ഷൈജൻ കളത്തിൽ, പിടിഎ പ്രസിഡന്റ് കെ.വൈ. അസീസ്, പ്രധാനാധ്യാപകൻ വി.കെ. മുജീബ് റഹ്മാൻ, ജിഷാ വിനോദ്, റഹിയാനത്ത് അൻസാരി, ജോജി ജോസഫ് തുടങ്ങിയവർ പ്രസംഗിച്ചു.