കുറ്റിക്കാട്: വയനാട്ടിലെ സഹോദരങ്ങൾക്കായി കുറ്റിക്കാട് സെന്റ് സെബാസ്റ്റ്യൻസ് ഹൈസ്കൂൾ കൈകോർത്തു. വിദ്യാലയത്തിൽനിന്നു സ്വരൂപിച്ച 1,17,391 രൂപ സ്കൂൾ മാനേജർ ഫാ. ലിജു പോൾ പറമ്പത്ത്, ഹെഡ്മാസ്റ്റർ എം.ടി. ജെയ്സൺ, പിടിഎ പ്രസിഡന്റ് സെബാസ്റ്റ്യൻ കല്ലേലി, കെ.എം. റാഫി, വി.എം. ടെൻസൻ, പി.വി. അജിത്ത് എന്നിവർചേർന്ന് കളക്ടർ അർജുൻ പാണ്ഡ്യന് കൈമാറി.
എസ്എൻപുരം: മതിലകം ഗ്രാമപഞ്ചായത്തിലെ ഇടം റസ്റ്റോറന്റ് ഒരുദിവസത്തെ വരുമാനം മുപ്പതിനായിരം രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് കൈമാറി. ഇ.ടി. ടൈസണ് എംഎൽഎ സഹായധനം ഏറ്റുവാങ്ങി. മതിലകം ഗ്രാമപഞ്ചായത്ത് പ്രസിഡന്റ് സീനത്ത് ബഷീർ അധ്യക്ഷതവഹിച്ചു. പഞ്ചായത്ത് വൈസ് പ്രസിഡന്റ് ടി.എസ്. രാജു, സ്റ്റാൻഡിംഗ് കമ്മിറ്റി ചെയർമാൻമാരായ പ്രിയ ഹരിലാൽ, സുമതി സുന്ദരൻ, പ്രേമാനന്ദൻ എന്നിവർ പങ്കെടുത്തു.