ആ​ല​ക്കോ​ട്: വ​നാ​തി​ർ​ത്തി​യോ​ടു ചേ​ർ​ന്നു​ള്ള പ്ര​ദേ​ശ​ങ്ങ​ളി​ൽ വ്യാ​പ​ക കൃ​ഷി​നാ​ശം വി​ത​ച്ച് കാ​ട്ടാ​ന​ക്കൂ​ട്ട​ത്തി​ന്‍റെ വി​ള​യാ​ട്ടം. മൂ​രി​ക്ക​ട​വ്, മു​ട്ട​ത്താം​വ​യ​ൽ, അ​പ്പ​ർ​ചീ​ക്കാ​ട് പ്ര​ദേ​ശ​ങ്ങ​ളി​ലാ​ണ് കാ​ട്ടാ​ന​ക്കൂ​ട്ടം ക​ന​ത്ത നാ​ശം വി​ത​ച്ച​ത്. ക​ർ​ണാ​ട​ക വ​ന​ത്തി​ൽ നി​ന്നെ​ത്തി​യ കാ​ട്ടാ​ന​ക്കൂ​ട്ട​മാ​ണ് ജ​ന​വാ​സ മേ​ഖ​ല​യി​ൽ നാ​ശം വി​ത​ച്ച​ത്.

പ്ര​ദേ​ശ​ത്തെ നി​ര​വ​ധി ക​ർ​ഷ​ക​രു​ടെ തെ​ങ്ങ്, കവുങ്ങ്, വാ​ഴ തു​ട​ങ്ങി​യ കൃ​ഷി​ക​ൾ ന​ശി​പ്പി​ച്ചു. കാ​യ്‌​ഫ​ല​മു​ള്ള നി​ര​വ​ധി തെ​ങ്ങു​ക​ളും ക​വുങ്ങു​ക​ളും ചു​വ​ടോ​ടെ കു​ത്തി​മ​റി​ച്ചി​ട്ട നി​ല​യി​ലാ​ണ്. ജ​ന​വാ​സ മേ​ഖ​ല​യി​ലും കൃ​ഷി​യി​ട​ങ്ങ​ളി​ലും കാ​ട്ടാ​ന​ക്കൂ​ട്ടം ത​മ്പ​ടി​ച്ച് നി​ല്ക്കു​ന്ന​ത് പ്ര​ദേ​ശ​ത്തെ ജ​ന​ങ്ങ​ൾ​ക്ക് ഭീ​ഷ​ണി​യാ​യി.

വ​ന്യ​മൃ​ഗ​ശ​ല്യം ത​ട​യു​ന്ന​തി​നാ​യി ആ​വി​ഷ്ക​രി​ച്ച തൂ​ക്കു​വേ​ലി നി​ർ​മാ​ണം വ​ർ​ഷ​ങ്ങ​ൾ ക​ഴി​ഞ്ഞി​ട്ടും പൂ​ർ​ത്തി​യാ​ക​ത്ത​താ​ണ് കാ​ട്ടാ​ന കൂ​ട്ട​ത്തോ​ടെ ഇ​റ​ങ്ങു​ന്ന​തി​ന് കാ​ര​ണം. വേ​ലി നി​ർ​മാ​ണം പൂ​ർ​ത്തീ​ക​രി​ച്ച് കാ​ട്ടാ​ന ആ​ക്ര​മ​ണ​ത്തി​ൽ നി​ന്ന് സം​ര​ക്ഷി​ക്ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം.