മു​ണ്ട​ക്ക​യം ഈ​സ്റ്റ്‌: മു​ണ്ട​ക്ക​യം മു​പ്പ​ത്തി​യ​ഞ്ചാം മൈ​ലി​ൽ​നി​ന്നു മേ​ലോ​ര​ത്തി​നു പോ​കു​ന്ന വ​ഴി​യി​ൽ കൊ​ക്ക​യാ​ർ പു​ഴ​യു​ടെ തീ​ര​ത്തു​ള്ള ഈ ​പ​ഴ​യ കോ​ൺ​ക്രീ​റ്റ് തൂ​ണു​ക​ൾ​ക്കു പ​റ​യാ​നു​ള്ള​ത് നൂ​റ്റാ​ണ്ടു​ക​ളു​ടെ പ​ഴ​ക്ക​മു​ള്ള ച​രി​ത്ര​ക​ഥ​ക​ൾ. 100 വ​ർ​ഷ​ങ്ങ​ൾ​ക്കു മു​മ്പ് 1924ൽ ​ച​ര​ക്ക് നീ​ക്ക​ത്തി​നാ​യി ഇം​ഗ്ലീ​ഷു​കാ​ർ നി​ർ​മി​ച്ച റോ​പ്‌​വേ​യു​ടെ തൂ​ണു​ക​ളു​ടെ അ​വ​ശേ​ഷി​പ്പു​ക​ളാ​ണി​വ. കു​ട്ടി​ക്കാ​ന​ത്തു​നി​ന്നു മു​ണ്ട​ക്ക​യം ഈ​സ്റ്റി​ലേ​ക്ക് ആ​യി​രു​ന്നു റോ​പ്‌​വേ നി​ർ​മി​ച്ച​ത്.

ബ്രി​ട്ടീ​ഷു​കാ​ർ പൂ​ഞ്ഞാ​ർ രാ​ജ​കു​ടും​ബ​ത്തി​ൽ​നി​ന്നു പാ​ട്ട​ത്തി​നെ​ടു​ത്ത മൂ​ന്നാ​ർ അ​ട​ക്ക​മു​ള്ള ഇ​ടു​ക്കി​യു​ടെ മ​ല​മ​ട​ക്കു​ക​ളി​ൽ തേ​യി​ല​യും കു​രു​മു​ള​കും കാ​പ്പി​ക്കുരുവും വി​ള​യി​ച്ച കാ​ലം. ഉ​ത്പ​ന്ന​ങ്ങ​ൾ വ​ള​രെ വേ​ഗ​ത്തി​ൽ മ​ല​യി​റ​ക്കു​ക​യെ​ന്ന ല​ക്ഷ്യ​ത്തോ​ടെ​യാ​യി​രു​ന്നു റോ​പ് വേ ​നി​ർ​മാ​ണം.

റോ​ഡ് ഇ​ല്ലാ​തി​രു​ന്ന കാ​ലം

1905ൽ ​സൗ​ത്ത് ഇ​ന്ത്യ​ൻ ടീ ​എ​സ്റ്റേ​റ്റ് ക​മ്പ​നി​യു​ടെ മാ​നേ​ജ​രാ​യി എ​ത്തി​യ ഇം​ഗ്ലീ​ഷു​കാ​ര​ൻ റി​ച്ചാ​ർ​ഡ്‌​സ​ൺ തേ​യി​ല അ​ട​ക്ക​മു​ള്ള ഉ​ത്പ​ന്ന​ങ്ങ​ൾ കോ​ട്ട​യ​ത്ത് എ​ത്തി​ക്കു​ന്ന​തി​ന് ഇം​ഗ്ല​ണ്ടി​ൽ​നി​ന്നു ലോ​റി​ക​ൾ എ​ത്തി​ച്ചു. കോ​ട്ട​യം - കു​മ​ളി റോ​ഡി​ന്‍റെ നി​ർ​മാ​ണം പൂ​ർ​ത്തി​യാ​കാ​ത്ത കാ​ലം. മ​ൺ​വ​ഴി​ക​ളി​ലൂ​ടെ പെ​രു​വ​ന്താ​നം മ​ല​മ​ട​ക്കു​ക​ളെ താ​ണ്ടി ലോ​റി​ക​ൾ​ക്ക് പീ​രു​മേ​ട്ടി​ലേ​ക്ക് എ​ത്തി​ച്ചേ​രാ​ൻ സാ​ധി​ച്ചി​ല്ല. കാ​ള​വ​ണ്ടി​ക​ളെ ഉ​പ​യോ​ഗി​ച്ച് മ​ല​യി​റ​ക്കു​ന്ന ച​ര​ക്ക് ലോ​റി​ക​ളി​ൽ കോ​ട്ട​യ​ത്തെ​ത്തി​ച്ചു.

എ​ന്നാ​ൽ, കി​ട്ടു​ന്ന പൈ​സ​കൊ​ണ്ട് കാ​ള​ക​ൾ​ക്കു തീ​റ്റ കൊ​ടു​ക്കാ​ൻ തി​ക​യാ​തെ വ​ന്ന​തോ​ടെ കാ​ള​വ​ണ്ടി​ക്കാ​ർ സ​മ​രം തു​ട​ങ്ങി. ഇ​തോ​ടെ​യാ​ണ് കു​ട്ടി​ക്കാ​ന​ത്തു​നി​ന്നു മു​ണ്ട​ക്ക​യം ഈ​സ്റ്റി​ലേ​ക്ക് റോ​പ് വേ ​നി​ർ​മി​ക്കാ​ൻ ഇം​ഗ്ലീ​ഷു​കാ​ർ ആ​ലോ​ച​ന തു​ട​ങ്ങി​യ​ത്. 1912ൽ ​റി​ച്ചാ​ർ​ഡ്സ​ൺ ചെ​യ​ർ​മാ​നാ​യി ദ ​മു​ണ്ട ക്ക​യം പീ​രു​മേ​ട് മോ​ട്ടോ​ർ ട്രാ​ൻ​സ്പോ​ർ​ട്ട് ആ​ൻ​ഡ് ഏ​രി​യ​ൽ റോ​പ് വേ ​എ​ന്ന ക​മ്പ​നി ആ​രം​ഭി​ച്ചു.

അ​തി​ശ​യ നി​ർ​മി​തി

1914ൽ ​സ​ർ​വേ ന​ട​ത്തി റോ​പ്പ​യു​ടെ നി​ർ​മാ​ണം തു​ട​ങ്ങി. ഒ​ന്നാം ലോ​ക​മ​ഹാ​യു​ദ്ധ​ത്തെ​ത്തു​ട​ർ​ന്ന് നി​ർ​മാ​ണ​ത്തി​ന് ആ​വ​ശ്യ​മാ​യ സാ​മ​ഗ്രി​ക​ളു​മാ​യി വ​ന്ന ക​പ്പ​ൽ മെ​ഡി​റ്റ​റേ​നി​യ​ൻ ക​ട​ലി​ൽ ത​ക​ർ​ക്ക​പ്പെ​ട്ടു. ഇ​തോ​ടെ റോ​പ് വേ​യു​ടെ നി​ർ​മാ​ണം നി​ല​ച്ചു. യു​ദ്ധം അ​വ​സാ​നി​ച്ച​തോ​ടെ നി​ർ​മാ​ണം തു​ട​ങ്ങി 1924ൽ ​പൂ​ർ​ത്തി​യാ​ക്കി.

തി​രു​വി​താം​കൂ​ർ രാ​ജ​ഭ​ര​ണ കാ​ല​ത്ത് കു​ട്ടി​ക്കാ​ന​ത്തു​ണ്ടാ​യി​രു​ന്ന പ​ഴ​യ കു​തി​രാ​ല​യ​ത്തി​നു സ​മീ​പം 3000 അ​ടി ഉ​യ​ര​ത്തി​ൽ​നി​ന്ന് അ​ഞ്ചു കി​ലോ​മീ​റ്റ​ർ താ​ഴ്ച​യി​ലേ​ക്ക് ഇ​രു​മ്പു​തൂ​ണു​ക​ളി​ൽ വ​ടം​കെ​ട്ടി​യാ​യി​രു​ന്നു റോ​പ് വേ​യു​ടെ നി​ർ​മാ​ണം. അ​ഞ്ചു വ​ലി​യ ഇ​രു​മ്പു തൂ​ണു​ക​ളി​ൽ ഇ​രു​മ്പ് വ​ടം കെ​ട്ടി ര​ണ്ട് എ​ൻ​ജി​നു​ക​ളു​ടെ സ​ഹാ​യ​ത്തോ​ടെ​യാ​യി​രു​ന്നു ഇ​തി​ന്‍റെ പ്ര​വ​ർ​ത്ത​നം. നൂ​റ്റാ​ണ്ടു​ക​ൾ​ക്കു മു​ന്പ് ഇ​ന്നു കാ​ണു​ന്ന സൗ​ക​ര്യ​ങ്ങ​ളൊ​ന്നും ഇ​ല്ലാ​തി​രു​ന്ന സ​മ​യ​ത്താ​യി​രു​ന്നു അ​തി​സാ​ഹ​സി​ക​മാ​യി നി​ർ​മാ​ണം. നി​ർ​മാ​ണ വേ​ള​യി​ൽ നി​ര​വ​ധി ജീ​വ​നു​ക​ളും പൊ​ലി​ഞ്ഞു. ഇ​പ്പോ​ഴ​ത്തെ പെ​രു​വ​ന്താ​നം, കൊ​ക്ക​യാ​ർ പ​ഞ്ചാ​യ​ത്തു​ക​ളി​ൽ​പ്പെ​ട്ട പ​ട്ടി​ക്കു​ന്ന്, മേ​ക്കു​ന്നം, അ​ഴ​ങ്ങാ​ട്, മേ​ലോ​രം, മു​ണ്ട​ക്ക​യം ഈ​സ്റ്റ് എ​ന്നി​വി​ട​ങ്ങ​ളി​ൽ ഇ​പ്പോ​ഴും തൂ​ണു​ക​ളു​ടെ അ​വ​ശി​ഷ്ട​ങ്ങ​ളു​ണ്ട്.

അ​പ​ക​ട​ങ്ങ​ൾ

1924ൽ ​റോ​ബ​യു​ടെ പ്ര​വ​ർ​ത്ത​നം ആ​രം​ഭി​ച്ചെ​ങ്കി​ലും അ​ധി​ക​കാ​ലം ഇ​തു മു​ന്നോ​ട്ടു കൊ​ണ്ടു​പോ​കാ​ൻ ക​ഴി​ഞ്ഞി​ല്ല. പ്ര​തി​കൂ​ല കാ​ലാ​വ​സ്ഥ മൂ​ലം പ​ല സ്ഥ​ല​ങ്ങ​ളി​ലും വ​ടം​പൊ​ട്ടി അ​പ​ക​ട​ങ്ങ​ളു​ണ്ടാ​യി. ഇ​ങ്ങ​നെ​യും മ​നു​ഷ്യ​ജീ​വ​നു​ക​ൾ പൊ​ലി​ഞ്ഞു.

സാ​ങ്കേ​തി​ക പി​ഴ​വു​മൂ​ലം ഇ​രു​മ്പ് തൂ​ണു​ക​ൾ​ത​ന്നെ ത​ക​രു​ന്ന സാ​ഹ​ച​ര്യ​വു​മു​ണ്ടാ​യി. ഇ​തോ​ടെ റോ​പ് വേ​യു​ടെ പ്ര​വ​ർ​ത്ത​നം താ​ത്കാ​ലി​ക​മാ​യി നി​ല​ച്ചു. അ​പ്പോ​ഴേ​ക്കും കോ​ട്ട​യം - കു​മ​ളി റോ​ഡ് ഭാ​ഗി​ക​മാ​യി സ​ഞ്ചാ​രി​യോ​ഗ്യ​മാ​യി തീ​ർ​ന്നി​രു​ന്നു. റോ​ഡ് മാ​ർ​ഗം ച​ര​ക്ക് നീ​ക്കം ആ​രം​ഭി​ച്ച​തോ​ടെ റോ​പ് വേ ​വ​ഴി​യു​ള്ള ച​ര​ക്ക് നീ​ക്കം അ​വ​സാ​നി​പ്പി​ച്ചു. ത​ക​രാ​റി​ലാ​യ റോ​പ് വേ ​ന​വീ​ക​രി​ക്കാ​തെ പി​ന്നീ​ട് ഇ​വ കാ​ല​യ​വ​നി​ക​യി​ലേ​ക്കു മ​റ​യു​ക​യാ​യി​രു​ന്നു.