വൈ​പ്പി​ൻ: വി​വാ​ഹ പ​ര​സ്യം ന​ൽ​കി പ​രി​ച​യ​പ്പെ​ട്ട് ഓ​ൺലൈ​നായി യു​വാ​വി​ന്‍റെ 40 ല​ക്ഷ​ത്തോ​ളം രൂപ ക​വ​ർ​ന്ന സ്ത്രീ​ക​ൾ ഉ​ൾ​പ്പെ​ട്ട സം​ഘ​ത്തി​ലെ ഒ​രാ​ളെ ഞാ​റ​ക്ക​ൽ പോ​ലീ​സ് അ​റ​സ്റ്റ് ചെ​യ്തു. മ​ല​പ്പു​റം വേ​ങ്ങ​ര വൈ​ദ്യ​ർ വീ​ട്ടി​ൽ മു​ജീ​ബ് റ​ഹ്മാ​നാ(45)​ണ് അ​റ​സ്റ്റി​ലാ​യ​ത്. എ​ട​വ​ന​ക്കാ​ട് സ്വ​ദേ​ശി​ക്കാ​ണ് പ​ണം ന​ഷ്ട​മാ​യ​ത്. തുടർന്ന് പോ​ലീ​സി​ൽ പ​രാ​തി ന​ൽ​കുകയായിരുന്നു.

മാ​ട്രി​മോ​ണി​യ​ൽ പ​ര​സ്യം വ​ഴി​യാ​ണ് സം​ഘ​ത്തി​ന്‍റെ വാ​ട്ട്സ് ആ​പ്പ് ന​മ്പ​ർ യു​വാ​വി​നു ല​ഭി​ച്ച​ത്. ബ​ന്ധ​പ്പെ​ട്ട​പ്പോ​ൾ പേ​ര് ശ്രു​തി എ​ന്ന് യു​വാ​വി​നോ​ട് പ​റ​ഞ്ഞു. ബം​ഗ​ളൂ​രു​വി​ൽ സെ​റ്റി​ൽ ചെ​യ്തി​രി​ക്കു​ക​യാ​ണെ​ന്നും ജോ​ലി യു​കെ​യി​ലാണെ​ന്നും യു​വ​തി അ​റി​യി​ച്ചു.

ഇ​ത്തരത്തിൽ യു​വാ​വു​മാ​യി സൗ​ഹൃ​ദം സ്ഥാ​പി​ച്ച യു​വ​തി വി​വാ​ഹ വാ​ഗ്ദാ​ന​വും ന​ൽ​കി വി​ശ്വാ​സം ആ​ർ​ജി​ച്ചു. തു​ട​ർ​ന്ന് ക്രി​പ്റ്റോ ക​റ​ൻ​സി ട്രേ​ഡിം​ഗ് ലാ​ഭ​ക​ര​മാ​ണെ​ന്ന് യു​വാ​വി​നെ പ​റ​ഞ്ഞ് വി​ശ്വ​സി​പ്പി​ച്ചു. പി​ന്നീ​ട് കു​കൊ​യി​ൻ ആ​പ്പ് (Kucoin App), ഡ്യൂ​ൺ കോ​യി​ൻ ആ​പ്പ് എ​ന്നി​വ യു​വാ​വി​നെ​ക്കൊ​ണ്ട് ഡൗ​ൺ​ലോ​ഡ് ചെ​യ്യി​ക്കു​ക​യും ചെ​യ്തു.

2023 ഒ​ക്ടോ​ബ​ർ മു​ത​ൽ 2024 ഫെ​ബ്രു​വ​രി വ​രെ​യു​ള്ള പ​ല ദി​വ​സ​ങ്ങ​ളി​ലാ​യി കു​കൊ​യി​ൻ സെ​ല്ല​ർ​മാ​രി​ൽ നി​ന്ന് പ​രാ​തി​ക്കാ​ര​ന്‍റെ ബാ​ങ്ക് അ​ക്കൗ​ണ്ടി​ൽ നി​ന്നു​ള്ള 7,44,000 രൂ​പ മു​ട​ക്കി ക്രി​പ്റ്റോ ക​റ​ൻ​സി വാ​ങ്ങി​പ്പി​ച്ച് ഡ്യൂ​ൺ​കൊ​യി​ൻ ട്രെ​ഡിം​ഗ് ആ​പ്പി​ൽ നി​ക്ഷേ​പി​പ്പി​ക്കു​ക​യാ​യി​രു​ന്നു.

തു​ട​ർ​ന്ന് ക​സ്റ്റ​മ​ർ കെ​യ​ർ മു​ഖാ​ന്തി​രം വി​വി​ധ അ​ക്കൗ​ണ്ടു​ക​ളി​ലേ​ക്കാ​യി 2023 ഒ​ക്ടോ​ബ​ർ ആ​റു​ മു​ത​ൽ 2024 ഫെ​ബ്രു​വ​രി വ​രെ​യു​ള്ള പ​ല ദി​വ​സ​ങ്ങ​ളി​ലാ​യി പ​രാ​തി​ക്കാ​ര​ന്‍റെ പേ​രി​ലു​ള്ള ബാ​ങ്ക് അ​ക്കൗ​ണ്ടി​ൽ നി​ന്ന് 32,93,306 രൂ​പയും ത​ട്ടി​യെ​ടു​ത്തു.

ജി​ല്ലാ പോ​ലീ​സ് മേ​ധാ​വി ഡോ. ​വൈ​ഭ​വ് സ​ക്സേ​ന​യു​ടെ നി​ർ​ദേശാ​നു​സ​ര​ണം രൂ​പീക​രി​ച്ച അ​ന്വേ​ഷ​ണ സം​ഘ​ത്തി​ൽ ഇ​ൻ​സ്പെ​ക്ട​ർ സു​നി​ൽ തോ​മ​സ്, എ​സ്ഐ അ​ഖി​ൽ വി​ജ​യ​കു​മാ​ർ, എ​എ​സ്ഐ ആ​ന്‍റ​ണി ജെ​യ്സ​ൻ​ എ​ന്നി​വ​രും ഉ​ണ്ടാ​യി​രു​ന്ന​ത്. പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.