കൊ​ച്ചി: വൈ​പ്പി​ന്‍ ദ്വീ​പു​വാ​സി​ക​ള്‍​ക്ക് ആ​ശ്വാ​സ​മാ​യി വൈ​പ്പി​ന്‍ ബ​സു​ക​ളു​ടെ ന​ഗ​ര​പ്ര​വേ​ശ​നം സാ​ധ്യ​മാ​കു​ന്നു. 13 മു​ത​ല്‍ നാ​ല് സ്വ​കാ​ര്യ ബ​സു​ക​ളും 10 കെ​എ​സ്ആ​ര്‍​ടി​സി ബ​സു​ക​ളും ന​ഗ​ര​ത്തി​ലെ വി​വി​ധ പ്ര​ദേ​ശ​ങ്ങ​ളി​ലേ​ക്ക് നേ​രി​ട്ട് സ​ര്‍​വീ​സ് ന​ട​ത്തും. ബ​സു​ക​ളു​ടെ ന​ഗ​ര​പ്ര​വേ​ശ​നം 13ന് ​രാ​വി​ലെ 9.30ന് ​ഗോ​ശ്രീ ജം​ഗ്ഷ​നി​ല്‍ ന​ട​ക്കും.

30 ഓ​ളം ബ​സ് ഓ​പ്പ​റേ​റ്റ​ര്‍​മാ​ര്‍ സ​മ​ര്‍​പ്പി​ച്ച അ​പേ​ക്ഷ​ക​ള്‍ റീ​ജ​ണ​ൽ ട്രാ​ന്‍​സ്‌​പോ​ര്‍​ട്ട് അ​ഥോ​റി​റ്റി​യു​ടെ ബോ​ര്‍​ഡ് മീ​റ്റിം​ഗു​ക​ളി​ല്‍ പ​രി​ഗ​ണി​ച്ച് ആ​വ​ശ്യ​മാ​യ എ​ല്ലാ നി​ബ​ന്ധ​ന​ക​ളും പാ​ലി​ച്ച നാ​ല് ബ​സു​ക​ള്‍​ക്കും, കെ​എ​സ്ആ​ര്‍​ടി​സി ബ​സു​ക​ള്‍​ക്കു​മാ​ണ് നേ​രി​ട്ട് ന​ഗ​ര സ​ര്‍​വീ​സു​ക​ള്‍ ന​ട​ത്താ​ന്‍ അ​നു​മ​തി ന​ല്‍​കി​യി​ട്ടു​ള്ള​ത്. ഗ​താ​ഗ​ത​വ​കു​പ്പ് ക​ഴി​ഞ്ഞ ന​വം​ബ​ര്‍ 27ന് ​പു​റ​പ്പെ​ടു​വി​ച്ച ഉ​ത്ത​ര​വ് പ്ര​കാ​ര​മാ​ണ് ന​ഗ​ര പ്ര​വേ​ശ​ന​ത്തി​ന് അ​നു​മ​തി ല​ഭി​ച്ച​ത്.

വൈ​പ്പി​ന്‍ നി​വാ​സി​ക​ളു​ടെ കാ​ത്തി​രി​പ്പി​ന് വി​രാ​മ​മി​ട്ട് ജ​നു​വ​രി​യി​ലാ​ണ് ആ​ദ്യ​ബ​സ് ന​ഗ​ര​ത്തി​ലേ​ക്ക് പ്ര​വേ​ശി​ച്ച​ത്. ഞാ​റ​യ്ക്ക​ല്‍ മ​ഞ്ഞ​ന​ക്കാ​ട്ട് ആ​രം​ഭി​ച്ച് വൈ​റ്റി​ല ഹ​ബ്ബി​ലെ​ത്തു​ന്ന രീ​തി​യി​ലാ​ണ് സ​ര്‍​വീ​സ്. ദി​വ​സ​വും 12 ഷെ​ഡ്യൂ​ക​ളാ​ണു​ള്ള​ത്. ഇ​തി​നു​ശേ​ഷം എ​ട​വ​ന​ക്കാ​ട് നി​ന്ന് മ​റ്റൊ​രു ബ​സും സ​ര്‍​വീ​സ് ആ​രം​ഭി​ച്ചി​രു​ന്നു. ഇ​തി​നും 12 ഷെ​ഡ്യൂ​ളു​ക​ളാ​ണു​ള്ള​ത്.

ക​ഴി​ഞ്ഞ ഫെ​ബ്രു​വ​രി അ​ഞ്ചി​ന് ഗ​താ​ഗ​ത മ​ന്ത്രി വി​ളി​ച്ചു ചേ​ര്‍​ത്ത യോ​ഗ​തീ​രു​മാ​ന പ്ര​കാ​ര​മാ​ണ് കെ​എ​സ്ആ​ര്‍​ടി​സി ബ​സു​ക​ള്‍​ക്ക് ന​ഗ​ര​പ്ര​വേ​ശ​ന​ത്തി​ന്‍റെ ഭാ​ഗ​മാ​യി പെ​ര്‍​മി​റ്റ് ന​ല്‍​കി​യ​ത്. നോ​ര്‍​ത്ത് പ​റ​വൂ​രി​ല്‍ നി​ന്ന് ന​ഗ​ര​ത്തി​ന്‍റെ വി​വി​ധ പ്ര​ദേ​ശ​ങ്ങ​ളി​ലേ​ക്ക് പെ​ര്‍​മി​റ്റ് ന​ല്‍​കി​യി​ട്ടു​ണ്ട്. കാ​ക്ക​നാ​ട്, ക​ള​മ​ശേ​രി മെ​ഡി​ക്ക​ല്‍ കോ​ള​ജ്, ഫോ​ര്‍​ട്ടു​കൊ​ച്ചി, വൈ​റ്റി​ല, പ​ച്ചാ​ളം ലൂ​ര്‍​ദ് ആ​ശു​പ​ത്രി എ​ന്നി​വി​ട​ങ്ങ​ളി​ലേ​ക്കാ​ണ് സ​ര്‍​വീ​സു​ക​ള്‍.

2004 ജൂ​ണ്‍ അ​ഞ്ചി​നാ​ണ് ഗോ​ശ്രീ പാ​ല​ങ്ങ​ള്‍ ഗ​താ​ഗ​ത​ത്തി​നാ​യി തു​റ​ന്നു​കൊ​ടു​ത്ത​ത്. അ​ന്നു​മു​ത​ലു​ള്ള ആ​വ​ശ്യ​മാ​യി​രു​ന്നു സ്വ​കാ​ര്യ ബ​സു​ക​ളു​ടെ ന​ഗ​ര​പ്ര​വേ​ശനം. ഗോ​ശ്രീ മ​നു​ഷ്യാ​വ​കാ​ശ സ​മി​തി ഇ​തി​നാ​യി നി​ര​ന്ത​രം സ​മ​ര​ത്തി​ലാ​യി​രു​ന്നു. കെ.​എ​ന്‍. ഉ​ണ്ണി​ക്കൃ​ഷ്ണ​ന്‍ എം​എ​ല്‍​എ​യു​ടെ നേ​തൃ​ത്വ​ത്തിലും ഇതി നായി ശ്രമങ്ങൾ നടത്തി.