പാ​ലി​യേ​ക്ക​ര: ടോ​ളി​ല്‍ വ​ന്‍ ഗ​താ​ഗ​ത​ക്കു​രു​ക്ക്. ദേ​ശീ​യ​പാ​ത​യി​ല്‍ ഒ​രു കി​ലോ​മീ​റ്റ​റോ​ളം വാ​ഹ​ന​നി​ര നീ​ണ്ടു. ആം​ബു​ല​ന്‍​സ് ഉ​ള്‍​പ്പ​ടെ​യു​ള്ള വാ​ഹ​ന​ങ്ങ​ള്‍ കു​രു​ക്കി​ല്‍ അ​ക​പ്പെ​ട്ടു. അ​ര മ​ണി​ക്കൂ​റി​ലേ​റെ സ​മ​യ​മെ​ടു​ത്താ​ണ് വാ​ഹ​ന​ങ്ങ​ള്‍ ടോ​ള്‍ പ്ലാ​സ ക​ട​ന്ന​ത്.​ ഇ​തി​നി​ടെ വ​രി​യി​ല്‍നി​ന്ന് വ​ല​ഞ്ഞ യാ​ത്ര​ക്കാ​രും ടോ​ള്‍ അ​ധി​കൃ​ത​രും ത​മ്മി​ല്‍ പ​ല​ത​വ​ണ ത​ര്‍​ക്കം ന​ട​ന്നു.

ജെ​റു​സ​ലേം ധ്യാ​ന​കേ​ന്ദ്രം ക​ട​ന്നും പു​തു​ക്കാ​ട് സ്റ്റാ​ൻഡ് വ​രെ​യും ഇ​രു​വ​ശ​ങ്ങ​ളി​ലാ​യി വാ​ഹ​ന​ങ്ങ​ളു​ടെ നീ​ണ്ട​നി​ര​യാ​യി​രു​ന്നു. ടോ​ള്‍ ബൂ​ത്തു​ക​ളി​ല്‍ ഫാ​സ്ടാ​ഗ് വേ​ഗ​ത്തി​ല്‍ സ്‌​കാ​ന്‍ ചെ​യ്യാ​ത്ത​താ​ണ് തി​ര​ക്കി​നു കാ​ര​ണ​മെ​ന്നാ​ണു പ​റ​യു​ന്ന​ത്.

ഇ​ത്ര തി​ര​ക്കേ​റി​യി​ട്ടും ടോ​ള്‍ ബൂ​ത്തു​ക​ള്‍ തു​റ​ന്ന് വാ​ഹ​ന​ങ്ങ​ള്‍ ക​ട​ത്തി​വി​ട്ട് തി​ര​ക്കുനി​യ​ന്ത്രി​ക്കാ​ന്‍ പോ​ലീ​സ് ഇ​ട​പെ​ടാ​ത്ത​ത് യാ​ത്ര​ക്കാരുടെ പ്ര​തി​ഷേ​ധ​ത്തി​നി​ട​യാ​ക്കി. വൈ​കീ​ട്ട് അ​ഞ്ചു​മു​ത​ല്‍ തു​ട​ങ്ങി​യ ഗ​താ​ഗ​ത​ക്കു​രു​ക്ക് പ​രി​ഹ​രി​ക്കാ​ന്‍ ടോ​ള്‍ അ​ധി​കൃ​ത​രും ന​ട​പ​ടി​യെ​ടു​ത്തി​ല്ല.