ചങ്ങനാശേരി: മതുമൂല ജംഗ്ഷനില്‍ കെഎസ്ആര്‍ടിസി ബസിനു പിന്നില്‍ കാര്‍ ഇടിച്ചു കയറി. കാര്‍ യാത്രക്കാര്‍ക്ക് പരിക്ക്. ഇന്നലെ വൈകിട്ട് 5.30നായിരുന്നു അപകടം. ചങ്ങനാശേരി ഭാഗത്തേക്കുള്ള ബസ് ആളെയിറക്കുന്നതിനായി നിര്‍ത്തിയപ്പോള്‍ പിന്നിലൂടെ എത്തിയ കാര്‍ ഇടിക്കുകയായിരുന്നു.
തിരുവല്ല സ്വദേശികള്‍ സഞ്ചരിച്ച കാറാണ് അപകടത്തില്‍പ്പെട്ടത്. പരിക്കേറ്റവരെ ജനറല്‍ ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമല്ല. കാവാലം റൂട്ടില്‍ സര്‍വീസ് നടത്തുന്ന ചങ്ങനാശേരി ഡിപ്പോയിലെ ബസാണ് അപകടത്തില്‍പ്പെട്ടത്. അപകടത്തെത്തുടര്‍ന്ന് മതുമൂല ജംഗ്ഷനില്‍ ഗതാഗതക്കുരുക്ക് അനുഭവപ്പെട്ടു.