ആ​ലു​വ: പ​ച്ച​ക്ക​റി മാ​ർ​ക്ക​റ്റി​ന് മു​ന്നി​ൽ തി​ര​ക്കേ​റി​യ ബൈ​പ്പാ​സ് റോ​ഡി​ലെ അ​ന​ധി​കൃ​ത കൈ​യേ​റ്റ​ങ്ങ​ൾ ഇ​ന്ന​ലെ പോ​ലീ​സ് സ​ഹാ​യ​ത്തോ​ടെ പൂ​ർ​ണമാ​യി പൊ​ളി​ച്ചു നീ​ക്കി. ക​ഴി​ഞ്ഞ ര​ണ്ട് മാ​സ​മാ​യി ആ​രം​ഭി​ച്ച കൈ​യേ​റ്റ​മൊ​ഴി​പ്പി​ക്ക​ലാ​ണ് ഇ​ന്ന​ലെ പൂ​ർ​ത്തി​യാ​യ​ത്. ദേ​ശീ​യ​പാ​ത അ​ഥോ​റി​റ്റി​യു​ടെ നോ​ട്ടീ​സ് മൂ​ന്നാം വ​ട്ട​വും കി​ട്ടി​യ​തോ​ടെ​യാ​ണ് ന​ഗ​ര​സ​ഭ സ​ർ​വ സ​ന്നാ​ഹ​ങ്ങ​ളു​മാ​യി രം​ഗ​ത്തി​റ​ങ്ങി​യ​ത്.

ലോ​ട്ട​റി ക​ട​ക​ള​ട​ക്കം 12 കൈ​യേ​റ്റ​ങ്ങ​ളാ​ണ് ഇ​ന്ന​ലെ ഒ​ഴി​വാ​ക്കി​യ​ത്. ത​ട്ടു​ക​ട​ക​ൾ, സി ​ക്ലാ​സ് ക​ട​ക​ൾ, പ​ഴ​ക്ക​ട​ക​ൾ തു​ട​ങ്ങി​യ​വ​യും എ​ന്നി​വ​യും എ​ടു​ത്തു മാ​റ്റി. ദേ​ശീ​യ​പാ​താ മേ​ൽ​പ്പാ​ല​ത്തി​ന​ടി​യി​ൽ കൈ​യേ​റി സ്ഥാ​പി​ച്ച​താ​ണ് ഭൂ​രി​ഭാ​ഗ​വും. ഇ​നി​യും കൈ​യേ​റ്റം ന​ട​ന്നാ​ൽ പി​ഴ ചു​മ​ത്താ​നും നി​യ​മ ന​ട​പ​ടി​യി​ലേ​ക്ക് ക​ട​ക്കാ​നും ന​ഗ​ര​സ​ഭ ആ​ലോ​ചി​ക്കു​ന്നു​ണ്ട്.

ശി​വ​രാ​ത്രി​ക്ക് മു​മ്പ് അ​ന​ധി​കൃ​ത ക​ച്ച​വ​ട​ങ്ങ​ൾ ഒ​ഴി​പ്പി​ക്കാ​ൻ വ​ന്ന വ​നി​താ ഉ​ദ്യോ​ഗ​സ്ഥ​രെ അ​സ​ഭ്യം പ​റ​യു​ക​യും വ​ധ​ഭീ​ഷ​ണി മു​ഴ​ക്കു​ക​യും ചെ​യ്തി​രു​ന്നു. തു​ട​ർ​ന്നാ​ണ് ഒ​ഴി​പ്പി​ക്ക​ൽ ന​ട​പ​ടി മൂ​ന്നാം വ​ട്ട​വും നി​ർ​ത്തി​വ​ച്ച​ത്. ന​ഗ​ര​സ​ഭാ സെ​ക്ര​ട്ട​റി പ​രാ​തി ന​ൽ​കി​യ​തി​യ​തോ​ടെ മൂ​ന്ന് ക​ച്ച​വ​ട​ക്കാ​രെ ആ​ലു​വ പോ​ലീ​സ് അ​റ​സ്റ്റും ചെ​യ്തു.

ര​ണ്ടാ​ഴ്ചയ്ക്ക് ശേ​ഷ​മാ​ണ് ഇ​ന്ന​ലെ ആ​ലു​വ ന​ഗ​ര​സ​ഭ ഉ​ദ്യോ​ഗ​സ്ഥ​ർ ബൈ​പ്പാ​സ് സ​ർ​വീ​സ് റോ​ഡി​ലേ​യും ബൈ​പ്പാ​സ് പാ​ല​ത്തി​ന് അ​ടി​യി​ലേ​യും കൈ​യേ​റ്റ​ങ്ങ​ൾ ഒ​ഴി​വാ​ക്കി​യ​ത്. ചി​ല ജ​ന​പ്ര​തി​നി​ധി​ക​ളു​ടെ ഒ​ത്താ​ശ​യോ​ടെ​യാ​ണ് ദേ​ശീ​യ​പാ​ത​യി​ലെ സ​ർ​വീസ് റോ​ഡു​ക​ൾ കൈയേറി ഗ​താ​ഗ​തം ത​ട​സ​പ്പെ​ടു​ത്തി അ​ന​ധി​കൃ​ത ക​ച്ച​വ​ടം ന​ട​ക്കു​ന്ന​തെ​ന്ന് ആ​രോ​പ​ണം ഉ​യ​ർ​ന്നി​ട്ടു​ണ്ട്.
ആ​ലു​വ ടൗ​ണി​ലേ​ക്ക് ക​യ​റു​ന്ന​തും പോ​കു​ന്ന​തു​മാ​യ എ​ല്ലാ ബ​സു​ക​ളും ഉ​പ​യോ​ഗി​ക്കു​ന്ന സ​ർ​വ്വീ​സ് റോ​ഡി​ലെ ബ​സ്സ്റ്റോ​പ്പു​ക​ൾ കൈ​യേ​റ്റ​ക്കാ​രു​ടെ നി​യ​ന്ത്ര​ണ​ത്തി​ലാ​ണ്. ഇ​നി​യും കൈ​യേ​റ്റം ഒ​ഴി​പ്പി​ക്കാ​നു​ണ്ടെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു.

തു​ട​ർ​ച്ച​യാ​യി സ്ഥ​ലം കൈ​യേ​റു​ന്ന​വ​ർ​ക്കെ​തി​രെ നി​യ​മ ന​ട​പ​ടി സ്വീ​ക​രി​ക്കാ​ൻ ന​ഗ​ര​സ​ഭ അ​മാ​ന്തം കാ​ണി​ക്കു​ന്ന​താ​യി ന​ഗ​ര​സ​ഭ ത​യാ​റാ​കു​ന്നി​ല്ലെ​ന്ന് പ്ര​തി​പ​ക്ഷം കു​റ്റ​പ്പെ​ടു​ത്തി. ബി​ജെ​പി​യും ദേ​ശീ​യ പാ​താ അ​ഥോ​റി​റ്റി​യ്ക്ക് പ​രാ​തി ന​ൽ​കി​യി​രു​ന്നു. ഒ​ഴി​പ്പി​ച്ച​തി​ന് ശേ​ഷ​വും വീ​ണ്ടും അ​ന​ധി​കൃ​ത ക​ച്ച​വ​ട​വു​മാ​യി വ​രു​ന്ന​വ​ർ​ക്കെ​തി​രെ ക​ന​ത്ത പി​ഴ ഈ​ടാ​ക്കു​ക​യും പ്രോ​സി​ക്യൂ​ഷ​ൻ ന​ട​പ​ടി​ക​ൾ സ്വീകരിക്കണ​മെ​ന്നും പ്ര​തി​പ​ക്ഷം ആ​വ​ശ്യ​പ്പെ​ട്ടു.