ക​ടു​ത്തു​രു​ത്തി: വെ​ള്ള​മെ​ത്തി​ക്കാ​ന്‍ ക​ഴി​യാ​തെ വ​ന്ന​തോ​ടെ വ​ര്‍​ഷ​ങ്ങ​ളോ​ളം പ്ര​വ​ര്‍​ത്ത​ന​മാ​രം​ഭി​ക്കാ​ന്‍ ക​ഴി​യാ​തി​രു​ന്ന കു​റു​പ്പ​ന്ത​റ​യി​ലെ വ​ഴി​യി​ട വി​ശ്ര​മ​കേ​ന്ദ്ര​ത്തി​ന്‍റെ പ്ര​വ​ര്‍​ത്ത​നം ഒ​ടു​വി​ല്‍ ആ​രം​ഭി​ച്ചു. കു​റു​പ്പ​ന്ത​റ ക​വ​ല​യ്ക്കു സ​മീ​പം മാ​ഞ്ഞൂ​ര്‍ പ​ഞ്ചാ​യ​ത്ത് നി​ര്‍​മി​ച്ച വ​ഴി​യി​ടം ടേ​ക്ക് എ ​ബ്രേ​ക്കാ​ണ് ഏറെക്കാ​ല​ത്തെ കാ​ത്തി​രി​പ്പി​നുശേ​ഷം പ്ര​വ​ര്‍​ത്ത​ന​മാ​രം​ഭി​ച്ച​ത്.

സ​മീ​പ​ത്തെ വീ​ട്ടു​കാ​രു​മാ​യി ര​ണ്ടു വ​ര്‍​ഷ​ത്തെ ക​രാ​ര്‍ വ​ച്ചു വെ​ള്ളം ല​ഭ്യ​മാ​ക്കി​യാ​ണ് വ​ഴി​യി​ട വി​ശ്ര​മ​കേ​ന്ദ്ര​ത്തി​ന്‍റെ പ്ര​വ​ര്‍​ത്ത​നം ആ​രം​ഭി​ക്കാ​ന്‍ ക​ഴി​ഞ്ഞ​തെ​ന്ന് പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ബി​ജു കൊ​ണ്ടൂ​ക്കാ​ലാ പ​റ​ഞ്ഞു.

2020-21 പ​ദ്ധ​തി​യി​ല്‍​പ്പെ​ടു​ത്തി​യാ​ണ് വി​ല്ലേ​ജ് ഓ​ഫീ​സി​നു സ​മീ​പം വ​ഴി​യി​ട വി​ശ്ര​മ​കേ​ന്ദ്ര​വും പൊ​തു​ശൗ​ചാ​ല​യ​വും പൂ​ര്‍​ത്തി​യാ​ക്കി​യ​ത്. വെ​ള്ള​ത്തി​നാ​യി കു​ഴ​ല്‍​കി​ണ​ര്‍ കു​ത്തി​യെ​ങ്കി​ലും വെ​ള്ളം കി​ട്ടി​യി​ല്ല. വാ​ട്ട​ര്‍ അ​ഥോ​റി​റ്റി​യു​ടെ വെ​ള്ളം ല​ഭി​ക്കാ​നും സാ​ഹ​ച​ര്യ​മി​ല്ലാ​യി​രു​ന്നു.വ​ഴി​യി​ട വി​ശ്ര​മ​കേ​ന്ദ്രം പ​ഞ്ചാ​യ​ത്ത് പ്ര​സി​ഡ​ന്‍റ് കോ​മ​ള​വ​ല്ലി ര​വീ​ന്ദ്ര​ന്‍ ഉദ്ഘാടനം ചെയ്തു. വൈ​സ് പ്ര​സി​ഡ​ന്‍റ് ബി​ജു കൊ​ണ്ടൂ​ക്കാ​ല അ​ധ്യ​ക്ഷ​ത വ​ഹി​ച്ചു.

പ​ഞ്ചാ​യ​ത്തം​ഗ​ങ്ങ​ളാ​യ സാ​ല​മ്മ ജോ​ളി, സു​നു ജോ​ര്‍​ജ്, ചാ​ക്കോ മ​ത്താ​യി, പ്ര​ത്യു​ഷ സു​ര, ലി​സി ജോ​സ​ഫ്, മ​ഞ്ജു അ​നി​ല്‍, ബി​നോ​യി ഇ​മ്മാ​നു​വ​ല്‍, ആ​നി​യ​മ്മ ജോ​സ​ഫ്, സെ​ക്ര​ട്ട​റി പി.​എ​ച്ച്. ഷീ​ജാ​ബീ​വി തു​ട​ങ്ങി​യ​വ​ര്‍ പ്ര​സം​ഗി​ച്ചു.