ഇ​രി​ട്ടി: ആ​റ​ളം ഫാ​മി​ൽ കാ​ട്ടു​പ​ന്നി കു​റു​കെ ചാ​ടി​യ​തി​നെ തു​ട​ർ​ന്ന് ബൈ​ക്ക് നി​യ​ന്ത്ര​ണം വി​ട്ട് മ​റി​ഞ്ഞ് യാ​ത്രി​ക​രാ​യ അ​ച്ഛ​നും മ​ക​നും ഗു​രു​ത​ര​മാ​യി പ​രി​ക്കേ​റ്റു. ഫാ​മി​ലെ ടാ​പ്പിം​ഗ് തൊ​ഴി​ലാ​ളി പാ​ല​ര​ഞ്ഞാ​ലി​ലെ തെ​ക്കേ​ട​ത്ത് അ​ല​ക്സി​നും മ​ക​ൻ ജി​നു​വി​നു​മാ​ണ് പ​രി​ക്കേ​റ്റ​ത്. ഇ​ന്ന​ലെ രാ​വി​ലെ 6.30 ന് ​ആ​റ​ളം ഫാം ​ആ​റാം ബ്ലോ​ക്ക് ചെ​ക്ക്പോ​സ്റ്റി​ന് സ​മീ​പ​ത്താ​യി​രു​ന്നു അ​പ​ക​ടം.

അ​ല​ക്സി​നെ ടാ​പ്പിം​ഗ് ജോ​ലി​ക്കാ​യി കൊ​ണ്ടു​വ​ന്നു വി​ടാ​ൻ എ​ത്തി​യ​താ​യി​രു​ന്നു ജി​നു. പ​ന്നി ബൈ​ക്കി​ന് മു​ന്നി​ൽ ചാ​ടി​യ​തോ​ടെ നി​യ​ന്ത്ര​ണം ന​ഷ്ട​പെ​ട്ട മ​റി​ഞ്ഞ ബൈ​ക്കി​ൽ നി​ന്നും ര​ണ്ടു​പേ​രും റോ​ഡി​ലേ​ക്ക് തെ​റി​ച്ചു വീ​ഴു​ക​യാ​യി​രു​ന്നു . അ​പ​ക​ട​ത്തി​ൽ ജി​നു​വി​ന്‍റെ ത​ല​യ്ക്കാ​ണ് ഗു​രു​ത​ര​മാ​യി പ​രി​ക്കു​പ​റ്റി​യ​ത് . ഉ​ട​ൻ​ ഇ​രു​വ​രെ​യും ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​രു​വ​രും തീ​വ്ര പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലാ​ണ്.

ആ​റ​ളം ഫാ​മി​ലൂടെ
പട്ടാപ്പകലും ഭീതിയാത്ര

കാ​ട്ടാ​ന​യു​ൾ​പ്പെ​ടെയു​ള്ള വ​ന്യ​മൃ​ഗങ്ങളുടെ ​ഭീ​തികാ​ര​ണം ആ​റ​ളം ഫാ​മി​ലൂ​ടെ​യു​ള്ള യാ​ത്ര ആ​ളു​ക​ളെ ഭ​യ​പ്പെ​ടു​ത്തു​ന്നു. നേ​ര​ത്തെ വൈ​കു​ന്നേ​ര​മാ​യാ​ൽ മാ​ത്ര​മേ കാ​ട്ടു​മൃ​ഗ​ശ​ല്യം ഉ​ണ്ടാ​കാ​റു​ള്ളൂ​വെ​ങ്കി​ൽ ഇ​പ്പോ​ൾ പ​ട്ടാ​പ്പ​ക​ലും ഫാ​മി​ലെ റോ​ഡു​ക​ളി​ൽ വ​ന്യ​മൃ​ഗ​ശ​ല്യം രൂ​ക്ഷ​മാ​ണ്. പേ​രാ​വൂ​ർ.

കേ​ള​കം ഭാ​ഗ​ത്തു​നി​ന്ന് എ​ളു​പ്പ​ത്തി​ൽ കീ​ഴ്പ​ള്ളി ഭാ​ഗ​ത്തേ​ക്ക് എ​ത്താ​ൻ ക​ഴി​യു​ന്ന വ​ഴിയാ​യ​തു​കൊ​ണ്ട് നി​ര​വ​ധി പേ​രാ​ണ് ഫാ​മി​ലൂ​ടെ പ​ക​ലും രാ​ത്രി​യി​ലും വ​ന്യ​മൃ​ഗ​ഭീ​തി​യി​ൽ യാ​ത്ര ചെ​യ്യേ​ണ്ടി വ​രു​ന്ന​ത്. കൂ​ടാ​തെ പു​ന​ര​ധി​വാ​സ മേ​ഖ​ല​യി​ലെ 1500 ൽ ​അ​ധി​കം വ​രു​ന്ന കു​ടും​ബ​ങ്ങ​ളും ഇ​തു​വ​ഴി സ​ഞ്ച​രി​ക്കു​ന്ന​ത് ജീ​വ​ൻ പ​ണ​യം​വച്ചാ​ണ്. രാ​ത്രി​ വൈ​കി ആ​ശു​പ​ത്രി​യി​ൽ നി​ന്നും ജോ​ലി സ്ഥ​ല​ത്തു​നി​ന്നും തി​രി​ച്ചെ​ത്തു​ന്ന പു​രു​ഷ​ന്മാ​രും സ്ത്രീ​ക​ളും കു​ട്ടി​ക​ളും അ​ട​ങ്ങു​ന്ന പു​ന​ര​ധി​വാ​സ മേ​ഖ​ല​യി​ലെ താ​മ​സ​ക്കാ​രെ വീ​ടു​ക​ളി​ൽ എ​ത്തി​ക്കു​ന്ന​ത് വ​നം വ​കു​പ്പും ആ​ർആ​ർ ടി​യും ചേ​ർ​ന്നാ​ണ് .

ര​ണ്ടു ദി​വ​സം മു​ന്പ് ഇ​രി​ട്ടി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ​ട​ക്ക​മു​ള്ള​വ​ർ കാ​ട്ടാ​ന​യി​ൽ നി​ന്ന് ര​ക്ഷ​പ്പെ​ട്ട​ത് ത​ല​നാ​രി​ഴ​യ​്ക്കാ​ണ്. ഇ​വ​രെ ആ​ർആ​ർടി ​സം​ഘ​മെ​ത്തി​യാ​ണ് സു​ര​ക്ഷി​ത​മാ​യി വെ​ളി​യി​ൽ എ​ത്തി​ച്ച​ത്.

ആ​റു​മാ​സ​ം മുന്പ് ആ​ന ആ​ക്ര​മി​ച്ച് പ​രി​ക്കേ​ൽ​പ്പി​ച്ച​ ബ്ലോ​ക്ക് 12 ലെ ​വി​ഷ്ണു എ​ന്ന യു​വാ​വ് ഇ​ന്നും ചി​കി​ത്സ​യി​ലാ​ണ്. ഇ​ഴ​ഞ്ഞു നീ​ങ്ങു​ന്ന ആ​ന​മ​തി​ൽ നി​ർ​മാ​ണം വേ​ഗ​ത്തി​ലാ​ക്കി ഫാ​മി​ൽ ത​മ്പ​ടി​ച്ച വ​ന്യ​മൃ​ഗ​ങ്ങ​ളെ വ​ന​ത്തി​ലേ​ക്ക് തു​ര​ത്തി ജ​ന​ങ്ങ​ളു​ടെ ജീ​വ​ന് സു​ര​ക്ഷാ ഒ​രു​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം .