സ്വ​ന്തം ലേ​ഖ​ക​ൻ

തൃ​ശൂ​ർ: വീ​ണ്ടു​മൊ​രു പു​തു​വ​ത്സ​ര​പ്പി​റ​വി, 21-ാം നൂ​റ്റാ​ണ്ടി​ന്‍റെ ആ​ദ്യ​പാ​ദം പി​ന്നി​ടു​ക​യാ​ണ്. ഇ​ത്ത​വ​ണ​യും ന്യൂ ​ഇ​യ​ർ അ​ടി​ച്ചു​പൊ​ളി​ക്ക​ണ്ടേ. ആ​ഘോ​ഷ​ങ്ങ​ൾ എ​ന്താ​യാ​ലും, എ​വി​ടെ​യാ​യാ​ലും, മ​ദ്യ​വും മ​യ​ക്കു​മ​രു​ന്നും ഒ​ഴി​വാ​ക്കു​ക. ആ​ഘോ​ഷ​ങ്ങ​ൾ​ക്കി​ടെ ഒ​രു​കാ​ര്യം ഓ​ർ​ത്തു​വ​യ്ക്കാം, എ​ല്ലാം പോ​ലീ​സി​ന്‍റെ നി​രീ​ക്ഷ​ണ​ത്തി​ലാ​ണ്. എ​ന്തെ​ങ്കി​ലും കേ​സി​ൽ​പെ​ട്ടാ​ൽ, ല​ഹ​രി​വി​ട്ടു ക​ൺ​തു​റ​ക്കു​ന്പോ​ൾ പു​തു​വ​ർ​ഷ​ക്ക​ല​ണ്ട​റി​നൊ​പ്പം അ​ഴി​യെ​ണ്ണേ​ണ്ടി​വ​രും.

അ​തു​കൊ​ണ്ടു​ത​ന്നെ പോ​ലീ​സ് മു​ന്ന​റി​യി​പ്പു ത​രു​ന്നു. മ​റ്റു​ള്ള​വ​ർ​ക്കു ദോ​ഷ​ക​ര​മാ​യ രീ​തി​യി​ൽ സം​സാ​രി​ക്കാ​തി​രി​ക്കൂ. ഗ​താ​ഗ​ത​ത​ട​സ​മി​ല്ലാ​ത്ത​രീ​തി​യി​ൽ വാ​ഹ​ന​ങ്ങ​ൾ പാ​ർ​ക്ക് ചെ​യ്യൂ. എ​ന്തെ​ങ്കി​ലും അ​ല​ന്പു​ക​ണ്ടാ​ൽ, ക​യ​റി ഇ​ട​പെ​ട്ട് കൂ​ടു​ത​ൽ വ​ഷ​ളാ​ക്കാ​തെ 112 ന​ന്പ​റി​ൽ വി​ളി​ച്ചു പോ​ലീ​സി​ൽ അ​റി​യി​ക്കൂ. പു​തു​വ​ർ​ഷാ​ഘോ​ഷം പ​ര​മാ​വ​ധി ആ​സ്വ​ദി​ക്ക​ണം, അ​തു മ​യ​ക്കു​മ​രു​ന്നി​ന്‍റെ സ​ഹാ​യ​മി​ല്ലാ​തെ ആ​സ്വ​ദി​ക്കു​ന്പോ​ഴാ​ണ് യ​ഥാ​ർ​ഥ ആ​സ്വാ​ദ​ന​മു​ണ്ടാ​കു​ന്ന​തെ​ന്ന് എ​സി​പി എ​ൻ.​എ​സ്. സ​ലീ​ഷ് പ​റ​ഞ്ഞു.

വാ​യ​ന​ക്കാ​ർ ഒ​രു​കാ​ര്യം ഓ​ർ​ക്കു​ക. ഈ ​മു​ന്ന​റി​യി​പ്പി​ലെ സൗ​മ്യ​ത എ​ന്തെ​ങ്കി​ലും പ്ര​ശ്നം ഉ​ണ്ടാ​കു​ന്ന​തി​നു തൊ​ട്ടു​മു​ന്പു​വ​രെ​മാ​ത്ര​മേ പോ​ലീ​സി​ൽ​നി​ന്നു പ്ര​തീ​ക്ഷി​ക്കേ​ണ്ട​തു​ള്ളൂ. ശേ​ഷം നി​യ​മ​ക്കു​രു​ക്ക് അ​നു​ഭ​വി​ക്കേ​ണ്ടി​വ​രും.

വ​ൻ​മ​യ​ക്കു​മ​രു​ന്നു​ശേ​ഖ​രം
എ​ത്തി​യ​താ​യി റി​പ്പോ​ർ​ട്ട്

പു​തു​വ​ത്സ​ര ആ​ഘോ​ഷ​ങ്ങ​ൾ കൊ​ഴു​പ്പി​ക്കാ​ൻ സം​സ്ഥാ​ന​ത്തു ല​ഹ​രി​സം​ഘ​ങ്ങ​ളു​ടെ വി​ള​യാ​ട്ടം പോ​ലീ​സി​ന്‍റെ ശ്ര​ദ്ധ​യി​ൽ​പ്പെ​ട്ടി​ട്ടു​ണ്ട്. സ്കൂ​ൾ, കോ​ള​ജ് വി​ദ്യാ​ർ​ഥി​ക​ളെ ല​ക്ഷ്യ​മി​ട്ടു വ​ൻ​മ​യ​ക്കു​മ​രു​ന്നു​ശേ​ഖ​രം വി​ദേ​ശ​ത്തു​നി​ന്നും ഇ​ത​ര​സം​സ്ഥാ​ന​ങ്ങ​ളി​ൽ​നി​ന്നും സം​സ്ഥാ​ന​ത്ത് എ​ത്തി​യ​താ​യാ​ണ് ഇ​ന്‍റ​ലി​ജ​ൻ​സ് ബ്യൂ​റോ (ഐ​ബി) റി​പ്പോ​ർ​ട്ട്. ക​ഞ്ചാ​വ്, എം​ഡി​എം​എ, മ​റ്റു രാ​സ​ല​ഹ​രി​ക​ൾ തു​ട​ങ്ങി​യ​വ​യു​ടെ വി​ല്പ​ന ഒ​ളി​ച്ചും​പാ​ത്തു​മാ​ണെ​ങ്കി​ലും ത​കൃ​തി​യാ​ണ്. മ​ദ്യ​വും പാ​ൻ​മ​സാ​ല​ക​ളും സം​സ്ഥാ​ന​ത്തു വ്യാ​പ​ക​മാ​യ​താ​യി ഐ​ബി പോ​ലീ​സി​നും എ​ക്സൈ​സി​നും വി​വ​രം ന​ല്കി. പോ​ലീ​സും എ​ക്സൈ​സും ല​ഹ​രി​വേ​ട്ട​യു​മാ​യി സ​ജീ​വ​മാ​ണെ​ങ്കി​ലും അ​വ​രെ​യെ​ല്ലാം വെ​ല്ലു​വി​ളി​ച്ചാ​ണ് ല​ഹ​രി​മാ​ഫി​യ​ക​ളു​ടെ വി​ള​യാ​ട്ടം.

ന്യൂ ​ഇ​യ​ർ പ്ര​മാ​ണി​ച്ച് അ​ക്ര​മം, പി​ടി​ച്ചു​പ​റി, സ്ത്രീ​ക​ൾ​ക്കും കു​ട്ടി​ക​ൾ​ക്കു​മെ​തി​രേ അ​ക്ര​മം എ​ന്നി​വ ത​ട​യാ​ൻ ജി​ല്ല​യി​ലൊ​ട്ടാ​കെ മു​ഴു​വ​ൻ ഉ​ദ്യോ​ഗ​സ്ഥ​രെ​യും ജോ​ലി​ക്കു നി​യോ​ഗി​ച്ചു. അ​ന​ധി​കൃ​ത മ​ദ്യ​വി​ല്പ​ന, മ​യ​ക്കു​മ​രു​ന്ന് ഉ​പ​യോ​ഗം, പൊ​തു​സ്ഥ​ല​ത്തെ മ​ദ്യ​പാ​നം എ​ന്നി​വ​യ്ക്കെ​തി​രേ ക​ർ​ശ​ന​ന​ട​പ​ടി​യെ​ടു​ക്കും. അ​നു​മ​തി വാ​ങ്ങാ​ത്ത, ശ​ബ്ദ​പ​രി​ധി ലം​ഘി​ച്ചു​മു​ള്ള ഉ​ച്ച​ഭാ​ഷി​ണി ഉ​പ​യോ​ഗ​ത്തി​നെ​തി​രേ ന​ട​പ​ടി​യെ​ടു​ക്കും. അ​നു​വ​ദ​നീ​യ​മ​ല്ലാ​ത്ത പ​ട​ക്ക​ങ്ങ​ളും വെ​ടി​ക്കോ​പ്പു​ക​ളും ഉ​പ​യോ​ഗി​ക്കാ​ൻ പാ​ടി​ല്ല.

മ​ദ്യ​പി​ച്ച് വാ​ഹ​ന​മോ​ടി​ക്കു​ന്ന​വ​രെ ക​ണ്ടെ​ത്താ​ൻ പ്ര​ത്യേ​ക പ​രി​ശോ​ധ​ന​ക​ൾ ന​ട​ത്തും. തൃ​ശൂ​ർ ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ലും റെ​യി​ൽ​വേ സ്റ്റേ​ഷ​ൻ, ബ​സ് സ്റ്റാ​ൻ​ഡു​ക​ൾ എ​ന്നി​വി​ട​ങ്ങ​ളി​ലാ​യി സ്ഥാ​പി​ച്ചി​രി​ക്കു​ന്ന മു​ന്നൂ​റി​ല​ധി​കം സി​സി​ടി​വി കാ​മ​റ​ക​ൾ പ​ക​ർ​ത്തു​ന്ന ദൃ​ശ്യ​ങ്ങ​ൾ ത​ത്സ​മ​യം നി​രീ​ക്ഷി​ക്കു​ന്ന​തി​നു​ള്ള സം​വി​ധാ​നം പോ​ലീ​സ് ക​ണ്‍​ട്രോ​ൾ റൂ​മി​ൽ സ​ജ്ജ​മാ​ക്കി. പ​ള്ളി​ക​ളി​ലും ആ​രാ​ധ​നാ​ല​യ​ങ്ങ​ളി​ലും രാ​ത്രി പ്രാ​ർ​ഥ​നാ​ച​ട​ങ്ങു​ക​ളി​ൽ പ​ങ്കെ​ടു​ക്കാ​നെ​ത്തു​ന്ന സ്ത്രീ​ക​ളും കു​ട്ടി​ക​ളും അ​ട​ക്ക​മു​ള്ള​വ​രു​ടെ സം​ര​ക്ഷ​ണം ഉ​റ​പ്പു​വ​രു​ത്തും. അ​ന​ധി​കൃ​ത ല​ഹ​രി ഉ​പ​യോ​ഗ​ത്തി​നെ​തി​രേ അ​ടു​ത്തു​ള്ള പോ​ലീ​സ് സ്റ്റേ​ഷ​നി​ലോ നാ​ർ​ക്കോ​ട്ടി​ക് സെ​ൽ ന​ന്പ​രാ​യ 9497979794, 9797927797 എ​ന്നീ ന​ന്പ​റു​ക​ളി​ലോ അ​റി​യി​ക്ക​ണം. അ​ടി​യ​ന്തി​ര സ​ഹാ​യ​ത്തി​ന്: 112. 0487 - 2424193 (തൃ​ശൂ​ർ സി​റ്റി പോ​ലീ​സ് ക​ൺ​ട്രോ​ൾ).