കോ​ത​മം​ഗ​ലം: നെല്ലിമറ്റത്ത് ക​രി​ക്ക് വി​ൽക്കു​ന്ന പെ​ട്ടി​ക്ക​ട​യി​ലേ​ക്ക് കാ​ർ നി​യ​ന്ത്ര​ണം​വി​ട്ട് പാ​ഞ്ഞു​ക​യ​റി വി​ല്പ​ന​ക്കാ​രി​യാ​യ യു​വ​തി മ​രി​ച്ചു. നെ​ല്ലി​മ​റ്റം ല​ക്ഷം​വീ​ട്ടി​ൽ വാ​ട​ക​യ്‌​ക്ക് താ​മ​സി​ക്കു​ന്ന ഇ​ടു​ക്കി ല​ബ്ബ​ക്ക​ട സ്വ​ദേ​ശി പ​ന​തോ​ട്ട​ത്തി​ൽ ശ്രീ​ലാ​ലി​ന്‍റെ ഭാ​ര്യ ശു​ഭ സു​രേ​ഷാ​ണ് (33) മ​രി​ച്ച​ത്. നെ​ല്ലി​മ​റ്റം സെ​ന്‍റ് ജോ​സ​ഫ്സ് പ​ള്ളി​ക്ക് സ​മീ​പം ഇ​ന്ന​ലെ വൈ​കി​ട്ട് നാ​ലോ​ടെ​യാ​യി​രു​ന്നു അ​പ​ക​ടം. ക​ട​യി​ലേ​ക്ക് ഇ​ടി​ച്ചു​ക‍​യ​റി​യ കാ​ർ ശു​ഭ​യു​ടെ ദേഹത്തേക്ക് മ​റി​യുകയായിരുന്നു.

സ​മീ​പ​ത്തു​ണ്ടാ​യി​രു​ന്ന​വ​ർ ഉ​ട​ൻ കാ​ർ ഉ​യ​ർ​ത്തി​ ശു​ഭ​യെ പു​റ​ത്തെ​ടു​ത്ത് കോ​ത​മം​ഗ​ല​ത്തെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല. റോ​ഡ​രി​കി​ൽ ക​രി​ക്കും കൂ​ൾ​ഡ്രിം​ഗ്സും വി​ൽ​ക്കു​ന്ന ക​ട​യാ​ണ് ശു​ഭ ന​ട​ത്തി​യി​രു​ന്ന​ത്. മൂ​ന്നാ​ർ ഭാ​ഗ​ത്തു നി​ന്നു വ​ന്ന ടാ​ക്സി കാ​ർ നി​യ​ന്ത്ര​ണം​വി​ട്ട് ക​ട​യി​ലേ​ക്ക് പാ​ഞ്ഞു​ക​യ​റു​ക​യാ​യി​രു​ന്നു. ഡ്രൈ​വ​ർ മാ​ത്ര​മാ​ണ് കാ​റി​ലു​ണ്ടാ​യി​രു​ന്ന​ത്.

ഇ​യാ​ൾ പ​രി​ക്കി​ല്ലാ​തെ ര​ക്ഷ​പ്പെ​ട്ടു. പെ​ട്ടി​ക്ക​ട പൂ​ർ​ണ​മാ​യും ത​ക​ർ​ന്നു. ഒ​രു മാ​സം മു​ന്പാ​ണ് ശു​ഭ പെ​ട്ടി​ക്ക​ട തു​ട​ങ്ങി​യ​ത്. സ​മീ​പ​കാ​ല​ത്താ​ണ് ഇ​വ​ർ നെ​ല്ലി​മ​റ്റ​ത്ത് താ​മ​സം തു​ട​ങ്ങി​യ​തും. ശ്രീ​ലാ​ൽ-​ശു​ഭ ദ​ന്പ​തി​ക​ൾ​ക്ക് ര​ണ്ട് മ​ക്ക​ളു​ണ്ട്. ശു​ഭ​യു​ടെ മൃ​ത​ദേ​ഹം താ​ലൂ​ക്ക് ആ​ശു​പ​ത്രി മോ​ർ​ച്ച​റി​യി​ലേ​ക്ക് മാ​റ്റി. പോ​സ്റ്റു​മോ​ർ​ട്ട​ത്തി​ന് ശേ​ഷം മൃ​ത​ദേ​ഹം ഇ​ന്ന് ബ​ന്ധു​ക്ക​ൾ​ക്ക് വി​ട്ടു​ന​ൽ​കും.