കുട്ടിക്കാനം: പാലാ സോഷ്യല് വെല്ഫെയര് സൊസൈറ്റിയുടെ ആഭിമുഖ്യത്തില് ജില്ലയില് രൂപീകൃതമായ കര്ഷക ഉത്പാദക കമ്പനികളുടെ ഡയറക്ടര് ബോര്ഡംഗങ്ങള്ക്കും ചീഫ് എക്സിക്യൂട്ടീവ് ഓഫീസര്മാര്ക്കുമായി നബാര്ഡിന്റെ സഹായത്തോടെ ഏകദിന പരിശീലന പരിപാടി സംഘടിപ്പിച്ചു.
പീരുമേട് ഡെവലപ്മെന്റ് സൊസൈറ്റി അസിസ്റ്റന്റ് ഡയറക്ടര് ഫാ. ബ്രിജേഷ് ടോം ഉദ്ഘാടനം ചെയ്തു. കുട്ടിക്കാനം മരിയന് കോളജ് സോഷ്യല് വര്ക്ക് വിഭാഗം മേധാവി അജേഷ് ജോസഫ്, നബാര്ഡ് ജില്ലാ മാനേജര് റെജി വര്ഗീസ്, പീരുമേട് ഡെവലപ്മെന്റ് സൊസൈറ്റി പ്രോഗ്രാം ഡയറക്ടര് ഡോ. സിബി ജോസഫ്, ഡാന്റീസ് കൂനാനിക്കല്, പി.വി. ജോര്ജ് പുരയിടം, ജോബിന് ജോസഫ് എന്നിവര് പ്രസംഗിച്ചു.