ക​ണ്ണൂ​ര്‍: കേ​ര​ള സം​സ്ഥാ​ന വ്യാ​പാ​രി വ്യ​വ​സാ​യി സ​മി​തി ജി​ല്ലാ ക​മ്മി​റ്റി​യു​ടെ നേ​തൃ​ത്വ​ത്തി​ല്‍ ലീ​ഡേ​ഴ്‌​സ് മീ​റ്റും വി​വി​ധ ധ​ന​സ​ഹാ​യ പ​ദ്ധ​തി​ക​ളു​ടെ വി​ത​ര​ണ​വും ന​ട​ത്തി. സം​സ്ഥാ​ന പ്ര​സി​ഡ​ന്‍റ് വി.​കെ.​സി. മ​മ്മ​ദ്‌​ കോ​യ ഉ​ദ്ഘാ​ട​നം ചെ​യ്തു. രാ​ജ്യ​ത്തെ നി​കു​തി​ഘ​ട​ന പൊ​ളി​ച്ചെ​ഴു​തി അ​വ​ശ്യ​വ​സ്തു​ക്ക​ളു​ടെ വി​ല​ക്ക​യ​റ്റം നി​യ​ന്ത്രി​ക്കു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ക്കാ​ൻ കേ​ന്ദ്ര​സ​ർ​ക്കാ​ർ ത​യാ​റാ​കണ​മെ​ന്ന് മ​മ്മ​ദ് കോ​യ പ​റ​ഞ്ഞു. ക​ച്ച​വ​ട​ക്കാ​ർ​ക്ക് ആ​ശ്വാ​സ​മാ​കു​ന്ന രീ​തി​യി​ൽ വാ​ട​ക നി​യ​ന്ത്ര​ണ നി​യ​മം ന​ട​പ്പി​ലാ​ക്കാ​നും അ​ന​ധി​കൃ​ത വ​ഴി​യോ​ര ക​ച്ച​വ​ടം നി​യ​ന്ത്രി​ക്കു​ന്ന​തി​നും സ​ർ​ക്കാ​ർ ത​യാ​റാ​ക​ണ​മെ​ന്നും അ​ദ്ദേ​ഹം പ​റ​ഞ്ഞു.

ജി​ല്ലാ പ്ര​സി​ഡ​ന്‍റ് പി. ​വി​ജ​യ​ന്‍ അ​ധ്യ​ക്ഷ​ത വ​ഹി​ച്ചു. പ​ത്തു​പേ​ര്‍​ക്ക് വ്യാ​പാ​രി മി​ത്ര മ​ര​ണാ​ന​ന്ത​ര സ​ഹാ​യ​മാ​യി 50 ല​ക്ഷം രൂ​പ ച​ട​ങ്ങി​ല്‍ വി​ത​ര​ണം ചെ​യ്തു. പ്ര​കൃ​തി ദു​ര​ന്തം മൂ​ല​മോ മ​റ്റോ അ​പ്ര​തീ​ക്ഷി​ത​മാ​യി വ്യാ​പാ​ര സ്ഥാ​പ​ന​ങ്ങ​ള്‍​ക്കോ, കെ​ട്ടി​ട​ങ്ങ​ള്‍​ക്കോ ഉ​ണ്ടാ​കു​ന്ന നാ​ശ​ന​ഷ്ട​ങ്ങ​ള്‍​ക്കി​ര​യാ​വു​ന്ന വ്യാ​പാ​രി​ക​ളെ സ​ഹാ​യി​ക്കാ​ന്‍ ആ​രം​ഭി​ക്കു​ന്ന വ്യാ​പാ​രി സാ​ന്ത്വ​ന ട്ര​സ്റ്റ് ഉ​ദ്ഘാ​ട​നം സം​സ്ഥാ​ന സെ​ക്ര​ട്ട​റി ഇ.​എ​സ്. ബി​ജു നി​ര്‍​വ​ഹി​ച്ചു.

കി​ഡ്നി മാ​റ്റി​വ​യ്ക്ക​ല്‍ ശ​സ്ത്ര​ക്രി​യ​ക്ക് വി​ധേ​യ​രാ​യ ര​ണ്ടു വ്യാ​പാ​രി മി​ത്ര അം​ഗ​ങ്ങ​ള്‍​ക്കു​ള്ള ര​ണ്ടുല​ക്ഷം രൂ​പ വീ​തം ചി​കി​ത്സാ​സ​ഹാ​യം സം​സ്ഥാ​ന ട്ര​ഷ​റ​ര്‍ വി. ​ഗോ​പി​നാ​ഥ​ന്‍ കൈ​മാ​റി. പി.​എം സു​ഗു​ണ​ന്‍, ഇ. ​സ​ജീ​വ​ന്‍, കെ. ​പ​ങ്ക​ജ​വ​ല്ലി, ശോ​ഭാ ബാ​ല​ന്‍, പി. ​പ്ര​സ​ന്ന​കു​മാ​ര്‍, എ.​ടി പ്ര​സാ​ദ് കു​മാ​ര്‍, പി.​കെ. ഗോ​പാ​ല​ന്‍ എ​ന്നി​വ​ർ പ്ര​സം​ഗി​ച്ചു.