ആ​ലു​വ: ശാ​രീ​രി​ക പ​രി​മി​തി​ക​ൾ മൂ​ലം വീ​ടു​ക​ളി​ൽ പ​ഠ​നം തു​ട​രാ​ൻ നി​ർ​ബ​ന്ധി​ത​രാ​യ വി​ദ്യാ​ർ​ഥി​ക​ൾ​ക്കാ​യി ആ​ലു​വ മു​നി​സി​പ്പ​ൽ പാ​ർ​ക്കി​ൽ ക്രി​സ്‌​മ​സ്‌- ന​വ​വ​ത്സ​ര ആ​ഘോ​ഷ പ​രി​പാ​ടി​യാ​യ 'ച​ങ്ങാ​തി​ക്കൂ​ട്ടം' ന​ട​ന്നു. ആ​ലു​വ ന​ഗ​ര​സ​ഭാ​ധ്യ​ക്ഷ​ൻ എം.ഒ. ജോ​ൺ കേ​ക്ക് മു​റി​ച്ച് ഉ​ദ്ഘാ​ട​നം ചെ​യ്തു.

ആ​ലു​വ ബിപിസി ​ആ​ർ.എ​സ്. സോ​ണി​യ അ​ധ്യ​ക്ഷ​യാ​യി. ട്രെ​യി​ന​ർ സാ​ബു ജോ​ർ​ജ്, വി.ജെ. ഡോ​ളി, ആ​ലു​വ ന​ഗ​ര​സ​ഭ സ്ഥി​രം​സ​മി​തി അ​ധ്യ​ക്ഷ​രാ​യ ല​ത്തീ​ഫ് പൂ​ഴി​ത്തു​റ, ഫാ​സി​ൽ ഹു​സൈ​ൻ, മി​നി ബൈ​ജു, കൗ​ൺ​സി​ല​ർ​മാ​രാ​യ ജ​യ​കു​മാ​ർ, ശ്രീ​ല​ത വി​നോ​ദ് എ​ന്നി​വ​ർ പ്ര​സം​ഗി​ച്ചു.
ശാ​രീ​രി​ക പ​രി​മി​തി കാ​ര​ണം വി​ദ്യാ​ല​യ​ങ്ങ​ളി​ൽ പോ​കാ​നാ​കാ​തെ വീ​ട്ടി​ലി​രു​ന്ന പ​ഠ​നം തു​ട​രു​ന്ന ആ​ലു​വ ഉ​പ​ജി​ല്ല​യി​ലെ മു​പ്പ​തോ​ളം ഭി​ന്ന​ശേ​ഷി വി​ദ്യാ​ർ​ഥി​ക​ളാ​ണ് ആ​ലു​വ​യി​ൽ ഒ​ത്തു​കൂ​ടി​യ​ത്. ബി​ആ​ർസി ​അ​ധ്യാ​പ​ക​രു​ടെ നേ​തൃ​ത്വ​ത്തി​ലാ​ണ് ഈ ​വി​ദ്യാ​ർ​ഥി​ക​ൾ​ക്ക് വീ​ട്ടി​ൽ വി​ദ്യാ​ഭ്യാ​സം ന​ൽ​കു​ന്ന​ത്.

ഭി​ന്ന​ശേ​ഷി വി​ദ്യാ​ർ​ഥി​ക​ൾ​ക്കൊ​പ്പം അ​വ​രു​ടെ ര​ക്ഷി​താ​ക്ക​ളും ച​ങ്ങാ​തി​ക്കൂ​ട്ട​ത്തി​ൽ പ​ങ്കാ​ളി​യാ​യി. പെ​രി​യാ​റി​ൽ തീ​ര​ത്തെ ന​ഗ​ര​സ​ഭ പാ​ർ​ക്കി​ൽ ആ​ദ്യ​മാ​യി എ​ത്തി​യ​വ​രാ​ണ് ഭൂ​രി​ഭാ​ഗം പേ​രും. ഒ​രു പ​ക​ൽ മു​ഴു​വ​ൻ ക​ളി​യും ചി​രി​യു​മാ​യി ചെ​ല​വി​ട്ട​ത് എ​ല്ലാ​വ​ർ​ക്കും പു​ത്ത​ൻ അ​നു​ഭ​വ​മാ​യി.
ക്രി​സ്മ​സ് സ​മ്മാ​ന​ങ്ങ​ളു​മാ​യാ​ണ് വി​ദ്യാ​ർ​ഥി​ക​ൾ മ​ട​ങ്ങി​യ​ത്. ഇ​തു കൂ​ടാ​തെ ഇ​വ​ർ എ​ൻ​റോ​ൾ ചെ​യ്ത സ്കൂ​ളി​ലെ അ​ധ്യാ​പ​ക​രു​ടെ​യും സ​ഹ​പാ​ഠി​ക​ളു​ടെ​യും നേ​തൃ​ത്വ​ത്തി​ൽ ഇ​വ​രു​ടെ വീ​ടു​ക​ളി​ലേ​ക്ക് ഇ​ന്ന് മു​ത​ൽ സ​മ്മാ​ന​ങ്ങ​ളു​മാ​യി സ​ന്ദ​ർ​ശ​നം ന​ട​ത്തും.