ഭരണങ്ങാനം: പാലാ രൂപത പ്ലാറ്റിനം ജൂബിലിക്ക് തുടക്കമിട്ടത് വിശുദ്ധ അന്നാമ്മയുടെ തിരുനാളില്‍. ബാല്യകൗമാരങ്ങളില്‍ അന്നക്കുട്ടിയെന്ന് വിളിക്കപ്പെട്ടിരുന്ന വിശുദ്ധ അല്‍ഫോന്‍സാമ്മയുടെ കബറിടത്തിന് സമീപമാണ് ജൂബിലി ആഘോഷങ്ങള്‍ക്ക് തിരിതെളിഞ്ഞതെന്നും ഏറെ ശ്രദ്ധേയമാണ്. ദൈവമാതാവിന്‍റെ അമ്മയായ വിശുദ്ധ അന്നാമ്മയുടെ തിരുനാളില്‍ മാതൃഭക്തിയുടെ പ്രചാരകരായ അനേകം തീര്‍ഥാടന കേന്ദ്രങ്ങളുള്ള രൂപതയുടെ പ്ലാറ്റിനം ജൂബിലി ആരംഭിച്ചുവെന്നത് മരിയഭക്തരുടെ സന്തോഷം ഇരട്ടിപ്പിച്ചു.