ചൂരൽപ്രയോഗവുമായി യൂത്ത് കോൺഗ്രസ്

ആമ്പല്ലൂർ: യൂത്ത് കോൺഗ്രസ് ചൊവ്വന്നൂർ മണ്ഡലം പ്രസിഡന്‍റ് സുജിത്തിനെ മർദിച്ച പോലീസ് സംഘത്തിലെ സീനിയർ സിപിഒ ശശീധരനെ ക്രിമിനൽ കുറ്റം ചുമത്തി പ്രതീകാത്മകമായി ചൂരൽപ്രയോഗം നടത്തി, യൂണിഫോം അഴിച്ചുവാങ്ങി യൂത്ത് കോൺഗ്രസ് പ്രതിഷേധം.

യൂത്ത് കോൺഗ്രസ് സംസ്ഥാന സെക്രട്ടറി സുശീൽ ഗോപാൽ ഉദ്ഘാടനം ചെയ്തു. യൂത്ത് കോൺഗ്രസ് പുതുക്കാട് നിയോജകമണ്ഡലം പ്രസിഡന്‍റ് ഫൈസൽ ഇബ്രാഹിം അധ്യക്ഷത വഹിച്ചു. ഡിസിസി സെക്രട്ടറി സെബി കൊടിയൻ, ഷെറിൻ തേർമഠം, ലിന്‍റോ പള്ളിപ്പറമ്പൻ, കെ.എസ്. ജോൺസൺ, സിജോ പുന്നക്കര, റെജി ജോർജ്, ഹരൺ ബേബി തുടങ്ങിയവർ പ്രസംഗിച്ചു.

ADVERTISEMENT

ജൂബിലിയിൽ എച്ച്ബിഒടി യൂണിറ്റ് ഉദ്ഘാടനം ചെയ്തു

തൃശൂർ: ജൂബിലി മിഷൻ മെഡിക്കൽ കോളജ് ആൻഡ് റിസർച്ച് ഇൻസ്റ്റിറ്റ്യൂട്ടിൽ മൾട്ടിപ്ലേസ് ഹൈപ്പർബാരിക് ഓക്സിജൻ തെറാപ്പി (എച്ച്ബിഒടി) യൂണിറ്റ് നടി വിൻസി അലോഷ്യസും തൃശൂർ കുടുംബകോടതി ജഡ്ജി ജി. അനിലും ചേർന്ന് ഉദ്ഘാടനം ചെയ് തു. എച്ച്ബിഒടി യൂണിറ്റ് പേശികളുടെ പുനരുജ്ജീവനത്തിനും രോഗശാന്തിക്കും സഹായിക്കുന്നു. ആന്‍റി ഏജിംഗ് ചികിത്സ, ഇൻഫ്ളമേറ്ററി ബൗവൽ രോഗചികിത്സ തുടങ്ങിയ പുതിയ സാധ്യതകളും ഇവയ്ക്കുണ്ട്. ഒരു സമയം ഒരു രോഗിയെ മാത്രം ചികിത്സിക്കാൻ കഴിയുന്ന മോണോ പ്ലേസ് യൂണിറ്റിൽനിന്നു വ്യത്യസ്തമായി ഒരേസമയം മൂന്നു രോഗികളെ ചികിത്സിക്കാൻ കഴിയുമെന്നതാണ് എച്ച്ബിഒടിയുടെ സവിശേഷതയെന്ന് ആശുപത്രി ഡയറക്ടർ ഫാ. റെന്നി മുണ്ടൻകുര്യൻ പറഞ്ഞു. സിഇഒ ഡോ. ബെന്നി ജോസഫ് നീലങ്കാവിൽ, പ്രിൻസിപ്പൽ ഡോ. എം.എ. ആൻഡ്രൂസ്, മെഡിക്കൽ സൂപ്രണ്ട് ഡോ. ഷിബു സി. കള്ളിവളപ്പിൽ, പ്ലാസ്റ്റിക് സർജറി വിഭാഗം മേധാവി ഡോ. കെ.എം. പ്രദ്യോത്, അനസ്തേഷ്യോളജി വിഭാഗത്തിലെ ഡോ. സെബാസ്റ്റ്യൻ എസ്. വലിയവീടൻ, ഡോ. സുധ മുരളീധരൻ എന്നിവർ പങ്കെടുത്തു.

പുലിവരവരച്ച് ആർപ്പോവിളിച്ച് ചുവടുവച്ച് മന്ത്രിയും എംഎൽഎയും കളക്ടറും

തൃശൂർ: മന്ത്രി കെ. രാജനും പി. ബാലചന്ദ്രൻ എംഎൽഎയും മേയർ എം.കെ. വർഗീസും ജില്ല പഞ്ചായത്ത് പ്രസിഡന്‍റ് വി.എസ്. പ്രിൻസും കളക്ടർ അർജുൻ പാണ്ഡ്യനും ഇന്നലെ രാവിലെ മുതൽതന്നെ ഒന്പതു പുലിമടകൾ ഒന്നൊന്നായി കയറിയിറങ്ങുകയായിരുന്നു. പുലിക്കളി കലാകാരൻമാരെ അണിയിച്ചൊരുക്കുന്പോൾ ഇവരും പുലിവരയ്ക്കു കൂടെക്കൂടി. പുലിക്കൊട്ടിനൊപ്പം മടകളിൽ കളക്ടറും ചുവടുവച്ചു. ആർപ്പുവിളിച്ചും പുലിക്കളിക്കാർക്കൊപ്പം സെൽഫിയെടുത്തും മന്ത്രിയും കൂട്ടരും ഓരോ മടയിലും ആവേശംവിതറി.

സീതാറാം മിൽ ദേശത്തിന്‍റെ ഭീമൻ പുലികൾ

തൃശൂർ: പൂങ്കുന്നം സീതാറാം മിൽ ദേശത്തിന്‍റെ പുലികളിൽ ഇത്തവണയും ഭീമൻ പുലികൾ ശ്രദ്ധേയരായി. 125 മുതൽ 137 കിലോവരെ ഭാരമുള്ള പുലികൾ അരമണികെട്ടിയാടി തെരുവുനിറഞ്ഞപ്പോൾ കാണികൾ കൈയടിച്ച് ആവേശം പകർന്നു. തമിഴ്നാട് സ്വദേശിയും അരിന്പൂരിൽ താമസക്കാരനുമായ ബാ ലചന്ദ്രൻ പതിമൂന്നാം തവണയാണ് പുലിയായി ഇറങ്ങിയത്. 125 കിലോയോളം ഭാരമുള്ള ബാലചന്ദ്രൻ സണ്‍ഡേ ഹോളിഡേ, സൂര്യയുടെ പുതുതായി റീലിസ് ചെയ്യാൻ ഒരുങ്ങുന്ന ചിത്രം എന്നിവയടക്കം നിരവധി സിനിമകളിലും പരിപാടികളിലും പുലിയായി എത്തിയിട്ടുണ്ട്. പത്തനംതിട്ടയിൽനിന്ന് എത്തു ന്ന ജഗദീഷ് കുമാറിന് ഇത്തവണ പത്തൊന്പതാമൂഴമായി. 125 കിലോയോളം ഭാരമുള്ള ഇദ്ദേഹം, മൈക്ക് സെറ്റ് ജോലിയോടൊപ്പം തന്നെ പലയിടങ്ങളിലും പുലിവേഷം ഇട്ട് പരിപാടികൾ അവതരിപ്പിച്ചിട്ടുണ്ട്. മോഹൻലാൽ നായകനായ സിനിമയിൽ പുലിയായും നിരവധി പരസ്യങ്ങളിലും അഭിനയിച്ചിട്ടുണ്ട്. 137 കിലോയോളം ഭാരമുള്ള ഭീമൻ പുലി അരുണ്‍ ഇത് അഞ്ചാം തവണയാണ് ഇറങ്ങിയത്. നേരത്തെ കാനാട്ടുകര ദേശത്തിനുവേണ്ടി വേഷമിട്ടിരുന്ന അരുണ്‍ ആദ്യമായാണ് സീതാറാം മിൽ ദേശത്തിനൊപ്പം ചേർന്നത്. പ്രമുഖ ബ്രാൻഡുകളുടെ പരസ്യങ്ങളിലും അരുണ്‍ സജീവമാണ്. കുന്നത്തങ്ങാടിയിൽ കോഴിക്കട നടത്തുകയാണ് ഇദേഹം.

നീണ്ട 13 വർഷം: വെളിയന്നൂർ ദേശം റിട്ടേണ്‍സ്

തൃശൂർ: നീണ്ട 13 വർഷങ്ങൾക്കുശേഷം അരമണികെട്ടിയും വയർകുലുക്കിയും ആസ്വാദകമനസുകൾ കീഴടക്കി അവർ വീണ്ടുമിറങ്ങി. ഓണാഘോഷത്തിന്‍റെ ആവേശം അലയടിച്ച പൂരനഗരിയിലെ പുലിക്കളിയിൽ നിറച്ചുവടുകളോടെ വെളിയന്നൂർ ദേശം പുലിക്കളിസംഘം തങ്ങളുടെ മടങ്ങിവരവ് ആഘോഷമാക്കി. സാന്പത്തിക പരാധീനതകളാണ് വർഷങ്ങൾക്കുമുന്പ് സംഘം പുലിക്കളിയിൽനിന്നു പിന്മാറാൻ കാരണം. എന്നാൽ രക്തത്തിൽ അലിഞ്ഞുചേർന്ന പുലിയാവേശം ഈ വർഷം വീണ്ടും പുറത്തെടുത്തുവെന്നതിൽ ദേശവാസികൾ ആവേശഭരിതരാണ്. ചെ റുതും വലുതുമായ 51 പുലികളാണ് മടങ്ങിവരവിൽ വെളിയന്നൂരി നായി ചുവടുവച്ചത്. വരുംവർഷങ്ങളിലും കൂടുതൽ കരുത്തോടെ പുലിക്കളിയിൽ സജീവമാകാനാ ണ് ദേശക്കാരുടെ തീരുമാനം.

ആണ്‍പുലികൾക്കൊപ്പം ചുവടുവച്ച് ഇത്തവണയും നിമിഷപ്പുലി

തൃശൂർ: അവഗണിച്ചവർക്കു മുൻപിൽ തുടർച്ചയായി മൂന്നാംവർഷവും പെണ്‍പുലിയായി നടിയും മോഡലുമായ നിമിഷ ബിജോ. തൃശൂരിനെ സ്നേഹിച്ച കോട്ടയം സ്വദേശിനിയായ നിമിഷയ്ക്ക് കുട്ടിക്കാലം മുതൽക്കേ പൂരംപോലെ പുലിക്കളിയും വികാരമായിരുന്നു. പുലിക്കളി വേഷമിടാൻ എത്തിയ തന്നെ ഒരു ടീം അവഗണിക്കുകയും പിന്നീട് പൂങ്കുന്നം സീതാറാം മിൽ ദേശം ഇരുകൈയും നീട്ടി സ്വീകരിച്ചെന്നും അവർ തനിക്ക് ലൈഫ് ലോംഗ് പുലിവേഷം നൽകാമെന്ന് ഉറപ്പുനൽകിയതായും താരം പറഞ്ഞു. കഴിഞ്ഞതവണ സഹോദരി അനീഷയ്ക്ക് ഒപ്പമായിരുന്നു നിമിഷ എത്തിയത്. എന്നാൽ സുഖമില്ലാത്തതിനാൽ ഇത്തവണ സഹോദരിക്ക് എത്താൻ സാധിച്ചില്ല. മക്കൾക്കൊപ്പമാണ് ഇത്തവണ എത്തിയതെന്നു നിമിഷ പറഞ്ഞു. കാഴ്ചക്കാരാകാതെ ഇത്തരം വെല്ലുവിളികൾ ഏറ്റെടുക്കാൻ സ്ത്രീകൾ മുന്നോട്ടുവരണമെന്നും താരം ആവശ്യപ്പെട്ടു.

മുത്തച്ഛന്‍റെ സ്വപ്നം നിറവേറ്റി കൊച്ചുപുലി

തൃശൂർ: വെളിയന്നൂർ ദേശം പുലിക്കളിസംഘത്തിൽ ചുവടുവച്ച ഏക കുട്ടിപെണ്‍പുലി കാഴ്ചക്കാരുടെ മനംകവർന്നു. എരുമപ്പെട്ടിയിലെ മുകേഷ്- സ്വാതി ദന്പതികളുടെ മകൾ എട്ടുവയസുകാരി വി.എം. ദക്ഷയാണ് പുലിക്കളിയിൽ താരമായത്. ആറാം വയസിൽതന്നെ പുലിക്കളിയിലേക്കു കടന്നുവന്ന ദക്ഷ, ഇത്തവണ വീണ്ടും ഇറങ്ങിയത് മുത്തച്ഛന്‍റെ സ്വപ്നം നിറവേറ്റാനായിരുന്നു. പുലിക്കളിയിൽ ഇരുപതിലേറെ വർഷം വേഷമിട്ട മുത്തച്ഛൻ മോഹനന്‍റെ ഏറ്റവും വലിയ ആഗ്രഹം കൊച്ചുമകൾ വെളിയന്നൂർ ദേശത്തിനായി ചായമിടുന്നതായിരുന്നു. കഴിഞ്ഞവർഷം മോഹനൻ വിടപറഞ്ഞതോടെ ആ ആഗ്രഹം അപ്രാപ്യമായി. എന്നാൽ, കുടുംബം മുഴുവൻചേർന്ന് ഇത്തവണ ആ സ്വപ്നം യാഥാർഥ്യമാക്കുകയായിരുന്നു. ആറാംവയസിൽ പുലിവേഷമിട്ടിറങ്ങിയ ദക്ഷയെ കുട്ടിയായതിനാൽ വാഹനത്തിൽതന്നെ ഇരുത്താൻ ശ്രമിച്ചു. തനിക്കു മറ്റു പുലികൾക്കൊപ്പം ചുവടുവയ്ക്കണമെന്നു വാശിപിടിച്ച് തുടക്കംമുതൽ അവസാനം വരെ പുലിയാവേശം പ്രകടിപ്പിച്ച ദക്ഷയെ കണ്ടപ്പോൾ, അവളാണു തന്‍റെ പിൻഗാമിയെന്ന് മുത്തച്ഛൻ മനസിലാക്കിയിരുന്നുവെന്ന് കുടുംബം പറയുന്നു. എരുമപ്പെട്ടി നിർമല ഇംഗ്ലീഷ് മീഡിയം സ്കൂളിലെ മൂന്നാംക്ലാസ് വിദ്യാർഥിനിയാണ് ദക്ഷ.

പുലി ഗർജനം: അന്പരപ്പിക്കുന്ന കാഴ്ചകളുമായി നിശ്ചലദൃശ്യങ്ങൾ

തൃശൂർ: ഹോളിവുഡ് പുലികൾ സിനിമയിൽ ഒരുക്കുന്ന വിസ്മയക്കാഴ്ചകൾപോലെ അദ്ഭുതപ്പെടുത്തുന്ന ദൃശ്യവിസ്മയങ്ങളാണ് ഇക്കുറി പുലിക്കളിക്ക് ഒമ്പതു ദേശങ്ങളും ഒരുക്കിയത്. ഓരോ നിശ്ചലദൃശ്യങ്ങളും റൗണ്ടിലൂടെ കടന്നുവരുന്പോൾ ആർപ്പുവിളികളോടെയാണ് ജനം വരവേറ്റത്. ജെയിംസ് കാമറൂണ്‍ വെള്ളിത്തിരയിൽ വിസ്മയംതീർത്ത അവതാറിന്‍റെ പുലിവണ്ടി നിശ്ചലദൃശ്യാവിഷ്കാരം അന്പരപ്പിക്കുന്നതായിരുന്നു. പുലിയും മീനും സം യോജിച്ച പുലിമീൻ ഇതുവരെ പുലിക്കളിക്ക് അവതരിപ്പിച്ചിട്ടില്ലാത്ത പുതുമയുള്ള ഫ്ളോട്ടുകളിലൊന്നായി. രാത്രി ലൈറ്റുകൾകൂടി തെളിഞ്ഞതോടെ പുലിമീൻ മിന്നിത്തിളങ്ങി. വ്യാളിയും വെള്ളക്കുതിരയും തമ്മിലുള്ള പോരാട്ടവും ആവേശക്കാഴ്ചയായി. അനീതികൾക്കെതിരെ നീതിദേവതയുടെ പരിരക്ഷ എന്ന ടൈറ്റിലിൽ അവതരിപ്പിച്ച നിശ്ചലക്കാഴ്ച സമകാലിക കേരളത്തിന്‍റെ നേർക്കാഴ്ചയായി. പോക്സോ കേസുകളും മദ്യപാനവും മയക്കുമരുന്നുപയോഗവും ഇതിൽ പരാമർശിക്കപ്പെട്ടു. വൃത്തി ദി കേരള ക്ലീൻ 2025 കോണ്‍ക്ലേവിൽ മികച്ച കോർപറേഷനുകളിൽ രണ്ടാംസ്ഥാനം നേടിയ തൃശൂരിന് അഭിവാദ്യമർപ്പിച്ചും ഫ്ളോട്ട് ഉണ്ടായിരുന്നു. ഹരിതകർമസേന നാടിന്‍റെ അഭിമാനമെന്നും മാലിന്യം പൊതുഇടങ്ങളിൽ വലിച്ചെറിയരുതെന്നും പറയുന്ന ഫ്ലോട്ട് ഏറെ ശ്രദ്ധയും കൈയടിയും നേടി. രാഷ്ട്രപിതാവ് മഹാത്മാഗാന്ധിയുടെ പ്രതിമയുടെപ ശ്ചാത്തലവും മികച്ചതായി. സ്പോർട്സ് കാറിലും ബൈക്കിലും പുലികളെയിരുത്തി പുതിയ നിശ്ചലക്കാഴ്ച ഒരുക്കിയതും ഇത്തവണ സ്വീകാര്യതനേടി. ക്ഷേത്രവും ക്രിസ്ത്യൻ മുസ്ലീം ആരാധനാലയങ്ങളും ഒരു കൈക്കുമ്പിളിൽ ചേർത്തുവച്ച നിശ്ചലദൃശ്യം തൃശൂരിന്‍റെ സാംസ്കാരിക പെരുമ എടുത്തുകാട്ടി.

പട്ടികജാതി വിദ്യാർഥികൾക്ക് ലാപ്ടോപ് വിതരണംചെയ്തു

കാളമുറി: പട്ടികജാതി വിദ്യാർഥികളുടെ ഉന്നമനത്തിനായി കയ്പമംഗലം ഗ്രാമപഞ്ചായത്ത് 2025-26 വാർഷിക പദ്ധതിയിൽ ഉൾപ്പെടുത്തി "പട്ടികജാതി വിദ്യാർഥികൾക്ക് ലാപ്ടോപ്' എന്ന പദ്ധതിപ്രകാരം 15 വിദ്യാർഥികൾക്ക് ലാപ്ടോപുകൾ വിതരണം ചെയ്തു. ഗ്രാമപഞ്ചായത്ത് പ്രസിഡന്‍റ് ശോഭന രവി വിതരണോദ്‌ഘാടനം നിർവഹിച്ചു. വൈസ് പ്രസിഡന്‍റ് മണി ഉല്ലാസ് അധ്യക്ഷയായി. വികസന കാര്യ സ്റ്റാൻഡിംഗ് കമ്മിറ്റി ചെയർമാൻ പി.എ. ഇസ്ഹാഖ്, ആരോഗ്യ വിദ്യാഭ്യാസ കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ദേവിക ദാസൻ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ പി.എ. ഷാജഹാൻ, നിർവഹണ ഉദ്യോഗസ്ഥയും അസിസ്റ്റന്‍റ് സെക്രട്ടറിയുമായ പി. എൻ. ആശ, പഞ്ചായത്ത് സെക്രട്ടറി സി.എം. ഗിരീഷ് മോഹൻ, വാർഡ് മെമ്പർമാരായ മിനി അരയങ്ങാട്ടിൽ, പി.എം. സൈനുൽ ആബ്ദീൻ, റസീന ഷാഹുൽ ഹമീദ്, യു. വൈ. ഷെമീർ എന്നിവർ സംബന്ധിച്ചു.

പെരിഞ്ഞനത്ത് ട്രെയിലർ ലോറിയിടിച്ച് അപകടം; രണ്ടുപേർക്ക് പരിക്ക്

കൊറ്റംകുളം: ദേശീയപാത നിർമാണക്കമ്പനിയുടെ വലിയ ടാറിംഗ് മെഷീൻ കൊണ്ടുപോയിരുന്ന ട്രെയിലർ ലോറിയിടിച്ച് കാർ യാത്രക്കാർക്ക് പരിക്ക്. ദേശീയപാതയിൽ പെരിഞ്ഞനം യമുന കാസ്റ്റിലിന് സമീപത്ത് വച്ചായിരുന്നു അപകടമുണ്ടായത്. കാറിലുണ്ടായിരുന്ന ആലുവ സ്വദേശികളായ നബീൽ(36), ഭാര്യ നൂറിയ (35) എന്നിവർക്കാണ് പരിക്കേറ്റത്. ഇവരെ കൊടുങ്ങല്ലൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ട്രെയിലർ ലോറിയുടെ വീതിയേക്കാൾ നാലടിയോളം വലത്തോട്ടും ഇടത്തോട്ടും തള്ളി നിൽക്കുന്ന നിലയിലായിരുന്നു ടാറിംഗ് മെഷീൻ, ഇതാണ് അപകടത്തിനിടയാക്കിയത്. മെഷീന്‍റെ ഈ ഭാഗമാണ് കാറിലിടിച്ചത്. തള്ളിനിൽകുന്ന ഭാഗത്ത് യാതൊരു സൂചനയും ഉണ്ടായിരുന്നില്ലെന്നും ലോറിയുടെ ഹെഡ്‌ലൈറ്റ് ഹൈ ബീമിൽ ആയിരുന്നുവെന്നും കാറിലുണ്ടായിരുന്നവർ പറഞ്ഞു. കാറിന്‍റെ വലതുഭാഗം തകർന്ന നിലയിലാണ്. ദേശീയപാത നിർമാണക്കമ്പനിയുടെ പിഴവുകൾ കാരണം നിരവധി അപകടങ്ങളാണ് ഉണ്ടായിട്ടുള്ളത്. കരാർ കമ്പനിയുടെ തെറ്റുകൾ കൊണ്ടുണ്ടാകുന്ന അപകടങ്ങൾക്ക് നഷ്ടപരിഹാരം കൊടുക്കണമെന്ന ആവശ്യം ശക്തമാണ്.

നാടൊന്നിച്ചു; അപകടാവസ്ഥയിലായ രണ്ടു പാലങ്ങൾക്ക് പുതുജീവൻ

കൊരട്ടി: നാടൊന്നിച്ചതോടെ തിരുമുടിക്കുന്ന് സ്രാമ്പിക്കൽ വാർഡിലെ കിഴക്കുമുറി ബ്രാഞ്ച് കനാലിനു കുറുകെ അപകടാവസ്ഥയിലായിരുന്ന രണ്ടു പാലങ്ങൾക്ക് പുതുജീവൻ. തിരുമുടിക്കുന്ന് ഹെെറാർക്കി റോഡും പള്ളിയിലേക്കുള്ള വഴിയും ബന്ധിപ്പിക്കുന്ന കനാൽ പാലവും കണ്ടംകുളത്തി കനാൽ ബണ്ട് ലിങ്ക് റോഡും പെരേപ്പാടൻ റോഡും ബന്ധിപ്പിക്കുന്ന കനാൽ പാലവുമാണ് വാർഡ് മെമ്പർ ബിജോയ് പെരേപ്പാടന്‍റേയും പ്രദേശവാസികളുടെയും ശ്രമഫലമായി പുനരുദ്ധരിച്ചത്. സുമനസുകളുടെ സാമ്പത്തിക സഹായവും മെമ്പർക്ക് ലഭിച്ച ഓണറേറിയവും വഴിയാണ് ഇതിനാവശ്യമായ തുക കണ്ടെത്തിയത്. ഇടുങ്ങിയ ഇരുപാലങ്ങളും വലിയ വാഹനങ്ങൾ കടന്നുപോകാവുന്ന രീതിയിലാണ് നവീകരിച്ചിരിക്കുന്നത്. പാലത്തിന്‍റെ കൈവരികൾ അടക്കം അപകടാവസ്ഥയിലാണെന്നും കാലപ്പഴക്കം കൊണ്ട് ജീർണത ബാധിച്ചെന്നും പാലം വീതി കൂട്ടി പുനരുദ്ധരിക്കണമെന്നും ആവശ്യപ്പെട്ട് മന്ത്രി റോഷി അഗസ്റ്റിന് മാസങ്ങൾക്ക് നിവേദനം നൽകിയെങ്കിലും ഫലമുണ്ടാകാത്തതിനെതുടർന്നാണ് ജനകീയ ഇടപെടൽ. ഒട്ടേറെ ജനങ്ങൾക്ക് ആശ്വാസമാകുന്ന നവീകരിച്ച ഇരുപാലങ്ങളുടെയും ഉദ്ഘാടനം ഈയാഴ്ച നടക്കും.

പതിനാറ് ക്രിമിനൽകേസുകളിലെ പ്രതി അറസ്റ്റിൽ

കയ്പമംഗലം: മദ്യം കൊടുക്കാത്തതിലുള്ള വൈരാഗ്യത്താൽ ആക്രമണംനടത്തിയ പ്രതി അറസ്റ്റിൽ. പെരിഞ്ഞനം കോവിലകം സ്വദേശി തോട്ടുങ്ങൽ വീട്ടിൽ സുജിത്തിനെ(31)യാണ് റൂറൽ ജില്ലാ പോലീസ് മേധാവി ബി. കൃഷ്ണകുമാറിന്‍റെ നേതൃത്വത്തിലുള്ള പോലീസ് അറസ്റ്റ് ചെയ്തത്. ഈമാസം ഏഴിന് വൈകീട്ട് 6.30നായിരുന്നു സംഭവം. പെരിഞ്ഞനം കോവിലകം സ്വദേശി തറയിൽവീട്ടിൽ ചന്ദ്രനോട് മദ്യംചോദിച്ചത് കൊടുക്കാത്തതിലുള്ള വൈരാഗ്യത്താൽ കരുവത്തി സ്കൂളിനുമുന്നിൽവച്ച് പ്രതി ഇയാളെ അസഭ്യംപറയുകയും ആക്രമിക്കുകയും ഭീഷണിപ്പെടുത്തുകയും ചെയ്തുവെന്നാണ് കേസ്. ആസമയം സ്ഥലത്തെത്തിയ ചന്ദ്രന്‍റെ കൊച്ചുമകളെയും അസഭ്യംപറഞ്ഞു. കയ്പമംഗലം പോലീസ് കേസെടുത്തു. കയ്പമംഗലം, മതിലകം, കൊടുങ്ങല്ലൂർ എന്നീ സ്റ്റേഷൻ പരിധികളിലായി വധശ്രമം, അടിപിടി, മയക്കുമരുന്ന് കടത്തൽ ഉൾപ്പെടെ പതിനാറ് ക്രമിനൽക്കേസിലെ പ്രതിയാണ് സുജിത്തെന്ന് പോലീസ് പറഞ്ഞു. കയ്പമംഗലം സ്റ്റേഷൻ എസ്എച്ച്ഒ ആർ. ബിജു, എസ്ഐ ടി. അഭിലാഷ് എന്നിവരാണ് അന്വേഷണസംഘത്തിലുണ്ടായിരുന്നത്.

ചാലക്കുടി സെന്‍റ് മേരീസ് ഫൊറോന പള്ളിയിൽ പരിശുദ്ധ കന്യകാമറിയത്തിന്‍റെ പിറവിത്തിരുനാൾ ഭക്തിസാന്ദ്രമായി

ചാലക്കുടി: സെന്‍റ്് മേരീസ് ഫോറോന ദേവാലയത്തിൽ പരിശുദ്ധ കന്യകാമറിയത്തിന്‍റെ പിറവിതിരുനാൾ ഭക്തിസാന്ദ്രമായി. തിരുനാൾ തിരുകർമങ്ങളിലും ഊട്ടുനേർച്ചയിലും വൻ ജനാവലി പങ്കെടുത്തു. രാവിലെ ദിവ്യബലിക്കു ശേഷം 72 അടി നീളവും 20 അടി വീതിയുമുള്ള ജപമാലയുടെ ആകൃതിയിൽ നിർമിച്ച ജന്മദിനക്കേക്ക് വികാരി ഫാ. വർഗീസ് പാത്താടൻ മുറിച്ച് വിശ്വാസികൾക്കായി പങ്കുവച്ചു. സനീഷ് കുമാർ ജോസഫ് എംഎൽഎ, നഗരസഭ ചെയർമാൻ ഷിബു വാലപ്പൻ, ടൗൺ ഇമാം ഹാജി ഹുസൈൻ ബാഗവി, അസി.വികാരി മരായ ഫാ. ക്രിസ്റ്റി ചിറ്റക്കര, ഫാ അഖിൽ തണ്ടിയേക്കൽ, കൈക്കാരൻമാരായ സുനിൽ ഡേവീഡ് ചക്കാലക്കൽ, പോളി വർഗീസ് മേച്ചേരി, റിജു സെബാസ്റ്റ്യൻ പുതുശേരി മനോജ് സെബാസ്റ്റ്യൻ ചാതേലി, ജനറൽ കൺവീനർ എം.ഡി. ഷിജു തുടങ്ങിയവർ പങ്കെടുത്തു. കോട്ടപ്പുറം രൂപതാധ്യക്ഷൻ ഡോ. അംബ്രോസ് പുത്തൻവീട്ടിൽ നേർച്ചഊട്ട് വെഞ്ചരിപ്പ് കർമം നിർവഹിച്ചു. തുടർന്ന് ആഘോഷമായ തിരുനാൾ പൊന്തിഫിക്കൽ റാസക്ക് ഇരിങ്ങാലക്കുട ബിഷപ് മാർ പോളി കണ്ണുക്കാടൻ മുഖ്യകാർമികത്വം വഹിച്ചു. വൈകിട്ട് മാതാവിന്‍റെ കൂടുതുറക്കൽ ശുശ്രൂഷയും തുടർന്ന് ഭക്തിനിർഭരമായ തിരുനാൾ പ്രദക്ഷിണവും നടത്തി.

നാഥനില്ല, ജീവനക്കാര്‍ മാത്രം

ഇരിങ്ങാലക്കുട: മുകുന്ദപുരം താലൂക്ക് സഹകരണ അസി. രജിസ്ട്രാര്‍ ഓഫീസിന് നാഥനില്ലാതായിട്ട് ഒന്‍പത് മാസം. നേരത്തെ ഉണ്ടായിരുന്ന അസി. രജിസ്ട്രാര്‍ സ്ഥാനക്കയറ്റം കിട്ടി പോയതോടെയാണ് 2024 ഒക്ടോബര്‍ മുതല്‍ ജില്ലയിലെ തന്നെ ഏറ്റവും വലിയ താലൂക്ക് സഹകരണ അസി. രജിസ്ട്രാര്‍ ഓഫീസിന് നാഥനില്ലാതായത്. ഇതിനിടയില്‍ ഒരാളെ സര്‍ക്കാര്‍ നിയമിച്ചെങ്കിലും ഒരുമാസത്തിനകം അദ്ദേഹം സ്ഥലംമാറ്റം വാങ്ങിപ്പോയി. ജോലിഭാരവും വിവിധ ബാങ്കുകള്‍ കേന്ദ്രീകരിച്ച് ഏജന്‍സികള്‍ നടത്തുന്ന അന്വേഷണങ്ങള്‍ക്കും മറ്റുമായി മറുപടി പറയേണ്ടിവരുന്നതും ഇവിടേയ്ക്ക് വരുന്നവരെ മടുപ്പിക്കുന്നതായി ആക്ഷേപമുണ്ട്. നിലവില്‍ കൊടുങ്ങല്ലൂര്‍ അസി. രജിസ്ട്രാര്‍ക്കും തൃശൂര്‍ ജോ. രജിസ്ട്രാര്‍ ഓഫീസിലെ എആര്‍മാര്‍ക്കും അസി. ഡയറക്ടര്‍ ഓഫീസിലെ അസി. ഡയറക്ടര്‍ക്കുമെല്ലാം മാറിമാറി ഇവിടത്തെ എആറിന്‍റെ ചുമതലകള്‍ നല്‍കിവരുകയാണ്. ഇത് നല്ലതല്ലെന്നും എആര്‍ നിര്‍ബന്ധമായും വേണ്ട ഒരു താലൂക്കാണ് മുകുന്ദപുരമെന്നും ജീവനക്കാര്‍ത്തന്നെ പറയുന്നു. കരുവന്നൂര്‍ സഹകരണ ബാങ്ക്, ഇരിങ്ങാലക്കുട ഐടിയു ബാങ്ക് അടക്കം നിരവധി വിഷയങ്ങള്‍ ഇപ്പോഴും ജനമധ്യത്തില്‍ സജീവമായി നില്‍ക്കുകയാണ്. നിരവധി നിക്ഷേപങ്ങളുള്ള സംഘങ്ങള്‍ താലൂക്കില്‍ ഒട്ടേറെയാണ്. 197 സംഘങ്ങളാണ് സഹകരണ രജിസ്ട്രാര്‍ ഓഫീസിനുകീഴില്‍ പ്രവര്‍ത്തിക്കുന്നത്. ഇതില്‍ 20 എണ്ണം നാമമാത്രമായി പ്രവര്‍ത്തിക്കുന്നതൊഴിച്ചാല്‍ 177 സംഘങ്ങളും വളരെ നല്ല രീതിയില്‍ പ്രവര്‍ത്തിക്കുന്ന സഹകരണ സംഘങ്ങളാണ്. ഈ സംഘങ്ങളുടെയെല്ലാം ഭരണം നടത്തേണ്ടതിന്‍റെ പൂര്‍ണ ചുമതല മുകുന്ദപുരം താലൂക്ക് അസി. രജിസ്ട്രാര്‍ക്കാണ്. സ്ഥിരം എആര്‍ ഇല്ലാതായതോടെ റിസ്‌ക് ഫണ്ടിന്‍റേയും മറ്റ് അപേക്ഷകളിലും നടപടികള്‍ വൈകുകയാണെന്നും ആക്ഷേപമുണ്ട്. അതിനാല്‍ എത്രയും വേഗം ജോ. രജിസ്ട്രാറെ നിയമിക്കാന്‍ സര്‍ക്കാര്‍ തയ്യാറാകണമെന്നാണ് സഹകരണ സംഘങ്ങളുടെ ആവശ്യം.

പൊതുപ്രവര്‍ത്തകന്‍ ആന്‍റു ചെമ്മിഞ്ചേരി ചികിത്സാസഹായം തേടുന്നു

കോടാലി: ഹൃദയസംബന്ധമായ രോഗം ബാധിച്ച് ചികിത്സയ്ക്ക് വഴിയില്ലാതെ വിഷമിക്കുന്ന മറ്റത്തൂരിലെ പൊതുപ്രവര്‍ത്തകന്‍ ആന്‍റു ചെമ്മിഞ്ചേരി(66) സുമനസുകളുടെ സഹായം തേടുന്നു. രോഗബാധിതനായ ഇദ്ദേഹത്തിന് ഹൃദയവാല്‍വ് ശസ്ത്രക്രിയയാണ് ഡോക്ടര്‍ നിര്‍ദേശിച്ചിരിക്കുന്നത്. എട്ടുലക്ഷത്തോളം രൂപ ഇതിനായി വേണ്ടിവരും. സാമ്പത്തികമായി ഏറെ വിഷമിക്കുന്ന ആന്‍റുവിന്‍റെ ശസ്ത്രക്രിയയ്ക്കും തുടര്‍ചികിത്സയ്ക്കും ആവശ്യമായ തുക സ്വരൂപിക്കുന്നതിനായി നാട്ടുകാരും ജനപ്രതിനിധികളും ചേര്‍ന്ന് മറ്റത്തൂര്‍ പഞ്ചായത്ത് പ്രസിഡന്‍റ് അശ്വതി വിബി, വരന്തരപ്പിള്ളി പഞ്ചായത്ത് മുന്‍ പ്രസിഡന്‍റ് ഇ.എ. ഓമന (രക്ഷാധികാരികള്‍), കെ.കെ.ശിവരാമന്‍ (ചെയര്‍മാന്‍), പഞ്ചായത്തംഗം കെ.വി. ഉണ്ണികൃഷ്ണന്‍ (ജനറല്‍ കണ്‍വീനര്‍) എന്നിവര്‍ ഭാരവാഹികളായി ചികിത്സ സഹായസമിതി രൂപീകരിച്ചു. സഹായങ്ങള്‍ ആന്‍റു ചെമ്മിഞ്ചേരി ചികിത്സാസഹായസമിതി, അക്കൊണ്ട് നമ്പർ 40378101125290, ഐഎഫ്എസ്‌സി കോഡ് കെഎൽജിബി0040378, കേരള ഗ്രാമീൺ ബാങ്ക് മറ്റത്തൂർ ബ്രാഞ്ച്, കോടാലി എന്ന വിലാസത്തിൽ അയക്കണം. കൂടുതൽ വിവരങ്ങൾക്ക് ഫോൺ: 9645036131 (വാര്‍ഡ്മെമ്പര്‍).

കരുമത്ര പള്ളി തിരുനാൾ ഭക്തിസാന്ദ്രം

കരുമത്ര: പരിശുദ്ധ ആരോഗ്യമാതാവിന്‍റെ ദേവാലയത്തിലെ എട്ടുനോമ്പ് തിരുനാൾ ഭക്തിസാന്ദ്രമായി. മാതാവിന്‍റെ രൂപക്കൂട് എടുക്കാൻ യൂണിഫോമിൽ വനിതകളെത്തിയത് വിശ്വാസികൾക്ക് കൗതുകമുണർത്തി. രാവിലെ മുതൽ ദേവാലയത്തിൽ നടന്ന തിരുക്കർമങ്ങൾക്ക് അതിരൂപത ചിൽഡ്രൻസ് മിനിസ്ട്രി ഡയറക്ടർ ഫാ. പോൾ മുട്ടത്ത്, പുല്ലഴി സെന്‍റ് ജോസഫ് ഹോം ഡയറക്ടർ ഫാ. ലിജോ ചിറ്റിലപ്പിള്ളി, സെന്‍റ് തോമസ് കോളജ് എക്സിക്യൂട്ടീവ് മാനേജർ ഫാ. ബിജു പാണേങ്ങാടൻ, ഫാ. റിന്‍റു പാണേങ്ങാടൻ തുടങ്ങിയവർ മുഖ്യകാർമികരായി. രാവിലെ ഏഴിന് ദിവ്യബലി, പൊതുമാമോദീസ, ആഘോഷമായ തിരുനാൾ പാട്ടുകുർബാന, തിരുനാൾ കമ്മിറ്റി അംഗങ്ങൾ നൽകുന്ന ജീവകാരുണ്യ സഹായ വിതരണം, ഭക്തിനിർഭരമായ ജപമാലപ്രദക്ഷിണം, ബർത്ത് ഡേ കേക്ക് മുറിക്കൽ എന്നിവ നടന്നു. തുടർന്ന് വൈകീട്ട് ഗാനമേളയും ഉണ്ടാ യിരുന്നു. ഇന്നുരാവിലെ ഇടവകയിലെ പരേതർക്കുവേണ്ടിയുള്ള ദിവ്യബലി, ഒപ്പീസ് എന്നിവ നടക്കും. അടുത്ത ഞായറാഴ്ചയാണ് തിരുനാൾ എട്ടാംമിടം. ചടങ്ങുകൾക്ക് ഇടവക വികാരി ഫാ. മനോജ് കീഴൂരുമുട്ടിക്കൽ, സിസ്റ്റർ മേഴ്സി ചാലക്കൻ, തിരുനാൾ കമ്മിറ്റി ജനറൽ കൺവീനർ സൈമൺ തേർമഠം, കൈക്കാരന്മാരായ ഡേവീസ് തേർമഠം, തോമസ് വടക്കൻ, ജോയൽ കണ്ണിറ്റുകണ്ടത്തിൽ, പബ്ലിസിറ്റി കൺവീനർ ബിബിൻ തേർമഠം, തോമസ് അക്കര, ജിയോ മഞ്ഞുരാൻ, ബൈജു പാണേങ്ങാടൻ, പോൾ നീണ്ടുശേരി തുടങ്ങിയവർ നേതൃത്വംനൽകി.

നേത്രദാനത്തിന് സമ്മതപത്രംനൽകി സത്യൻ അന്തിക്കാട്

വാടാനപ്പിള്ളി: അവയവദാനം ഏറ്റവും അനിവാര്യവും മഹത്തരവുമാണെന്ന് സംവിധായകൻ സത്യൻ അന്തിക്കാട്. സൊസൈറ്റി ഓഫ് സെന്‍റ് വിൻസന്‍റ് ഡി പോൾ വാടാനപ്പള്ളിയുടെ നേതൃത്വത്തിൽ ദേശീയ നേത്രദാനപക്ഷാചാരണത്തിന്‍റെ ഭാഗമായി നേത്രദാനം ചെയ്ത കുടുംബങ്ങളെ ആദരിക്കുന്ന ചടങ്ങ് ഉദ്ഘാടനംചെയ്തു സംസാരിക്കുകയായിരുന്നു അദ്ദേഹം. തന്‍റെ പുതിയ സിനിമയും അവയവദാനവുമായി ബന്ധപ്പെട്ടതാണ്. അവയവദാനം സംബന്ധിച്ച് ഒരു ഇംഗ്ലീഷ് പത്രത്തിൽവന്ന ഫോട്ടോ മകൻ അഖിൽ സത്യന്‍റെ ശ്രദ്ധയിൽപ്പെടുകയും ഇതിന്‍റെ പിറകിലെ സംഭവം കഥയാക്കുകയായിരുന്നുവെന്നും സത്യൻ അന്തിക്കാട് പറഞ്ഞു. കണ്ണുകൾ ദാനംചെയ്യുന്ന സദ്കർമത്തിൽ താനും ഭാഗമാകുകയാണെന്നു പ്രഖ്യാപിച്ച് ഇതിനുള്ള സമ്മതപത്രം ഭാരവാഹികൾക്ക് കൈമാറിയാണ് സത്യൻ അന്തിക്കാട് മടങ്ങിയത്. ചടങ്ങിൽ വികാരി ഫാ. അഡ്വ. ഏബിൾ ചിറമ്മൽ അധ്യക്ഷതവഹിച്ചു. അങ്കമാലി എൽഎഫ് ആശുപത്രി അസി. ഡയറക്ടർ ഫാ. പോൾസൺ തോമസ് മുഖ്യാതിഥിയായി. ജില്ല മെഡിക്കൽ ഓഫീസിലെ ടെക്നിക്കൽ അസിസ്റ്റന്‍റ് കെ. ഗോപകുമാർ മുഖ്യപ്രഭാഷണംനടത്തി. പ്രസിഡന്‍റ് എം.ടി. ഫ്രാൻസിസ്, കൺവീനർ അഡ്വ. പി.എഫ്. ജോയ്, എം.എൽ. സെബാസ്റ്റ്യൻ, സ്റ്ററിഷ് വിൻ ഡൊമിനിക് എന്നിവർ പ്രസംഗിച്ചു.

ഗ്രാമവീഥികൾ കൈയടക്കി ഊരകം കുമ്മാട്ടി

ചേർപ്പ്: ഗ്രാമവീഥികളെ കൈയടക്കി ഊരകം കുമ്മാട്ടി മഹോത്സവം ആഘോഷനിർഭരമായി. നാലോണദിവസമായ ഇന്നലെ ഊരകം അമ്പലനട, കിഴക്കുംമുറി, തെക്കുംമുറി, കിസാൻ കോർണർ, യുവജനസമിതി, ചിറ്റേങ്ങര, വാരണംകുളം, കൊറ്റംകുളങ്ങര തുടങ്ങിയ എട്ടുദേശങ്ങളിൽനിന്നുള്ള വിഭാഗങ്ങളുടെ കുമ്മാട്ടിക്കളിയാണ് ഊരകം വീഥികളെ കെെയട ക്കിയത്. കുമ്മാട്ടികൾക്കുപുറമെ വിവിധ വാദ്യഘോഷങ്ങൾ, നിശ്ചലദൃശ്യങ്ങൾ, കലാരൂപങ്ങളും ചാരുത പകർന്നു. ക ുമ്മാട്ടി സംഘങ്ങൾ രാത്രി അമ്മതിരുവടി ക്ഷേത്രം വലംവച്ച് മമ്പിള്ളി ക്ഷേത്രസന്നിധിയിലെത്തി സമാപനംകുറിച്ചു.

പടിയത്തെ ബസ് കാത്തിരിപ്പുകേന്ദ്രം വേറെ ലെവൽ

അന്തിക്കാട്: പഞ്ചായത്തിലെ പടിയത്ത് നിർമിച്ച ഈ ബസ് കാത്തിരിപ്പുന്ദ്രത്തിലെത്തുന്നവർക്ക് അൽപംപോലും ബോറടിക്കില്ല. പടിയം ആശാരിമൂലയിൽ നിർമിച്ച ബസ് കാത്തിരിപ്പുകേന്ദ്രം വിവിധ സേവനങ്ങൾ ഒരുക്കിയാണ് നാട്ടുകാർക്ക് ഓണസമ്മാനമായി സമർപ്പിച്ചത്. ലൈറ്റ്, ഫാൻ, എഫ്എം റേഡിയോ, പുസ്തകം, കുടിവെള്ളം തുടങ്ങിയ വിവിധ സൗകര്യങ്ങളാണ് ബസ് കാത്തിരിപ്പുകേന്ദ്രത്തിലെത്തുന്നവർക്ക് ലഭിക്കുക. ലൈറ്റും ഫാനിനും പുറമെ മൊബൈൽ ഫോൺ ചാർജുചെയ്യാനുള്ള പോയിന്‍റുകളുമുണ്ട്. പടിയം സാംസ്കാരികവേദിയിലെ അംഗങ്ങൾ പ്രദേശവാസികളുടെ സഹകരണത്തോടെയാണ് ആശാരിമൂലയിലെ ബസ് കാത്തിരിപ്പുകേന്ദ്രം പുനർനിർമിച്ചത്. ആളുകൾക്ക് ഗുണംചെയ്യുന്ന രീതിയിൽവേണം കാത്തിരിപ്പകേന്ദ്രത്തിന്‍റെ നിർമാണം പൂർത്തീകരിക്കേണ്ടതെന്ന് സംഘാടകർക്ക് നിർബന്ധമുണ്ടായിരുന്നു. സ്ത്രീകളുടെയും കുട്ടികളുടെയും സുരക്ഷ കണക്കിലെടുത്ത് കാത്തിരിപ്പുകേന്ദ്രത്തിന് സമീപമായി നാല് സിസിടിവി കാമറകളാണ് സ്ഥാപിച്ചിട്ടുള്ളത്. കേന്ദ്രത്തിലേക്കുവേണ്ട വൈദ്യുതിക്കായി ഇവിടെത്തന്നെ സോളാർ പാനലും സ്ഥാപിച്ചിട്ടുണ്ട്. മനോഹരമായ പൂന്തോട്ടവും കേന്ദ്രത്തിനുസമീപം ഒരുക്കിയിട്ടുണ്ട്. കേന്ദ്രത്തിന്‍റെ അറ്റകുറ്റപ്പണിക്കായുള്ള പണം കണ്ടെത്താനായി ഇവിടെ ഒരു എൽഇഡി പരസ്യ ബോർഡും ഒരുക്കിയിട്ടുണ്ട്. ഇതിൽ പരസ്യംചെയ്യുന്ന ആളുകൾ നൽകുന്ന പണം നടത്തിപ്പു കാര്യങ്ങൾക്കായി ഉപയോഗിക്കും. 1.70 ലക്ഷം രൂപയ്ക്കാണ് ബസ് കാത്തിരുപ്പുകേന്ദ്രം പണിതീർത്തത്. നിർമാണവസ്തുക്കൾക്ക് മാത്രമാണ് ആകെ പണം ചെലവായത്. തൊഴിലാളികൾ ആരും കൂലി വാങ്ങാതെയാണ് കാത്തിരിപ്പുകേന്ദ്രം നിർമാണത്തിന് സഹകരിച്ചത്. ഈ റൂട്ടിൽ ആകെ രണ്ട് ബസുകളാണ് സർവീസ് നടത്തുന്നത്. ബസുകൾ ഇല്ലാത്ത സമയത്ത് കാത്തിരിപ്പുകേന്ദ്രം ഒരു മിനി വായനശാലയാക്കാനാണ് നാട്ടുകാരുടെ പദ്ധതി. ബസ് കാത്തിരിപ്പുകേന്ദ്രത്തിന്‍റെ ഉദ്ഘാടനം വാർഡ് മെമ്പർ മേനക മധു നിർവഹിച്ചു. കൺവീനർ സുധനൻ എരണേഴത്ത്, രാജീവ് സുകുമാരൻ, വിശ്വനാഥൻ പള്ളിപ്പറമ്പിൽ, ശങ്കരനാരായണൻ പള്ളിപ്പറമ്പിൽ തുടങ്ങിയവർ സംസാരിച്ചു.

കാട്ടാനകളിറങ്ങി കൃഷി നശിപ്പിച്ചു

വടക്കാഞ്ചേരി: കാട്ടാനകളിറങ്ങി കൃഷി നശിപ്പിച്ചു. വനപാലകർ വീണ്ടും നോക്കുകുത്തികളായി. എങ്കക്കാട്, മങ്കര പ്രദേശങ്ങളിലാണ് കാട്ടാനകളിറങ്ങിയത്. തിങ്കളാഴ്ച പുലർച്ചെ മൂന്നിനാണ് മൂന്നുകാട്ടാനകൾ വീടുകൾക്കുസമീപം എത്തിയത്. നാട്ടുകാർ ബഹളംവച്ചും ടോർച്ചടിച്ചുമാണ് കാട്ടാനകളെ കാട്ടിലേക്ക് തിരികെ കയറ്റിവിട്ടത്. മേഖലയിലെ ജനങ്ങളുടെ സ്വൈര്യജീവിതം നഷ്ടപ്പെടുത്തുകയാണ് കാട്ടാനകൾ. വനംവകുപ്പ് ഇടപ്പെട്ട് ജനങ്ങളുടെ ജീവനും സ്വത്തിനും സുരക്ഷ ഒരുക്കണമെന്നാണ് നാട്ടുകാരുടെ ആവശ്യം. കാട്ടിലേക്ക് ഓടിച്ചുവിട്ട ആനകൾ വീണ്ടും ഇറങ്ങിവന്ന് പ്രതിസന്ധി സൃഷ്ടിക്കുമോയെന്ന ആശങ്കയിലാണ് നാട്ടുകാർ.

കടാംതോട് പാലം അപകടഭീഷണിയിൽ

പറപ്പൂർ: കടാംതോട് പാലം അപകടഭീഷണിയിൽ. 88 വർഷം പൂർത്തിയായ പാലത്തിന്‍റെ പുനർനിർമാണത്തെപ്പറ്റി 20 വർഷത്തിലധികമായി പറഞ്ഞുകേൾക്കുന്നുണ്ടെങ്കിലും നിർമാണ അനുമതിപോലും ഇതുവരെ ആയിട്ടില്ല. കാലാവധികഴിഞ്ഞ് വർഷങ്ങൾ പിന്നിട്ട പാലം അസ്‌ഥിവാരമിളകിയും കൈവരികൾ നശിച്ച അവസ്ഥയിലുമാണ്. പൊതുമരാമത്ത് വകുപ്പിന്‍റെ പരിശോധനയിലും പാലത്തിന് ബലക്ഷയമുള്ളതായി കണ്ടെത്തിയിരുന്നു. ബജറ്റുകളിലെല്ലാം പാലം നിർമാണത്തിന് ടോക്കൺ തുക വകയിരുത്തുന്നുണ്ടെങ്കിലും നടപടികളൊന്നും ഉണ്ടാകുന്നില്ല. അമല വഴി പാവറട്ടി, ചാവക്കാട് ഭാഗത്തേയ്ക്കുപോകുന്ന ബസുകൾ ഉൾപ്പെടെയുള്ള മുഴുവൻ ഭാരവാഹനങ്ങളും ഇതിലൂടെതന്നെയാണ് കടന്നുപോകുന്നത്.ഈ അവസ്ഥയിൽ അനുമതിനേടി എത്രയുംപെട്ടെന്ന് പാലത്തിന്‍റെ നിർമാണം തുടങ്ങാതെ ഭാരവാഹനങ്ങളുടെ ഗതാഗതം പൂർണമായും നിരോധിച്ചതായി പിഡബ്ല്യുഡി പാലം വിഭാഗം എക്സി. എന്‌ജിനിയർ ബോർഡ് സ്ഥാപിക്കുകമാത്രമാണ് ചെയ്തത്. ഇത് മേഖലയിലെ ജനങ്ങളുടെ ആശങ്കയ്ക്കും പ്രതിഷേധത്തിനും കാരണമായി. ഉത്തരവാദിത്തങ്ങളിൽനിന്ന് ഒളിച്ചോടുകയാണ് പൊതുമരാമത്തുവകുപ്പും സർക്കാരുമെന്ന് നാട്ടുകാർ ആരോപിക്കുന്നു. കടാംതോട് പാലം പുതുക്കിപ്പണിയാൻ നടപടി സ്വീകരിക്കാത്തതിനെതിരേ കോൺഗ്രസ് മുല്ലശേരി, തോളൂർ പഞ്ചായത്ത് കമ്മിറ്റികൾ പ്രതിഷേധമാർച്ച് നടത്തി. പാലം പുനർ നിർമിക്കാൻ സത്വരനടപടി വേണമെന്നാവശ്യപ്പെട്ട് കോൺഗ്രസ് ഡിസിസി സെക്രട്ടറി പി.കെ. രാജൻ പ്രതിഷേധ മാർച്ച് ഉദ്ഘാടനംചെയ്തു. മണ്ഡലം പ്രസിഡന്‍റുമാരും തോളൂർ ഗ്രാമ പഞ്ചായത്ത് പ്രസിഡന്‍റും നേതാക്കളും പ്രതിഷേധമാർച്ചിൽ പങ്കെടുത്തു.

തിരുവില്വാമലയിലെ കാറപകടം: മരണം രണ്ടായി

തിരുവില്വാമല: തിരുവോണ ദിനത്തിലുണ്ടായ കാറപകടത്തിൽ ഒരു മരണം കൂടി. പരിക്കേറ്റ് ചികിത്സയിലായിരുന്ന കുത്താമ്പുള്ളി സി കെ ഹാന്‍റ്‌ലൂംസ് ഉടമ ആറുമുഖ സ്വാമിയുടെ ഭാര്യ സരോജ (70) യാണ് ഇന്നലെ മരണത്തിനു കീഴടങ്ങിയത്. ഇവരുടെ മകന്‍റെ ഭാര്യ വൃന്ദ (43) അപകടം നടന്ന ദിവസം മരിച്ചിരുന്നു. കുത്താമ്പുള്ളി സി കെ ഹാന്‍റ‌്‌ലൂംസ് ഉടമ ആറുമുഖസ്വാമിയും കുടുംബവുമാണ് കാറിലുണ്ടായിരുന്നത്. തിരുവില്വാമലയിലെ റോയല്‍ റസിഡന്‍സിയില്‍നിന്ന് തിരുവോണ സദ്യയുണ്ട് വീട്ടിലേക്ക് മടങ്ങുന്നവേളയിലാണ് കാര്‍ അപകടത്തില്‍പെട്ടത്. വെള്ളിയാഴ്ചയാണ് അപകടം നടന്നത് . സ്കൂട്ടര്‍ യാത്രികരെ രക്ഷിക്കാനുള്ള ശ്രമത്തിനിടെ കുത്താമ്പുള്ളി കള്ളുഷാപ്പിനു സമീപം നിയന്ത്രണം തെറ്റി റോഡരികിലെ മരത്തിന്‍റെ തറയിൽ ഇടിക്കുകയായിരുന്നു. കാറിൽ ആറുമുഖസ്വാമി, ഭാര്യ സരോജ, മകൻ വിനോദ്, മരുമകള്‍ വൃന്ദ എന്നിവരാണ് യാത്ര ചെയ്തിരുന്നത്. സരോജ അന്നുമുതൽ തീവ്രപരിചരണ വിഭാഗത്തിൽ ചികിത്സയിലായിരുന്നു. മക്കൾ: ബാബുരാജൻ, വിനോദ്. മരുമക്കൾ: കല, പരേതയായ വൃന്ദ. സംസ്കാരം ഇന്ന് രാവിലെ 10-ന് പാമ്പാടി ഐവർമഠം ശ്മശാനത്തിൽ.

ഒറ്റയ്ക്ക് താമസിച്ചിരുന്നയാൾ മരിച്ച നിലയിൽ

കയ്പമംഗലം: പെരിഞ്ഞനം കൊറ്റംകുളത്ത് തനിച്ച് താമസിച്ചിരുന്നയാൾ വീട്ടിൽ മരിച്ചനിലയിൽ. കൊറ്റംകുളം വാട്ടർ ടാങ്കിനടുത്ത് പല്യാശേരി വീട്ടിൽ പ്രേംദിനേശാണ് (68) മരിച്ചത്. ഇരിങ്ങാലക്കുട കോടതിയിലെ റിട്ട. ജീവനക്കാരനാണ്. ചികിത്സയിൽ കഴിഞ്ഞിരുന്ന ഇദ്ദേഹത്തെ ഇന്നലെ രാവിലെ ഒൻപത് മണിയോടെ ഹോസ്പിറ്റലിൽ കൊണ്ടുപോകാനായി ഓട്ടോ ഡ്രൈവർ വീട്ടിലെത്തിയപ്പോഴാണ് വീടിനു പുറത്തെ കസേരയിൽ ഇരിക്കുന്ന നിലയിൽ മൃതദേഹം കണ്ടത്. ഫോറൻസിക് വിഭാഗം സ്ഥലത്തെത്തി പരിശോധിച്ചു. കയ്പമംഗലം പോലീസ് മേൽ നടപടികൾ സ്വീകരിച്ചു. ഭാര്യ: ഇന്ദു. മകൾ: പി.പി.അർച്ചന ( ഹൈക്കോടതി അഭിഭാഷക).

വാഹനാപകടം; പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു

കുന്നംകുളം: പട്ടാമ്പി റോഡില്‍ സ്‌കൂട്ടര്‍ ഇടിച്ച് പരിക്കേറ്റ് ചികിത്സയിലായിരുന്ന കക്കാട് കോടിതിയ്ക്ക് സമീപം കിടങ്ങന്‍ പ്രേമന്‍ ഭാര്യ ഉഷ (62) മരിച്ചു. ശനിയാഴ്ച രാത്രി ഒന്‍പതരയോടെ പട്ടാമ്പി റോഡിലെ മൃഗാശുപത്രിയ്ക്ക് മുന്നിലായിരുന്നു അപകടം. റോഡ് മുറിച്ച് കടക്കുകയായിരുന്ന ഉഷയെ അമിത വേഗതയിലെത്തിയ സ്‌കൂട്ടര്‍ ഇടിച്ചു തെറിപ്പിക്കുകയായിരുന്നു. റോഡിലേക്ക് തലയടിച്ചു വീണ ഇവരെ ആദ്യം കുന്നംകുളം മലങ്കര മെഡിക്കല്‍ മിഷന്‍ ആശുപത്രിയിലും പിന്നീട് തൃശൂര്‍ മെഡിക്കല്‍ കോളജിലും പ്രവേശിപ്പിച്ചു. ചികിത്സയിലിരിക്കെ ഇന്നലെ പുലര്‍ച്ചെയാണ് മരിച്ചത്. സംസ്‌കാരം നടത്തി. മക്കൾ: പ്രമോഷ്, നിഷ.

തോളൂര്‍ സ്വദേശി ബഹറിനില്‍ അന്തരിച്ചു

തോളൂർ: പുളിഞ്ചേരി കായമ്പിള്ളി പരേതനായ മോഹന്‍ദാസിന്‍റെ (അപ്പനേട്ടന്‍ ) മകള്‍ ഷീജയുടെ ഭര്‍ത്താവ് തൃത്താല കുന്നഞ്ചാത്ത് വിശാലംഅമ്മ മകന്‍ മനോജ് (54) ബഹറിനില്‍ ഹൃദയാഘാതം മൂലം അന്തരിച്ചു. മൃതദേഹം നാട്ടിലെത്തിച്ച് സംസ്‌കാരം ഇന്ന് രാവിലെ ഒന്പതിന് പാറമേക്കാവ് ശാന്തിഘട്ടില്‍ നടത്തും. മക്കള്‍: അഭിജിത്, അഞ്ജന.

ലോറിയും സ്കൂട്ടറും കൂട്ടിയിടിച്ചു വീട്ടമ്മ മരിച്ചു; മകൾക്ക് പരിക്ക്

പുന്നയൂർക്കുളം: കുറ്റിപ്പുറം സംസ്ഥാന പാതയിൽ ഓർക്കിഡ് ഹോസ്പിറ്റലിനു സമീപമുണ്ടായ അപകടത്തിൽ വീട്ടമ്മ മരിച്ചു. സ്കൂട്ടറിൽ സഞ്ചരിച്ചിരുന്ന മൂക്കുതല ചേലക്കടവ് സ്വദേശി പുറയക്കാട് അബൂബക്കറി ന്‍റെ ഭാര്യ കദീജ (45)ആണ് മരിച്ചത്. സ്കൂട്ടർ ഓടിച്ചിരുന്ന ഇവരുടെ മകൾ ഹസ്നയ്ക്ക് (21) സാരമായപരിക്കേറ്റു. അപകടത്തെ തുടർന്ന് കദീജയെ ഓർക്കിഡ് ഹോസ്പിറ്റലിൽ എത്തിച്ചെങ്കിലും മരണം സംഭവിച്ച. ഹസ്ന യെ തൃശൂർ അമല ഹോസ്പിറ്റലിൽ പ്രവേശിപ്പിച്ചു. ഇന്നലെ ഉച്ചയ്ക്ക് ഒരു മണിയോടെയാണ് അപകടം. കദീജയും മകൾ ഹസ്നയും ഓർക്കിഡ് ഹോസ്പിറ്റലിൽ ഡോക്ടറെ കാണാൻ വരുകയായിരുന്നു. ചങ്ങരംകുളം പോലീസ് നടപടി സ്വീകരിച്ചു. ഇന്ന് പോസ്റ്റ്മോട്ടത്തിന് ശേഷം കബറടക്കം നടത്തും.

തൃപ്രയാറിൽ ലോറി കയറി സ്കൂട്ടർ യാത്രക്കാരി മരിച്ചു

തൃപ്രയാർ: പാഴ്സൽ ലോറി ശരീരത്തിലൂടെ കയറി സ്കൂട്ടർ യാത്രക്കാരി മരിച്ചു. മുരിയാതോട് കറപ്പംവീട്ടിൽ നിസാറിന്റെ ഭാര്യ കമറുന്നീസ (47) ആണ് മരിച്ചത്. തൃപ്രയാർ കിഴക്കേ ടിപ്പുസുൽത്താൻ റോഡിൽ സബ് രജിസ്ട്രാർ ഓഫീസിന് മുൻപിൽ ഇന്നലെ വൈകീട്ട് നാലിനാണ് അപകടം. ഭർതൃസഹോദരിയുമായി സ്കൂട്ടറിൽ പോകുമ്പോൾ പാഴ്സൽ ലോറി തട്ടിയതിനെ കമറുന്നീസ റോഡിലേക്കും ഭർതൃ സഹോദരി പുറത്തേക്കും തെറിച്ചു വീഴുകയായിരുന്നു. കമറുന്നീസയുടെ ശരീരത്തിൽ ലോറി കയറി. ഗുരുതര പരിക്കേറ്റ ഇവരെ അശ്വനി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കബറടക്കം ചൊവ്വാഴ്ച നടക്കും.

റോഡരികില്‍ മരണക്കെണിയായിരുന്ന ഇരുമ്പുപൈപ്പ് നീക്കി

വെള്ളിക്കുളങ്ങര: യാത്രക്കാര്‍ക്ക് ഭീഷണിയായി റോഡരികില്‍ ഉയര്‍ന്നു നിന്നിരുന്ന ഇരുമ്പുപൈപ്പ് നീക്കം ചെയ്യാന്‍ അധികൃതര്‍ നടപടി സ്വീകരിക്കാത്തതിനെ തുടര്‍ന്ന് ജനപ്രതിനിധിയുടെ നേതൃത്വത്തില്‍ മുറിച്ചു നീക്കി. വെള്ളിക്കുളങ്ങര മാവിന്‍ചുവടിനു സമീപമുള്ള വിമല സ്‌കൂളിനു മുന്‍വശത്താണ് റോഡിനോടു ചേര്‍ന്ന് ഉപയോഗശൂന്യമായ കുഴല്‍ക്കിണറിന്‍റെ ഇരുമ്പുപൈപ്പ് ഉയര്‍ന്നു നിന്നിരുന്നത്. കാല്‍നടക്കാര്‍ക്കും ഇരുചക്രവാഹനയാത്രക്കാര്‍ക്കും മരണക്കെണി തീര്‍ക്കുന്ന ഈ കുഴല്‍ക്കിണര്‍ അപകട സാധ്യത കണക്കിലെടുത്ത് എത്രയുംവേഗം നീക്കം ചെയ്യണമെന്നാവശ്യപ്പെട്ട് സാമൂഹിക പ്രവര്‍ത്തകന്‍ സജീവ്കുമാര്‍ പൈങ്കയില്‍ കഴിഞ്ഞ ഫെബ്രുവരിയില്‍ അധികൃതര്‍ക്ക് പരാതി നല്‍കിയിരുന്നു. വാര്‍ഡംഗം കെ.ആര്‍.ഔസേഫ് ഈ വിഷയം പഞ്ചായത്ത് ഭരണസമതി യോഗത്തില്‍ ഉന്നയിക്കുകയും ചെയ്തിരുന്നു. ഇതേ തുടര്‍ന്ന് അപകട ഭീഷണിയായ കുഴല്‍ക്കിണര്‍ പൈപ്പ് നീക്കം ചെയ്യണമെന്നാവശ്യപ്പെട്ട് മറ്റത്തൂര്‍ പഞ്ചായത്ത് സെക്രട്ടറി എറണാകുളം ഇടപ്പള്ളിയിലുള്ള കെആര്‍എഫ്ബി എക്‌സിക്യൂട്ടീവ് എന്‍ജിനീയര്‍ക്ക് കത്തുനല്‍കിയിരുന്നെങ്കിലും നടപടി ഉണ്ടായില്ല. മാസങ്ങള്‍ കഴിഞ്ഞിട്ടും നടപടി ഇല്ലാതെ വന്ന സാഹചര്യത്തില്‍ പഞ്ചായത്ത് സ്റ്റാന്‍ഡിംഗ് കമ്മിറ്റി ചെയര്‍മാന്‍ വി.എസ്. നിജില്‍, സാമൂഹിക പ്രവര്‍ത്തകന്‍ സജീവ്കുമാര്‍ പൈങ്കയില്‍ എന്നിവരുടെ നേതൃത്വത്തില്‍ ഇന്നലെ ഇരുമ്പുപൈപ്പ് മുറിച്ചു മാറ്റി അപകട ഭീഷണി ഒഴിവാക്കി.

കൊരട്ടി സെന്‍റ്് മേരീസ് ഫൊറോന പള്ളിയിൽ മാതാവിന്‍റെ ജനനത്തിരുനാളിന് കൊടിയേറി

കൊരട്ടി: സെന്‍റ് മേരീസ് ഫൊറോന പള്ളിയിൽ പരിശുദ്ധ കന്യാമറിയത്തിന്‍റെ ജനനത്തിരുനാളിന് വികാരി ഫാ. ജോൺസൺ കക്കാട്ട് കൊടിയേറ്റി. ഇന്നലെ വൈകീട്ട് 4.45ന് നടന്ന വിശുദ്ധ കുർബാനയ്ക്കു ശേഷമാണ് കൊടിയേറ്റും നൊവേന, ലദീഞ്ഞ് എന്നീ പ്രാർത്ഥനാശുശ്രൂഷകളും നടന്നത്. ഇടവകദിനവും ഊട്ടുനേർച്ചയും നടക്കുന്ന ഇന്ന് രാവിലെ 5.30നും ഏഴിനും വിശുദ്ധ കുർബാന. 9.30ന് ഇടവകയിലെ വൈദികരുടെ നേതൃത്വത്തിൽ ആഘോഷമായ തിരുനാൾ പാട്ടുകുർബാനയും തുടർന്ന് ഊട്ടുനേർച്ചയുടെ വെഞ്ചരിപ്പും ഉണ്ടായിരിക്കും.ഊട്ടുനേർച്ച ഉച്ചതിരിഞ്ഞ് മൂന്നുമണിവരെ വിതരണം ചെയ്യും. വൈകീട്ട് 4.45ന് വിശുദ്ധ കുർബാന ഉണ്ടായിരിക്കും. 18, 19, 20 തീയതികളിൽ നാല്പതു മണി ആരാധനയും 22 മുതൽ 26 വരെ വചനസായാഹ്നവും ഒരുക്കിയിട്ടുണ്ട്.

സംസ്ഥാന സര്‍ക്കാരിന്‍റെ അവാര്‍ഡിന് മങ്ങല്‍

ഇരിങ്ങാലക്കുട: ശുചിത്വത്തിനും മാലിന്യ പരിപാലനത്തിനും പരിസ്ഥിതി സൗഹാര്‍ദത്തിനുമായി സംസ്ഥാന സര്‍ക്കാരിന്‍റെ അവാര്‍ഡുകള്‍ വാരിക്കൂട്ടിയ ഇരിങ്ങാലക്കുട ജനറല്‍ ആശുപത്രിയില്‍ അലക്ഷ്യമായ നിലയില്‍ മാലിന്യക്കൂമ്പാരം. ആശുപത്രിയിലുള്ള ഹരിതകര്‍മസേനയുടെ സംഭരണശാലയ്ക്ക് തൊട്ടരികിലായാണ് മാലിന്യങ്ങള്‍ അലക്ഷ്യമായ രീതിയില്‍ കുന്നുകൂട്ടിയിട്ടിരിക്കുന്നത്. ആശുപത്രിവേസ്റ്റും പ്ലാസ്റ്റിക്കും ഗ്ലൗസും വരെ ഇവിടെ കാണാം. ഒഴിഞ്ഞിരിക്കുന്ന ബക്കറ്റില്‍ കൊതുകുകള്‍ക്ക് പെറ്റുപെരുകാന്‍ പാകത്തില്‍ വെള്ളവുമുണ്ട്. മാലിന്യസംഭരണശാലയില്‍ ഗ്ലാസ്, കുപ്പി തുടങ്ങി ഇ-വേസ്റ്റ് മാലിന്യങ്ങളെല്ലാം സംഭരിക്കുന്നതിനും പ്ലാസ്റ്റിക് മാലിന്യം സംഭരിക്കുന്നതിനും പേപ്പര്‍ മാലിന്യം സംഭരിക്കുന്നതിനുമെല്ലാം പ്രത്യേകമായി മുറികളുണ്ട്. ഈ മുറികളെല്ലാം താഴിട്ട് പൂട്ടിയിട്ടുമുണ്ട്. ഇതിന് തൊട്ടടുത്തായി നിര്‍മാണത്തിലിരിക്കുന്ന അമ്മയും കുഞ്ഞും കെട്ടിടത്തിന്‍റെ സൈഡിലും പുറത്ത് വിരിച്ചിരിക്കുന്ന ടൈലിലുമെല്ലാം മാലിന്യങ്ങള്‍ നിറഞ്ഞുകിടപ്പാണ്. മോര്‍ച്ചറിയുടെ സൈഡിലാകട്ടെ പൊട്ടിയ ക്ലോസറ്റുവരെ കിടപ്പുണ്ട്. കഴിഞ്ഞമാസമാണ് ജനറല്‍ ആശുപത്രി സംസ്ഥാന സര്‍ക്കാരിന്‍റെ മാലിന്യ പരിപാലനം, ശുചിത്വം, അണുബാധ നിയന്ത്രണം എന്നിവ പ്രോത്സാഹിപ്പിക്കുന്നതിന്‍റെ ഭാഗമായി നല്‍കുന്ന കായകല്‍പ്പ് അവാര്‍ഡും പരിസ്ഥിതി സൗഹാര്‍ദ അവാര്‍ഡും കരസ്ഥമാക്കിയത്. എറണാകുളം ജനറല്‍ ആശുപത്രിയുമായി കായകല്‍പ്പ് അവാര്‍ഡ് പങ്കിട്ട് അവാര്‍ഡ് തുകയായ 25 ലക്ഷം രൂപയും പരിസ്ഥിതി സൗഹാര്‍ദ അവാര്‍ഡ് തുകയായ 10 ലക്ഷം രൂപയും ജനറല്‍ ആശുപത്രി സ്വന്തമാക്കിയിരുന്നു. ശുചിത്വവും പരിസ്ഥിതി സൗഹാര്‍ദവും ഉറപ്പുവരുത്താന്‍ ആശുപത്രി അധികൃതര്‍ വിട്ടുവീഴ്ചയില്ലാതെ കാഴ്ചവച്ച പ്രവര്‍ത്തനങ്ങളുടെ അടിസ്ഥാനത്തില്‍ ലഭിച്ച അവാര്‍ഡുകളെ നോക്കുകുത്തിയാക്കിയാണ് ഇപ്പോള്‍ ഇവിടെ മാലിന്യങ്ങള്‍ കിടക്കുന്നത്. ആശുപത്രിയിലെ ഈ മാലിന്യ കാഴ്ചകള്‍ ബന്ധപ്പെട്ട അധികൃതരുടെ കണ്ണില്‍പ്പെടാത്തതാണെങ്കില്‍ സംസ്ഥാന അവാര്‍ഡുകളുടെ തിളക്കത്തിന് ഒട്ടും മങ്ങലേല്‍ക്കാത്ത വിധം മാലിന്യ നിര്‍മാര്‍ജന രീതികള്‍ ഫലപ്രദമായി മുന്നോട്ടു കൊണ്ടുപോകാന്‍ വേണ്ട പ്രവര്‍ത്തനങ്ങള്‍ വീണ്ടും വിട്ടുവീഴ്ച്ചയില്ലാതെ നടപ്പിലാക്കണമെന്നാണ് നാട്ടുകാര്‍ക്ക് പറയാനുള്ളത്.

അക്രമപരമ്പര: പ്രതികൾ പിടിയിൽ

മദ്യലഹരിയിൽ സുഹൃത്തിനെ ആക്രമിച്ച് പരിക്കേൽപ്പിച്ചു കയ്പമംഗലം: മദ്യലഹരിയിൽ സുഹൃത്തിനെ ആക്രമിച്ച് പരിക്കേൽപ്പിച്ച കേസിൽ വധശ്രമം ഉൾപ്പടെ 27 ക്രിമിനൽക്കേസുകളിൽ പ്രതിയായ സ്റ്റേഷൻറൗഡി അറസ്റ്റിൽ. എടത്തുരുത്തി മുനയം സ്വദേശി കോഴിപ്പറമ്പിൽ വീട്ടിൽ പ്രണവിനെ(34)യാണ് അറസ്റ്റ് ചെയ്തത്. ഈ മാസം അഞ്ചിന് വൈകീട്ട് 4.30ന് എടത്തിരുത്തി മുനയം ദ്വീപിൽ വച്ച് സുഹൃത്തുക്കളായ കാട്ടൂർ മുനയം സ്വദേശി കോലോത്തുംകാട്ടിൽ ബാലു(28), എടത്തിരുത്തി മുനയം സ്വദേശി കോഴിപ്പറമ്പിൽ വീട്ടിൽ പ്രണവ് (34) എന്നിവർ ഒരുമിച്ചിരിക്കുന്ന മദ്യപിക്കുന്ന സമയം ഉണ്ടായ തർക്കത്തെ തുടർന്നുള്ള വൈരാഗ്യത്താൽ പ്രണവ് ബാലുവിനെ ഇവിടെ ഞാൻ മാത്രം ഗുണ്ടയായി മതി എന്ന് പറഞ്ഞ് മുളവടികൊണ്ടും കാലുകൊണ്ടും ആക്രമിച്ച് ഗുരുതരമായി പരിക്കേൽപ്പിച്ചെന്നാണ് കേസ്. സംഭവത്തിൽ പരിക്കേറ്റ ബാലു ആദ്യം ഇരിങ്ങാലക്കുട ജനറൽ ആശുപത്രിയിലും തുടർന്ന് തൃശൂർ മെഡിക്കൽ കോളജ് ആശുപത്രിയിലും ചികിത്സതേടി. ബാലുവിന് മുളവടികൊണ്ട് അടികിട്ടിയതിൽ ചെവിയിലും തലയിലും നെറ്റിയിലും കാലുകൊണ്ട് ചവിട്ടിയതിൽ വയറിനും പരിക്ക് പറ്റിയിട്ടുണ്ട്. തലയിൽ എട്ട് സ്റ്റിച്ച് ഇട്ടിട്ടുണ്ട്. പ്രതിയെ സംഭവസ്ഥലത്തെത്തിച്ച് തെളിവെടുപ്പ് നടത്തി. നടപടിക്രമങ്ങൾക്ക് ശേഷം പ്രതിയെ കോടതിയിൽ ഹാജരാക്കി. റൂറൽ ജില്ലാ പോലീസ് മേധാവി ബി.കൃഷ്ണകുമാറിന്‍റെ നേതൃത്വത്തിൽ കയ്പമംഗലം പോലീസ് സ്റ്റേഷൻ എസ്എച്ച്ഒ ആർ. ബിജു, എസ്ഐമാരായ ടി.അഭിലാഷ്, പ്രദീപ്, നൗഷാദ്, ഗ്രേഡ് സിനിയർ സിപിഒ സുനിൽകുമാർ, സിപിഒ മാരായ ബിജു, മുഹമ്മദ് ഫറൂഖ്, സുർജിത് എന്നിവരാണ് അന്വേഷണ സംഘത്തിലുണ്ടായിരുന്നത്. തർക്കത്തിൽ ഇടപെട്ട യുവാവിന് മർദനം കാട്ടൂര്‍: യുവാവിനെ ആക്രമിച്ച് പരിക്കേല്‍പ്പിച്ച സംഭവത്തില്‍ കൊലപാതകം ഉള്‍പ്പടെ നിരവധി കേസുകളില്‍ പ്രതികളും സ്റ്റേഷന്‍ റൗഡികളുമായവര്‍ അറസ്റ്റില്‍. എടക്കുളം ചൂരക്കാട്ടുപടി സ്വദേശികളായ ഈശ്വരമംഗലത്ത് വീട്ടില്‍ അഖിനേഷ് (27), പുത്തന്‍ വീട്ടില്‍ അസ്മിന്‍ (29) എന്നിവരാണ് അറസ്റ്റിലായത്. എടക്കുളം കുന്നപ്പിള്ളി വീട്ടില്‍ വിബിന്‍റെ സുഹൃത്തായ ശരവണന്‍ അഖിനേഷുമായി മുമ്പ് തര്‍ക്കത്തിലേര്‍ട്ടപ്പോള്‍ വിബിന്‍ ഇടപെട്ടതിലുള്ള വൈരാഗ്യത്തിലാണ് മർദനമെന്നാണ് കരുതുന്നത്. ‍എടക്കുളത്തുള്ള വിബിന്‍റെ വീടിനുസമീപം റോഡില്‍ വച്ച് വിബിൻ സഞ്ചരിച്ച കാര്‍ പ്രതികള്‍ തടഞ്ഞുനിര്‍ത്തി ആക്രമിക്കുകയായിരുന്നു. കാട്ടൂര്‍ പോലീസ് സ്റ്റേഷന്‍ ഇന്‍സ്‌പെക്ടര്‍ ഇ.ആര്‍. ബൈജു, എസ്ഐ ബാബു, ജിഎസ്ഐമാരായ നൗഷാദ്, ഫ്രാന്‍സിസ്, മിനി, ജിഎസ്‌സിപിഒ മുഹമ്മദ് ഷൗക്കര്‍, സിജു, സിപിഒ ദീക്ഷീത് എന്നിവര്‍ ചേര്‍ന്നാണ് പ്രതികളെ അറസ്റ്റ് ചെയ്തത്. പാർക്കിംഗ് ഗ്രൗണ്ടില്‌ ഉന്തുംതള്ളും; പിടിച്ചുമാറ്റുവാൻ ശ്രമിച്ചതിനു മർദനം ഇരിങ്ങാലക്കുട: ബാറിന് മുന്‍വശം പാര്‍ക്കിംഗ് ഗ്രൗണ്ടില്‍ യുവാവിനു നേരെയുണ്ടായ ആക്രമണത്തില്‍ മൂന്നുപേര്‍ അറസ്റ്റില്‍. പടിയൂര്‍ പത്തനങ്ങാടി സ്വദേശി അണ്ടിക്കോട്ട് വീട്ടില്‍ അഭിനവിനാണ് മര്‍ദനമേറ്റത്. പുക, അഖിലപ്പന്‍ എന്നീ വിളിപ്പേരുകളില്‍ അറിയപ്പെടുന്ന ഈസ്റ്റ് കോമ്പാറ സ്വദേശി പൊറായി വീട്ടില്‍ അഖില്‍ (28), തൊമ്മാന കച്ചേരിപ്പടി സ്വദേശി പൊറ്റക്കല്‍ വീട്ടില്‍ ആകാശ് (29), നടവരമ്പ് സ്വദേശി കൂട്ടപ്ലാവില്‍ വീട്ടില്‍ പ്രണവ് (25) എന്നിവരെയാണ് അറസ്റ്റ് ചെയ്തത്. വാക്കുതര്‍ക്കവും ഉന്തുംതള്ളും ഉണ്ടാകുന്നത് കണ്ട് അഭിനവ് പിടിച്ചുമാറ്റുവാന്‍ പോയതിലുളള വൈരാഗ്യത്താലാണ് പ്രതികള്‍ അഭിനവിനെ അവിടയെുണ്ടായിരുന്ന ചെടിച്ചട്ടി കൊണ്ടും പ്ലാസറ്റിക് കോണ്‍ കൊണ്ടും ആക്രമിച്ച് ഗുരുതരമായി പരിക്കേല്‍പ്പിച്ചത്. സംഭവത്തില്‍ പരിക്കേറ്റ അഭിനവ് ആദ്യം ഇരിങ്ങാലക്കുട ജനറല്‍ ആശുപത്രിയിലും തുടര്‍ന്ന് തൃശൂര്‍ മെഡിക്കല്‍ കോളേജ് ആശുപത്രിയിലും ചികിത്സതേടി. ഇരിങ്ങാലക്കുട പോലീസ് സ്റ്റേഷന്‍ എസ്എച്ച്ഒ കെ.ജെ. ജിനേഷ്, എസ്ഐമാരായ സഹദ്, മുഹമ്മദ് റാഷി, ജയകൃഷ്ണന്‍, ഷൈന്‍, ജിഎസ്‌സിപിഒമാരായ ഡാനി, സോണി, കെ.എസ്. ഉമേഷ്, മുരുകദാസ്, കെ.ജെ. ഷിന്‍റോ, സിപിഒ ഷാബു എന്നിവരാണ് അന്വേഷണസംഘത്തിലുണ്ടായിരുന്നത്.

തീരം ജലോത്സവം: ഗോതുരുത്ത് പുത്രനും വടക്കുംപുറവും ജേതാക്കൾ

പാവറട്ടി: തൊയക്കാവ് കാളിമാക്കൽ തീരം ബോട്ട് ക്ലബും ജില്ലാ പഞ്ചായത്തും സംയുക്തമായി സംഘടിപ്പിച്ച തീരം ജലോത്സവത്തിൽ എ ഗ്രേഡ് വിഭാഗത്തിൽ തൃപ്രയാർ പയ്യന്നൂർ ദേശം ബോ ട്ട് ക്ലബ്ബിന്‍റെ ഗോതുരുത്ത് പുത്രനും ബി ഗ്രേഡ് വിഭാഗത്തിൽ കോടമുക്ക് തൽവാർ ബോട്ട് ക്ലബ്ബിന്‍റെ വടക്കുംപുറവും ജേതാക്കളായി. എ ഗ്രേഡിൽ വെങ്കിടങ്ങ് മുപ്പട്ടിത്തറ ന്യൂ ബ്രദേഴ്സ് ബോട്ട് ക്ലബ്ബിന്‍റെ പുത്തൻപറന്പിലിനാണ് രണ്ടാം സ്ഥാനം. ബി ഗ്രേഡ് വിഭാഗത്തിൽ ഒരുമനയൂർ സണ്‍റൈസ് ബോട്ട് ക്ലബ്ബിന്‍റെ ശ്രീമുരുകൻ രണ്ടാമതെത്തി. അമൃതതീരം ട്രസ്റ്റ് എ ഗ്രേഡ് വിന്നേഴ്സ് ട്രോഫിക്കും കെ.ടി. പോൾ എ ഗ്രേഡ് റണ്ണേഴ്സ് ട്രോഫിക്കും വേണ്ടിയുള്ള 16-ാമത് തീരം ജലോത്സവത്തിൽ പതിമൂന്ന് പ്രമുഖ ബോട്ട് ക്ലബ്ബുകൾ മാറ്റുരച്ചു. ജില്ലാ പഞ്ചായത്ത് പ്രസിഡന്‍റ് വി.എസ്. പ്രിൻസ് ജലോത്സവം ഉദ്ഘാടനം ചെയ്തു. വെങ്കിടങ്ങ് ഗ്രാമപഞ്ചായത്ത് പ്രസിഡന്‍റ് കൊച്ചപ്പൻ വടക്കൻ അധ്യക്ഷനായിരുന്നു. തീരം ജലോത്സവക്കമ്മിറ്റി രക്ഷാധികാരി എം. എ. വാസുദേവൻ ജലഘോഷയാത്ര ഫ്ലാഗ്ഓഫ് ചെയ്തു. പാവറട്ടി എസ്എച്ച്ഒ ആന്‍റണി ജോസഫ് നെറ്റോ വിജയികൾക്ക് ട്രോഫികളും കാഷ് അവാർഡും സമ്മാനിച്ചു. മുല്ലശേരി ബ്ലോ ക്ക് പഞ്ചായത്ത് പ്രസിഡന്‍റ് ലതി വേണുഗോപാൽ, ജില്ലാ പഞ്ചായത്ത് അംഗം ബെന്നി ആന്‍റണി, ജനപ്രതിനിധികളായ പൂർണിമ നിഖിൽ, ആർ.വി. മൊയ്നുദീൻ, മുൻ ഡിസിസി പ്രസിഡന്‍റ് ജോസ് വള്ളൂർ, പി.എ. രമേശൻ, പി.പി. സ്റ്റീഫൻ, സി.ആർ. ദിലീപ്, ഷൈജു വെങ്കിടങ്ങ്, സുധീരൻ മഞ്ചറന്പത്ത്, രജീഷ് മഞ്ചറന്പത്ത്, മണികണ്ഠൻ മഞ്ചറന്പത്ത് എന്നിവർ പ്രസംഗിച്ചു.

പാലിയേക്കരയിൽ ടെന്പോ ട്രാവലറും ടൂറിസ്റ്റ് ബസും കൂട്ടിയിടിച്ച് അഞ്ചുപേർക്കു പരിക്ക്

പാലിയേക്കര: ടോൾ പ്ലാസയ്ക്കു സമീപം ടെന്പോ ട്രാവലറും ടൂറിസ്റ്റ് ബസും കൂട്ടിയിടിച്ച് അഞ്ചുപേർക്കു പരിക്കേറ്റു. ട്രാവലറിലെ യാത്രക്കാരായ നാലുപേർക്കും ബസ് ഡ്രൈവർക്കുമാണു പരിക്കേറ്റത്. ഇതിൽ ബസ് ഡ്രൈവർക്കും ട്രാവലറിലെ യാത്രക്കാരനും ഗുരുതരമായി പരിക്കേറ്റു. ഇവരെ തൃശൂരിലെ സ്വകാര്യ ആശുപത്രികളിൽ പ്രവേശിപ്പിച്ചു. ഇന്നലെ വൈകീട്ട് നാലരയോടെയാ‌യിരുന്നു അപകടം. മടവാക്കരയിൽനിന്ന് ഇഞ്ചക്കുണ്ടിലേക്ക് പോയിരുന്ന വിവാഹസംഘം സഞ്ചരിച്ചിരുന്ന ബസ് യൂ ടേൺ തിരിയുന്നതിനിടെ ട്രാവലർ വന്നിടിക്കുകയായിരുന്നു. അഹമ്മദബാദിൽനിന്ന് ഗുരുവായൂർ ക്ഷേത്രത്തിലേക്ക് പോയിരുന്നവരാണ് ട്രാവലറിൽ ഉണ്ടായിരുന്നത്. നെടുമ്പാ ശേരി എയർപോർട്ടിൽ നിന്നാണു സംഘം ഗുരുവായൂരി ലേക്കുപോയത്. 16 പേരാണു ട്രാവലറിൽ ഉണ്ടായിരുന്നത്. വാഹനത്തിന്‍റെ മുൻവശത്ത് ഇരുന്നവർക്കാണു പരിക്കേറ്റത്. ബസ് യാത്രക്കാർ പരിക്കേൽക്കാതെ രക്ഷപ്പെട്ടു. അപകടത്തിൽ ടെന്പോ ട്രാവലറിന്‍റെ മുൻവശം പൂർണമായും തകർ‌ന്നു. പുതുക്കാട് പോലീസും ഫയർഫോഴ്‌സും നാട്ടുകാരും ചേർന്നാണു രക്ഷാപ്രവർത്തനം നടത്തിയത്. അപകടത്തെ തുടർന്ന് തൃശൂർ ഭാഗത്തേക്കുള്ള പാതയിൽ ഏറെനേരം ഗതാഗത തടസം നേരിട്ടു. അപകടത്തിൽപ്പെട്ട വാഹനം ക്രെയിൻ എത്തിച്ചാണു നീക്കിയത്.

ഇടിയൻ പോലീസുകാരുടെ ലുക്കൗട്ട് നോട്ടീസ് ഇറക്കും: ജോസഫ് ടാജറ്റ്

പട്ടിക്കാട്: ജില്ലയിലെ ഇടയൻ പോലീസുകാരുടെ ലുക്കൗട്ട് നോട്ടീസ് കോണ്‍ഗ്രസ് പുറത്തിറക്കുമെന്നു ഡിസിസി പ്രസിഡന്‍റ് അഡ്വ. ജോസഫ് ടാജറ്റ്. പീച്ചി എസ്ഐ ആയിരുന്ന പി.എം. രതീഷിനെയും കൂട്ടാളികളെയും സർവീസിൽനിന്നു നീക്കം ചെയ്യണമെന്നാവശ്യപ്പെട്ട് പാണഞ്ചേരി ബ്ലോക്ക് കോണ്‍ഗ്രസ് കമ്മിറ്റി പീച്ചി പോലീസ് സ്റ്റേഷനിലേക്കു നടത്തിയ പ്രതിഷേധ മാർച്ച് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഹോട്ടലുടമയ്ക്കും മകനും നേരേ മൃഗീയമർദനമുണ്ടായി. ഇത് ഒറ്റപ്പെട്ട സംഭവമല്ല. കേരളത്തിലെ മുഴുവൻ സ്റ്റേഷനുകളുടെയും സ്ഥിതിയിതാണ്. എൽഡിഎഫ് സർക്കാർ ജനങ്ങളുടെമേൽ നരനായാട്ടു നടത്തുകയാണെങ്കിൽ കോണ്‍ഗ്രസ് ശക്തമായ സമരങ്ങളുമായി പ്രതിരോധിക്കുമെന്നും കുന്നംകുളം സംഭവത്തിൽ കാണാമറയത്തു നിൽക്കുന്ന അഞ്ചാമൻ ഷുഹൈറിനെ തദ്ദേശവകുപ്പിൽനിന്നു പുറത്താക്കണമെന്ന് ആവശ്യപ്പെട്ട് പഴയന്നൂർ പഞ്ചായത്ത് ഓഫീസിലേക്കു മാർച്ച് നടത്തുമെന്നും ടാജറ്റ് പറഞ്ഞു. പാണഞ്ചേരി ബ്ലോക്ക് കോണ്‍ഗ്രസ് കമ്മിറ്റി പ്രസിഡന്‍റ് കെ.എൻ. വിജയകുമാർ, നേതാക്കളായ സുനിൽ അന്തിക്കാട്, രാജേന്ദ്രൻ അരങ്ങത്ത്, അഡ്വ. സിജോ കടവിൽ, എം.എൽ. ബേബി, ഭാസ്കരൻ ആദങ്കാവിൽ, കെ.സി. അഭിലാഷ്, ലീലാമ്മ, കെ.പി.ചാക്കോച്ചൻ, ജേക്കബ് പോൾ, റോയി കെ. ദേവസി, കെ.പി. എൽദോസ്, ഷിബു പോൾ, മിനി നിജോ, മിനി വിനോദ്, ജിത്ത് ചാക്കോ, റെജി പാണംകുടി, ബ്ലസൻ വർഗീസ്, ശ്രീരാഗ് ഷൈജു കുരിയൻ, സി.എസ്. പ്രിജു, അപർണ, കെ. പ്രസന്നൻ എന്നിവർ പ്രസംഗിച്ചു.

പുലിക്കളി കാണാൻ 11 രാജ്യങ്ങളിൽനിന്നുള്ളവർ

തൃശൂർ: പുലിക്കളി കാണാൻ ഇക്കുറിയെത്തുന്നത് പതിനൊന്നു രാജ്യങ്ങളിൽനിന്നുള്ള സംഘം. സർക്കാരിന്‍റെ അതിഥികളായ ഇവർ ഇന്നലെ തൃശൂരിലെത്തി. കേരള ഉത്തരവാദിത്ത ടൂറിസം മിഷൻ സൊസൈറ്റിയുടെ നേതൃത്വത്തിൽ തൃശൂരിൽ ശ്രീജീവം ഉത്തരവാദിത്ത ടൂറിസം മിഷൻ ക്ളബിന്‍റെ സംഘാടനത്തിലാണ് വിദേശ ടൂറിസം പ്രതിനിധി സംഘം എത്തുന്നത്. യുകെ, ഫ്രാൻസ്, ദക്ഷിണ കൊറിയ, ഇന്തോനേഷ്യ, തായ്‌ലൻഡ്, വിയറ്റ്നാം, തായ്‌വാൻ, നേപ്പാൾ, ശ്രീലങ്ക, റൊമാനിയ എന്നീ രാജ്യങ്ങളിൽ നിന്നും ഇന്ത്യയിലെ വിവിധ സംസ്ഥാനങ്ങളിൽ നിന്നുമുള്ള ഉത്തരവാദിത്ത ടൂറിസം നേതാക്കൾ, അക്കാദമീഷ്യൻമാർ, ടൂർ ഓപ്പറേറ്റർമാർ എന്നിവരാണ് സംഘത്തിലുള്ളത്. അന്താരാഷ്ട്ര വിനോദസഞ്ചാര സംഘവും ഇന്ത്യയിലെ വിവിധ സംസ്ഥാനങ്ങളിൽനിന്നുള്ള പ്രതിനിധികളും ഉത്തരവാദിത്ത ടൂറിസം മിഷൻ ഉദ്യോഗസ്ഥ സംഘവുമടങ്ങുന്ന പ്രത്യേക സംഘം തൃശൂരിന്‍റെ തനത് പുലിക്കളിയെ നേരിട്ടറിയുകയും ലോകത്തിന് പരിചയപ്പെടുത്തുകയുമാണ് സന്ദർശന ലക്ഷ്യം. സീതാറാംമിൽ ലൈൻ ദേശത്തെ പുലിക്കളിയൊരുക്കങ്ങളാണ് സംഘം സന്ദർശിക്കുന്ന പ്രധാന കേന്ദ്രം. രാവിലെ പത്തോടെ സംഘത്തിന് സ്വീകരണവും ഒരുക്കിയിട്ടുണ്ട്. പുലിക്കളി മെയ്യെഴുത്ത്, ചുവട്, താളം എന്നിവ അറിയുകയും പുലികളുമായി സംഘം സംവദിക്കുകയും ചെയ്യും. ഇതാദ്യമായാണ് ഇത്രയധികം രാജ്യങ്ങളിൽ നിന്നുള്ള പ്രതിനിധിസംഘം കേരളം സന്ദർശിക്കുന്നത്. സുരേഷ് ഗോപിയില്ല; ക്ഷമചോദിച്ച് സന്ദേശം തൃശൂർ: അടിയന്തരമായി ഡൽഹിക്കു മടങ്ങേണ്ടിവന്നതിനാൽ ഇന്നുനടക്കുന്ന പുലിക്കളി മഹോത്സവത്തിൽ പങ്കെടുക്കാൻ കഴിയില്ലെന്നു കേന്ദ്രമന്ത്രി സുരേഷ് ഗോപി. ഓണാഘോഷത്തിലും പുലിക്കളിക്കും സാന്നിധ്യം പ്രതീക്ഷിച്ചവരോടു ക്ഷമ ചോദിക്കുന്നെന്നും അദ്ദേഹം പറഞ്ഞു. പ്രധാനമന്ത്രിയുടെ നിർദേശപ്രകാരമാണ് ഡൽഹിക്കു മടങ്ങുന്നത്. ഇന്നു വൈകീട്ടു നാലുമുതൽ നിശ്ചയിച്ച എല്ലാ പരിപാടികളും റദ്ദാക്കി. ഇരിങ്ങാലക്കുടയിൽ പാലരുവി എക്സ്പ്രസിന്‍റെ ഫ്ലാഗ് ഓഫ് ചടങ്ങിനും കേന്ദ്രമന്ത്രി എത്തില്ല. ഇരിങ്ങാലക്കുടയിൽ മറ്റൊരു പ്രധാന ട്രെയിനിനുകൂടി സ്റ്റോപ് അനുവദിക്കാനുള്ള ശ്രമത്തിലാണെന്നും അതിന്‍റെ ഫ്ലാഗ് ഒാഫ് ഒന്നിച്ച് ആഘോഷത്തോടെ നടത്താമെന്നും രാജ്യത്തിന്‍റെ ആവശ്യത്തിനാണ് ഇപ്പോൾ മുൻഗണനയെന്നും സുരേഷ് ഗോപി സമൂഹമാധ്യമത്തിൽ കുറിച്ചു. പുലിക്കളി സംഘങ്ങൾക്ക് മൂന്നുലക്ഷംവീതം കേന്ദ്രസഹായം തൃശൂർ: പുലിക്കളി സംഘങ്ങൾക്കു കേന്ദ്ര ധനസഹായം അനുവദിച്ച് കേന്ദ്രമന്ത്രി സുരേഷ് ഗോപി. ടൂറിസം മന്ത്രാലയത്തിന്‍റെ ഡിപിപിഎച്ച് പദ്ധതിയിൽ ഉൾപ്പെടുത്തി ഓരോ സംഘത്തിനും മൂന്നുലക്ഷം വീതമാണ് അനുവദിച്ചതെന്നു സുരേഷ് ഗോപി തന്‍റെ ഫേസ്ബുക്ക് പേജിലൂടെ അറിയിച്ചു. പുലിക്കളി സംഘങ്ങൾക്കു തന്‍റെവക ഓണസമ്മാനമാണിതെന്നും തഞ്ചാവൂർ സൗത്ത് സോണ്‍ കൾച്ചറൽ സെന്‍റർ പുലിക്കളി സംഘങ്ങൾക്ക് ഒരുലക്ഷം രൂപ വീതം നൽകുമെന്നും അദ്ദേഹം പറഞ്ഞു.

പുലിക്കളി: രാവിലെ മുതൽ ഗതാഗതനിയന്ത്രണം

തൃശൂർ: പുലിക്കളിയോടനുബന്ധിച്ച് ഇന്നു രാവിലെ മുതൽ നഗരത്തിൽ ഗതാഗത നിയന്ത്രണം. സ്വരാജ് റൗണ്ട്, തേക്കിൻകാട് മൈതാനം എന്നിവിടങ്ങളിൽ പാർക്കിംഗ് നിരോധിച്ചു. ഉച്ചയ്ക്കു രണ്ടുമുതൽ സ്വരാജ് റൗണ്ടിലും സമീപ റോഡുകളിലും ഗതാഗതം നിയന്ത്രിക്കും. പുലിക്കളി തീരുന്നതുവരെ റൗണ്ടിലേക്കു വാഹനങ്ങൾക്കു പ്രവേശനമില്ല. നഗരത്തിലേക്ക് സ്വകാര്യ വാഹനങ്ങളിലെത്തുന്നതു കുറയ്ക്കണമെന്നും പാർക്കിംഗ് ഗ്രൗണ്ടുകൾ ഉപയോഗിക്കണമെന്നും പോലീസ് അറിയിച്ചു. പുലിക്കളി കാണാനെത്തുന്നവർ തേക്കിൻകാട് മൈതാനിയിലും ഫുട്പാത്തിലും സുരക്ഷിതമായ സ്ഥലത്തുനിന്ന് ആസ്വദിക്കണം. ജീർണാവസ്ഥയിലുള്ളതും നിർമാണത്തിലിരിക്കുന്നതും മതിയായ സുരക്ഷയില്ലാത്ത കെട്ടിടങ്ങളിലും വൃക്ഷങ്ങളിലും കയറുന്നതു നിരോധിച്ചു. ഇന്നു രാവിലെമുതൽ സ്വരാജ് റൗണ്ടിലും അനുബന്ധപ്രദേശങ്ങളിലും ഗതാഗത ക്രമീകരണത്തിന് തൃശൂർ അസി. കമ്മീഷണറുടെ കീഴിൽ വിവിധ മേഖലകളാക്കിത്തിരിച്ച് ഉദ്യോഗസ്ഥരെ വിന്യസിക്കും. ഗതാഗതക്കുരുക്ക് ഒഴിവാക്കാൻ കാൽനട പട്രോളിംഗ്, ഇരുചക്രവാഹന പട്രോളിംഗ്, ജീപ്പ് പട്രോളിംഗ് എന്നിവ ഏർപ്പെടുത്തി. സാമൂഹികവിരുദ്ധതയും സ്ത്രീകൾക്കും കുട്ടികൾക്കുമെതിരായ അതിക്രമങ്ങളും ഇല്ലാതാക്കാൻ മഫ്ടി, ഷാഡോ പോലീസിനെയും നിയോഗിച്ചു. ജനങ്ങളെത്തുന്ന പ്രധാന സ്ഥലങ്ങൾ, തേക്കിൻകാട് മൈതാനം, ബസ് സ്റ്റാൻഡുകൾ, റെയിൽവേ സ്റ്റേഷൻ എന്നിവിടങ്ങളിലെല്ലാം 24 മണിക്കൂറും പ്രവർത്തിക്കുന്ന സിസിടിവി കാമറകൾ സ്ഥാപിച്ചു. എമർജൻസി ടെലിഫോണ്‍ നന്പറുകൾ: തൃശൂർ സിറ്റി പോലീസ് കണ്‍ട്രോൾ റൂം- 0487 2424193, തൃശൂർ ടൗണ്‍ ഈസ്റ്റ് പോലീസ് സ്റ്റേഷൻ. 0487 2424192, തൃശൂർ ട്രാഫിക് പോലീസ് യൂണിറ്റ് 0487 2445259.

ഊരകം കുമ്മാട്ടി മഹോത്സവം ഇന്ന്

ചേർപ്പ്: ഊരകം കുമ്മാട്ടി മഹോത്സവത്തിന് ഒരുക്കങ്ങൾ പൂർത്തിയായി. നാലോണ ദിവസമായ ഇന്ന് ഊരകം ഗ്രാമവീഥികൾ കുമ്മാട്ടികളാൽ സജീവമാകും. ഊരകം അമ്പലനട, കിഴക്കുംമുറി, തെക്കുംമുറി, കിസാൻ കോർണർ, യുവജനസമിതി, ചിറ്റേങ്ങര, വാരണംകുളം, കൊറ്റംകുളങ്ങര തുടങ്ങിയ എട്ടുദേശങ്ങളിൽനിന്ന് ടീമുകൾ പങ്കെടുക്കും. 200 ഓളം കുമ്മാട്ടി എന്നിവ കുമ്മാട്ടി മഹോത്സവത്തിന് ചാരുതപകരും. കിഴക്കുമുറി ഓണാഘോഷ കുമ്മാട്ടി സമിതി ഇത്തവണയൊരുക്കിയ ത്രിമൂർത്തികളുടെ കുമ്മാട്ടിമുഖത്തിന് രണ്ടുലക്ഷത്തോളമാണ് ചെലവ്. ഇന്ന് ഉച്ചയോടെ വിവിധഭാഗങ്ങളിൽനിന്ന് കുമ്മാട്ടികൾ ആരംഭിക്കും. രാത്രി പത്തോടെ അമ്മതിരുവടി ക്ഷേത്രം വലംവച്ച് മമ്പിള്ളി ക്ഷേത്രസന്നിധിയിലെത്തി സമാപിക്കും.

മമ്മൂട്ടിക്കുവേണ്ടി പാൽപ്പായസം വഴിപാട്

ഗുരുവായൂർ: നടൻ മമ്മൂട്ടിയുടെ പിറന്നാൾദിനമായ ഇന്നലെ അദ്ദേഹത്തിനുവേണ്ടി സുഹൃത്തും സാംസ്കാരികപ്രവർത്തകനുമായ ബാബുരാജ് ഗുരുവായൂർ ക്ഷേ ത്രത്തിൽ പാൽപ്പായസം വഴിപാടുനടത്തി. പ്രസാദമായി ലഭിച്ച പാൽപ്പായസം ക്ഷേത്രനടയിൽ വിതരണംചെയ്തു. ഇന്നലെ ഗുരുവായൂരിലെത്തിയ പിന്നണിഗായകൻ പി. ഉണ്ണികൃഷ്ണൻ പായസവിതരണം നിർവഹിച്ചു. ദേശീയ അവാർഡ് ജേതാവും പി. ഉണ്ണികൃഷ്ണന്‍റെ മകളുമായ ഉത്തരയും ഒപ്പമുണ്ടായിരുന്നു. ഗുരുവായൂർ നഗരസഭ പ്രതിപക്ഷനേതാവ് കെ.പി. ഉദയൻ, ഡോ. കെ. മണികണ്ഠൻ എന്നിവർ പങ്കെടുത്തു. ഗുരുവായൂർ ക്ഷേത്രത്തിലെ പാൽപ്പായസം മമ്മൂട്ടിക്ക് ഏറെ ഇഷ്ടപ്പെട്ടതാണെന്നും അദ്ദേഹത്തിന് പലപ്രാവശ്യവും പായസം എത്തിച്ചുകൊടുത്തിട്ടുള്ളതായും ബാബുരാജ് പറഞ്ഞു.

കല്ലൂരിൽ യുവാക്കളെ ആക്രമിച്ച കേസിൽ നാലുപേർ അറസ്റ്റിൽ

പുതുക്കാട്: ബൈക്ക് യാത്രക്കാരന്‍റെ ഹെൽമെറ്റ് ഉയർത്തി നോക്കിയതുമായി ബന്ധപ്പെട്ടുണ്ടായ തർക്കം അക്രമത്തിൽ കലാശിച്ചു. നാലുപേർ അറസ്റ്റിൽ. മുരിയാട് തോട്ടപ്പുറത്ത് വീട്ടിൽ സനീഷ്, വെളിയത്ത് വീട്ടിൽ അയ്യപ്പദാസ്, പെരിങ്ങോട്ടുകര താന്ന്യം ചാലിശേരിവീട്ടിൽ ക്രിസ്റ്റി, ചക്കാലക്കൽവീട്ടിൽ അരുൺ, സനീഷ് എന്നിവരെ പുതുക്കാട് പോലീസ് അറസ്റ്റ് ചെയ്തു. വ്യാഴാഴ്ച രാത്രി 8.45ന് കല്ലൂർ നായരങ്ങാടി സെന്‍ററിൽവച്ചായിരുന്നു സംഭവം. പുത്തൂർ മരോട്ടിച്ചാൽ പുത്തിരിക്കൽ വീട്ടിൽ ഷിജു, സുഹൃത്തുക്കളായ അഞ്ചൽ, പ്രബിൻ എന്നിവരെയാണ് പ്രതികൾ ആക്രമിച്ചത്. അഞ്ചലിന്‍റെ സഹോദരി ഭർത്താവ് ശരൺജിത്തിനെ പ്രതികൾ തടഞ്ഞുനിർത്തുകയും ഹെൽമറ്റ് ഉയർത്തിനോക്കുകയും ചെയ്തത് ചോദ്യംചെയ്തതാണ് തർക്കത്തിന് കാരണമായതെന്ന് പോലീസ് പറഞ്ഞു. സനീഷിന് ആളൂർ, വാടാനപ്പിള്ളി, കൊടകര പോലീസ് സ്റ്റേഷനിലായി ഒരു വധശ്രമക്കേസും നാല് അടിപിടികേസുമുൾപ്പെടെ ആറ് ക്രിമിനൽ കേസുകളിൽ പ്രതിയാണ്. അയ്യപ്പദാസ്, ക്രിസ്റ്റി, അരുൺ എന്നിവർ ആളൂർ, പുതുക്കാട്, അന്തിക്കാട് സ്റ്റേഷനുകളിൽ കഞ്ചാവ് ഉപയോഗിച്ച കേസുകളിൽ പ്രതിയാണ്. പുതുക്കാട് പോലീസ് സ്റ്റേഷൻ ഇൻസ്പെക്ടർ ആദം ഖാൻ, സബ് ഇൻസ്പെക്ടർ ആർ. വൈഷ്ണവ്, എഎസ്ഐ ജോബി, സീനിയർ സിവിൽ പോലീസ് ഓഫീസർമാരായ ഫൈസൽ, മനീഷ് എന്നിവരാണ് പ്രതികളെ അറസ്റ്റ് ചെയ്തത്.

വരന്തരപ്പിള്ളിയിൽ വീടുകയറി ആക്രമണം; മൂന്നുപേർ അറസ്റ്റിൽ

വരന്തരപ്പിള്ളി: പള്ളിക്കുന്നിൽ വീടുകയറി ആക്രമണംനടത്തിയ കേസിൽ മൂന്നുപേർ അറസ്റ്റിൽ. നിരവധി ക്രിമിനൽ കേസുകളിൽ പ്രതിയായ കല്ലൂർ ആദൂർ സ്വദേശി വാകേക്കാട്ടിൽവീട്ടിൽ പ്രജിത്ത്, വരന്തരപ്പിള്ളി കരയാംപാടം മാട്ടിൽ സ്വദേശി പാലത്തിങ്കൽവീട്ടിൽ പ്രിൻസ്, കരയാംപാടം അമ്മുക്കുളം സ്വദേശി കിലുക്കൻവീട്ടിൽ ലിവിൻ എന്നിവരെയാണ് വരന്തരപ്പിള്ളി പോലീസ് അറസ്റ്റ് ചെയ്തത്. പള്ളിക്കുന്ന് സ്വദേശി പിണ്ടിയൻ വീട്ടിൽ ഷൈജന്‍റെ വീട്ടിൽകയറിയാണ് പ്രതികൾ അക്രമം നടത്തിയത്. ആക്രമണത്തിൽ ഷൈജനും വീട്ടുകാർക്കും പരിക്കേൽക്കുകയും വീടിന് നാശനഷ്ടം സംഭവിക്കുകയുംചെയ്തു. ഷൈജന്‍റെ സഹോദരിയുടെ മകനും പ്രതികളിലൊരാളായ ലിബിനും തമ്മിൽ മുൻപുണ്ടായ തർക്കത്തെ തുടർന്നുള്ള വൈരാഗ്യമാണ് ആക്രമണത്തിന് പിന്നിലെന്ന് പോലീസ് പറഞ്ഞു. പ്രജിത്ത് പുതുക്കാട് പോലീസ് സ്റ്റേഷൻ പരിധിയിൽ മൂന്ന് വധശ്രമക്കേസിലും മൂന്ന് അടിപിടിക്കേസിലും പ്രതിയാണ്. വരന്തരപ്പിള്ളി എസ്എച്ച്ഒ കെ.എൻ. മനോജ്, എസ്ഐ പോൾസൺ, ജിഎസ് ഐമാരായ അലി, മനോജ് എന്നിവരാണ് അന്വേഷണ സംഘത്തിലുണ്ടായിരുന്നത്.

ചെമ്പുപാത്ര മോഷ്ടാവിനെ നാട്ടുകാർ പിടികൂടി

എരുമപ്പെട്ടി: വെള്ളറക്കാട് മണ്ണാംകുന്നിൽ ചെമ്പുപാത്രം മോഷ്ടിച്ചയാളെ നാട്ടുകാർ കെെയോടെ പിടികൂടി പോലീസിൽ ഏൽപ്പിച്ചു. പട്ടാമ്പി ഞാങ്ങാട്ടിരി തെക്കേതിൽ മുത്തു(മുഹമ്മദ് മുസ്തഫ - 47)വാണ് പിടിയിലായത്. ശനിയാഴ്ച രാത്രി 11 മണിയോടെയാണ് സംഭവം. മണ്ണാംകുന്ന് പട്ടൂര് അനിൽകുമാറിന്‍റെ വീട്ടിൽനിന്നാണ് ഇയാൾ വലിയ ചെമ്പുപാത്രം മോഷ്ടിച്ചത്. വീടിന്‍റെ അടുക്കളയുടെ പുറത്തുള്ള ചായ്പിൽവച്ചിരുന്ന ചെമ്പുപാത്രമെടുത്ത് ചാക്കിൽപൊതിഞ്ഞ് ഇയാൾ എത്തിയ സ്കൂട്ടറിൽ കൊണ്ടുപോകുവാനാണ് ശ്രമിച്ചത്. അപ്രതീക്ഷിതമായി പുറത്തിറങ്ങിയ വീട്ടുകാർ ഇതുകാണുകയും നാട്ടുകാരെ വിളിച്ചുകൂട്ടി ഇയാളെ പിടികൂടുകയുമായിരുന്നു. നാട്ടുകാർ വിവരമറിയിച്ചതിനെ തുടർന്ന് സ്ഥലത്തെത്തിയ എരുമപ്പെട്ടി എസ്ഐ വി.എ. രാജുവിന്‍റെ നേതൃത്വത്തിലുള്ള പോലീസ് ഇയാളെ കസ്റ്റഡിയിലെടുത്തു. ഇയാൾ സ്ഥിരം മോഷ്ടാവാണെന്നാണ് നിഗമനം. എരുമപ്പെട്ടി, കടങ്ങോട്, വേലൂർ പഞ്ചായത്തുകളിലെ വിവിധ പ്രദേശങ്ങളിൽ വീട്ടുപകരണങ്ങളും വാഹനങ്ങളുടെ ബാറ്ററിയും മോഷണംപോകുന്നത് പതിവായിട്ടുണ്ട്. വീടുകളിലും വ്യാപാരസ്ഥാപനങ്ങളിലും മോഷണങ്ങൾ നടന്നിട്ടുണ്ട്. കഴിഞ്ഞദിവസം വേലൂരിലെ ജല്വറിയിൽനിന്ന് മൂന്നുപവന്‍റെ സ്വർണമാലയെടുത്ത് മോഷ്ടാവ് ഓടിരക്ഷപ്പെട്ടിരുന്നു.

കരുമത്ര പള്ളി തിരുനാൾ ഇന്ന്

കരുമത്ര: പരിശുദ്ധ ആരോഗ്യമാതാദേവാലയത്തിലെ എട്ടുനോമ്പ് തിരുനാൾ ഇന്ന് ആഘോഷിക്കും. രാവിലെ ഏഴിന് ദിവ്യബലി, 9.30ന് പൊതുമാമോദിസ, 10.30 ന് ആഘോഷമായ തിരുനാൾ പാട്ടുകുർബാനയ്ക്ക് അതിരൂപത ചിൽഡ്രൻസ് മിനിസ്ട്രി ഡയറക്ടർ ഫാ. പോൾ മുട്ടത്ത് മുഖ്യകാർമികനാകും. പുല്ലഴി സെന്‍റ് ജോസഫ് ഹോം ഡയറക്ടർ ഫാ. ലിജോ ചിറ്റിലപ്പിള്ളി തിരുനാൾസന്ദേശം നൽകും. തുടർന്ന് ജീവകാരുണ്യസഹായവിതരണം. 3.30ന് നടക്കുന്ന കുർബാനയ്ക്ക് സെന്‍റ് തോമസ് കോളജ് എക്സി.മാനേജരും ഇടവക അംഗവുമായ ഫാ. ബിജു പാണേങ്ങാടൻ നേതൃത്വംനൽകും. തുടർന്ന് ഭക്തിനിർഭരമായ ജപമാല പ്രദക്ഷിണംനടക്കും. ബർത്ത്ഡേ കേക്കുമുറിക്കൽ, ഗാനമേള എന്നിവയുമുണ്ടാകും. നാളെ രാവിലെ 6.30ന് ഇടവകയിൽനിന്നു മരിച്ചുപോയവർക്കുവേണ്ടിയുള്ള ദിവ്യബലി, ഒപ്പീസ് എന്നിവയ്ക്ക് ഇടവക വികാരി ഫാ. മനോജ് കീഴുരുമുട്ടിക്കൽ മുഖ്യകാർമികനാകും. ചടങ്ങുകൾക്ക് തിരുനാൾ കമ്മിറ്റി ജനറൽ കൺവീനർ സൈമൺ തേർമഠം, സിസ്റ്റർ മേഴ്സി ചാലക്കൻ, കൈക്കാരൻമാരായ ഡേവിസ് തേർമം, തോമസ് വടക്കൻ, ജോയൽ കണ്ണീറ്റുകണ്ടത്തിൽ, കൺവീനർമാരായ ഷാജു ചീരൻ, ജിയോ മഞ്ഞുരാൻ, തോമസ് അക്കര, ബൈജു പാണേങ്ങാടൻ, പോൾ നീണ്ടുശേരി, ബിബിൻ തേർമഠം തുടങ്ങിയവർ നേതൃത്വംനൽകും.

കുഴഞ്ഞുവീണ് മരിച്ചു

കയ്പമംഗലം: വഴിയമ്പലത്ത് കാർ എസി മെക്കാനിക്ക് കുഴഞ്ഞുവീണ് മരിച്ചു. കാളമുറി കിഴക്ക് ഭാഗത്ത് താമസിക്കുന്ന തിണ്ടിക്കൽ കമ്മട്ടി മകൻ മുഹമ്മദാണ് (70) മരിച്ചത്. ഇന്നലെ വൈകീട്ട് നാലരയോടെ വഴിമ്പലം സെന്‍ററിലുള്ള ഇദ്ദേഹത്തിന്‍റെ വർക്‌ഷോപ്പിന് മുന്നിലാണ് ഇദ്ദേഹം വീണുകിടക്കുന്ന നിലയിൽ കണ്ടത്. ഉടൻ തന്നെ സ്ഥലയുണ്ടായിരുന്നവരും ഫസ്റ്റ് എയ്ഡ് ആംബുലൻസ് പ്രവർത്തകരും പോലീസും ചേർന്ന് ആംബുലൻസിൽ ഇദ്ദേഹത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കബറടക്കം ഇന്ന് മൂന്നിന് ചളിങ്ങാട് ജുമാ മസ്ജിദ് ഖബർസ്ഥാനിൽ. ഭാര്യ നഫീസ. മക്കൾ: ജിബിൻ റാഫി, ജാസ്മിൻ. മരുമക്കൾ: സഗീർ, സൈനാബി.

കാറും സ്കൂട്ടറും കൂട്ടിയിടിച്ച് ഗൃഹനാഥൻ മരിച്ചു

കൈപ്പറമ്പ്: കേച്ചേരി - കുറാഞ്ചേരി സംസ്ഥാനപാതയിൽ മണലി വഴിയ്ക്കു സമീപം കാറും സ്കൂട്ടറും കൂട്ടിയിടിച്ച് സ്കൂട്ടർ യാത്രികനായ കൈപ്പറമ്പ് സ്വദേശിയായ മക്കാട്ടിൽ വീട്ടിൽ വാസു (67) മരണമടഞ്ഞു. വേലൂർ ഭാഗത്തു നിന്നും കേച്ചേരി ഭാഗത്തേക്ക് വന്നിരുന്ന കാർ മണലി വഴിക്ക് സമീപം വെച്ച് സ്കൂട്ടറിന്‍റെ പിറകിൽ ഇടിക്കുകയായിരുന്നു. കേച്ചേരി ആക്ട്സ് പ്രവർത്തകർ ഉടനെ തൃശൂർ മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കുന്നംകുളം പോലീസ് തുടർ നടപടികൾ സ്വീകരിച്ചു. പോസ്റ്റ്മോർട്ട നടപടികൾക്ക് ശേഷം സംസ്കാരം ഇന്ന് രാവിലെ ഒന്പതിന് കൈപ്പറമ്പ് ഗ്രാമപഞ്ചായത്ത് മോക്ഷാലയത്തിൽ. ഇന്നലെ രാവിലെ ഏഴുമണിയോടെ ആയിരുന്നു അപകടം. ഭാര്യ: ഇന്ദിര. മക്കൾ: രതീഷ്, അഭിലാഷ്, ധന്യ. മരുമക്കൾ: മിനി, സൗമ്യ.

കോൽക്കളിക്കിടയിൽ മധ്യവയസ്കൻ കുഴഞ്ഞുവീണ് മരിച്ചു

എരുമപ്പെട്ടി: എരുമപ്പെട്ടി ആദൂരിൽ നബിദിന പരിപാടിയിലെ കോൽക്കളിക്കിടയിൽ 45 വയസുകാരൻ കുഴഞ്ഞു വീണ് മരിച്ചു. ആദൂർ ചുള്ളിയിൽ കുഞ്ഞുമോന്‍റെ മകൻ ഗഫൂറാണ് മരിച്ചത്. ഇന്നലെ പുലർച്ചെ ഒരു മണിയോടെയായിരുന്നു സംഭവം. നബിദിന ആഘോഷ പരിപാടികളുടെ ഭാഗമായി ആദൂർ മദ്രസയിൽ നടന്ന കോൽക്കളിയിൽ കളിച്ച് കൊണ്ടിരിക്കുമ്പോൾ കുഴഞ്ഞു വീഴുകയായിരുന്നു. തുടർന്ന് ആശുപത്രിയിൽ എത്തിച്ചെങ്കിലും മരണം സംഭവിച്ചു. ഹൃദയാഘാതത്തെ തുടർന്നാണ് മരണമെന്ന് ഡോക്ടർമാർ സ്ഥിരീകരിച്ചു. പ്രവാസിയായിരുന്നു. നിലവിൽ ആദൂരിൽ പലചരക്ക് വ്യാപാര സ്ഥാപനം നടത്തി വന്നിരുന്നു. കബറടക്കം നടത്തി. ഭാര്യ: നിഹിത. മക്കൾ: സിയാൻ, സൻഹ, സായ്ഷ.

തൃക്കൂരിൽ കോൺഗ്രസ് മാർച്ച്, സംഘർഷം, പരിക്ക്

തൃക്കൂർ: കുന്നംകുളത്തു യൂത്ത് കോൺഗ്രസ് നേതാവിനെ സ്റ്റേഷനിലിട്ടു മർദിച്ച സംഘത്തിൽ ഉണ്ടായിരുന്ന സീനിയർ സിപിഒ ശശിധരന്‍റെ തൃക്കൂരിലെ വീട്ടിലേക്കു കോൺഗ്രസ് നടത്തിയ മാർച്ചിൽ സംഘർഷം. രണ്ടുപേർക്കു പരിക്കേറ്റു. തൃക്കൂർ ഗ്രാമപഞ്ചായത്തംഗം സലീഷ് ചെമ്പാറ, യൂത്ത് കോൺഗ്രസ് തൃക്കൂർ മണ്ഡലം പ്രസിഡന്‍റ് റിന്‍റോ ജോൺസൺ എന്നിവർക്കാണ് പരിക്കേറ്റത്. ശരീധരൻ ഉൾപ്പെടെയുള്ള പോലീസുകാരെ സർവീസിൽനിന്നു പുറത്താക്കണമെന്ന് ആവശ്യപ്പെട്ടായിരുന്നു മാർച്ച്. ചാലക്കുടി ഡിവൈഎസ്പി ബിജുകുമാറിന്‍റെ നേതൃത്വത്തിൽ വൻ പോലീസ് സംഘം സ്ഥലത്തുണ്ടായിരുന്നു. പോലീസ് ബാരിക്കേഡ് മറികടക്കാനുളള ശ്രമത്തിനിടെയാണ് പ്രവർത്തകർക്കു പരിക്കേറ്റത്. ഇവരെ പുതുക്കാട് താലൂക്ക് ആശുപത്രിയിൽ പ്രവേശിപ്പിച്ചു. മുട്ടൻസിൽനിന്നാരംഭിച്ച മാർച്ച് എസ്എംഎസ് റോഡിലെ ശശിധരന്‍റെ വീടിനുസമീപം പോലീസ് സംഘം തടഞ്ഞു. തുടർന്നുനടന്ന ധർണ ഡിസിസി സെക്രട്ടറി കല്ലൂർ ബാബു ഉദ്ഘാടനം ചെയ്തു. കോൺഗ്രസ് മണ്ഡലം പ്രസിഡന്‍റ് സന്ദീപ് കണിയത്ത് അധ്യക്ഷനായി. ബ്ലോക്ക് കമ്മിറ്റി പ്രസിഡന്‍റുമാരായ അലക്സ് ചുക്കിരി, സുധൻ കാരയിൽ, ഡിസിസി സെക്രട്ടറി സെബി കൊടിയൻ, ഷെന്നി ആന്‍റോ പനോക്കാരൻ, പോൾസൺ തെക്കുംപീടിക തുടങ്ങിയവർ പ്രസംഗിച്ചു.

പൂരനഗരിയിൽ നാളെ പുലിക്കളി

തൃശൂർ: പുലിക്കളിക്ക് ഇത്തവണ 50 ലക്ഷം രൂപയുടെ ഇന്‍ഷ്വറന്‍സ് പരിരക്ഷ ഉറപ്പുവരുത്തി കോർപറേഷൻ. കലാകാരന്മാരുടെയും പൊതുജനങ്ങളുടെയും സുരക്ഷ കണക്കിലെടുത്ത് ആദ്യമായാണു പുലിക്കളിക്ക് ഇത്രയും തുകയുടെ ഇൻഷ്വറൻസ് ഏർപ്പെടുത്തുന്നത്. പുലിവരയ്ക്കും ചമയപ്രദര്‍ശനത്തിനും ഒന്ന്, രണ്ട്, മൂന്ന് സ്ഥാനക്കാർക്കു ട്രോഫിയും കാഷ് പ്രൈസും കോര്‍പറേഷന്‍റെ ലഹരിവിരുദ്ധ ബോധവത്കരണ പ്ലോട്ടും ഈ വര്‍ഷത്തെ പ്രത്യേകതയാണ്. നാളെ ഉച്ചകഴിഞ്ഞു 4.30നു സ്വരാജ് റൗണ്ടിലെ തെക്കേഗോപുരനടയിൽ വെളിയന്നൂര്‍ ദേശം സംഘത്തിനു ജില്ലയിലെ മന്ത്രിമാരും എംഎല്‍എയും ചേർന്ന് ഫ്ലാഗ്ഓഫ് ചെയ്യുന്നതോടെ പുലിക്കളിക്കു തുടക്കമാകും. മേയര്‍ എം.കെ. വര്‍ഗീസ് അധ്യക്ഷത വഹിക്കും. മൊത്തം ഒന്പതു ടീമുകളാണുള്ളത്. ബിനി ജംഗ്ഷന്‍വഴി കുട്ടന്‍കുളങ്ങര ദേശവും കല്യാണ്‍ ജ്വല്ലേഴ്സിനു സമീപത്തുനിന്നു യുവജനസംഘം വിയ്യൂരും നടുവിലാല്‍ ജംഗ്ഷന്‍വഴി ശങ്കരംകുളങ്ങര, അയ്യന്തോൾ, ചക്കാമുക്ക്, സീതാറാം മില്‍ ദേശങ്ങളും നായ്ക്കനാല്‍ ജംഗ്ഷനിലൂടെ നായ്ക്കനാല്‍, പാട്ടുരായ്ക്കല്‍ ദേശങ്ങളും സ്വരാജ് റൗണ്ടില്‍ പ്രവേശിക്കും. ഒരു പുലിക്കളിസംഘത്തില്‍ 35 മുതല്‍ 51 വരെ പുലികളും ഒരു നിശ്ചലദൃശ്യവും ഒരു പുലിവണ്ടിയും ഉണ്ടാകും. നിശ്ചലദൃശ്യ വാഹനങ്ങള്‍ വരുന്ന വഴികളിലെയും സ്വരാജ് റൗണ്ടിലെയും മരച്ചില്ലകളും മറ്റു തടസങ്ങളും നീക്കംചെയ്യുന്ന പണികൾ പുരോഗമിക്കുന്നു. സ്വരാജ് റൗണ്ടില്‍ വെളിച്ചം കുറവുള്ള സ്ഥലങ്ങളില്‍ ലൈറ്റുകള്‍ സ്ഥാപിക്കും. പുലിക്കളിക്ക് ഒന്ന്, രണ്ട്, മൂന്ന് സ്ഥാനത്തെത്തുന്നവര്‍ക്കു യഥാക്രമം 62,500 രൂപ, 50,000 രൂപ, 43,750 രൂപയും നിശ്ചലദൃശ്യത്തിനു യഥാക്രമം 50,000 രൂപ, 43,750 രൂപ, 37,500 രൂപയും പുലിക്കൊട്ടിനും പുലിവേഷത്തിനും പുലിവണ്ടിക്കും യഥാക്രമം 12,500 രൂപ, 9375 രൂപ, 6250 രൂപയും സമ്മാനിക്കും. മികച്ച അച്ചടക്കം പാലിക്കുന്ന ടീമിനു 18,750 രൂപയും ട്രോഫികളും നല്കും. ഈ വര്‍ഷംമുതല്‍ പുലിവരയ്ക്കു യഥാക്രമം 12,500 രൂപ, 9,375 രൂപ, 6,250 രൂപയും നല്കും. ചമയപ്രദര്‍ശനത്തിനു പിടി ആഡ്സ് പരസ്യസ്ഥാപനത്തിന്‍റെ വകയായി യഥാക്രമം 25,001 രൂപ, 20,001 രൂപ, 15,001 രൂപയും വിതരണം ചെയ്യും. ഒരോ പുലിക്കളിസംഘത്തിനും കോര്‍പറേഷന്‍ 120 ലിറ്റര്‍ മണ്ണെണ്ണ നല്കും. പൊതുജനങ്ങള്‍ക്കായി സൗജന്യ കുടിവെള്ളവിതരണവും മെഡിക്കല്‍ സഹായവും ആംബുലന്‍സും സജ്ജീകരിച്ചിട്ടുണ്ട്. തേക്കിന്‍കാട് മൈതാനത്തെ ഓണാഘോഷ‍ം 2025 വേദിയില്‍ സമ്മാനങ്ങൾ വിതരണംചെയ്യുമെന്നും മേയർ എം.കെ. വർഗീസ് അറിയിച്ചു. ദേശങ്ങളിലെ പുലിമടകളിൽ പുലിയിറക്കത്തിനുള്ള ഒരുക്കങ്ങൾ തകൃതിയാണ്. പുലിക്കളിയുടെ മുന്നോടിയായി പുലിച്ചമയപ്രദർശനം ആരംഭിച്ചിട്ടുണ്ട്. പുലിക്കൊട്ടിന്‍റെ പ്രാക്ടീസ് ഒന്പതു ദേശങ്ങളിൽനിന്നും രാപ്പകലില്ലാതെ ഉയരുന്നുണ്ട്. നാളെ ഉച്ചയ്ക്കുശേഷം പ്രാദേശിക അവധി തൃശൂർ: പുലിക്കളി പ്രമാണിച്ച് നാളെ ഉച്ചയ്ക്കുശേഷം തൃശൂർ താലൂക്ക് പരിധിയിലെ വിദ്യാഭ്യാസ സ്ഥാപനങ്ങൾക്കും സർക്കാർ ഓഫീസുകൾക്കും സഹകരണസംഘങ്ങൾ ഉൾപ്പടെ നെഗോഷ്യബിൾ ഇൻസ്ട്രുമെന്‍റ് ആക്ട് പ്രകാരമുള്ള സ്ഥാപനങ്ങൾക്കും പ്രാദേശിക അവധിയായിരിക്കുമെന്നു ജില്ലാ കളക്ടർ അർജുൻ പാണ്ഡ്യൻ അറിയിച്ചു.

കുന്നംകുളം കസ്റ്റഡി മർദനം: ആളിക്കത്തിക്കാൻ കോണ്‍ഗ്രസ്

തൃശൂർ: കുന്നംകുളം കസ്റ്റഡി മർദനം ആളിക്കത്തിക്കാൻ രണ്ടും കല്പിച്ച് കോണ്‍ഗ്രസ്. ആരോപണവിധേയനായ പോലീസുകാരന്‍റെ വീട്ടിലേക്കു പ്രതിഷേധ മാർച്ച് നടത്തി. ക്രൂരമർദനം നടത്തിയ പോലീസുകാർ കാക്കിയിട്ടു വീടിനു പുറത്തിറങ്ങില്ലെന്നു പ്രതിപക്ഷനേതാവ് വി.ഡി. സതീശൻ മുന്നറിയിപ്പ് നൽകി. പ്രതിപക്ഷ നേതാവ് വി.ഡി.സതീശനും കെപിസിസി അധ്യക്ഷൻ സണ്ണി ജോസഫും രമേശ് ചെന്നിത്തലയും മർദനമേറ്റ സുജിത്തിനെ സന്ദർശിച്ചു. സുജിത്ത് ഒറ്റയ്ക്കല്ലെന്നും മുന്നോട്ടുള്ള പോരാട്ടത്തിനു പാർട്ടി ഒപ്പമുണ്ടാകുമെന്നും നേതാക്കൾ പ്രഖ്യാപിച്ചു. പ്രതികളായ പോലീസ് ഉദ്യോഗസ്ഥർക്കെതിരെ രൂക്ഷമായ ഭാഷയിലാണ് വി.ഡി. സതീശൻ പ്രതികരിച്ചത്. കേരളം ഇന്നേവരെ കണ്ടിട്ടില്ലാത്ത സമരം കോണ്‍ഗ്രസ് നയിക്കുമെന്നു സതീശൻ പറഞ്ഞു. സുജിത്തിനെ തല്ലിയവർ കാക്കിയിട്ടു വീടിനു പറത്തിറങ്ങില്ലെന്നും മുന്നറിയിപ്പ് നൽകി. സുജിത്തിനു ക്രൂരമർദനമേറ്റ സംഭവത്തിൽ മനുഷ്യാവകാശ കമ്മിഷൻ സ്വമേധയാ കേസെടുത്തിട്ടുണ്ട്. മൂന്നാഴ്ചയ്ക്കകം റിപ്പോർട്ട് സമർപ്പിക്കാൻ തൃശൂർ ജില്ലാ പോലീസ് മേധാവിക്കു നിർദേശം നൽകിയിട്ടുണ്ട്. സുജിത്തിനെ തല്ലിയ പോലീസുകാരൻ ശശിധരന്‍റെ വീട്ടിലേക്കു കോൺഗ്രസ് പ്രവർത്തകർ ഇന്നലെ മാർച്ച് നടത്തി. പ്രതിപ്പട്ടികയിലുള്ള ഉദ്യോഗസ്ഥൻ സജീവന്‍റെ വീടിനുമുന്പിൽ യൂത്ത് കോണ്‍ഗ്രസ് പ്രവർത്തകർ ഗുണ്ടകളെന്ന് ആലേഖനം ചെയ്ത പോസ്റ്ററുകൾ പതിപ്പിച്ചിരുന്നു. തിരുവോണദിനത്തിൽ തൃശൂർ ഡിഐജി ഓഫീസിനുമുന്പിൽ യൂത്ത് കോണ്‍ഗ്രസിന്‍റെ നേതൃത്വത്തിൽ പ്രതീകാത്മക കൊലച്ചോറ് സമരവും സംഘടിപ്പിച്ചു. പോലീസുകാരെ സംരക്ഷിക്കുന്ന ഉന്നതല പോലീസ് ഉദ്യോഗസ്ഥർക്കെതിരേയുള്ള പ്രതിഷേധമായാണ് യൂത്ത് കോണ്‍ഗ്രസ് തൃശൂർ ജില്ലാ കമ്മിറ്റി ഡിഐജി ഓഫീസിനുമുന്നിൽ കുറ്റാരോപിതരായ പോലീസുകാർക്കു പ്രതീകാത്മകമായി കൊലച്ചോറ് വിളന്പി പ്രതിഷേധിച്ചത്. ഉദ്യോഗസ്ഥരെ പുറത്താക്കാതെ സമരം നിർത്തില്ല: ജോസഫ് ടാജറ്റ് തൃശൂർ: യൂത്ത് കോണ്‍ഗ്രസ് നേതാവ് സുജിത്തിനെ മർദിച്ചവരെ സർവീസിൽനിന്നു പുറത്താക്കാതെ സമരം അവസാനിപ്പിക്കില്ലെന്നു ഡിസിസി പ്രസിഡന്‍റ് അഡ്വ. ജോസഫ് ടാജറ്റ്. ആദ്യം നടപടിയെടുത്തെന്നാണ് ഡിഐജി പറഞ്ഞത്. അദ്ദേഹത്തിന്‍റെ ഉദ്ദേശ്യശുദ്ധിയിൽ സംശയമുണ്ട്. അച്ചടക്കനടപടി ലേലംചെയ്ത് ഉറപ്പിക്കേണ്ടതല്ല. ഇപ്പോൾ സേനയിൽ ഇല്ലാത്ത അഞ്ചാമൻ സുഹൈറിനെക്കുറിച്ച് ഒന്നും പറയുന്നില്ല. അദ്ദേഹത്തെ സർവിസിൽനിന്നു പുറത്താക്കണമെന്ന് ആവശ്യപ്പെട്ട് ഗ്രാമസേവകനായി ജോലിചെയ്യുന്ന പഴയന്നൂർ പഞ്ചായത്തിലേക്ക് കോണ്‍ഗ്രസ് മാർച്ച് നടത്തും. മാർച്ച് പഴയന്നൂർ പഞ്ചായത്ത് പ്രസിഡന്‍റ് പി.കെ. മുരളീധരൻ ഉദ്ഘാടനം ചെയ്യും. കോണ്‍ഗ്രസ് ഭരിക്കുന്ന പഞ്ചായത്ത് ഭരണസമിതി സുഹൈറിനെ പുറത്താക്കണമെന്ന് ആവശ്യപ്പെട്ട് പ്രമേയം പാസാക്കുമെന്നും ഡിസിസി പ്രസിഡന്‍റ് പറഞ്ഞു. യൂത്ത് കോണ്‍ഗ്രസ് മാർച്ചിൽ സംഘർഷം; എട്ടുപേർ അറസ്റ്റിൽ തൃക്കൂർ: കുന്നംകുളത്തു യൂത്ത് കോണ്‍ഗ്രസ് മണ്ഡലം പ്രസിഡന്‍റ് സുജിത്തിനെ മർദിച്ച പോലീസ് സംഘത്തിൽ ഉണ്ടായിരുന്ന സീനിയർ സിപിഒ ശശിധരൻ ഉൾപ്പെടെയുള്ള പോലീസുകാരെ സർവീസിൽനിന്നു പുറത്താക്കണമെന്നവശ്യപ്പെട്ട് യൂത്ത് കോണ്‍ഗ്രസ് തൃക്കൂർ നിയോജകമണ്ഡലം കമ്മിറ്റി നടത്തിയ മാർച്ചിൽ സംഘർഷം. തൃക്കൂർ മുട്ടൻസിലെ ശശിധരന്‍റെ വീട്ടിലേക്കു നടത്തിയ മാർച്ചിനു നേതൃത്വം നൽകിയ എട്ടുപേരെ പോലീസ് അറസ്റ്റ് ചെയ്തു.

മുട്ടൻസിൽനിന്നാരംഭിച്ച മാർച്ച് എസ്എംഎസ് റോഡിലെ ശശിധരന്‍റെ വീടിനുസമീപം പോലീസ് തടഞ്ഞു. തുടർന്നുനടന്ന ധർണ യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്‍റ് ഒ.ജെ. ജനീഷ് ഉദ്ഘാടനം ചെയ്തു. യൂത്ത് കോണ്‍ഗ്രസ് തൃക്കൂർ മണ്ഡലം പ്രസിഡന്‍റ് റിന്‍റോ കാവല്ലൂർ, സംസ്ഥാന ജോയിന്‍റ് സെക്രട്ടറി ജെറോണ്‍ ജോണ്‍ എന്നിവർ പ്രസംഗിച്ചു. തുടർന്നു ബാരിക്കേഡ് മറികടക്കാൻ ശ്രമിച്ച പ്രവർത്തകരും പോലീസും തമ്മിൽ ഉന്തുംതള്ളും നടന്നു. ഒ.ജെ. ജനീഷ്, റിന്‍റോ കാവല്ലൂർ, എം.എ. അനീഷ്, പി.ബി. നിത്യാനന്ദൻ, ഹക്കീം ഇഖ്ബാൽ, ഔസേപ്പച്ചൻ, പ്രിൻസ് ഫ്രാൻസിസ്, വൈശാഖ് ഐത്താടൻ എന്നിവരെ പോലീസ് അറസ്റ്റുചെയ്തു നീക്കി. ചാലക്കുടി ഡിവൈഎസ്പിയുടെ നേതൃത്വത്തിൽ വൻ പോലീസ് സംഘം സ്ഥലത്തുണ്ടായിരുന്നു.

കണ്ടശാംകടവ് ജലോത്സവം : ജവഹർ തായങ്കരി, താണിയൻ, പന്പാവാസൻ ജേതാക്കൾ

കണ്ടശാംകടവ്: ഓണം വാരാഘോഷത്തിന്‍റെ ഭാഗമായി ചീഫ് മിനിസ്റ്റേഴ്സ് എവർറോളിംഗ് ട്രോഫിക്കായി നടന്ന കണ്ടശാംകടവ് ജലോത്സവത്തിൽ ചുണ്ടൻവള്ളങ്ങളുടെ വിഭാഗത്തിൽ എടത്വ ടൗണ്‍ ബോട്ട് ക്ലബ്ബിന്‍റെ ജവഹർ തായങ്കരി ഒന്നാംസ്ഥാനം നേടി. സൗത്ത് പറവൂർ വെല്ലൂർ ബോട്ട് ക്ലബ്ബിന്‍റെ ആലപ്പാട് ചുണ്ടനാണു രണ്ടാംസ്ഥാനം. ചുരുളൻ എ ഗ്രേഡിൽ കണ്ടശാംകടവ് കരിക്കൊടി കെഡിബിസിയുടെ താണിയനും ബി ഗ്രേഡിൽ ഇല്ലിക്കൽ ബിബിസിയുടെ പന്പാവാസനും ഒന്നാമതെത്തി. എ ഗ്രേഡ് മത്സരത്തിൽ നടുവിൽ സംഘം ബോട്ട് ക്ലബ്ബിന്‍റെ ഗരുഡനും ബി ഗ്രേഡിൽ പുളിയംതുരുത്ത് പിബിസിയുടെ ജിബി തട്ടകനും രണ്ടാമതെത്തി. ജലഘോഷയാത്രയിൽ ഗോതുരുത്തിനാണ് ഒന്നാംസ്ഥാനം. ജില്ലാ പഞ്ചായത്ത്, തദ്ദേശസ്ഥാപനങ്ങൾ, ജില്ലാ ടൂറിസം പ്രമോഷൻ കൗണ്‍സിൽ, ജലവാഹിനി ബോട്ട് ക്ലബ് എന്നിവയുടെ നേതൃത്വത്തിലാണ് കനോലി കനാലിലെ കണ്ടശാംകടവ് സൗഹൃദതീരത്തു ജലോത്സവം സംഘടിപ്പിച്ചത്. ജില്ലാ പഞ്ചായത്ത് പ്രസിഡന്‍റ് വി.എസ്. പ്രിൻസ് ജലഘോഷയാത്ര ഫ്ളാഗ് ഓഫ് ചെയ്തു. അന്തിക്കാട് ബ്ലോക്ക് പഞ്ചായത്ത് പ്രസിഡന്‍റ് കെ.കെ. ശശിധരൻ അധ്യക്ഷനായി. സമാപനസമ്മേളനത്തിൽ ജില്ലാ കളക്ടർ അർജുൻ പാണ്ഡ്യൻ, ജില്ലാ പഞ്ചായത്ത് വൈസ് പ്രസിഡന്‍റ് ലത ചന്ദ്രൻ, ഡിവൈഎസ്പിമാരായ വി.കെ. രാജു, ഷാജു എന്നിവർ സമ്മാനദാനം നിർവഹിച്ചു.

ഗുരുവായൂരിൽ ഭക്തജനത്തിരക്ക്

ഗുരുവായൂർ: ക്ഷേത്രത്തിൽ ഓണം അവധി തുടങ്ങിയതു മുതൽ വലിയ ഭക്തജനത്തിരക്കാണ് അനുഭവപ്പെടുന്നത്. തിരുവോണനാളിൽ ദർശനത്തിനും തിരുവോണ സദ്യയിൽ പങ്കെടുക്കാനുമായി ആയിരങ്ങളെത്തി. തിരുവോണ ദിനത്തിൽ പുലർച്ചെ 4.30 ന് ക്ഷേത്രം ഊരാളൻ മല്ലിശേരി പരമേശ്വരൻ നമ്പൂതിരിപ്പാട് ഗുരുവായൂരപ്പന് ആദ്യ ഓണപ്പുടവ സമർപ്പണം നടത്തി. തുടർന്ന് ദേവസ്വം ചെയർമാനും ഭരണസമിതി അംഗങ്ങളും ഭക്തരും ഓണപ്പുടവ സമർപ്പണത്തിൽ പങ്കാളികളായി. തിരുവോണ സദ്യയിൽ ആയിരങ്ങൾ പങ്കെടുത്തു.പഴം പ്രഥമൻ ഉൾപ്പെടെയുള്ള വിഭവ സമൃദ്ധമായ ഭക്ഷണമാണു നൽകിയത്. അന്നലക്ഷ്മി ഹാളിലും ഇതിനോടു ചേർന്നുള്ള താത്കാലിക പന്തലിലുമായി രാവിലെ ഒമ്പതോടെ സദ്യ തുടങ്ങി. ഉച്ചയ്ക്ക് രണ്ടിനുശേഷം ബുഫെ ആയാണ് ഭക്ഷണം നൽകിയത്. വൈകിട്ട് നാലുവരെ ഭക്ഷണം നൽകി. ക്ഷേത്രത്തിൽ കാഴ്ചശീവേലിക്ക് മേളം അകമ്പടിയായി.തിരുവോണദിനത്തിൽ ഉച്ചപൂജയ്ക്ക് വിശേഷ വിഭവങ്ങളായി പഴംപ്രഥമനും പഴംനുറുക്കും ഭഗവാന് നിവേദിച്ചു. വലതു കൈയിൽ ഓലക്കുടയും ഇടതു കൈയിൽ കമണ്ഡലുവുമായി നിൽക്കുന്ന വാമനന്‍റെ അലങ്കാരത്തിലായിരുന്നു ഗുരുവായൂരപ്പൻ. ഇന്നലെയും വലിയ തിരക്കാണ് അനുഭവപ്പെടുന്നത്. വിഐപി ദർശനത്തിന് നിയന്ത്രണം ഏർപ്പെടുത്തിയതും ക്ഷേത്രം വൈകിട്ട് ഒരു മണിക്കൂർ നേരത്തെ തുറക്കുന്നതും ഭക്തർക്ക് ഉപകാരപ്രദമായി.

വാഴാനി ഓണം ഫെസ്റ്റിനു തുടക്കമായി

വടക്കാഞ്ചേരി: വാഴാനി വിനോദസഞ്ചാരകേന്ദ്രത്തിൽ ഓണം ഫെസ്റ്റിന് തുടക്കമായി. തെക്കുംകര പഞ്ചായത്ത് ഭരണസമിതിയുടെയും ഡിടിപിസിയുടെയും നേതൃത്വത്തിൽ നടക്കുന്ന ഓണം ഫെസ്റ്റ് സേവ്യർ ചിറ്റിലപ്പിള്ളി എംഎൽഎ ഉദ്ഘാടനം ചെയ്തു. തെക്കുംകര പഞ്ചായത്ത് പ്രസിഡന്‍റ് ടി.വി. സുനിൽകുമാർ അധ്യക്ഷത വഹിച്ചു, പഞ്ചായത്ത് വൈസ് പ്രസിഡന്‍റ്് ഇ. ഉമാലക്ഷ്മി, സ്റ്റാൻഡിംഗ് കമ്മറ്റി ചെയർമാൻമാരായ പി.ആർ. രാധാകൃഷ്ണൻ, വി.സി. സജീന്ദ്രൻ, പഞ്ചായത്ത്മെമ്പർമാരായ എ. ആർ. കൃഷ്ണൻകുട്ടി, ഷൈനി ജേക്കബ്, സിഡിഎസ് ചെയർപേഴ്സൺ അജിത സുനിൽ, വിവിധ രാഷ്ട്രീയകക്ഷി പ്രതിനിധികളായ ജെയ്സൺ മാത്യു, എ.കെ. സുരേന്ദ്രൻ, എസ്. രാജു, പ്രസ് ക്ലബ് പ്രസിഡന്‍റ് അജീഷ് കർക്കിടകത്ത് എന്നിവർ പ്രസംഗിച്ചു. തുടർന്ന് ആലപ്പുഴ പതിയുടെ മുടിയൊരുക്കം എന്ന നാടൻപാട്ട് അരങ്ങേറി. ഇന്നലെ മുതൽ ആരംഭിച്ച ഓണം ഫെസ്റ്റ് ഒന്പതിനു സമാപിക്കും. ഓണം ഫെസ്റ്റിനോടനുബന്ധിച്ച് വാഴാനി ഡാമും പരിസരവും ദീപാലംകൃതമാണ്. ഡാമിന്‍റെ പ്രധാന ഷട്ടറുകൾ നാലും തുറന്നിട്ടതിനാൽ ഡാം കാണാനെത്തുന്നവരുടെ തിക്കും തിരക്കുമാണ് അനുഭവപ്പെടുന്നത്.

തൃപ്രയാർ ജലോത്സവം: ഗരുഡൻ, സെന്‍റ് സെബാസ്റ്റ്യൻ ജേതാക്കൾ

തൃപ്രയാർ: കനോലി കനാലിൽ നടന്ന തൃപ്രയാർ ജലോത്സവം കാണികൾക്കുള്ള തിരുവോണ വിരുന്നായി. ജലോത്സവം കാണാൻ നിരവധി‌പേരാണ് കനോലി കനാലിന്‍റെ ഇരുകരകളിലുമായി എത്തിയത്. ജലോത്സവം റവന്യൂ മന്ത്രി കെ. രാജൻ ഉദ്ഘാടനം ചെയ്തു. ജലോത്സവത്തിനു മുന്നോടിയായുള്ള ജലഘോഷയാത്ര സി.സി. മുകുന്ദൻ എംഎൽഎ ഫ്ലാഗ് ഓഫ് ചെയ്തു. സംഘാടകസമിതി ചെയർമാൻ പി.എം. അഹമ്മദ് അധ്യക്ഷനായി. ജില്ലാ പഞ്ചായത്ത് പ്രസിഡന്‍റ്് വി.എസ്. പ്രിൻസ്, അന്തിക്കാട്, തളിക്കുളം ബ്ലോക്ക് പഞ്ചായത്ത് പ്രസിഡന്‍റുമാരായ കെ.കെ. ശശിധരൻ, കെ.സി. പ്രസാദ്, നാട്ടിക, താന്ന്യം ഗ്രാമപഞ്ചായത്ത് പ്ര സിഡന്‍റുമാരായ എം.ആർ. ദിനേശൻ, ശുഭ സുരേഷ്, ഡോ. കെ.കെ. വിഷ്ണുഭാരതീയ സ്വാമികൾ, സംഘാടക‌സമിതി ജനറൽ കൺവീനർ പ്രേമചന്ദ്രൻ വടക്കേടത്ത്, ബെന്നി തട്ടിൽ എന്നിവർ പ്രസംഗിച്ചു. എ, ബി ഗ്രേഡുകളിലായി നടന്ന ജലോത്സവത്തിൽ 21 ഇരുട്ടുകുത്തി ചുരുളൻ വള്ളങ്ങൾ പങ്കെടുത്തു. എ ഗ്രേഡ് വിഭാഗത്തിൽ ടി.ബി.സി കൊച്ചിൻ ക്ലബ്ബിന്‍റെ ഗരുഡൻ ഒന്നാം സ്ഥാനവും വടക്കൻ ബ്രദേഴ്സ് ക്ലബ്ബിന്‍റെ പൊഞ്ഞനത്തമ്മ രണ്ടാം സ്ഥാനവും നേടി. ബി ഗ്രേഡ് വിഭാഗത്തിൽ തൊയക്കാവ് ദേശം ബോട്ട് ക്ലബ്ബിന്‍റെ സെന്‍റ്് സെബാസ്റ്റ്യൻ നമ്പർ 2 ഒന്നാംസ്ഥാനവും ജെബിസി ജലസംഘം ബോട്ട് ക്ലബ്ബിന്‍റെ ഗോതുരുത്ത് രണ്ടാംസ്ഥാനവും നേടി. വിജയികൾക്ക് ഇ.ടി. ടൈസൺ എംഎൽഎ ട്രോഫി വിതരണം നടത്തി. ഏറ്റവും നല്ല ചെമ്മീൻ കർഷകനായി സർക്കാരിന്‍റെ അവാർഡ് നേടിയ ഷൈൻ ടി. ഭാസ്കരനെ ആദരിച്ചു.

ഉത്രാടദിനത്തിലെ സ്നേഹയൂട്ട്: രമേശിന്‍റെ നന്മ 20 ആണ്ട് പിന്നിടുന്നു

അരിമ്പൂർ: ഇരുപതു വർഷമായി ഉത്രാട ദിനത്തിൽ എല്ലാവർക്കും സൗജന്യമായി സദ്യയൊരുക്കി നൽകുന്ന ഒരു ഹോട്ടലുണ്ട്. സദ്യ കഴിക്കാനെത്തുന്നവർ നൽകുന്ന സംഭാവന ഉപയോഗിച്ച് നാട്ടിലെ അവശത അനുഭവിക്കുന്ന ആളുകളെ കണ്ടെത്തി സഹായിക്കുകയാണ് ഈ ദിവസത്തെ കച്ചവടത്തിന്‍റെ ലക്ഷ്യം. ഓണക്കാലത്ത് ഉത്രാട‌ദിനത്തിൽ അരിമ്പൂർ പഞ്ചായത്തിലെ എറവ് ശ്രേയസ് ഹോട്ടലിലാണ് ഈ സ്നേഹയൂട്ട്. ഈ ദിവസം ചോറും 20 തരം കറികളും പ്രഥമനും എല്ലാം യഥേഷ്ടം. ഹോട്ടലിന്‍റെ ഉടമ രമേഷിന് സഹായത്തിനായി അന്നേദിവസം വ്യാപാരികളും സുഹൃത്തുക്കളും ജനപ്രതിനിധികളും അടക്കം നിരവധിപേർ ഉണ്ടാകും. സൗജന്യമായി കഴിക്കുന്ന ഭക്ഷണത്തിനൊപ്പം സമൂഹത്തിനുവേണ്ടി നന്മകൾ ചെയ്യാനാണ് ഓരോരുത്തരും രമേഷിന്‍റെ ഹോ ട്ടലിൽ വരുന്നത്. അന്നേ‌ദിവസം ഇവിടുത്തെ പണപ്പെട്ടി അടഞ്ഞാ ണു കിടക്കുക. പക്ഷേ, ഭക്ഷണം കഴിച്ച ശേഷം ആളുകൾ ഒരു ഊണിന്‍റെ പൈസക്ക് പകരം നാലും അഞ്ചും ഇരട്ടിവരെ അവിടെ വച്ചിരിക്കുന്ന പെട്ടിയിൽ നിക്ഷേപിക്കും. ഇങ്ങനെ ലഭിക്കുന്ന പണമെല്ലാം അസുഖങ്ങൾ മൂലം ദുരിതമനുഭവിക്കുന്ന ഒരാൾക്ക് ചികിത്സാ സഹായമായി നൽകുകയാണ് പതിവ്. അതിനാൽ ഇവിടുത്തെ ഉത്രാട‌സദ്യയിൽ പങ്കുകൊള്ളാൻ എത്തുന്നവർ രമേശിന്‍റെ കാരുണ്യപ്രവൃത്തിയിൽ അവരുടെ വിഹിതം ഏൽപ്പിക്കാനും കൂടിയുള്ള വരവാണ്. തൃശൂർ കാഞ്ഞാണി സംസ്ഥാന പാതയോടുചേർന്ന് 45 വർഷം മുൻപ് പഴയൊരു കെട്ടിടത്തിൽ ആരംഭിച്ചതാണ് ഇപ്പോഴുള്ള ശ്രേയസ് ഹോട്ടൽ. എറവ് പതിയത്ത് വേലായുധന്‍റെ മകൻ രമേഷ് മൂന്ന് പതിറ്റാണ്ട് മുൻപാണ് ഹോട്ടലിന്‍റെ ചുമതല ഏറ്റെടുക്കുന്നത്. 20 വർഷം മുൻപ് നാട്ടിലെ സുഹൃത്തുക്കൾക്കും സാധു ജനങ്ങൾക്കും ഓണത്തിന് ഉത്രാടദിനം തന്‍റെ വക സൗജന്യമായി ഒരു ഓണസദ്യ നൽകിക്കൊണ്ടായിരുന്നു കാരുണ്യപ്രവർത്തനങ്ങളുടെ തുടക്കം. ഈ വർഷത്തെ ഉത്രാട സദ്യയിൽനിന്നും പിരിഞ്ഞു കിട്ടിയ 42,000 രൂപ പ്രദേശവാസിയായ യുവാവിന്‍റെ ചികിത്സാസഹായനിയിലേക്കു കൈമാറി.

കാട്ടാനയുടെ ശല്യംമൂലം തിരുവോണം ആഘോഷിക്കാനാകാതെ ഒരു കുടുംബം

വടക്കാഞ്ചേരി: കാട്ടാനയുടെ ശല്യംമൂലം തിരുവോണം ആഘോഷിക്കാനാകാതെ അകമലയിൽ ഒരു കുടുംബം. അകമല കുഴിയോട് വെള്ളാംകണ്ടത്തിൽവീട്ടിൽ ഗോവിന്ദൻകുട്ടിയുടെ വീട്ടുവളപ്പിലെ കൃഷികളാണ് കഴിഞ്ഞ ദിവസം കാട്ടാനകൾ നശിപ്പിച്ചത്. രണ്ടര ഏക്കറോളംവരുന്നകൃഷിയിടത്തിനു ചുറ്റും സൗരവേലിസ്ഥാപിച്ചെങ്കിലും കാട്ടാനക്കൂട്ടം അതു തകർത്താണ് കൃഷിയിടത്തിലെത്തിയത്. കഴിഞ്ഞ ദിവസമെത്തിയ കാട്ടാനക്കൂട്ടം നിരവധി വാഴകളും തെങ്ങിൻതൈകളുമാണ് നശിപ്പിച്ചത്. കൂടാതെ വീടിന്‍റെ മതിലും തകർത്താണു കാട്ടാനകൾ മടങ്ങിയത്. കഴിഞ്ഞ രണ്ടുവർഷമായി കാട്ടാനകളുടെ വിളയാട്ടം തുടരുകയാണ്. പകൽ സമയത്തുപോലും കാട്ടാനകൾ കൂട്ടമായി കൃഷിയിടത്തിൽ ഇറങ്ങുന്നത് നിത്യസംഭവമാണ്. കഴിഞ്ഞ ദിവസം ഇറങ്ങിയ കാട്ടാനകളെ പടക്കം പൊട്ടിച്ചും പാട്ടകൊട്ടിയുമാണു വനത്തിലേക്കു കയറ്റിവിട്ടത്. ഇതോടെ ജനജീവിതം ദുരിതമായിരിക്കുകയാണ്. അധികൃതർക്കു പരാതി നൽകിയിട്ടും നാളിതുവരെ ഒരു നടപടിയും ഉണ്ടായിട്ടില്ലെന്ന് കൃഷിയിടത്തിലെ തൊഴിലാളി ഷാജൻ പറഞ്ഞു.

വെണ്ടോര്‍ പള്ളിയിൽ തിരുനാളിനു കൊടിയേറി

വെണ്ടോര്‍: സെന്‍റ് മേരീസ് പള്ളിയില്‍ മാതാവിന്‍റെ ഊട്ടുതിരുനാളിനും പ്രതിഷ്ഠാതിരുനാളിനും കൊടിയേറി. പുതുക്കാട് സെന്‍റ്് ആന്‍റണീസ് ഫൊറോന പള്ളി വികാരി ഫാ. പോള്‍ തേക്കാനത്ത് കൊടിയേറ്റം നിര്‍വഹിച്ചു. വികാരി ഫാ. അഡ്വ. ലാസര്‍ താണിക്കല്‍, സഹവികാരി ഫാ. ലിന്‍സണ്‍ അക്കരപറമ്പില്‍, ജനറല്‍ കണ്‍വീനര്‍ സനല്‍ മഞ്ഞളി, കൈക്കാരന്മാരായ മെല്‍ജിന്‍ മഞ്ഞളി, സിറില്‍ ആന്‍റണി മഞ്ഞളി, ജോയ് ചാളിപ്പാടന്‍, ബിജു ചേളിപ്പറമ്പില്‍, തിരുനാള്‍ കമ്മിറ്റി അംഗങ്ങള്‍, ഇടവക ജനങ്ങള്‍ എന്നിവര്‍ സന്നിഹിതരായിരുന്നു. 13ന് ഊട്ടുതിരുനാളും 14ന് പ്രതിഷ്ഠ തിരുനാളുമായാണ് ആഘോഷിക്കുന്നത്.

വ്യത്യസ്ത അപകടങ്ങളിൽ ഏഴുപേർക്കു പരിക്ക്

കൈപ്പറമ്പ്: സെന്‍ററിനു സമീപം ബൈക്ക് മറിഞ്ഞ് പരിക്കുപറ്റിയ പറപ്പൂർ തോളൂർ സ്വദേശി പോവിൽ തിരുവാംമഠത്തിൽ വീട്ടിൽ അപ്പുണ്ണി മകൻ ശശീധരനെ (70) അമല ആശുപത്രിയിൽ പ്രവേശിപ്പിച്ചു. കേച്ചേരി - വടക്കാഞ്ചേരി റോഡിൽ പഴയ സൊസെറ്റി ഓഫീസിനു സമീപം സ്കൂട്ടറുകൾ കൂട്ടിയിടിച്ചു പരിക്കുപറ്റിയ സ്കൂട്ടർ യാത്രികൻ ചിറനെല്ലൂരിൽ താമസിക്കുന്ന പശ്ചിമ ബംഗാൾ മുർഷിദാബാദ് സ്വദേശി മുഹമ്മദ് റസെയിൽ(24)നെ യൂണിറ്റി ആശുപത്രിയിൽ പ്രവേശിപ്പിച്ചു. കേച്ചേരി മഴുവഞ്ചേരി തലക്കോട്ടുകര റോഡിൽ പെരുവൻമലയ്ക്കു സമീപം കാറും ബൈക്കും കൂട്ടിയിടിച്ച് പരിക്കുപറ്റിയ മഴുവഞ്ചേരി സ്വദേശി രായ്മരയ്ക്കാർ വീട്ടിൽ ഹാരിഷ് മകൻ ഹാഫിസ്(22)നെ അമല ആശുപത്രിയിലുമാണ് കേച്ചേരി ആക്ട്സ് പ്രവർത്തകർ പ്രവേശിപ്പിച്ചു. കൈപ്പറമ്പ് ശിവനട മുണ്ടൂർ വഴിയിൽ ഓട്ടോറിക്ഷയും ബൈക്കും കൂട്ടിയിടിച്ച് പരിക്കുപറ്റിയ തോളൂർ സ്വദേശി പുത്തൂർ വീട്ടിൽ ജോബി(53), മകൻ തോമസ് (17) എന്നിവരെ പറപ്പൂർ ആക്ട്സ് പ്രവർത്തകർ അമല ആശുപത്രിയിൽ പ്രവേശിപ്പിച്ചു. വടക്കാഞ്ചേരിയിൽ രണ്ട് അപകടങ്ങൾ വടക്കാഞ്ചേരി: എങ്കക്കാട് ബൈക്കുകൾ കൂട്ടിയിടിച്ച് അപകടം. പരിക്കേറ്റ എങ്കക്കാട് സ്വദേശി സൂര്യ(45) നെ ആക്ട്സ് പ്രവർത്തകർ തൃശൂർ മെഡിക്കൽ കോളജിൽ പ്രവേശിപ്പിച്ചു. ഇന്നലെ ഉച്ചയോടെയായിരുന്നു അപകടം. വടക്കാഞ്ചേരി: കാഞ്ഞിരക്കോട് പള്ളിക്കുസമീപം ബൈക്ക് നിയന്ത്രണംവിട്ട് പോസ്റ്റിൽ ഇടിച്ച് അപകടം. പരിക്കേറ്റ കുന്നംകുളം സ്വദേശി കാരിപറമ്പിൽ വീട്ടിൽ പ്രവീൺ (38)നെ ആക്ട്സ് പ്രവർത്തകർ ജില്ലാ ആശുപത്രിയിൽ പ്രവേശിപ്പിച്ചു.

പാറേന്പാടത്തെ പുതിയ കപ്പേള ആശീർവദിച്ചു

പാറേന്പാടം: സെന്‍റ് ആന്‍റണീസ് കത്തോലിക്ക പള്ളിയിൽ വിശുദ്ധ അന്തോണീസിന്‍റെ നാമധേയത്തിലുള്ള പുതിയ കപ്പേള അതിരൂപത സഹായമെത്രാൻ മാർ ടോണി നീലങ്കാവിൽ ആശീർവദിച്ചു. തുടർന്ന് ആഘോഷമായ കുർബാനയും നൊവേനയും നടന്നു. വികാരി ഫാ. പോൾ അറയ്ക്കൽ, കൈക്കാരന്മാരായ പോൾ മണ്ടുംപാൽ, ഷാജി മേഞ്ചേരി, സജി മഞ്ഞപ്പിള്ളി തുടങ്ങിയവർ നേതൃത്വം നൽകി.

വില്വധ്വനി -2025 നാളെ മുതൽ

തിരുവില്വാമല: ഗ്രാമീണ വായനശാലയുടെ 77-ാം വാർഷികാഘോ ഷം നാളെ മുതൽ പതിമൂന്നുവരെ വികെഎൻ സ്മാരക വായനശാല ഹാളിൽ നടക്കും. കലാ സാഹിത്യ- സാംസ്കാരികവേദി, വനിതാ വേദി, ബാലവേദി, നാട്ടകം കലാ സാംസ്കാരിക വേദി എന്നിവർ നേതൃത്വം നൽകുന്ന ആഘോഷ പരിപാടികൾ ആറുദിവസം നീണ്ടുനിൽക്കും. ദിവസവും വൈകീട്ട് നാട്ടകം കലാ സാംസ്കാരിക വേദിയുടെ ആഭിമുഖ്യത്തിലുള്ള നാടകങ്ങളും നൃത്ത-സംഗീത നിശയും വിവിധ കലാപരിപാടികളുമായി വാർഷികം നാടിന്‍റെ ഉത്സവമാക്കി മാറ്റാനുള്ള തയാ റെടുപ്പിലാണ് സംഘാടകർ. നാളെ വൈകീട്ട് അഞ്ചിന് സാഹിത്യകാരൻ ടി.ഡി. രാമകൃഷ്ണൻ വില്വധ്വനി -2025 ഉദ്ഘാടനം ചെയ്യും. വായനശാല പ്രസിഡന്‍റ്് കെ.പി. ഉമാശങ്കർ അധ്യക്ഷത വഹിക്കും. ഏഴിന് ജ്യോതി കൃഷ്ണകുമാർ സംവിധാനം ചെയ്യുന്ന "ജീവിതം ഒരു വരദാനം' എന്ന നാടകമാണ് ആദ്യം അരങ്ങിലെത്തുക. ഒന്പതിനു ഹരിപ്രസാദിന്‍റെ സംവിധാനത്തിൽ ഒരാനയും കുറെ പാപ്പാന്മാരും, 10 ന് സുരേഷ് ബാബു സംവിധാനം ചെയ്യുന്ന ചാവറ, 11 ന് വേണു പി. നായരുടെ സംവിധാനത്തിൽ ഒടിയൻ, 12 ന് വൈകീട്ട് ഏഴിന് ഗോപകുമാറിന്‍റെ ആയുധങ്ങളും ഇവിടെ കരയുകയാണ്, 7.40 ന് ഗിരീഷ് രാധാകൃഷ്ണൻ സംവിധാനം ചെയ്യുന്ന വീരഭദ്രൻ ദി ഫെയ്ക്ക് ഏക കഥാപാത്ര നാടകം, 13ന് ജാനകി സന്തോഷിന്‍റെ സംവിധാനത്തിൽ നൂറ്റാണ്ടു കൾക്കിപ്പുറം എന്നീ നാടകങ്ങളാണ് അവതരിപ്പിക്കുക.

പിങ്ക് പോലീസ് അടിപൊളി

ഇരിങ്ങാലക്കുട: സ്ത്രീകളുടെയും കുട്ടികളുടെയും സുരക്ഷ ഉറപ്പാക്കുന്നതിനായി പിങ്ക് പോലീസിന്‍റെ പ്രവര്‍ത്തനങ്ങള്‍ കൂടുതല്‍ ശക്തമായി തുടരുമെന്ന് തൃശൂര്‍ റൂറല്‍ ജില്ലാ പോലീസ് മേധാവി ബി. കൃഷ്ണകുമാര്‍ ഐപിഎസ് അറിയിച്ചു. പൊതുവാഹനങ്ങളില്‍ യാത്രചെയ്യുന്ന വനിതകള്‍ക്ക് സുരക്ഷ ഉറപ്പാക്കുന്നതിനായി ബസുകളില്‍ വനിതാ പോലീസ് ഉദ്യോഗസ്ഥര്‍ പരിശോധനനടത്തുന്നുണ്ട്. നഗര കേന്ദ്രങ്ങള്‍, ബസ് സ്റ്റാന്‍ഡുകള്‍, സ്‌കൂളുകള്‍, കോളജുകള്‍, ഓഫീസുകള്‍, ലേഡീസ് ഹോസ്റ്റലുകള്‍, ആരാധനാലയങ്ങള്‍, ഷോപ്പിംഗ് മേഖലകള്‍ എന്നിവിടങ്ങളില്‍ സ്ഥിര സാന്നിധ്യത്തോടെയാണ് പിങ്ക് പോലീസ് പട്രോളിംഗ് നടത്തുന്നത്. പൊതുപരിപാടികൾ നടക്കുന്ന സ്ഥലങ്ങളില്‍ പ്രത്യേക പരിശോധനകളുണ്ട്. ജിപിഎസ് ട്രാക്കിംഗ് സംവിധാനവും കാമറ സംവിധാനം സജ്ജീകരിച്ചിട്ടുള്ള പിങ്ക് പട്രോളിംഗ് വാഹനങ്ങളില്‍നിന്നുള്ള ദൃശ്യങ്ങള്‍ കണ്‍ട്രോള്‍ റൂമില്‍ നിരീക്ഷിക്കുന്നു. തൃശൂര്‍ റൂറല്‍ ജില്ലയിലെ പിങ്ക് പോലീസിന്‍റെ ആസ്ഥാനം ഇരിങ്ങാലക്കുടയിലാണ്. രണ്ട് വാഹനങ്ങളിൽ തൃശൂര്‍ റൂറല്‍ ജില്ല മുഴുവന്‍ സഞ്ചരിച്ചാണ് പട്രോളിംഗ് നടത്തുന്നത്. സബ് ഇന്‍സ്‌പെക്ടര്‍ ഇ.യു. സൗമ്യയാണ് ജില്ലയില്‍ പിങ്ക് പോലീസിന്‍റെ പ്രവര്‍ത്തനങ്ങള്‍ ഏകോപിപ്പിക്കുന്നത്. പിങ്ക് വണ്ണില്‍ എഎസ്‌ഐ മാരായ ആഗ്‌നസ്, കവിത, അജത, സീനിയര്‍ സിവില്‍ പോലീസ് ഓഫീസര്‍ സീമ, സിവില്‍ പോലീസ് ഓഫീസര്‍ സബിത എന്നിവരും പിങ്ക് ടുവില്‍ എഎസ്‌ഐമാരായ ദിജി, വാസല, മിനി, ബിന്ദു, ഗിരിജ എന്നിവരുമാണ് പ്രവര്‍ത്തിക്കുന്നത്.

പുലികള്‍ ആടിത്തിമര്‍ത്തു, ആരവംമുഴക്കി പുരുഷാരം

ഇരിങ്ങാലക്കുട: നഗരത്തെ വിറപ്പിക്കാനെത്തിയ പുലിക്കൂട്ടത്തിന് കാടിനോളം വൈവിധ്യം. അരമണികുലുക്കി, അലറിവിളിച്ച്, താളംചവിട്ടിയെത്തിയത് വരയന്‍പുലി, പുള്ളിപുലി, കരിമ്പുലി. വിവിധ പുലികള്‍ കൂട്ടമായി ഇന്നലെ വൈകീട്ട് ഇരിങ്ങാലക്കുട നഗരത്തിലിറങ്ങി. കൗതുകമുണര്‍ത്തി പെണ്‍പുലികളും അണിനിരന്നത് പുലികളിക്ക് ചാരുതപകര്‍ന്നു. ലെജൻഡ്സ് ഓഫ് ഇരിങ്ങാലക്കുടയുടെ ആഭിമുഖ്യത്തിലായിരുന്നു പുലിക്കളി ആഘോഷം. ഉച്ചതിരിഞ്ഞ് 2.30ന് ടൗണ്‍ഹാള്‍ പരിസരത്തുനിന്നും ആരംഭിച്ച പുലിക്കളി ആഘോഷ ഘോഷയാത്ര നഗരസഭ ചെയര്‍പേഴ്‌സണ്‍ മേരിക്കുട്ടി ജോയ്, പ്രവാസി വ്യവസായി സിന്‍സന്‍ ഫ്രാന്‍സിസ് തെക്കേത്തല, ഭാസി രാജ്, വ്യാപാരി വ്യവസായി ഏകോപനസമിതി പ്രസിഡന്‍റ് ഷാജു പാറേക്കാടന്‍ എന്നിവര്‍ചേര്‍ന്ന് ഫ്ലാഗ്ഓഫ് ചെയ്തു. പുലികളും പുലിമേളവും ശിങ്കാരിമേളവും കാവടികളും ചിന്തുകാവടികളും അടക്കം 300ല്‍പരം കലാകാരന്മാര്‍ അണിനിരന്ന വര്‍ണാഭമായ പുലിക്കളി ആഘോഷ ഘോഷയാത്ര ബസ് സ്റ്റാൻഡ്, മെയിന്‍ റോഡ്, ഠാണാവ് വഴി വൈകിട്ട് ആറരയോടെ നഗരസഭ മൈതാനത്ത് എത്തിചേര്‍ന്നു. ഡിജെ അടക്കം നിരവധി കലാപരിപാടികള്‍ നഗരസഭ മൈതാനത്ത് അരങ്ങേറി. പുലിക്കളി ആഘോഷ സമാപനസമ്മേളനം തോമസ് ഉണ്ണിയാടന്‍ ഉദ്ഘാടനംചെയ്തു. ലിയോ താണിശേരിക്കാരന്‍ അധ്യക്ഷതവഹിച്ചു.

ബസിടിച്ച് യുവാവ് മരിച്ച സംഭവം: ഡ്രൈവർ അറസ്റ്റിൽ

കയ്പമംഗലം: പന്ത്രണ്ടിൽ ബസിടിച്ച് യുവാവ് മരണപ്പെടാൻ ഇടയായ സംഭവത്തിൽ ബസ് ഡ്രൈവർക്കെതിരേ കുറ്റകരമായ നരഹത്യക്കുള്ള വകുപ്പുചേർത്ത് കേസെടുത്ത് അറസ്റ്റ് ചെയ്തു. ശ്രീനാരായണപുരം ആല സ്വദേശി തോട്ടാശേരി വീട്ടിൽ സുജി(38) ത്തിനെയാണ് തൃശൂർ റൂറൽ ജില്ലാ പോലീസ് മേധാവിയുടെ നേതൃത്വത്തിലുള്ള അന്വേഷണസംഘം അറസ്റ്റ് ചെയ്തത്. സംഭവത്തിൽ ഉൾപ്പെട്ട ബസും പോലീസ് കസ്റ്റഡിയിലെടുത്തു. നടപടിക്രമങ്ങൾക്കുശേഷം പ്രതിയെ കോടതിയിൽ ഹാജരാക്കി. വൈകീട്ട് അഞ്ചരയോടെ ഗുരുവായൂർ - എറണാകുളം റൂട്ടിൽ ഓടുന്ന വലിയപറമ്പിൽ ലിമിറ്റഡ് സ്റ്റോപ്പ് ബസിടിച്ച് ചാവക്കാട് കടപ്പുറം സ്വദേശിയായ ബൈക്ക് യാത്രികൻ മുഹമ്മദ് അനസ് മരണപ്പെട്ട സംഭവത്തിലാണ് അറസ്റ്റ്. സുജിത്ത് കൊടുങ്ങല്ലൂർ പോലീസ് സ്റ്റേഷൻ പരിധിയിൽ 2006ൽ ഒരാൾ മരണപ്പെടാൻ ഇടയായ വാഹനാപകടക്കേസിലും 2008ൽ ഒരു വധശ്രമക്കേസിലും പ്രതിയാണ്.കയ്പമംഗലം സ്റ്റേഷൻ എസ്എച്ച്ഒ ആർ. ബിജു‌, എസ്ഐ മാരായടി അഭിലാഷ്, സിയാദ്, ജയ്സൺ, ഷാരൂഖ് എന്നിവരാണ് അന്വേഷണസംഘത്തിലുള്ളത്.

ദേശീയ റാങ്കിംഗിൽ 83-ാം സ്ഥാനവുമായി ഇരിങ്ങാലക്കുട സെന്‍റ് ജോസഫ്‌സ് കോളജ്

ഇരിങ്ങാലക്കുട: ദേശീയതലത്തില്‍ കലാലയങ്ങളുടെ റാങ്കിംഗ് നിര്‍വഹിക്കുന്ന നാഷണല്‍ ഇന്‍സ്റ്റിറ്റ്യൂഷന്‍ റാങ്കിംഗിൽ എണ്‍പത്തിമൂന്നാംസ്ഥാനത്തിന്‍റെ മികവുമായി ഇരിങ്ങാലക്കുട സെന്‍റ് ജോസഫ്‌സ് കോളജ് വീണ്ടും ചരിത്രമെഴുതുന്നു. കഴിഞ്ഞവര്‍ഷത്തെ എണ്‍പത്തിയഞ്ചാം സ്ഥാനത്തുനിന്ന് രണ്ടുപടി മുന്നിലാണ് ഈ വര്‍ഷം കോളജ്. പാഠ്യ - പാഠ്യേതര പ്രവര്‍ത്തനങ്ങള്‍, ഗവേഷണരംഗത്തെ മികവ്, ബിരുദകാലയളവിനുശേഷമുള്ള പഠനപുരോഗതി, ലഭിച്ചിട്ടുള്ള തൊഴിലവസരങ്ങള്‍, സാമൂഹിക-സാംസ്‌കാരിക പ്രവര്‍ത്തനങ്ങള്‍, പഠിതാക്കള്‍ക്ക് ലഭ്യമാക്കിയിട്ടുള്ള സൗകര്യങ്ങള്‍ എന്നിവയില്‍ പുലര്‍ത്തിയിരിക്കുന്ന മികവാണ് കോളജിന് ഈ നേട്ടം ചാര്‍ത്തിക്കൊടുത്തത്.

ഇരിങ്ങാലക്കുട രാസലഹരിക്കെതിരായി വലിയ പ്രതിരോധം സൃഷ്ടിക്കുന്നു: മന്ത്രി ആര്‍. ബിന്ദു

ഇരിങ്ങാലക്കുട: മണ്ഡലത്തില്‍ രാസലഹരിക്കെതിരായി വലിയ പ്രതിരോധം സൃഷ്ടിക്കുകയാണെന്ന് മന്ത്രി ആര്‍. ബിന്ദു. ഇരിങ്ങാലക്കുട നിയോജകമണ്ഡലത്തില്‍ നടപ്പിലാക്കുന്ന മധുരം ജീവിതം ലഹരിവിരുദ്ധ ഓണാഘോഷത്തിന്‍റെ ഭാഗമായി സംഘടിപ്പിച്ച ഓണംകളി മത്സരം ഉദ്ഘാടനം നിര്‍വഹിക്കുകയായിരുന്നു മന്ത്രി. ഇരിങ്ങാലക്കുട നഗരസഭ ചെയര്‍പേഴ്‌സണ്‍ മേരിക്കുട്ടി ജോയ് അധ്യക്ഷതവഹിച്ചു. യുവജനങ്ങളെ കൂടുതലായി കലാ,കായിക വേദികളിലേക്കും വായനശാലകളിലേക്കും ആകര്‍ഷിക്കുക എന്നതാണ് മധുരം ജീവിതം എന്ന മണ്ഡലാടിസ്ഥാനത്തില്‍ നടത്തുന്ന പരിപാടിയുടെ ലക്ഷ്യം. സാഹിത്യ മത്സരങ്ങള്‍, നാടന്‍പാട്ട്, ഓണംകളി എന്നിവയാണ് രണ്ടുദിവസമായി അരങ്ങേറിയത്. ഇരിങ്ങാലക്കുട നിയോജകമണ്ഡലത്തിലെ വിവിധ വിദ്യഭ്യാസസ്ഥാപനങ്ങള്‍, ക്ലബുകള്‍, വിദ്യാര്‍ഥികള്‍, പൊതുജനങ്ങള്‍ തുടങ്ങിയവര്‍ മത്സരങ്ങളില്‍പങ്കെടുത്തു. ഇരിങ്ങാലക്കുട ടൗണ്‍ഹാളില്‍ നടന്ന നാടന്‍പാട്ട് മത്സരം ഫോക്ക്‌ലോര്‍ അക്കാദമി ജേതാവ് ഗിരീഷ് മുരിയാട് ഉദ്ഘാടനംചെയ്തു. നാടന്‍പാട്ട് മത്സരത്തില്‍ സീനിയര്‍ വിഭാഗത്തില്‍ കതിരോല ഇരിങ്ങാലക്കുട ടീം ഒന്നാംസ്ഥാനം കരസ്ഥമാക്കി. കാട്ടൂര്‍ എഗറ് കലാസംഘം രണ്ടാംസ്ഥാനവും വെട്ടം ഫോക്‌ലോര്‍ ബാന്‍ഡ്, ഇരിങ്ങാലക്കുട മൂന്നാംസ്ഥാനവും കരസ്ഥമാക്കി. ജൂണിയര്‍ വിഭാഗത്തില്‍ സമയ ജൂണിയര്‍ പ്രത്യേക പുരസ്‌കാരം കരസ്ഥമാക്കി. വിജയികള്‍ക്ക് മന്ത്രി പുരസ്‌കാരങ്ങള്‍ വിതരണം ചെയ്തു.

സദ്യ വിളമ്പിയും ഓണക്കോടി സമ്മാനിച്ചും കാൊരട്ടി പാഥേയത്തിൽ ഓണാഘോഷം

കൊരട്ടി: വിശപ്പ് അകറ്റുന്നവരേയും വിശക്കുന്നവനും ഒന്നിച്ചിരുത്തി പാഥേയത്തിന്‍റെ ഓണസദ്യയും ഓണാഘോഷവും. വിശപ്പുരഹിത സന്ദേശംനല്‍കി കഴിഞ്ഞ അഞ്ച് വര്‍ഷമായി കൊരട്ടിയില്‍ പ്രവര്‍ത്തിക്കുന്ന പാഥേയമാണ് യാത്രക്കാര്‍ക്കും നിരാശ്രയര്‍ക്കുമായി തിരുവോണദിനത്തില്‍ 13 കറിക്കൂട്ടുകളുമായി ഓണസദ്യയൊരുക്കിയത്. പതിവായി പാഥേയത്തില്‍നിന്നു പൊതിച്ചോറെടുത്ത് വിശപ്പകറ്റുന്നവർക്ക് പന്തലൊരുക്കിയാണ് ഓണസദ്യ വിളമ്പിയത്. യാത്രയ്ക്കിടയില്‍ ഭക്ഷണംകിട്ടാതെ വലഞ്ഞവരടക്കം ഒട്ടേറേപേര്‍ പാഥേയത്തിന്‍റെ ഭാഗമായി. ഓണം ഉണ്ണാനെത്തിയ നിരാശ്രയർക്ക് ഓണക്കോടിയും നല്‍കിയാണ് അവരെ തിരിച്ചയച്ചത്. പാഥേയത്തില്‍നടന്ന ഓണാഘോഷം സനീഷ്കുമാര്‍ ജോസഫ് എംഎല്‍എ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് പി.സി. ബിജു അധ്യക്ഷനായിരുന്നു. രാഷ്ട്രപതിയുടെ വിശിഷ്ടസേവനത്തിനുളള പുരസ്‌കാരംനേടിയ ബൈജു പൗലോസ്, മികച്ച ഗ്രാമപഞ്ചായത്ത് പ്രസിഡന്‍റിനുള്ള പുരസ്‌കാരംനേടിയ അന്നമനട പഞ്ചായത്ത് പ്രസിഡന്‍റ് പി.വി. വിനോദ്, ഡോ. സ്വാതി സുന്ദര്‍, ഡോ.കെ.ആര്‍. ദേവദാസ്, വൈഷ്ണവി ഡി.മംഗലം, മാധ്യമപ്രവര്‍ത്തകന്‍ സുനില്‍ സരോവരം എന്നിവരെ ആദരിച്ചു. ബ്ലോക്ക് പഞ്ചായത്ത് പ്രസിഡന്‍റ് വേണു കണ്ടരുമഠത്തില്‍, മേലൂര്‍ പഞ്ചായത്ത് പ്രസിഡന്‍റ് എം.എസ്. സുനിത, കെ.ആര്‍. സുമേഷ്, മഹല്ല് ഇമാം ഖാലിദ് ലത്വീഫി അല്‍ ആദര്‍ശി, കൊരട്ടി പള്ളി ട്രസ്റ്റി ജൂലിയസ് വെളിയത്ത് തുടങ്ങിയവര്‍ പ്രസംഗിച്ചു.

അയ്യൻകാളിയുടെ പേരിൽ സർവകലാശാല സ്ഥാപിക്കണം: കെപിഎംഎസ്

ചാലക്കുടി: കേരളത്തിലെ പാവപ്പെട്ടവരുടെ വിദ്യാഭ്യാസത്തിനുവേണ്ടി മഹാവിപ്ലവം നടത്തിയ മഹാന്മാ അയ്യൻകാളിയുടെ നാമേധയത്തിൽ സർവകലാശാല സ്ഥാപിക്കണമെന്ന് കെപിഎംഎസ് സംസ്ഥാന സെക്രട്ടറി എൻ.ടി. വേലായുധൻ ആവശ്യപ്പെട്ടു. ചാലക്കുടി ഏരിയാ യൂണിയൻ സംഘടിപ്പിച്ച 162-ാമത് ജയന്തി ഉദ്ഘാടനംചെയ്ത് പ്രസംഗിക്കുകയായിരുന്നു. പി.എ. ബാബു അധ്യക്ഷതവഹിച്ചു. കെ.കെ. ജയാനന്ദൻ, വിലാസിനി ഉണ്ണി, ഷീല മോഹനൻ, പി.ടി. ബെനിഷ്, കെ.എ. രമേശൻ, പി.എം. സുബ്രൻ എന്നിവർ പ്രസംഗിച്ചു.

പിറവിത്തിരുനാൾ: വ്യാപാരിവ്യവസായിസംഗമം നടത്തി

ചാലക്കുടി: സെന്‍റ് മേരീസ് ഫോറോനാ ദേവാലയത്തിൽ പരിശുദ്ധ കന്യകeമറിയത്തിന്‍റെ പിറവിത്തിരുനാളിനോടനുബന്ധിച്ച് വ്യാപാരിവ്യവസായി സംഗമം നടത്തി. മർച്ചന്‍റ് അസോസിയേഷൻ പ്രസിഡന്‍റുമായ ജോയ് മുത്തേടൻ ഉദ്ഘാടനം നിർവഹിച്ചു. ഫൊറോന വികാരി ഫാ. വർഗീസ് പാത്താടൻ അധ്യക്ഷതവഹിച്ചു. അസിസ്റ്റന്‍റ് വികാരിമാരായ ഫാ. ക്രിസ്റ്റി ചിറ്റക്കര, ഫാ. അഖിൽ തണ്ടിയേക്കൽ, ട്രസ്റ്റിമാരായ സുനിൽ ഡേവിഡ് ചക്കാലയ്ക്കൽ, റിജു സെബാസ്റ്റ്യൻ, മർച്ചന്‍റ് അസോസിയേഷൻ ജനറൽ സെക്രട്ടറി ബിനു മഞ്ഞളി, യൂത്ത്‌വിംഗ് ജനറൽ സെക്രട്ടറി ടി.ബി. ബിനു എന്നിവർ പ്രസംഗിച്ചു.

ലയൺസ് ക്ലബ് കാരുണ്യപ്രവർത്തനങ്ങൾ നടത്തും

ചാലക്കുടി: ലയൺസ് ക്ലബ് നിരവധി കാരുണ്യപ്രവർത്തനങ്ങൾ നടപ്പാക്കും. ശാരീരികവെല്ലുവിളി നേരിടുന്നവർക്ക് ഒക്ടോബർ ആദ്യവാരത്തിൽ സൗജന്യമായി ക്യാമ്പ് നടത്തി കൃത്രിമക്കാലുകൾവച്ചുകൊടുക്കും. ജോലി തേടുന്നവർക്കും തൊഴിൽ നൽകാൻ ആഗ്രഹിക്കുന്നവർക്കുമായി ലയൺസ് വെബ്സൈറ്റിൽ നിർധനരായ 25നും 40നും ഇടയ്ക്കുള്ള സ്ത്രീകൾക്കും പുരുഷന്മാർക്കും സൗജന്യപരിശീലനംനല്കും. സംരംഭങ്ങൾ തുടങ്ങാനുള്ള സാങ്കേതികസഹായവും നൽകും. ഭവനരഹിതർക്കായി നാലുവീടുകൾ കേരള മൾട്ടിപ്പിളുമായി സഹകരിച്ച് നിർമിച്ചുകൊടുക്കും. ഐവിഷൻ ആശുപത്രിയുമായി സഹകരിച്ച് സൗജന്യ നേത്രപരിശോധനയും തിമിരശസ്ത്രക്രിയയും നടത്തും. കുട്ടികളിലെ കാഴ്ച പ്രശ്നങ്ങൾ നേരത്തെ കണ്ടെത്തി ചികിത്സ ഉറപ്പാക്കുന്ന അന്താരാഷ്ട്രപദ്ധതിയിൽ സ്കൂൾ കുട്ടികൾക്ക് പ്രത്യേകക്യാമ്പ് നടത്തി സൗജന്യ ശസ്ത്രക്രിയയും കണ്ണടയും വിതരണംചെയ്യും. വിശപ്പിനെതിരേ തൃശൂരിൽ നടത്തുന്ന ലയൺസ് ഭക്ഷ്യസഹായ പദ്ധതിയിൽ 400പേർക്ക് 21ന് സൗജന്യ ഭക്ഷണംനല്കും. സാമ്പത്തികമായി പിന്നാക്കം നിൽക്കുന്നവർക്ക് ഓണക്കിറ്റുകൾ വിതരണംചെയ്യും. സേവനങ്ങൾക്ക് 8592040969 നമ്പറിൽ ബന്ധപ്പെടണമെന്ന് പ്രസിഡന്‍റ് ഡോ. ജോർജ് കോലഞ്ചേരി, മുൻ മൾട്ടിപ്പിൾ ചെയർമാൻ സാജു ആന്‍റണി പാത്താടൻ, ജില്ലാ കോ-ഓർഡിനേറ്റർ ജെ യിൻ ചിറ്റിലപ്പിള്ളി, അഡ്വ. ആന്‍റോ ചെറിയാൻ, ബിജു പെരേപ്പാടൻ, ഹാരി ജെ.മാളിയേക്കൽ എന്നിവർ പത്രസമ്മേളനത്തിൽ അറിയിച്ചു.

ബൈബിൾ കൺവൻഷൻ ആരംഭിച്ചു

കോട്ടപ്പുറം: കത്തീഡ്രലിലെ വിശുദ്ധ മിഖായേൽ മാലാഖയുടെ തിരുനാളിനൊരുക്കമായി നടത്തുന്ന ബൈബിൾ കൺവൻഷൻ കോട്ടപ്പുറം ഫൊറോന വികാരി ഫാ. ജോഷി കല്ലറയ്ക്കൽ ഉദ്ഘാടനംചെയ്തു. കത്തീഡ്രൽ വികാരി ഫാ. ഡൊമനിക് പിൻഹിറോ, ഫാ. പീറ്റർ കണ്ണമ്പുഴ, ഫാ. ആൽഫിൻ ജൂഡ്സൻ എന്നിവർ സംബന്ധിച്ചു. അട്ടപ്പാടി സെഹിയോൻ ധ്യാനകേന്ദ്രത്തിലെ ഫാ. സോജി ഓലിക്കലും ടീമുമാണ് ധ്യാനം നയിക്കുന്നത്. ഒമ്പതിനു സമാപിക്കും. വൈകീട്ട് അഞ്ചുമുതൽ ഒമ്പതുവരെയാണ് ധ്യാനം.

നെല്ലായി കെസിവൈഎം ഫുട്‌ബോള്‍ ടൂര്‍ണമെന്‍റ് സംഘടിപ്പിക്കും

കൊടകര: നെല്ലായി സെന്‍റ് മേരീസ് പള്ളിയിലെ കെസിവൈഎം സംഘടനയുടെ നേതൃത്വത്തില്‍ ഇരിങ്ങാലക്കുട രൂപതാതലത്തില്‍ ഫുട്‌ബോള്‍ ടൂര്‍ണമെന്‍റ് സംഘടിപ്പിക്കും. ഒക്ടോബര്‍ ഒന്ന്, രണ്ട് തീയതികളില്‍ കൊടകര പുത്തുക്കാവ് ടര്‍ഫ് മൈതാനിയിലാണ് ടൂര്‍ണമെന്‍റ് നെല്ലായി സെന്‍റ് മേരീസ് പള്ളി വികാരി ഫാ. തോമസ് എളങ്കുന്നപ്പുഴ ടൂര്‍ണമെന്‍റ് ഉദ്ഘാടന ചെയ്യും. മുന്‍ ഇന്ത്യന്‍ ഫുട്‌ബോള്‍താരം സോളി സേവ്യര്‍ സമ്മാനദാനംനിര്‍വഹിക്കും. വിന്നേഴ്‌സിന് 10,001 രൂപയും ട്രോഫിയും റണ്ണേഴ്‌സിന് 5,001 രൂപയും ട്രോഫിയും സമ്മാനിക്കും. പങ്കാടുക്കാനാഗ്രിഹിക്കുന്ന ടീമുകള്‍ രജിസ്റ്റര്‍ ചെയ്യണം. വിവരങ്ങള്‍ക്ക്: 9539948000, 6238376925.

22 കുടുംബങ്ങള്‍ ഒരു വീട്ടില്‍ ഓണമാഘോഷിച്ചു

കോടാലി: തിരുവോണദിവസത്തില്‍ 22 കുടുംബങ്ങള്‍ ഒരുവീട്ടില്‍ ഒന്നിച്ചുകൂടി ഓണം ആഘോഷിച്ചത് വേറിട്ട കാഴ്ചയായി. ഇല്ലത്തുപറമ്പില്‍ ഫാമിലിട്രസ്റ്റിനു കീഴിലെ മാങ്കുറ്റിപ്പാടം, കടമ്പോട് പ്രദേശങ്ങളിലുള്ള 22 കുടുംബങ്ങളിലെ 60 ഓളംപേരാണ് കടമ്പോട് എഎല്‍പി സ്‌കൂളിനു സമീപത്തുള്ള വീട്ടില്‍ തിരുവോണസദ്യയുണ്ടത്. തുടര്‍ന്ന് കുടുംബാംഗങ്ങളുടെ കൈക്കൊട്ടിക്കളി, കസേരകളി, ഡാന്‍സ്, ഉറിയടി എന്നിവയുമുണ്ടായി. ഐ.ആര്‍. ബാലകൃഷ്ണന്‍, ഐ.ജി. രവീന്ദ്രന്‍, ഐ.കെ. സലീഷ്‌കുമാര്‍, ഐ.ആര്‍. രാജന്‍ തുടങ്ങിയവര്‍ നേതൃത്വംനല്‍കി.

കുളത്തിൽ വീണ ബന്ധുവിനെ രക്ഷിക്കാൻ ശ്രമിക്കുന്നതിനിടെ യുവാവ് മുങ്ങി മരിച്ചു

മുടിക്കോട്: കുളത്തിൽ വീണ ബന്ധുവിനെ രക്ഷിക്കാൻ ശ്രമിക്കുന്നതിനിടെ ചെമ്പൂത്ര സ്വദേശിയായ യുവാവ് മുങ്ങിമരിച്ചു. ചെമ്പൂത്ര കിടങ്ങാപ്പിള്ളി വീട്ടിൽ അരവിന്ദൻ മകൻ വിനോദ് (44) ആണ് മരിച്ചത്. ഇന്നലെ വൈകീട്ട് 5.20ന് മുടിക്കോട് ചാത്തംകുളത്തിലാണ് സംഭവം ഉണ്ടായത്. വിനോദ് കുളത്തിൽ നീന്തുന്നതിനിടെ കാൽവഴുതി കുളത്തിൽ വീണ ബന്ധുവിനെ രക്ഷിക്കാൻ ശ്രമിക്കുന്നതിനിടെ കുളത്തിലേയ്ക്ക് മുങ്ങിത്താഴുകയായിരുന്നു എന്ന് ദക്‌സാക്ഷികൾ പറഞ്ഞു. കാൽ വഴുതി വീണയാളെ ഉടൻ നാട്ടുകാർ ചേർന്ന് രക്ഷപെടുത്തിയെങ്കിലും വിനോദിനെ രക്ഷിക്കാനായില്ല. 5.45ഓടെ തൃശൂരിൽ നിന്നുളള അഗ്നിരക്ഷാസേന സ്ഥലത്തെത്തി മൃതദേഹം പുറത്തെടുക്കുകയായിരുന്നു. പീച്ചി പോലീസും സ്ഥലത്തെത്തി മേൽ നടപടികൾ സ്വീകരിച്ചു. സ്‌കൂബ ഡൈവർ അനൽജിത്താണ് മൃതദേഹം പുറത്തെടുത്തത്. സീനിയർ ഫയർ ആൻഡ് റെസ്‌ക്യു ഓഫീസർ രാജേഷ് എം.ജി, സ്‌കൂബ ഡൈവർ അനൽജിത്ത്, ഫയർ ആൻഡ് റെസ്‌ക്യു ഓഫീസർമാരായ ഗുരുവായൂരപ്പൻ, കൃഷ്ണപ്രസാദ്, ജയേഷൻ എന്നിവരാണ് അഗ്നിരക്ഷാ സംഘത്തിൽ ഉണ്ടായിരുന്നത്.

യുവാവ് ദുരുഹസാഹചര്യത്തിൽ മരിച്ചനിലയിൽ

ചേലക്കര: യുവാവിനെ ദുരൂഹസാഹചര്യത്തിൽ മരിച്ചനിലയിൽ കണ്ടെത്തി. പുലാക്കോട് നമ്പ്യാത്തുകുന്ന് സ്വദേശി പി.വി. പ്രജീഷ്(42) നെയാണ് പനങ്കുറ്റി എന്ന സ്ഥലത്തെ പണിതീരാത്ത വീടിനു മുന്നിൽ മരിച്ചനിലയിൽ കണ്ടെത്തിയത്. പ്രജീഷിന്‍റെ ഭാര്യാസഹോദരൻ രവിയാണ് മൃതദേഹം ആദ്യം കണ്ടത്. തുടർന്ന് ചേലക്കര പോലീസിൽ വിവരമറിയിക്കുകയായിരുന്നു. ചേലക്കര പോലീസ് മേൽനടപടികൾ സ്വീകരിച്ചു. സംസ്കാരം നടത്തി.

യുവാവ് മരിച്ചനിലയിൽ

കയ്പമംഗലം: ചളിങ്ങാട് യുവാവിനെ വീട്ടിൽ മരിച്ചനിലയിൽ കണ്ടെത്തി. ചളിങ്ങാട് ലണ്ടൻ വളവിന് അടുത്ത് പോക്കാക്കില്ലത്ത് ബഷീറിന്‍റെ മകൻ മുനീറി(27)നെയാണ് വീട്ടിലെ കിടപ്പുമുറിയിൽ മരിച്ചനിലയിൽ കണ്ടെത്തിയത്. ഇന്നലെ പുലർച്ചെയാണ് സംഭവം. കയ്പമംഗലം പോലീസ് മേൽനടപടികൾ സ്വീകരിച്ചു.

കാറപകടത്തിൽ യുവതി മരിച്ചു

തിരുവില്വാമല: തിരുവോണ ദിനത്തിലുണ്ടായ കാറപകടത്തിൽ യുവതി മരിച്ചു. കുത്താമ്പുള്ളി സി കെ റോഡില്‍ ലക്ഷ്മി നിവാസില്‍ വൃന്ദ(43) ആണ് മരിച്ചത്. കുത്താമ്പുള്ളി സികെ ഹാന്‍റ്ലൂംസ് ഉടമ ആറുമുഖസ്വാമിയും കുടുംബവുമാണ് കാറിലുണ്ടായിരുന്നത്. തിരുവില്വാമലയിലെ റോയല്‍ റസിഡന്‍സിയില്‍നിന്ന് തിരുവോണ സദ്യയുണ്ട് വീട്ടിലേക്ക് മടങ്ങുന്നതിനിടെയാണ് കാര്‍ അപകടത്തില്‍പെട്ടത്. വെള്ളിയാഴ്ച ഉച്ചയ്ക്കുശേഷം മൂന്നോടെയാണ് അപകടം. സ്കൂട്ടര്‍ യാത്രികരെ ഇടിക്കാതിരിക്കാനുള്ള ശ്രമത്തിനിടെ കുത്താമ്പുള്ളി കള്ളുഷാപ്പിനു സമീപം നിയന്ത്രണം തെറ്റി റോഡരികിലെ മരത്തിന്‍റെ തറയിൽ ഇടിക്കുകയായിരുന്നു. കാറിൽ ആറുമുഖസ്വാമി, ഭാര്യ സരോജ, മകൻ വിനോദ്, മരുമകള്‍ വൃന്ദ എന്നിവരാണ് യാത്ര ചെയ്തിരുന്നത്. പിന്നിലെ രണ്ടു കാറില്‍ കുടുംബത്തിലെ മറ്റംഗങ്ങളും ഉണ്ടായിരുന്നു. അപകടത്തില്‍പെട്ടവരെ ഒറ്റപ്പാലത്തെ സ്വകാര്യ ആശുപത്രിയിൽ എത്തിച്ചുവെങ്കിലും വൃന്ദയുടെ ജീവന്‍ രക്ഷിക്കാനായില്ല. സരോജ തീവ്രപരിചരണ വിഭാഗത്തിൽ ചികിൽസയിലാണ്. സംസ്കാരം നടത്തി. മക്കള്‍: ആദി, ശ്രുതിക.

മണലിപുഴയിൽ ഓട്ടോ മറിഞ്ഞ് യുവാവ് മരിച്ചു

പാലിയേക്കര: മണലി പുഴയിലേക്ക് ഓട്ടോറിക്ഷ മറിഞ്ഞ് യുവാവ് മരിച്ചു. മൂന്നു പേർക്ക് പരിക്കേറ്റു. പുലക്കാട്ടുകര സ്വദേശി കുടിയിരിക്കൽ വീട്ടിൽ പരേതനായ വിനോദിന്‍റ മകൻ നിധീഷ്(33) ആണ് മരിച്ചത്. ആമ്പല്ലൂർ സ്വദേശി ഓംബുള്ളി വീട്ടിൽ സുബിൻ, സഹോദരൻ സൂര്യൻ, മണലി സ്വദേശി പറമ്പൻ വീട്ടിൽ അബി എന്നിവർക്കാണ് പരിക്കേറ്റത്. മണലി പാലത്തിനു സമീപത്തെ കടവിൽ ശനിയാഴ്ച വൈകീട്ടായിരുന്നു അപകടം. പുഴയിൽ കുളിച്ച ശേഷം മടങ്ങുന്നതിനിടെ ഓട്ടോ നിയന്ത്രണം വിട്ട് പുഴയിലേക്ക് മറിയുകയായിരുന്നു. ഓട്ടോയിൽ നിന്ന് പടവുകളിലേക്ക് തലയിടിച്ച് വീണ നിധീഷിന്‍റെ ദേഹത്തേക്ക് ഓട്ടോ മറിയുകയായിരുന്നു. നാട്ടുകാർ ചേർന്നാണ് രക്ഷാപ്രവർത്തനം നടത്തിയത്. നിധീഷിനെ പുതുക്കാട് താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചു. പുതുക്കാട് നിന്നു ഫയർഫോഴ്‌സ് എത്തിയാണ് പുഴയിൽ വീണ ഓട്ടോറിക്ഷ ഉയർത്തിയത്. പുതുക്കാട് പോലീസ് മേൽനടപടികൾ സ്വീകരിച്ചു. സഹോദരൻ: പരേതനായ അമൽ.

കാറിടിച്ച് സൈക്കിൾ യാത്രികൻ മരിച്ചു

കുന്നംകുളം: ചൊവ്വന്നൂരിൽ കാറിടിച്ച് സൈക്കിൾ യാത്രികൻ മരിച്ചു. ചൊവ്വന്നൂർ പറപ്പൂർ വീട്ടിൽ ജയറാം (60) ആണ് മരിച്ചത്. ഇന്നലെ രാത്രി എട്ടരയ്ക്ക് പന്തല്ലൂർ അറേബ്യൻ പാലസ് ഓഡിറ്റോറിയത്തിനു സമീപമായിരുന്നു അപകടം. നിയന്ത്രണം വിട്ട കാർ സൈക്കിളിൽ ഇടിക്കുകയായിരുന്നുവെന്ന് പറയുന്നു. ഉടനെ ആശുപത്രിയിൽ എത്തിച്ചുവെങ്കിലും മരണം സംഭവിച്ചു.

ഏനാമാവിൽ പാലത്തിൽനിന്നു യുവതി പുഴയിൽചാടി

ഏനാമാവ്: കെട്ടുങ്ങലിൽ റെഗുലേറ്റർ പാലത്തിനു മുകളിൽ നിന്നു യുവതി പുഴയിൽ ചാടി. ശനിയാഴ്ച ഉച്ചയ്ക്കുശേഷമായിരുന്നു സംഭവം. റെഗുലേറ്റർ പാലത്തിൻ്റെ തെക്കേ അറ്റത്തു നിന്നായിരുന്നു പുഴയിൽ ചാടിയത്. ഉച്ചനേരമായതിനാൽ പാലത്തിൽ ആരും ഉണ്ടായിരുന്നില്ല. പുഴയോരത്ത് ഉണ്ടായിരുന്ന നാട്ടുകാരിൽ ഒരാൾ ആരോ പുഴയിൽ ചാടിയതായി സംശയം പ്രകടിപ്പിച്ചതിനെ തുടർന്ന് ഏനാമാക്കൽ നെഹ്റു പാർക്ക് കെയർടേക്കറും റസ്ക്യൂ ടീം അംഗവുമായ രഞ്ജിനി അനിലൻ പോലീസിലും ഫയർഫോഴ്സിലും ഉടൻ വിവരമറിയിച്ചു. മുൻ ബ്ലോക്ക് പഞ്ചായത്ത് മെമ്പറും മത്സ്യ തൊഴിലാളിയുമായ ഷാജു അമ്പലത്തും വിവരമറിഞ്ഞ് ഉടൻ സ്ഥലത്ത് എത്തി. തുടർന്ന് ഫയർഫോഴ്സും നാട്ടുകാരും ചേർന്ന് നടത്തിയ തിരച്ചലിൽ പുഴയിൽ നിന്ന് യുവതിയെ കണ്ടെടുത്തു. ജീവൻ്റെ തുടിപ്പ് കണ്ടതിനെ തുടർന്ന് പ്രാഥമിക ശുശ്രൂഷ നൽകി ഉടൻ യുവതിയെ ആബുലൻസിൽ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. മരിച്ച യുവതിയെ കുറിച്ചുള്ള പൂർണ വിവരങ്ങൾ ലഭിച്ചിട്ടില്ല.

ജോലി വാഗ്ദാനംചെയ്ത് പണംതട്ടിയ യുവാവ് അറസ്റ്റിൽ

ശ്രീനാരായണപുരം: ഒാൺലൈനിൽ പാർട്ട്ടൈം ജോലി വാഗ്ദാനംചെയ്ത് പണം തട്ടിയ കേസിൽ യുവാവിനെ അറസ്റ്റ് ചെയ്തു. ഇരിങ്ങാലക്കുട ഊളക്കാട് ആസാദ് റോഡ് സ്വദേശി പയ്യപ്പിള്ളി വീട്ടിൽ സലീഷി(37)നെയാണ് അറസ്റ്റ് ചെയ്തത്. ശ്രീനാരായണപുരം പടിഞ്ഞാറേ വെമ്പല്ലൂർ സ്വദേശി ചന്ദന വീട്ടിൽ ഡാച്ചുവിന്‍റെ പരാതിയിലാണ് അറസ്റ്റ്. ഷിപ്പ് ഹീറോ എന്ന കമ്പനിയിൽ പാർട്‌ടൈം ജോലി നൽകാമെന്നു പറഞ്ഞ് 8,67,740 രൂപ കമ്പനിയുടെ വിവിധ ബാങ്ക് അക്കൗണ്ടുകളിലേക്ക് അയച്ച് വാങ്ങിയായിരുന്നു തട്ടിപ്പ്. പരാതിക്കാരനിൽനിന്ന് തട്ടിയെടുത്ത പണത്തിൽനിന്ന് 60,000 രൂപ സ്വന്തം അക്കൗണ്ടുകളിലേക്ക് അയച്ച് വാങ്ങി തട്ടിപ്പുസംഘത്തിൽ ഉൾപ്പെട്ടതിനാണ് സലീഷിനെ അറസ്റ്റുചെയ്തത്. നടപടിക്രമങ്ങൾക്കുശേഷം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. സലീഷ് കാട്ടൂർ പോലീസ് സ്റ്റേഷൻ പരിധിയിൽ 2021 ൽ കാക്കതുരുത്തിയിൽ വച്ച് കാറളം കിഴുത്താണി സ്വദേശി കൂത്തുപാലക്കൽ വീട്ടിൽ ശരത്ത് എന്നയാളെ കൊലപ്പെടുത്തിയ കേസിലും കാട്ടൂർ പോലീസ് സ്റ്റേഷൻ പരിധിയിലെ രണ്ടു വധശ്രമക്കേസിലും പ്രതിയാണ്.

മാപ്രാണം ഹോളിക്രോസ് തീര്‍ഥകേന്ദ്രത്തില്‍ തിരുനാൾ

മാപ്രാണം: ഹോളിക്രോസ് പള്ളിയില്‍ ചരിത്രപ്രസിദ്ധമായ മാപ്രാണം കുരിശുമുത്തപ്പന്‍റെ തിരുനാളിനു കൊടിയേറി. കോട്ടപ്പുറം രൂപത ബിഷപ് ഡോ. അംബ്രോസ് പുത്തന്‍വീട്ടില്‍ കൊടിയേറ്റുകര്‍മം നിര്‍വഹിച്ചു. തുടര്‍ന്ന് നവനാളിലെ പ്രഥമദിവ്യബലിക്കും ബിഷപ് കാര്‍മികനായി. 12 വരെയാണ് നവനാള്‍ ആചരിക്കുക. എല്ലാ ദിവസവും രാവിലെ 6.30ന് പള്ളിയില്‍ നവനാള്‍ ദിവ്യബലിയും വിശുദ്ധ കുരിശിന്‍റെ നൊവേനയും ഉണ്ടായിരിക്കും. വൈകീട്ട് 5.30ന് കുരിശിന്‍റെ കപ്പേളയില്‍ വിശുദ്ധ കുരിശിന്‍റെ നൊവേനയും ലദീഞ്ഞും നടക്കും. 13, 14 തിയതികളിലാണ് തിരുനാള്‍ ആഘോഷിക്കുന്നത്. 2026 ജനുവരി ആറുവരെ മാപ്രാണം പള്ളി പ്രത്യേക തീര്‍ഥാടന കേന്ദ്രമായി പ്രവര്‍ത്തിക്കും. പള്ളിയുടെ ജൂബിലികവാടത്തിലൂടെ പ്രവേശിച്ച് നിശ്ചിത വ്യവസ്ഥകള്‍ പാലിച്ച് പ്രാര്‍ഥിക്കുന്നവര്‍ക്ക് പൂര്‍ണദണ്ഡവിമോചനം തിരുസഭ അനുവദിച്ചിട്ടുണ്ട്. വികാരി ഫാ. ജോണി മേനാച്ചേരി, അസിസ്റ്റന്‍റ് വികാരി ഫാ. ഡിക്‌സണ്‍ കാഞ്ഞൂക്കാരന്‍, ട്രസ്റ്റിമാരായ ജോണ്‍ പള്ളിത്തറ, ആന്‍റണി കള്ളാപറമ്പില്‍, ബിജു തെക്കേത്തല, പോളി പള്ളായി, പബ്ലിസിറ്റി കണ്‍വീനര്‍ സെബി കള്ളാപറമ്പില്‍, പുഷ്പകുരിശ് കണ്‍വീനര്‍ വിന്‍സെന്‍റ് നെല്ലേപ്പിള്ളി തുടങ്ങിയവര്‍ തിരുനാള്‍ ആഘോഷങ്ങള്‍ക്കു നേതൃത്വം നല്‍കും.

കൊരട്ടി ഫൊറോന പള്ളിയിൽ മാതാവിന്‍റെ ജനനത്തിരുനാളും ഇടവകദിനവും എട്ടിന്

കൊരട്ടി: സെന്‍റ് മേരീസ് ഫൊറോന പള്ളിയിൽ പരിശുദ്ധ കന്യാമറിയത്തിന്‍റെ ജനനത്തിരുനാളും ഇടവകദിനവും എട്ടിനു സമുചിതമായി ആഘോഷിക്കും. ഏഴിനു വൈകീട്ട് 4.45 ന് നടക്കുന്ന വിശുദ്ധ കുർബാനയ്ക്കുശേഷം വികാരി ഫാ. ജോൺസൺ കക്കാട്ട് കൊടിയേറ്റ് നിർവഹിക്കും. തുടർന്ന് നൊവേനയും ലദീഞ്ഞും ഉണ്ടായിരിക്കും. ജനനത്തിരുനാളും ഇടവകദിനവും ആഘോഷിക്കുന്ന എട്ടിന് രാവിലെ 5.30 നും ഏഴിനും വിശുദ്ധ കുർബാന. 9.30 ന് നടക്കുന്ന ആഘോഷമായ തിരുനാൾ പാട്ടുകുർബാനയ്ക്ക് ഇടവകയിലെ വൈദികർ കാർമികരാകും. തുടർന്ന് ഊട്ടുനേർച്ച വെഞ്ചരിപ്പ്. ഭക്തജനങ്ങളുടെ സൗകര്യാർഥം ഉച്ചതിരിഞ്ഞ് മൂന്നുമണിവരെ നേർച്ചസദ്യ വിതരണം ചെയ്യാനുള്ള ക്രമീകരണങ്ങൾ ഏർപ്പെടുത്തിയിട്ടുണ്ട്. വൈകീട്ട് 4.45 ന് വിശുദ്ധ കുർബാന ഉണ്ടായിരിക്കും. 18, 19, 20 തീയതികളിൽ നാല്പതുമണി ആരാധനയും 22 മുതൽ 26 വരെ വചനസായാഹ്നവും ഒരുക്കിയിട്ടുണ്ട്.

ആശംസാകാര്‍ഡുകള്‍ ഒരുക്കി നിപ്മറിലെ ഭിന്നശേഷിവിദ്യാര്‍ഥികള്‍

ഇരിങ്ങാലക്കുട: ഉന്നത വിദ്യാഭ്യാസ മന്ത്രിക്കായി ഓണാശംസാകാര്‍ഡുകള്‍ ഒരുക്കി നല്‍കിയ നിപ്മറിലെ വിദ്യാര്‍ഥികള്‍ക്ക് ഓണക്കോടിയും മധുരവും സമ്മാനിച്ച് മന്ത്രി ഡോ. ആര്‍. ബിന്ദു. ചണം, വര്‍ണ്ണക്കടലാസുകള്‍, മുത്തുമണികള്‍ എന്നിവ ഉപയോഗിച്ച് നിപ്മറിലെ എം-വൊക്ക് വിദ്യാര്‍ഥികള്‍ ആകര്‍ഷകമായ ആയിരം ആശംസക്കാര്‍ഡുകള്‍ പ്രിയപ്പെട്ട സാമൂഹ്യനീതി വകുപ്പ് മന്ത്രിക്ക് നിര്‍മ്മിച്ച് നല്‍കിയിരുന്നു. ഇത്തവണ മുഖ്യമന്ത്രി, മറ്റു മന്ത്രിമാര്‍, ജനപ്രതിനിധികള്‍ തുടങ്ങിയവര്‍ക്കെല്ലാം ഈ ആശംസകള്‍ അയയ്ക്കുകയും പ്രത്യേകം പ്രശംസ നേടുകയും ചെയ്തിരുന്നു. ഓണം മന്ത്രിയോടൊപ്പം ആഘോഷിക്കാന്‍ അവര്‍ എത്തിയപ്പോള്‍ സ്‌നേഹസമ്മാനമായി മന്ത്രി അവര്‍ക്ക് ഓണക്കോടിയും മധുരവും നല്‍കി. കുട്ടികളുടെ സമ്മാനം ഏറ്റുവാങ്ങിയ മന്ത്രി അഭിനന്ദനവും ആശംസയും നേര്‍ന്നിരുന്നു. നിപ്മര്‍ ഡയറക്ടര്‍ ചന്ദ്രബാബുവും അധ്യാപകരും കൂടെ ഉണ്ടായിരുന്നു. പെരിങ്ങൽക്കുത്ത് ആദിവാസി ഉന്നതിയിൽ അതിരപ്പിള്ളി: ഉത്രാടംനാളിൽ പെരിങ്ങൽക്കുത്ത് ആദിവാസി ഉന്നതിയിൽ സനീഷ് കുമാർ ജോസഫ് എംഎൽഎ ആദിവാസികളോടൊപ്പം ഓണാഘോഷ പരിപാടിയിലും ഓണസദ്യയിലും പങ്കെടുത്തു. ഉന്നതിയിൽ എത്തിയ എംഎൽഎയെ ഊരുമൂപ്പൻ കുമാരൻ കാട്ടുതേൻ നല്കി സ്വീകരിച്ചു. തുടർന്ന് വിവിധതരം മത്സരങ്ങളും, സമ്മാനദാനവും നടത്തി. മണ്ഡലം കോൺഗ്രസ് പ്രസിഡന്‍റ്് കെ .എം. ജയചന്ദ്രൻ, മുൻ അതിരപ്പിള്ളി പഞ്ചായത്ത് പ്രസിഡന്‍റുമാരായ പി.എം. പുഷ്പാംഗദൻ, മുരളി ചക്കന്തറ, ജോമോൻ കാവുങ്കൽ, പഞ്ചായത്ത്മെമ്പർ മനു പോൾ , ബിജു പറമ്പി, സി.ഒ. ബേബി, കെ, എം വർഗീസ് , എം.വി. ഗിരീഷ്, ദളിത് കോൺഗ്രസ് പ്രസിഡന്‍റ്് സുലോചന രാജൻ, യൂത്ത് കോൺഗ്രസ്സ് പ്രസിഡന്‍റ്് അനഘ കിഷോർ മനോജ് കൗമോത്ത് തുടങ്ങിയവർ പങ്കെടുത്തു. അസോസിയേഷൻ ഓഫ് കാത്തലിക് എക്സ്പാട്രിയേറ്റ്സ് ചാലക്കുടി: വെസ്റ്റ് ചാലക്കുടി അസോസിയേഷൻ ഓഫ് കാത്തലിക് എക്സ്പാട്രിയേറ്റ്സ്, ഓണാഘോഷം "ആർപ്പോ ഇർറോ' ആഘോഷിച്ചു. ഓണത്തിന്‍റെ ഐതിഹ്യം വിളിച്ചോതുന്ന കഥാവതരണവും ഓണപ്പാട്ടുകളും കൈകൊട്ടിക്കളിയും ഉണ്ടായിരുന്നു. പ്രസിഡന്‍റ്് ജീജോ അമ്പൂക്കൻ ഉദ്ഘാടനം ചെയ്തു. സെക്രട്ടറി ജോൺസൻ മുട്ടത്ത്, കൺവീനർ വിൽ‌സൺ മറ്റത്തിൽ, ട്രഷറർ സോബി തരകൻ, കെ.എൽ.ജോസ് എന്നിവർ പ്രസംഗിച്ചു. കൊടകര ഫൊറോന ദേവാലയത്തില്‍ കൊടകര: സെന്‍റ് ജോസഫ്‌സ് ഫൊറോന ദേവാലയത്തിലെ കുടുംബ കൂട്ടായ്മ കേന്ദ്ര സമിതിയുടെ നേതൃത്വത്തില്‍ "പൊന്നോണോത്സവ് 2കെ25' സംഘടിപ്പിച്ചു. ഇരിങ്ങാലക്കുട രൂപത ബിഷപ് മാര്‍ പോളി കണ്ണൂക്കാടന്‍ ഉദ്ഘാടനം ചെയ്തു. ഫൊറോന വികാരി ഫാ. ജെയ്‌സണ്‍ കരിപ്പായി അധ്യക്ഷത വഹിച്ചു. അസി. വികാരി ഫാ. ലിന്‍റോ കാരേക്കാടന്‍, കേന്ദ്ര സമിതി പ്രസിഡന്‍റ‌് വര്‍ഗീസ് ആലപ്പാടന്‍, കൈക്കാരന്‍ ആന്‍റോ ചെതലന്‍ എന്നിവര്‍ പ്രസംഗിച്ചു. വിമുക്തി ഡി അഡിക‌്ഷൻ സെന്‍ററിൽ ചാലക്കുടി: ചാലക്കുടി താലൂക്ക് ഹോസ്പിറ്റലിലെ വിമുക്തി ഡി - അഡിക്ഷൻ സെന്‍ററിൽ ഓണാഘോഷം സംഘടിപ്പിച്ചു. മുൻസിപ്പൽ ചെയർമാൻ ഷിബു വാലപ്പൻ ഉദ്ഘാടനം ചെയ്തു. കൗൺസിലർ വി.ജെ ജോജി അദ്ധ്യക്ഷതവഹിച്ചു. താലൂക്ക് ഹോസ്പിറ്റൽ സൂപ്രണ്ട് ഡോ. മിനിമോൾ മുഖ്യാതിഥിയായിരുന്നു. റേഞ്ച് അസിസ്റ്റന്‍റ്് എക്സൈസ് ഇൻസ്പെക്ടർ കെ. കെ. രാജു ലഹരി വിരുദ്ധ സന്ദേശം നൽകി. കൗൺസിലർ ആലീസ് ഷിബു, ലയൺസ് ക്ലബ് ഭാരവാഹികളായ ഡോ. ജോർജ് കോലഞ്ചേരി, മുൻ ലയൺസ് ഡിസ്ട്രിക്ട് ഗവർണർ സാജു പാത്താടൻ എന്നിവർ പ്രസംഗിച്ചു. താലൂക്ക് ആശുപത്രി പ്രവർത്തകർക്കും, വിമുക്തി ഡി - അഡിക്ഷൻ സെന്‍റർ രോഗികൾക്കും, ബൈസ്റ്റാൻഡേഴ്സിനും , ആശുപത്രി സന്ദർശകർക്കും മാവേലിയുടെ വേഷമണിഞ്ഞ ജോസഫ് ആൽവിൻ മധുരം വിതരണം ചെയ്തു. കെ.എം, അനിൽകുമാർ, സി.എ.ജോഷി, പി.പി. പ്രണേഷ് എന്നിവർ വിമുക്തി ലഘുലേഖ വിതരണം ചെയ്ത് പരിപാടിക്ക് നേതൃത്വം നൽകി.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]