കൂ​ത്താ​ട്ടു​കു​ളം: പൂ​ർ​ണ​മാ​യും സ്റ്റീ​ൽ സ്ട്ര​ക്ച​റി​ൽ നി​ർ​മാ​ണം പൂ​ർ​ത്തീ​ക​രി​ച്ച ശ്രീ​ധ​രീ​യം ആ​യു​ർ​വേ​ദ ആ​ശു​പ​ത്രി​യു​ടെ പു​തി​യ ബ്ലോ​ക്ക് കെ​ട്ടി​ട​ത്തി​ന്‍റെ നി​ർ​മാ​ണ​ രീ​തി​ക​ൾ നേ​രി​ൽ ക​ണ്ട് മ​ന​സി​ലാ​ക്കാൻ മ​ന്ത്രി കെ.​എ​ൻ. ബാ​ല​ഗോ​പാ​ൽ ശ്രീ​ധ​രി​യ​ത്തി​ൽ എ​ത്തി. 80,000 സ്ക്വ​യ​ർ ഫീ​റ്റി​ൽ ആ​റു നി​ല​ക​ളി​ലാ​യി അ​ത്യാ​ധു​നി​ക രീ​തി​യി​ൽ നി​ർ​മാ​ണം പൂ​ർ​ത്തീ​ക​രി​ച്ചി​രി​ക്കു​ന്ന കെ​ട്ടി​ടം പൂ​ർ​ണ​മാ​യും സ്റ്റീ​ൽ സ്ട്ര​ക്ച​റി​ലാ​ണ് നി​ർ​മി​ക്കു​ന്ന​ത്. മ​റ്റൊ​രു ഫാ​ക്ട​റി​യി​ലാ​ണ് കെ​ട്ടി​ട​ത്തി​ന് ആ​വ​ശ്യ​മാ​യ പി​ല്ല​റു​ക​ളും ബീ​മു​ക​ളും നി​ർ​മി​ച്ച​ത്.

നി​ർ​മാ​ണം പൂ​ർ​ത്തീ​ക​രി​ച്ച ​ഐ​ സെ​ക്ഷ​നു​ക​ളും സി​ സെ​ക്ഷ​നു​ക​ളും സ്ഥ​ല​ത്ത് എ​ത്തി​ച്ച് യോ​ജി​പ്പി​ക്കു​ന്ന​തോ​ടെ കെ​ട്ടി​ട​ത്തി​ന്‍റെ സ്ട്ര​ക്ച​ർ വ​ർ​ക്ക് പൂ​ർ​ണമാ​കും. പി​ന്നീ​ട് ഡ​ക്ക് ഷീ​റ്റു​ക​ൾ മു​ക​ളി​ൽ ആ​ർ​സി​സി ചെ​യ്യും. തറയുടെ ജോലികൾ പൂ​ർ​ണമാ​കു​ന്ന​തോ​ടെ ചു​മ​രു​ക​ളു​ടെ നി​ർ​മാ​ണം ആ​രം​ഭി​ക്കും.

ചു​മ​രു​ക​ളു​ടെ നി​ർ​മാ​ണ​രീ​തി​യും ഏ​റെ വ്യ​ത്യ​സ്ത​മാ​ണ്. ഇ​പി​എ​സ് പാ​ന​ൽ ടെ​ക്നോ​ള​ജി​യി​ൽ തെ​ർ​മോ​ക്കോ​ൾ ഷീ​റ്റു​ക​ൾ​ക്ക് മു​ക​ളി​ൽ ഇ​രു​ന്പ് നെ​റ്റു​ക​ൾ കൊ​ണ്ട് ക​വ​ചം തീ​ർ​ത്ത ശേ​ഷം കോ​ണ്‍​ക്രീ​റ്റ് സ്പ്രേ ​ചെ​യ്ത് ബ​ല​പ്പെ​ടു​ത്തു​ന്ന രീ​തി​യാ​ണ് ഇ​വി​ടെ പി​ന്തു​ട​രു​ന്ന​ത്.

തെ​ർ​മ​ൽ ക്രാ​ക്കിം​ഗ് ഉ​ൾ​പ്പെ​ടെ​യു​ള്ള പ്ര​ശ്ന​ങ്ങ​ൾ ഒ​ഴി​വാ​ക്കു​ന്ന​തി​ന് പു​റ​മേ മു​റി​യി​ലെ താ​പ​നി​ല കു​റ​യ്ക്കു​ന്ന​തി​നും ഇ​തു സ​ഹാ​യി​ക്കും. പു​തി​യ നി​ർ​മാ​ണ രീ​തി​ക​ൾ നേ​രി​ൽ​ക​ണ്ട് മ​ന​സിലാ​ക്കാനും കേ​ര​ള​ത്തി​ലെ കെ​ട്ടി​ട നി​ർ​മാ​ണ രം​ഗ​ത്ത് ഇ​വ പ​രീ​ക്ഷി​ക്കാ​ൻ ക​ഴി​യു​മോ​യെ​ന്ന് പ​ഠി​ക്കാനു​മാ​ണ് മ​ന്ത്രി എ​ത്തി​യ​ത്.