കോ​ത​മം​ഗ​ലം: പി​ണ്ടി​മ​ന പ​ഞ്ചാ​യ​ത്തി​ലെ വെ​റ്റി​ല​പ്പാ​റ, കു​ള​ങ്ങാ​ട്ടു​കു​ഴി, മാ​ലി​പ്പാ​റ എ​ന്നി​വി​ട​ങ്ങ​ളി​ൽ കാ​ട്ടാ​ന​ക്കു​ട്ട​മി​റ​ങ്ങി കാ​ർ​ഷി​ക വി​ള​ക​ൾ ന​ശി​പ്പി​ച്ചു. മാ​ലി​പ്പാ​റ കു​രി​ശു​മ​ല​യി​ലെ ജ​ല അ​ഥോ​റി​റ്റി​യു​ടെ കു​ടി​വെ​ള്ള ടാ​ങ്കി​ന് സ​മീ​പ​ത്തും ആ​ന​ക​ളെ​ത്തി. ഇ​വി​ടെ വ​ർ​ഷ​ങ്ങ​ൾ പ​ഴ​ക്ക​മു​ള്ള തെ​ങ്ങ് കു​ത്തി​മ​റി​ച്ചി​ടു​ക​യും വാ​ഴ ന​ശി​പ്പി​ക്കു​ക​യും ചെ​യ്തി​ട്ടു​ണ്ട്. ഈ ​ഭാ​ഗ​ത്ത് ആ​ദ്യ​മാ​യാ​ണ് ആ​ന ശ​ല്യ​മു​ണ്ടാ​കു​ന്ന​ത്. കോ​ട്ട​പ്പാ​റ പ്ലാ​ന്‍റേ​ഷ​നി​ൽ നി​ന്നു​ള്ള ആ​ന​ക്കൂ​ട്ടം ബു​ധ​നാ​ഴ്ച രാ​ത്രി​യാ​ണ് ജ​ന​വാ​സ മേ​ഖ​ല​ക​ളി​ലേ​ക്ക് ക​ട​ന്ന​ത്.

പ​ട​ക്കം​പൊ​ട്ടി​ച്ച് ആ​ന​ക​ളെ തു​ര​ത്താ​ൻ ശ്ര​മ​മു​ണ്ടാ​യെ​ങ്കി​ലും ന​ട​ന്നി​ല്ല. കൃ​ഷി​യി​ട​ങ്ങ​ളി​ൽ ക​യ​റി​യ ആ​ന​ക്കൂ​ട്ടം ഇ​ന്ന​ലെ പു​ല​ർ​ച്ചെ​യാ​ണ് പ്ലാ​ന്‍റേ​ഷ​നി​ലേ​ക്ക് മ​ട​ങ്ങി​യ​ത്. ച​ക്ക സീ​സ​ണ്‍ ആ​രം​ഭി​ച്ച​തോ​ടെ​യാ​ണ് കാ​ട്ടാ​ന​ക്കൂ​ട്ടം വീ​ണ്ടു​മെ​ത്തു​ന്ന​ത്. വേ​ന​ൽ​ക്കാ​ല​ത്ത് പ്ലാ​ന്‍റേ​ഷ​നു​ള്ളി​ൽ തീ​റ്റ​യും വെ​ള്ള​വും കു​റ​ഞ്ഞ​തും ആ​ന​ക​ൾ കൂ​ടു​ത​ലാ​യി പു​റ​ത്തി​റ​ങ്ങാ​ൻ കാ​ര​ണ​മാ​കു​ന്നു​ണ്ട്. കാ​ട്ടാ​ന​ശ​ല്യം വ​ർ​ധി​ക്കു​ന്ന​തി​ൽ നാ​ട്ടു​കാ​ർ ക​ടു​ത്ത ആ​ശ​ങ്ക​യി​ലാ​ണ്.