മ​ട്ടാ​ഞ്ചേ​രി: ക​രു​വേ​ലി​പ്പ​ടി​യി​ലു​ണ്ടാ​യ വ​ൻ തീ ​പി​ടു​ത്ത​ത്തി​ൽ നാ​ലു വ്യാ​പാ​ര സ്ഥാ​പ​ന​ങ്ങ​ൾ ക​ത്തി ന​ശി​ച്ചു. 13 ല​ക്ഷം രൂ​പ​യു​ടെ ന​ഷ്ടം ക​ണ​ക്കാ​ക്കു​ന്ന​താ​യി അ​ഗ്നി​ര​ക്ഷാ സേ​ന വി​ഭാ​ഗം പ​റ​ഞ്ഞു. വെ​ള്ളി​യാ​ഴ്ച രാ​ത്രി 11.30ഓ​ടെ​യാ​യിരുന്നു സംഭവം. മ​ര ഉ​രു​പ്പ​ടി​ക​ൾ വി​ല്പ​ന ന​ട​ത്തു​ന്ന ലി​ൻ​ഷാ​ദ് വു​ഡ് ഷോ​പ്പി​ലു​ണ്ടാ​യ തീ​പി​ടി​ത്ത​ത്തി​ൽ ആ​റു​ ല​ക്ഷം രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു.

സ്പോ​ർ​ട്സ് ഉ​പ​ക​ര​ണ​ങ്ങ​ൾ വി​ല്പ​ന ന​ട​ത്തു​ന്ന ഷി​ബു റ​ഹാ​ന്‍റെ ഉ​ട​മ​സ്ഥ​ത​യി​ലു​ള്ള സ്പോ​ർ​ട്സ് ഇ​എ​സ്ആ​ർ​എ​സ് ഹൗ​സി​ൽ ഒ​ന്ന​ര ല​ക്ഷം രൂ​പ​യു​ടെ ന​ഷ്ട​മാ​ണു​ണ്ടായത്. അ​ല​ൻ ജോ​സ​ഫി​ന്‍റെ ഉ​ട​മ​സ്ഥ​ത​യി​ലു​ള്ള ലോ​റ​ൻ​സ് ഫാ​ൻ​സി ഷോ​പ്പി​ൽ 50,000 രൂ​പ​യു​ടെ ന​ഷ്ട​വും ക​ണ​ക്കാ​ക്കു​ന്നു​. കെ. ​അ​ബ്ദു​ൽ ബ​ഷീ​റി​ന്‍റെ ഉ​ട​മ​സ്ഥ​ത​യി​ലു​ള്ള ആ​സ്ബ​റ്റോ​സ് സാ​നി​റ്റ​റി വി​ത​ര​ണ സ്ഥാ​പ​ന​ത്തി​ൽ അ​ഞ്ചു ല​ക്ഷം രൂ​പ​യു​ടെ ന​ഷ്ടം ഉ​ണ്ടാ​യി.

മ​ട്ടാ​ഞ്ചേ​രി, ഗാ​ന്ധി ന​ഗ​ർ, തൃ​പ്പു​ണി​ത്തു​റ സ്റ്റേ​ഷ​നു​ക​ളി​ൽ നി​ന്നാ​യി അ​ഞ്ച് യൂ​ണി​റ്റ് അ​ഗ്നി​ര​ക്ഷാ സേ​നാം​ഗ​ങ്ങ​ൾ മൂ​ന്നു മ​ണി​ക്കൂ​ർ നേ​ര​ത്തേ പ​രി​ശ്ര​മ​ത്തി​നൊ​ടു​വി​ലാ​ണ് തീ​യ​ണ​ച്ച​ത്. ഷോ​ർ​ട്ട് സ​ർ​ക്യൂ​ട്ടാ​ണ് തീ ​പി​ടി​ത്ത​ത്തി​ന് കാ​ര​ണ​മെ​ന്നാ​ണ് പ്രാഥമിക നി​ഗ​മ​നം.