മു​മ്പ് വ​ന്യ​മൃ​ഗ​ങ്ങ​ള്‍ മ​ല​യോ​ര​ത്തെ കൃ​ഷി​യി​ട​ങ്ങ​ളി​ല്‍ നാ​ശം വി​ത​യ്ക്കു​ക​യാ​യി​രു​ന്നു പ​തി​വെ​ങ്കി​ല്‍ ഇ​പ്പോ​ഴ​ത് ജ​ന​ങ്ങ​ളു​ടെ ജീ​വ​നു​ത​ന്നെ ഭീ​ഷ​ണി​യാ​കു​ന്ന രീ​തി​യി​ല്‍ പ​ട്ടാ​പ്പ​ക​ല്‍ പോ​ലും ജ​ന​വാ​സ​കേ​ന്ദ്ര​ങ്ങ​ളി​ല്‍ സ്വൈ​ര​വി​ഹാ​രം ന​ട​ത്തു​ന്നു. ആ​ന​യും കാ​ട്ടു​പ​ന്നി​യും കാ​ട്ടു​പോ​ത്തു​മൊ​ക്കെ​യാ​ണ് ഭീ​ഷ​ണി പ​ര​ത്തി​യതെങ്കി​ല്‍ ഈ ​വ​ര്‍​ഷം ആ ​പ​ട്ടി​ക​യി​ലേ​ക്ക് പു​ലി​യു​മെ​ത്തി. പ​ന​ത്ത​ടി​യി​ലും മു​ളി​യാ​റി​ലു​മൊ​ക്കെ പു​ലി​ക​ള്‍ കൂ​ട്ട​ത്തോ​ടെ​യി​റ​ങ്ങി​യ​തോ​ടെ പേ​ടി​ച്ചു​വി​റ​ച്ചാ​ണ് പ്ര​ദേ​ശ​വാ​സി​ക​ള്‍ ക​ഴി​യു​ന്ന​ത്. വ​ന​മേ​ഖ​ല​യി​ല്ലാ​ത്ത മ​ടി​ക്കൈ​യി​ല്‍ പോ​ലും പു​ലി​യു​ടെ സാ​ന്നി​ധ്യ​മു​ണ്ട്. ന​ട​പ​ടി​യെ​ടു​ക്കാ​ന്‍ ഉ​ത്ത​ര​വാ​ദി​ത്ത​പ്പെ​ട്ട വ​നം​വ​കു​പ്പാ​ണെ​ങ്കി​ല്‍ കൈ​യും​കെ​ട്ടി നോ​ക്കി​നി​ല്‍​ക്കു​ക​യാ​ണ് ചെ​യ്യു​ന്ന​ത്.

ഞെട്ടലായി
വെടിക്കെട്ടപകടം

നീ​ലേ​ശ്വ​ര​ത്തെ വെ​ടി​ക്കെ​ട്ട​പ​ക​ട​ത്തി​ല്‍ ആ​റു​പേ​ര്‍ ദാ​രു​ണ​മാ​യി മ​രി​ച്ച​ത് ജി​ല്ല ഞെ​ട്ട​ലോ​ടെ​യാ​ണ് കേ​ട്ട​ത്. സം​ഘാ​ട​ക​രു​ടെ കു​റ്റ​ക​ര​മാ​യ അ​നാ​സ്ഥ മൂ​ല​മു​ണ്ടാ​യ അ​പ​ക​ട​ത്തി​ല്‍ 154 പേ​ര്‍​ക്കാ​ണ് പൊ​ള്ള​ലേ​റ്റ​ത്. രാ​ജ​പു​ര​ത്ത് ക​ല്യാ​ണ​ത്തി​ല്‍ പ​ങ്കെ​ടു​ത്ത് മ​ട​ങ്ങ​വെ കോ​ട്ട​യം സ്വ​ദേ​ശി​ക​ളാ​യ മൂ​ന്നു വീ​ട്ട​മ്മ​മാ​ര്‍ കാ​ഞ്ഞ​ങ്ങാ​ട് റെ​യി​ല്‍​വേ സ്റ്റേ​ഷ​നി​ല്‍ ട്രെ​യി​ന്‍ ത​ട്ടി​മ​രി​ച്ച​തും നൊ​മ്പ​ര​മാ​യി. കു​വൈ​റ്റി​ല്‍ കെ​ട്ടി​ട​ത്തി​ന് തീ​പി​ടി​ച്ച് മ​രി​ച്ച​തി​ലും ര​ണ്ടു കാ​സ​ര്‍​ഗോ​ട്ടു​കാ​രു​ണ്ടാ​യി​രു​ന്നു. അ​മി​ത​വേ​ഗ​ത​യും അ​ശ്ര​ദ്ധ​മാ​യ ഡ്രൈ​വിം​ഗും റോ​ഡു​ക​ളു​ടെ ശോ​ച​നീ​യാ​വ​സ്ഥ​യും മൂ​ലം ഇ​ത്ത​വ​ണ റോ​ഡ​പ​ക​ട​ങ്ങ​ളി​ല്‍ മ​രി​ച്ച​ത് 160ഓ​ളം പേ​രാ​ണ്. അ​വ​ധി​ക്കാ​ല​ത്ത് പു​ഴ​യി​ലും വെ​ള്ള​ക്കെ​ട്ടി​ലും മു​ങ്ങി​മ​രി​ക്കു​ന്ന​തും കു​ട്ടി​ക​ളു​ടെ എ​ണ്ണ​വും ഈ ​വ​ര്‍​ഷം വ​ര്‍​ധി​ച്ചു.

വീ​ണ്ടും ഉ​ണ്ണി​ത്താ​ന്‍

ലോ​ക്‌​സ​ഭ തെ​ര​ഞ്ഞെ​ടു​പ്പി​ല്‍ ത​ന്‍റെ ഭൂ​രി​പ​ക്ഷം ഒ​രു​ല​ക്ഷം ക​ട​ത്തി അ​ത്യു​ഗ്ര​ന്‍ ജ​യം ക​ര​സ്ഥ​മാ​ക്കി രാ​ജ്‌​മോ​ഹ​ന്‍ ഉ​ണ്ണി​ത്താ​ന്‍. എ​കെ​ജി​യ്ക്കും പി. ​ക​രു​ണാ​ക​ര​നും മാ​ത്ര​മാ​ണ് ഇ​തി​നു മു​മ്പ് ഭൂ​രി​പ​ക്ഷം ഒ​രു​ല​ക്ഷം ക​ട​ത്താ​ന്‍ ക​ഴി​ഞ്ഞ​ത്. തു​ട​ര്‍​ച്ച​യാ​യി ര​ണ്ടു​വ​ട്ടം ജ​യി​ക്കു​ന്ന കോ​ണ്‍​ഗ്ര​സ് സ്ഥാ​നാ​ര്‍​ഥി​യെ​ന്ന രാ​മ​ച​ന്ദ്ര​ന്‍ ക​ട​ന്ന​പ്പ​ള്ളി​യു​ടെ റി​ക്കാ​ര്‍​ഡി​നൊ​പ്പ​മെ​ത്താ​നും ഉ​ണ്ണി​ത്താ​ന് ക​ഴി​ഞ്ഞു. സി​പി​എം ശ​ക്തി​കേ​ന്ദ്ര​ങ്ങ​ളി​ലെ വോ​ട്ടു​ക​ള്‍ വ​ലി​യ​തോ​തി​ല്‍ ബി​ജെ​പി​യി​ലേ​ക്ക് പോ​കു​ന്ന പ്ര​തി​ഭാ​സ​ത്തി​നും ഇ​താ​ദ്യ​മാ​യി ഈ ​തെ​ര​ഞ്ഞെ​ടു​പ്പ് സാ​ക്ഷ്യം വ​ഹി​ച്ചു.

വി​വാ​ദ​ങ്ങ​ള്‍,
സാ​മ്പ​ത്തി​ക
ത​ട്ടി​പ്പു​ക​ള്‍

ക​ല്യോ​ട്ട് ഇ​ര​ട്ട​ക്കൊ​ല​പാ​ത​ക കേ​സി​ല്‍ മു​ന്‍ എം​എ​ല്‍​എ കെ.​വി.​കു​ഞ്ഞി​രാ​മ​ന്‍ അ​ട​ക്കം 14 പ്ര​തി​ക​ള്‍ കു​റ്റ​ക്കാ​രാ​ണെ​ന്ന് സി​ബി​ഐ കോ​ട​തി ക​ണ്ടെ​ത്തി​യ കേ​സ് അ​തി​ന്‍റെ തു​ട​ക്കം മു​ത​ല്‍ ത​ന്നെ അ​ട്ടി​മ​റി​ക്കാ​ന്‍ ശ്ര​മി​ച്ച പി​ണ​റാ​യി സ​ര്‍​ക്കാ​രി​നു​ള്ള തി​രി​ച്ച​ടി​യാ​യി. കേ​സി​ലെ പ്ര​തി​യു​ടെ മ​ക​ന്‍റെ വി​വാ​ഹ​സ​ത്കാ​ര​ച​ട​ങ്ങി​ല്‍ പ​ങ്കെ​ടു​ത്ത പെ​രി​യ​യി​ലെ നാ​ലു കോ​ണ്‍​ഗ്ര​സ് നേ​താ​ക്ക​ളെ പാ​ര്‍​ട്ടി​യി​ല്‍​നി​ന്നും പു​റ​ത്താ​ക്കി​യ​തും ഏ​റെ വാ​ര്‍​ത്താ​പ്രാ​ധാ​ന്യം നേ​ടി. റി​യാ​സ് മൗ​ല​വി വ​ധ​ക്കേ​സി​ലും മ​ഞ്ചേ​ശ്വ​രം തെ​ര​ഞ്ഞെ​ടു​പ്പ് കോ​ഴ​ക്കേ​സി​ലും പ്ര​തി​ക​ള്‍ പോ​ലീ​സി​ന്‍റേ​യും പ്രോ​സി​ക്യൂ​ഷ​ന്‍റേ​യും നി​രു​ത്ത​ര​വാ​ദ​പ​ര​മാ​യ സ​മീ​പ​നം കൊ​ണ്ട് ര​ക്ഷ​പെ​ട്ട​പ്പോ​ള്‍ ന​ട​ന്ന​ത് സി​പി​എം-​ആ​ര്‍​എ​സ്എ​സ് ഡീ​ല്‍ ആ​ണെ​ന്ന ശ​ക്ത​മാ​യ ആ​രോ​പ​ണ​വു​മാ​യി കോ​ണ്‍​ഗ്ര​സ് രം​ഗ​ത്തെ​ത്തി.

മു​ന്‍ ഡി​വൈ​എ​ഫ്‌​ഐ നേ​താ​വും അ​ധ്യാ​പി​ക​യു​മാ​യ സ​ചി​ത റൈ ​കേ​ന്ദ്ര​സ​ര്‍​ക്കാ​ര്‍ സ്ഥാ​പ​ന​ങ്ങ​ളി​ല്‍ ജോ​ലി വാ​ഗ്ദാ​നം ചെ​യ്ത് 20 പേ​രി​ല്‍ നി​ന്നാ​യി 15 കോ​ടി​യോ​ളം രൂ​പ ത​ട്ടി​യെ​ടു​ത്ത സം​ഭ​വം വി​വാ​ദ​മാ​യി. കാ​റ​ഡു​ക്ക അ​ഗ്രി​ക​ള്‍​ച്ച​ര്‍ വെ​ല്‍​ഫ​യ​ര്‍ കോ​ഓ​പ്പ​റേ​റ്റീ​വ് സൊ​സൈ​റ്റി​യി​ല്‍ സെ​ക്ര​ട്ട​റി​യും പാ​ര്‍​ട്ടി ലോ​ക്ക​ല്‍ ക​മ്മി​റ്റി​യം​ഗ​വു​മാ​യ കെ.​ര​തീ​ശ​ന്‍ 4.75 കോ​ടി രൂ​പ ത​ട്ടി​യെ​ടു​ത്ത സം​ഭ​വം സി​പി​എ​മ്മി​നെ പ്ര​തി​ക്കൂ​ട്ടി​ലാ​ക്കി. മ​ധൂ​ര്‍ പ​ഞ്ചാ​യ​ത്തി​ല്‍ വോ​ട്ട​ര്‍​പ​ട്ടി​ക​യു​ടെ ഫോ​ട്ടോ​സ്റ്റാ​റ്റ് എ​ടു​ത്ത​വ​ക​യി​ല്‍ ല​ക്ഷ​ങ്ങ​ള്‍ ത​ട്ടി​യെ​ടു​ത്ത സം​ഭ​വം ബി​ജെ​പി​യി​ല്‍ കോ​ളി​ള​ക്ക​മു​ണ്ടാ​ക്കി. ബേ​ഡ​കം എ​സ്‌​ഐ കെ.​വി​ജ​യ​ന്‍റെ ആ​ത്മ​ഹ​ത്യ​യും ഏ​റെ വി​വാ​ദ​മാ​യി​രു​ന്നു. ലോ​ക്‌​സ​ഭ തെ​ര​ഞ്ഞെ​ടു​പ്പ് വേ​ള​യി​ല്‍ യൂ​ത്ത് കോ​ണ്‍​ഗ്ര​സ് നേ​താ​വി​നെ​തി​രെ ന​ല്‍​കി​യ വ്യാ​ജ​പ​രാ​തി​യി​ല്‍ കേ​സെ​ടു​ക്കാ​ന്‍ ത​യാ​റാ​കാ​ത്ത​തി​നെ​തു​ട​ര്‍​ന്നു​ണ്ടാ​യ സ​മ്മ​ര്‍​ദ്ദ​മാ​ണ് എ​സ്‌​ഐ​യു​ടെ ജീ​വ​നൊ​ടു​ക്കാ​ന്‍ കാ​ര​ണ​മെ​ന്ന ആ​രോ​പ​ണം ശ​ക്ത​മാ​യി​രു​ന്നു.

പോ​ലീ​സി​ന് ബി​ഗ് സ​ല്യൂ​ട്ട്

പ​ള്ളി​ക്ക​ര ഗ​ഫൂ​ര്‍ ഹാ​ജി വ​ധ​ക്കേ​സ്, കാ​ഞ്ഞ​ങ്ങാ​ട് വീ​ടി​നു​ള്ളി​ല്‍ ഉ​റ​ങ്ങി​ക്കി​ട​ന്ന പ​ത്തു​വ​യ​സു​കാ​രി​യെ ത​ട്ടി​ക്കൊ​ണ്ടു​പോ​യി പീ​ഡ​നം, ഉ​പ്പ​ള​യി​ലെ 50 ല​ക്ഷ​ത്തി​ന്‍റെ എ​ടി​എം ക​വ​ര്‍​ച്ച, അ​മ്പ​ല​ത്ത​റ​യി​ലെ വീ​ട്ടി​ല്‍ കോ​ടി​ക​ളു​ടെ ക​ള്ള​നോ​ട്ട് പി​ടി​കൂ​ടി​യ സം​ഭ​വം തു​ട​ങ്ങി​യ പ്ര​മാ​ദ​മാ​യ എ​ല്ലാ കേ​സു​ക​ളി​ലും കാ​ല​താ​മ​സം കൂ​ടാ​തെ പ്ര​തി​ക​ളെ പി​ടി​കൂ​ടാ​ന്‍ ക​ഴി​ഞ്ഞ​ത് പോ​ലീ​സി​ന് ഏ​റെ അ​ഭി​മാ​ന​ക​ര​മാ​യ നേ​ട്ട​മാ​യി.

മ​ല​യോ​ര​ത്തി​ന്‍റെ
മ​ന​സു​നി​റ​ച്ച്
ദി​വ്യ​കാ​രു​ണ്യ
വ​ര്‍​ഷം

‌മ​ല​ബാ​റി​ന്‍റെ കു​ടി​യേ​റ്റ​മേ​ഖ​ല​യി​ല്‍ വി​ശ്വാ​സ​ത്തി​ന്‍റെ വേ​രു​ക​ള്‍ എ​ത്ര​ത്തോ​ളം ആ​ഴ​ത്തി​ലാ​ണ് പ​തി​ഞ്ഞി​ട്ടു​ള്ള​തെ​ന്ന് ഒ​രി​ക്ക​ല്‍​കൂ​ടി ബോ​ധ്യ​പ്പെ​ടു​ത്തു​ന്ന​താ​യി​രു​ന്നു തോ​മാ​പു​ര​ത്തു ന​ട​ന്ന ത​ല​ശേ​രി അ​തി​രൂ​പ​ത​യു​ടെ പ്ര​ഥ​മ ദി​വ്യ​കാ​രു​ണ്യ കോ​ണ്‍​ഗ്ര​സി​ന്‍റെ സം​ഘാ​ട​ന​വും ജ​ന​പ​ങ്കാ​ളി​ത്ത​വും. 1964 ല്‍ ​മും​ബൈ​യി​ല്‍ ന​ട​ന്ന ദി​വ്യ​കാ​രു​ണ്യ കോ​ണ്‍​ഗ്ര​സി​നു ശേ​ഷം സീ​റോ മ​ല​ബാ​ര്‍ സ​ഭ​യ്ക്കു കീ​ഴി​ല്‍ ഇ​ത്ര​യും വി​പു​ല​മാ​യ രീ​തി​യി​ല്‍ ദി​വ്യ​കാ​രു​ണ്യ കോ​ണ്‍​ഗ്ര​സ് സം​ഘ​ടി​പ്പി​ച്ച​ത് ആ​ദ്യ​മാ​യി​ട്ടാ​ണ്. അ​തി​നു വേ​ദി​യാ​കാ​ന്‍ അ​തി​രൂ​പ​ത​യു​ടെ പ​രി​ധി​യി​ല്‍ താ​ര​ത​മ്യേ​ന വ​ലി​യ ന​ഗ​ര​ങ്ങ​ളു​ണ്ടാ​യി​ട്ടും തോ​മാ​പു​ര​ത്തെ തെ​ര​ഞ്ഞെ​ടു​ത്ത​ത് കു​ടി​യേ​റ്റ ജ​ന​ത​യ്ക്കു​ള്ള അം​ഗീ​കാ​ര​മാ​യി​രു​ന്നു. സം​ഘാ​ട​ക​രു​ടെ പ്ര​തീ​ക്ഷ​ക​ളെ ക​വ​ച്ചു​വ​യ്ക്കു​ന്ന ത​ര​ത്തി​ല്‍ ആ​ദ്യ​ദി​നം മു​ത​ല്‍ ഒ​ഴു​കി​യെ​ത്തി​യ ജ​ന​സ​ഞ്ച​യം ആ ​വി​ശ്വാ​സ​ത്തി​ന് അ​ടി​വ​ര​യി​ടു​ക​യാ​യി​രു​ന്നു.

അ​ഭി​മാ​ന​ നേ​ട്ട​ങ്ങ​ള്‍

കാ​സ​ര്‍​ഗോ​ഡ് ജി​ല്ല​യു​ടെ ആ​ദ്യ പ​ത്മ​ശ്രീ ജേ​താ​വാ​യി ബെ​ള്ളൂ​രി​ലെ നെ​ല്‍​ക്ക​ര്‍​ഷ​ക​ന്‍ സ​ത്യ​നാ​രാ​യ​ണ ബ​ലേ​രി മാ​റി. 650ലേ​റെ നാ​ട​ന്‍ നെ​ല്‍​വി​ത്തു​ക​ളു​ടെ സം​ര​ക്ഷ​ക​നാ​ണ് സ​ത്യ​നാ​രാ​യ​ണ.
ക​ര്‍​ണാ​ട​ക ഷി​രൂ​രി​ലെ മ​ണ്ണി​ടി​ച്ചി​ലി​ല്‍​പെ​ട്ട ലോ​റി ഡ്രൈ​വ​ര്‍ അ​ര്‍​ജു​ന്‍റെ ര​ക്ഷാ​പ്ര​വ​ര്‍​ത്ത​ന​ത്തി​ന് മു​ന്‍​നി​ര​യി​ല്‍ നി​ന്നു പ്ര​വ​ര്‍​ത്തി​ച്ച മ​ഞ്ചേ​ശ്വ​രം എം​എ​ല്‍​എ എ.​കെ.​എം. അ​ഷ്‌​റ​ഫി​ന്‍റെ പ്ര​വ​ര്‍​ത്ത​നം പ​ര​ക്കെ അം​ഗീ​കാ​രം നേ​ടി. ക​ന്ന​ഡ ന​ന്നാ​യി അ​റി​യാ​വു​ന്ന അ​ഷ്‌​റ​ഫ് ആ​യി​രു​ന്നു കേ​ര​ള​വും ക​ര്‍​ണാ​ട​ക​വും ത​മ്മി​ലു​ള്ള പാ​ല​മാ​യി പ്ര​വ​ര്‍​ത്തി​ച്ച​ത്.

സം​സ്ഥാ​ന സീ​നി​യ​ര്‍ വ​നി​ത ഫു​ട്‌​ബോ​ള്‍ ചാ​മ്പ്യ​ന്‍​ഷി​പ്പി​ല്‍ ആ​ദ്യ​മാ​യി കി​രീ​ടം ചൂ​ടി​യ കാ​സ​ര്‍​ഗോ​ഡി​ന്‍റെ പെ​ണ്‍​പ​ട ജി​ല്ല​യു​ടെ കാ​യി​ക​മേ​ഖ​ല​യ്ക്കു ത​ന്നെ പു​തി​യൊ​രു നാ​ഴി​ക​ക്ക​ല്ലാ​ണ് തീ​ര്‍​ത്ത​ത്. സി​വി​ല്‍ സ​ര്‍​വീ​സ് പ​രീ​ക്ഷ​യി​ല്‍ 714-ാം റാ​ങ്ക് നേ​ടി​യ ഉ​ദു​മ സ്വ​ദേ​ശി രാ​ഹു​ല്‍ രാ​ഘ​വ​ന്‍, 791-ാം റാ​ങ്ക് നേ​ടി​യ ഒ​ട​യം​ചാ​ല്‍ സ്വ​ദേ​ശി​നി അ​നു​ഷ ആ​ര്‍. ച​ന്ദ്ര​ന്‍ എ​ന്നി​വ​രു​ടെ നേ​ട്ടം ജി​ല്ല​യ്ക്ക് അ​ഭി​മാ​ന​മാ​യി.സം​സ്ഥാ​ന സ്‌​കൂ​ള്‍ കാ​യി​ക​മേ​ള​യി​ല്‍ ആ​റു സ്വ​ര്‍​ണ​വും ര​ണ്ടു​വീ​തം വെ​ള്ളി​യും വെ​ങ്ക​ല​വും നേ​ടി​യ കാ​സ​ര്‍​ഗോ​ഡ് അ​ത്‌​ല​റ്റി​ക്‌​സ് വി​ഭാ​ഗ​ത്തി​ല്‍ ഏ​ഴാം​സ്ഥാ​നം നേ​ടി. സ്‌​കൂ​ളു​ക​ളി​ല്‍ നാ​ലാം​സ്ഥാ​നം നേ​ടി​യ കു​ട്ട​മ​ത്ത് ജി​എ​ച്ച്എ​സ്എ​സി​ന്‍റെ പ്ര​ക​ട​ന​വും എ​ടു​ത്തു​പ​റ​യേ​ണ്ട​താ​ണ്.

എ​ആ​ര്‍​എം എ​ന്ന സി​നി​മ നൂ​റു​കോ​ടി ക്ല​ബി​ല്‍ പ്ര​വേ​ശി​ച്ച​പ്പോ​ള്‍ അ​തു കാ​സ​ര്‍​ഗോ​ഡി​നും അ​ഭി​മാ​ന​നേ​ട്ട​മാ​യി. തു​ളു​നാ​ട​ന്‍ മി​ത്ത് അ​ടി​സ്ഥാ​ന​മാ​ക്കി​യു​ള്ള ചി​ത്ര​ത്തി​ന് തി​ര​ക്ക​ഥ​യൊ​രു​ക്കി​യ​ത് നീ​ലേ​ശ്വ​രം സ്വ​ദേ​ശി സു​ജി​ത് ന​മ്പ്യാ​ര്‍ ആ​ണ്. കൊ​ന്ന​ക്കാ​ട് സ്വ​ദേ​ശി​നി ആ​ദി​ത്യ ബേ​ബി ആ​ദ്യ​മാ​യി സം​വി​ധാ​നം ചെ​യ്ത കാ​മ​ദേ​വ​ന്‍ ന​ക്ഷ​ത്രം ക​ണ്ടു എ​ന്ന സി​നി​മ കേ​ര​ള രാ​ജ്യാ​ന്ത​ര​ച​ല​ച്ചി​ത്ര​മേ​ള​യി​ലെ മ​ല​യാ​ള​സി​നി​മ ഇ​ന്ന് എ​ന്ന വി​ഭാ​ഗ​ത്തി​ല്‍ പ്ര​ദ​ര്‍​ശി​പ്പി​ക്ക​പ്പെ​ട്ട​ത് മ​ല​യോ​ര​ത്തി​ന് ഏ​റെ അ​ഭി​മാ​ന​മാ​യി. അ​ണ്ട​ര്‍-23 ഇ​ന്ത്യ​ന്‍ ഫു​ട്‌​ബോ​ള്‍ ടീ​മി​ല്‍ പ​ന​യാ​ല്‍ കു​ന്നൂ​ച്ചി സ്വ​ദേ​ശി പി.​വി.​വി​ഷ്ണു ഇ​ടം​നേ​ടി.

വേ​ര്‍​പാ​ടു​ക​ള്‍

കേ​ര​ള​ത്തി​ലെ ആ​ദ്യ വ​നി​ത ആം​ബു​ല​ന്‍​സ് ഡ്രൈ​വ​റും ഹെ​വി ഡ്രൈ​വിം​ഗ് ലൈ​സ​ന്‍​സ് നേ​ടി​യ ആ​ദ്യ മ​ല​യാ​ളി വ​നി​ത​യു​മാ​യ സി​സ്റ്റ​ര്‍ ഫ്രാ​ന്‍​സി​സ് ഡി​എ​സ്എ​സ്, മു​ന്‍ എം​എ​ല്‍​എ​യും കെ​പി​സി​സി ജ​ന​റ​ല്‍ സെ​ക്ര​ട്ട​റി​യു​മാ​യ കെ.​പി.​കു​ഞ്ഞി​ക്ക​ണ്ണ​ന്‍, ഡി​സി​സി ജ​ന​റ​ല്‍ സെ​ക്ര​ട്ട​റി വി​നോ​ദ്കു​മാ​ര്‍ പ​ള്ള​യി​ല്‍​വീ​ട്, കേ​ര​ള കോ​ണ്‍​ഗ്ര​സ് സം​സ്ഥാ​ന സെ​ക്ര​ട്ട​റി ഏ​ബ്ര​ഹാം തോ​ണ​ക്ക​ര, മ​ല​വേ​ട്ടു​വ മ​ഹാ​സ​ഭ സ്ഥാ​പ​ക​ന്‍ എം. ​ഭാ​സ്‌​ക​ര​ന്‍ പ​ട്‌​ളം, വ​നി​ത ലീ​ഗ് സം​സ്ഥാ​ന ട്ര​ഷ​റ​ര്‍ പി.​പി.​ന​സീ​മ, ആ​രോ​ഗ്യ​വ​കു​പ്പ് ഉ​ദ്യോ​ഗ​സ്ഥ​നും ആ​ക്ടി​വി​സ്റ്റും സി​നി​മാ​പ്ര​വ​ര്‍​ത്ത​ക​നു​മാ​യി നി​സാം റാ​വു​ത്ത​ര്‍, സി​നി​മ-​നാ​ട​ക​ന​ട​ന്‍ ടി.​പി.​കു​ഞ്ഞി​ക്ക​ണ്ണ​ന്‍, സാ​ഹി​ത്യ​കാ​ര​ന്‍ പി.​കെ. ഗോ​പി, യു​വ സി​പി​എം നേ​താ​വ് പി.​വി. പ്ര​ശാ​ന്ത്കു​മാ​ര്‍ എ​ന്നി​വ​രു​ടെ വേ​ര്‍​പാ​ട് ജി​ല്ല​യ്ക്കു നൊ​മ്പ​ര​മാ​യി.