മാടപ്പള്ളി: ബൈക്കും കാറും കൂട്ടിയിടിച്ച് പത്രം ഏജന്റിനു ഗുരുതര പരിക്ക്. മാടപ്പള്ളി ഏലംകുന്ന് കൊല്ലമന കെ.സി. ബോബി (45)ക്കാണ് പരിക്കേറ്റത്.
കഴിഞ്ഞദിവസം വൈകുന്നേരം നടയ്ക്കപ്പാടം-ഏലംകുന്ന് റോഡില് പങ്കിപ്പുറത്തുവച്ചാണ് അപകടം. ബോബിയും മകളും സഞ്ചരിച്ച ബൈക്കില് എതിര്ദിശയില്നിന്നു വന്ന കാര് ഇടിച്ചശേഷം നിര്ത്താതെ പോകുകയായിരുന്നു.
ബോബിയെ സ്വകാര്യ ആശുപത്രിയില് പ്രവേശിപ്പിച്ചു. മകളുടെ കാലിനും പരിക്കുണ്ട്.