കു​ടും​ബ​ങ്ങ​ളെ സ്‌​നേ​ഹി​ച്ച അ​ല്‍​ഫോ​ന്‍​സാ​മ്മ​യോ​ടൊ​പ്പം
Thursday, July 25, 2024 10:35 PM IST
അ​ല്‍​ഫോ​ന്‍​സാ​മ്മ ദൈ​വ​ത്തോ​ട് ചേര്‍​ന്നു സ​ക​ല​രെ​യും പ്ര​ത്യേ​കി​ച്ച് കു​ടും​ബാം​ഗ​ങ്ങ​ളെ​യും സ്‌​നേ​ഹി​ച്ച വ്യ​ക്തി​യാ​ണ്. പ​ര​സ്പ​രം അ​ക​ന്നു​ക​ഴി​യു​ന്ന ധാ​രാ​ളം കു​ടും​ബ​ങ്ങ​ള്‍ അ​ല്‍​ഫോ​ന്‍​സാ​മ്മ​യു​ടെ പ​ക്ക​ലെ​ത്തി സ​മാ​ധാ​ന​ത്തി​ലും സ​ന്തോ​ഷ​ത്തി​ലും ജീ​വി​ക്കു​ന്നു​ണ്ട്. നി​രാ​ശാ​ജ​ന​ക​മാ​യ സാ​ഹ​ച​ര്യ​ങ്ങ​ളി​ലൂ​ടെ ക​ട​ന്നു​പോ​കേ​ണ്ടി വ​ന്ന​പ്പോ​ഴും അ​ല്‍​ഫോ​ന്‍​സ നി​രാ​ശ​പ്പെ​ട്ടി​ല്ല, ദൈ​വ​ത്തെ ത​ള്ളി​പ്പ​റ​ഞ്ഞി​ല്ല.

കു​ടും​ബ​ങ്ങ​ളി​ലേ​ക്ക് അ​ല്‍​ഫോ​ന്‍​സാ​മ്മ ക​യ​റി​യ​ത് കു​ട്ടി​ക​ളി​ലൂ​ടെ​യാ​ണ്. കു​ഞ്ഞു​ങ്ങ​ളെ ചെ​റി​യ സു​കൃ​ത​ജ​പ​ങ്ങ​ള്‍ ഏ​റ്റു​ചൊ​ല്ലാ​ന്‍ അ​മ്മ പ​ഠി​പ്പി​ച്ചി​രു​ന്നു. കു​ഞ്ഞു​ങ്ങ​ള്‍ ഈ ​സു​കൃ​ത​ജ​പ​ങ്ങ​ള്‍ അ​വ​രു​ടെ കു​ടും​ബ​ത്തി​ന്‍റെ മു​ഴു​വ​ന്‍ പ്രാ​ര്‍​ഥ​ന​യാ​ക്കി മാ​റ്റി​യി​രു​ന്നു. അ​ല്‍​ഫോ​ന്‍​സാ​മ്മ ജീ​വി​ച്ച മു​ട്ട​ത്തു​പാ​ട​ത്തും മു​രി​ക്ക​ന്‍ കു​ടും​ബ​ത്തി​ലും ക്രി​സ്തീ​യ​ജീ​വി​തം പാ​ലി​ക്കു​ന്ന​തി​ല്‍ അ​വ​ര്‍ പു​ല​ര്‍​ത്തി​യി​രു​ന്ന നി​ഷ്ഠ അ​ല്‍​ഫോ​ന്‍​സ​യെ ഏ​റെ സ്വാ​ധീ​നി​ച്ചു. വി​ശു​ദ്ധ ഫ്രാ​ന്‍​സി​സ് അ​സീ​സി​യെ​പ്പോലെ അ​ല്‍​ഫോ​ന്‍​സാ​മ്മ വാ​ക്കു​ക​ള്‍​കൊ​ണ്ടു സ​മ​കാ​ലീ​ന​രെ ബോ​ധ്യ​പ്പെ​ടു​ത്തു​ക അ​ല്ലാ​യി​രു​ന്നു മ​റി​ച്ച്, ജീ​വി​തം​കൊ​ണ്ട് ബോ​ധ്യ​പ്പെ​ടു​ത്തു​ക​യാ​യി​രു​ന്നു.


ആ​രെ​യും കു​റ്റ​പ്പെ​ടു​ത്താ​ന്‍ അ​മ്മ ത​യാ​റ​ല്ലാ​യി​രു​ന്നു. ആ​രെ​ങ്കി​ലും കു​റ്റം ചെ​യ്താ​ല്‍ അ​വ​ര്‍​ക്കു​വേ​ണ്ടി പ​രി​ഹാ​രം ചെ​യ്യു​വാ​നും അ​വ​രെ ന്യാ​യീ​ക​രി​ക്കു​വാ​നും അ​ല്‍​ഫോ​ന്‍​സ മു​ന്‍​കൈ​യെ​ടു​ത്തി​രു​ന്നു. വാ​ക്കു​ക​ളു​ടെ ദു​രു​പ​യോ​ഗ​മാ​ണ് പ​ല​പ്പോ​ഴും കുടും​ബ​ങ്ങ​ളി​ല്‍ പ്ര​ശ്‌​ന​ങ്ങ​ള്‍ സൃ​ഷ്ടി​ച്ചി​രു​ന്ന​ത്. അ​ല്‍​ഫോ​ന്‍​സാ​മ്മ​യു​ടെ പ​ക്ക​ല്‍ ന​മു​ക്ക് ന​മ്മു​ടെ കു​ടും​ബ​ങ്ങ​ളെ ഭ​ര​മേ​ല്‍​പ്പി​ക്കാം.
ഫാ. ​പി.​ജെ. അ​ഗ​സ്റ്റി​ന്‍