75 ബാച്ചുകളുടെ മഹാസംഗമത്തിനു തുമ്പൂര്‍ റൂറല്‍ ഹൈസ്‌കൂള്‍ വേദിയായി
1491743
Thursday, January 2, 2025 1:14 AM IST
തുന്പൂർ: 1949 മുതല്‍ 20, 24 വരെയുള്ള എസ്എസ്എല്‍സി ബാച്ചുകളുടെ മഹാ സംഗമത്തിന് "ഒരു വട്ടംകൂടി' തുമ്പൂര്‍ റൂറല്‍ ഹൈസ്‌കൂള്‍ വേദിയായി. അടുത്തടു ത്തായി സ്ഥിതിചെയ്യുന്ന എല്‍പി, യുപി, ഹൈസ്‌കൂള്‍ പൂര്‍വ‌വിദ്യാര്‍ഥി കൂട്ടായ്മ യുടെ നേതൃത്വത്തില്‍ സംഘടിപ്പിച്ച മഹാസംഗമം അവിസ്മരണീയ മുഹൂര്‍ത്തങ്ങള്‍ക്കു സാക്ഷ്യം വഹിച്ചു.
രാവിലെ റിട്ട. സബ് ഇന്‍സ്പക്ടറും 62 ബാച്ച് വിദ്യാര്‍ഥിയുമായിരുന്ന സി.ടി. ചാക്കുണ്ണിയുടെ നേതൃത്വത്തിലുള്ള അസംബ്ലിയോടെയാണ് സംഗമവേദി ഉണ ര്‍ന്നത്. തുടര്‍ന്ന് ഇരുന്നൂറോളം പൂര്‍വവിദ്യാര്‍ഥികള്‍ അണിനിരന്ന മെഗാതിരു വാതിര അരങ്ങേ റി. പൂര്‍വ വിദ്യാര്‍ഥികളുടെ കഥാസമാഹാരം കുന്നിമണികള്‍, ഇ.ഡി. അഗസ്റ്റിന്‍റെ അഗസ്റ്റ്യപുരാണം, ജോണ്‍സണ്‍ ജേക്കബിന്‍റെ കുപ്രസിദ്ധ കുസൃതി കൊച്ചാപ്പിയും പിന്നെ ഞാനും, സന്ധ്യ ധര്‍മന്‍റെ വനശലഭങ്ങള്‍ എന്നി വ മുന്‍ ഹെഡ്മാസ്റ്റര്‍ കെ.വി. ഡേവിസ്, കാര്‍ഡിയോളജിസ്റ്റ് സി. ബിനോയ്, റിട്ട എസ്പി ആര്‍.കെ. ജയരാജ്, തുമ്പൂര്‍ ലോഹിതാക്ഷന്‍ എന്നിവര്‍ പ്രകാശനം ചെയ്തു.
1949 മുതല്‍ 2024 വരെയുള്ള സ്‌കൂള്‍ ടോപ്പര്‍മാര്‍ക്കും പ്രവര്‍ത്തനങ്ങളില്‍ മികവു പുലര്‍ത്തിയ ബാച്ചുകള്‍ക്കും വിദ്യാര്‍ഥികള്‍ക്കും ഒരുവട്ടം കൂടിയുടെ മെമന്‍റോ സമ്മാനിച്ചു. തുടര്‍ന്ന് നടന്ന പാട്ടുകൂട്ടത്തിന്‍റെ ഗാനവിസ്മയത്തിനു ശേഷം നാലുമണിക്ക് കൂട്ടമണിയോടെ ആദ്യഘട്ടം സമാപിച്ചു. വൈകീട്ട് അഞ്ചി നാരംഭിച്ച "സ്‌നേഹസന്ധ്യ' പൂര്‍വവിദ്യാര്‍ഥിയും അന്താരാഷ്ട്ര പ്രസിദ്ധ കാര്‍ഡി യോസര്‍ജനുമായ സി. ബിനോയ് ഉദ്ഘാടനം ചെയ്തു. പ്രോഗ്രാം കമ്മിറ്റി ചെ യര്‍മാന്‍ സി.വി. ബാലകൃഷ്ണന്‍ മാസ്റ്റർ അധ്യക്ഷത വഹിച്ചു.
1949 ബാച്ചിലെ വിദ്യാര്‍ഥി കെ.ജെ. പോള്‍ മറ്റു പൂര്‍വ വിദ്യാര്‍ഥികളായ എഴു ത്തുകാരന്‍ തൂമ്പൂര്‍ ലോഹിതാക്ഷന്‍, മുന്‍നിയമസഭാ സെക്രട്ടറി ഡോ. എം.സി. വത്സന്‍, ബിഷപ് മാർ സ്റ്റീഫന്‍ ചിറപ്പണത്ത്, റിട്ട. എസ്പി ആര്‍.കെ. ജയരാജന്‍, സെബിള്‍ ജോര്‍ജ്, അഭി തുമ്പൂര്‍, 2024 ബാച്ച് വിദ്യാര്‍ഥിനി സാധിക സുധീര്‍, പ്രധാനാധ്യാപകരായ സെനിത്ത്, റീന, സിസ്റ്റര്‍ റോസ്‌ലിറ്റ് എന്നിവര്‍ ആശംസ നേര്‍ന്നു.
പ്രഫ. പി.കെ. പ്രസന്ന സ്വാഗതവും കെ.കെ. രാജേഷ് നന്ദിയും പ്രകാശിപ്പിച്ചു. 75 ബാച്ചുകളുടെ പ്രതിനിധികള്‍ ചേര്‍ന്ന് ചിരാതുകളില്‍ സന്ധ്യാ ദീപം തെളി യിച്ചു. തൃശൂര്‍ ഗാലക്‌സി മെഗാഷോ അവതരിപ്പിച്ചു. വര്‍ണമഴയോടെ മഹാസം ഗമത്തിന് തിരശീലവീണു.