മാ​ലി​ന്യ​പ്ര​ശ്ന​ത്തി​ൽ ക​ർ​മ​പ​ദ്ധ​തി​ക​ളു​മാ​യി ഈ​രാ​റ്റു​പേ​ട്ട ന​ഗ​ര​സ​ഭ
Friday, July 26, 2024 10:08 PM IST
ഈ​രാ​റ്റു​പേ​ട്ട: നേ​ട്ട​ങ്ങ​ളും പ​രി​മി​തി​ക​ളും പ​റ​ഞ്ഞ​തി​നൊ​പ്പം പ​രി​ഹാ​ര​ങ്ങ​ളും നി​ര്‍​ദേ​ശി​ച്ച് മാ​ലി​ന്യ​മു​ക്ത ഈ​രാ​റ്റു​പേ​ട്ട ന​ഗ​ര​മെ​ന്ന ല​ക്ഷ്യ​ത്തി​ന് രൂ​പ​രേ​ഖ ത​യാ​റാ​ക്കി ജ​ന​ങ്ങ​ള്‍. ന​ഗ​ര​സ​ഭ സം​ഘ​ടി​പ്പി​ച്ച മാ​ലി​ന്യ​മു​ക്തം ന​വ​കേ​ര​ളം 2.0 കാ​മ്പ​യി​ന്‍ ജ​ന​കീ​യ ശി​ല്പ​ശാ​ല​യി​ലാ​ണ് സ​മ​ഗ്ര​മാ​യ ക​ര്‍​മ പ​ദ്ധ​തി​ക​ള്‍​ക്കു​ള്ള ആ​ക്‌​ഷ​ന്‍​പ്ലാ​നി​ന് രൂ​പ​രേ​ഖ​യാ​യ​ത്.

109 പേ​ര്‍ വി​വി​ധ വി​ഭാ​ഗ​ങ്ങ​ളി​ല്‍​നി​ന്ന് പ്ര​തി​നി​ധി​ക​ളാ​യി പ​ങ്കെ​ടു​ത്തു. രാ​വി​ലെ മു​ത​ല്‍ വൈ​കു​ന്നേ​രം​വ​രെ നീ​ണ്ട ശി​ല്പ​ശാ​ല​യ്ക്കൊ​ടു​വി​ല്‍ ഗ്രൂ​പ്പ് തി​രി​ഞ്ഞു​ള്ള ച​ര്‍​ച്ച​ക​ളി​ല്‍ ഉ​യ​ര്‍​ന്ന നി​ര്‍​ദേ​ശ​ങ്ങ​ളാ​ണ് ക​ര​ടു​രൂ​പ​ത്തി​ല്‍ തയാ​റാ​ക്കി അ​വ​ത​രി​പ്പി​ച്ച​ത്. ഇ​ത് ന​ഗ​ര​സ​ഭാ കൗ​ണ്‍​സി​ലി​ല്‍ ച​ര്‍​ച്ച ചെ​യ്ത് ന​ട​പ്പി​ലാ​ക്കു​ന്ന​തി​ന് ശി​പാ​ര്‍​ശ ചെ​യ്യു​മെ​ന്ന് ശി​ല്പ​ശാ​ല ഉ​ദ്ഘാ​ട​നം ചെ​യ്ത് സം​സാ​രി​ച്ച വൈ​സ് ചെ​യ​ര്‍​മാ​ന്‍ മു​ഹ​മ്മ​ദ് ഇ​ല്യാ​സ് പ​റ​ഞ്ഞു.

എ​ല്ലാ മാ​ലി​ന്യ​ങ്ങ​ളും കൃ​ത്യ​മാ​യി വേ​ര്‍​തി​രി​ച്ചു ശേ​ഖ​രി​ച്ച് ശാ​സ്ത്രീ​യ​മാ​യി സം​സ്‌​ക​രി​ക്കാ​നും പു​ന​രു​പ​യോ​ഗ​ങ്ങ​ള്‍​ക്കു​ള്ള​വ കൈ​മാ​റാ​നും ക​ഴി​യു​ന്ന നി​ല​യി​ല്‍ ന​ഗ​ര​സ​ഭ​യു​ടെ സം​വി​ധാ​ന​ങ്ങ​ള്‍ സ​മ്പൂ​ര്‍​ണ​വും സു​സ്ഥി​ര​വു​മാ​യി മാ​റ്റ​ണ​മെ​ന്ന് ക​ര​ട് റി​പ്പോ​ര്‍​ട്ടി​ല്‍ നി​ര്‍​ദേ​ശ​മു​ണ്ട്. ഒ​റ്റ​ത്ത​വ​ണ ഉ​പ​യോ​ഗി​ച്ച ശേ​ഷം ഉ​പേ​ക്ഷി​ക്കു​ന്ന പ്ലാ​സ്റ്റി​ക് സാ​ധ​ന​ങ്ങ​ള്‍ ന​ഗ​ര​സ​ഭാ പ​രി​ധി​യി​ല്‍ ഇ​നി പാ​ടി​ല്ല എ​ന്ന ആ​വ​ശ്യ​വു​മു​ണ്ട്.


ജി​ല്ല​യി​ല്‍ മി​ക​ച്ച ജൈ​വ സം​സ്‌​ക​ര​ണ​മാ​യി മാ​റി​യ തേ​വ​രു​പാ​റ​യി​ലെ തു​മ്പൂ​ര്‍​മു​ഴി മോ​ഡ​ല്‍ യു​ണി​റ്റി​ന്‍റെ ശേ​ഷി വ​ര്‍​ധി​പ്പി​ക്കാ​നും എ​ല്ലാ വി​ദ്യാ​ല​യ​ങ്ങ​ളും പൊ​തു ഓ​ഫീ​സു​ക​ളും പൊ​തു ഇ​ട​ങ്ങ​ളും ശു​ചി​ത്വ സ​മ്പൂ​ര്‍​ണ​ത​യു​ള്ള സ്ഥാ​പ​ന​ങ്ങ​ളാ​യി മാ​റ്റു​ന്ന പ​ദ്ധ​തി​ക​ളും നി​ര്‍​ദേ​ശ​ങ്ങ​ളാ​യി ഉ​യ​ര്‍​ന്നു.

ശി​ല്പ​ശാ​ല​യി​ല്‍ ആ​രോ​ഗ്യ സ്റ്റാ​ന്‍​ഡിം​ഗ് ക​മ്മി​റ്റി ചെ​യ​ര്‍​പേ​ഴ്‌​സ​ണ്‍ ഷെ​ഫ്‌​ന അ​മീ​ന്‍ അ​ധ്യ​ക്ഷ​ത വ​ഹി​ച്ചു.