കൊ​ച്ചി: ഒന്നാകേണ്ടിയിരുന്ന വേദിയിലേക്ക് ഉ​റ്റ​വ​നി​ല്ലാ​ത്ത വേദനയിൽ​ ശ്രു​തിയെത്തിയത് ഒറ്റയ്ക്ക് ; പ്രി​യ​പ്പെ​ട്ട മ​മ്മൂ​ക്ക​യുടെ ക്ഷണം സ്വീകരിച്ചെ ത്തിയ അവളെ സ്‌​നേ​ഹ​ത്തി​ല്‍ പൊതിഞ്ഞ് മ​ലയാള ത്തിന്‍റെ മഹാനടന്‍റെ സാന്ത്വ നം. വ​യ​നാ​ട് ദു​ര​ന്ത​ത്തി​ല്‍ ഉ​റ്റ​വ​രെ ന​ഷ്ട​മാ​യ ശ്രു​തി ക​ഴി​ഞ്ഞദി​വ​സം കൊ​ച്ചി​യി​ല്‍ ന​ട​ന്ന 'ട്രൂ​ത്ത് മാംഗ​ല്യം' സ​മൂ​ഹ വി​വാ​ഹ ച​ട​ങ്ങി​ല്‍ അ​തി​ഥി​യാ​യി പ​ങ്കെ​ടു​ക്കാ​നാ​ണ് ന​ട​ന്‍ മ​മ്മൂ​ട്ടി​യു​ടെ ക്ഷ​ണ​പ്ര​കാ​രം എ​ത്തി​യ​ത്.
\
വ​യ​നാ​ട് ദു​ര​ന്ത​ത്തി​ല്‍ സ​ര്‍​വതും ന​ഷ്ട​പ്പെ​ട്ട​പ്പോ​ഴും ശ്രു​തി​ക്കാ​യി മാ​ത്രം ജീ​വി​ച്ച ജെ​ന്‍​സ​ന്‍റെ ക​ഥ അ​റി​ഞ്ഞ മ​മ്മൂ​ട്ടി, ത​ന്‍റെ സ​ഹ​പ്ര​വ​ര്‍​ത്ത​ക​ര്‍ ഒ​രു​ക്കു​ന്ന സ​മൂ​ഹ വി​വാ​ഹ ച​ട​ങ്ങി​ല്‍ ശ്രു​തി​യെ​യും ജെ​ന്‍​സ​നെ​യും ഉ​ള്‍​പ്പെ​ടു​ത്ത​ണ​മെ​ന്ന് നി​ര്‍​ദേ​ശി​ച്ചി​രു​ന്നു. എ​ന്നാ​ല്‍ ആ ​ച​ട​ങ്ങി​നാ​യു​ള്ള കാ​ത്തി​രി​പ്പി​നി​ടെ​യാ​ണ് ജെ​ന്‍​സ​ണ്‍ കാ​റ​പ​ക​ട​ത്തി​ല്‍ മ​ര​ണ​മ​ട​ഞ്ഞ​ത്.

ച​ട​ങ്ങി​നെ​ത്തു​ന്ന ശ്രു​തി​ക്കും ജെ​ന്‍​സ​ണു​മാ​യി ക​രു​തി​വ​ച്ച​തെ​ല്ലാം ശ്രുതിയെ ത​ന്നെ ഏ​ല്‍​പ്പി​ക്ക​ണ​മെ​ന്ന് മ​മ്മൂ​ട്ടി നി​ര്‍​ദേ​ശി​ച്ചി​രു​ന്നു. ഇ​തുപ്ര​കാ​രം ട്രൂ​ത്ത് ഫി​ലിം​സ് മാ​നേ​ജിം​ഗ് ഡ​യ​റ​ക്ട​ര്‍ കൂ​ടി​യാ​യ സ​മ​ദ്, അ​തി​നു വേ​ണ്ട ക്ര​മീ​ക​ര​ണ​ങ്ങ​ള്‍ ചെ​യ്യു​ക​യും സ​മൂ​ഹ വി​വാ​ഹ ദി​വ​സം ച​ട​ങ്ങി​നെ​ത്തി​യ മ​മ്മൂ​ട്ടി ആ ​തു​ക ശ്രു​തി​യെ നേ​രി​ട്ട് ഏ​ല്‍​പ്പി​ക്കു​ക​യും ചെ​യ്തു.

ക​ഴി​ഞ്ഞ​യാ​ഴ്ച അ​വ​സാ​ന​മാ​ണ് ഈ ​ച​ട​ങ്ങ് ന​ട​ന്ന​തെ​ങ്കി​ലും ഇ​തി​ന്‍റെ വീ​ഡി​യോ ഇ​ന്ന​ലെ പു​റ​ത്ത് വ​ന്ന​പ്പോ​ഴാ​ണ് പു​റംലോ​കം ​വി​വ​ര​മ​റി​യു​ന്ന​ത്. മ​മ്മൂ​ട്ടി​യു​ടെ ജീ​വ കാ​രു​ണ്യ പ്ര​വ​ര്‍​ത്ത​ന​ങ്ങ​ള്‍ ഏ​കോ​പി​പ്പി​ക്കു​ന്ന റോ​ബ​ര്‍​ട്ട് കു​ര്യ​ക്കോ​സ് സ​മൂ​ഹ മാ​ധ്യ​മ​ങ്ങ​ളി​ല്‍ ആ ​വീ​ഡി​യോ പ​ങ്കു വ​ച്ച​തോ​ടെ സം​ഭ​വം വ​ലി​യ ച​ര്‍​ച്ച​യാ​വുക​യാ​യി​രു​ന്നു.