പെ​രു​മ്പ​ട​വ്: എ​ര​മം-​കു​റ്റൂ​ർ പ​ഞ്ചാ​യ​ത്തി​ലെ വാ​ർ​ഡ് 10, 11ൽ ​ഉ​ൾ​പ്പെ​ടു​ന്ന മാ​വു​ള്ള​പൊ​യി​ൽ പു​ഴയ്​ക്ക് കു​റു​കെ​യു​ള്ള ഡാം ​എ​ന്ന​ത് നാ​ടി​ന്‍റെ വ​ലി​യ സ്വ​പ്നം ത​ന്നെ​യാ​യി​രു​ന്നു. ആ ​സ്വ​പ്നം യാ​ഥാ​ർ​ഥ്യ​മാ​യ സ​ന്തോ​ഷ​ത്തി​ലാ​ണു നാ​ട്ടു​കാ​ർ. ക​ഴി​ഞ്ഞ​വ​ർ​ഷം പ​ണി പൂ​ർ​ത്തി​യാ​യെ​ങ്കി​ലും ഈ ​വ​ർ​ഷ​മാ​ണ് ഡാ​മി​ന് ഷ​ട്ട​റു​ക​ൾ ഇ​ട്ട് വെ​ള്ളം ത​ട​ഞ്ഞു നി​ർ​ത്താ​ൻ സാ​ധി​ച്ച​ത്.

മാ​വു​ള്ള​പൊ​യി​ൽ മു​ത​ൽ വെ​ള്ള​ക്കാ​ട് ഡാം ​വ​രെ​യു​ള്ള ഭാ​ഗ​ത്ത് ജ​ലം ത​ട​ഞ്ഞു​നി​ർ​ത്തി സം​ര​ക്ഷി​ക്കാ​ൻ ത​ട​യ​ണ കൊ​ണ്ട് സാ​ധി​ച്ചി​ട്ടു​ണ്ട്. പ്ര​ദേ​ശ​ത്തെ ഭൂ​ഗ​ർ​ഭ ജ​ല​വി​താ​നം ഉ​യ​രു​ക​യും ചെ​യ്യും. കൃ​ഷി​ക്കാ​ർ​ക്ക് വ​ലി​യ അ​നു​ഗ്ര​ഹ​മാ​ണ് ഈ ​വി​സി​ബി. പാ​ർ​ശ്വ​ഭി​ത്തി​ക​ൾ കെ​ട്ടി​യും ഏ​ഴു തൂ​ണു​ക​ൾ കോ​ൺ​ക്രീ​റ്റ് ചെ​യ്തു​മാ​ണ് പു​ഴ​യു​ടെ വീ​തി​യു​ള്ള ഈ ​ഭാ​ഗ​ത്ത് ത​ട​യ​ണ ഒ​രു​ക്കി​യി​ട്ടു​ള്ള​ത്.

എ​ര​മം-​കു​റ്റൂ​ർ പ​ഞ്ചാ​യ​ത്തി​ൽ മൈ​ന​ർ ഇ​റി​ഗേ​ഷ​ൻ വ​കു​പ്പ് നി​ർ​മി​ച്ച മാ​വു​ള്ള​പൊ​യി​ൽ വി​സി​ബി​യു​ടെ ഉ​ദ്ഘാ​ട​നം ടി.​ഐ. മ​ധു​സൂ​ദ​ന​ൻ എം​എ​ൽ​എ നി​ർ​വ​ഹി​ച്ചു. 98 ല​ക്ഷം രൂ​പ ചെ​ല​വി​ലാ​ണു തെ​ന്നം പു​ഴ​യ്ക്ക് കു​റു​കെ മാ​വു​ള്ള​പൊ​യി​ലി​ൽ വി​സി​ബി നി​ർ​മി​ച്ച​ത്. ച​ട​ങ്ങി​ൽ പ​ഞ്ചാ​യ​ത്ത് പ്ര​സി​ഡ​ന്‍റ് ടി.​ആ​ർ. രാ​മ​ച​ന്ദ്ര​ൻ അ​ധ്യ​ക്ഷ​ത വ​ഹി​ച്ചു.

ഇ​റി​ഗേ​ഷ​ൻ വ​കു​പ്പ് അ​സി​സ്റ്റ​ന്‍റ് എ​ക്സി​ക്യൂ​ട്ടീ​വ് എ​ൻ​ജി​നി​യ​ർ നോ​ബി​ൾ റി​പ്പോ​ർ​ട്ട് അ​വ​ത​രി​പ്പി​ച്ചു. സു​ഷ​മ വ​ത്സ​ൻ, അ​ന്ന​ക്കു​ട്ടി ബെ​ന്നി, കെ.​സി. രാ​ജ​ൻ, ടി.​വി. അ​നീ​ഷ്, കെ. ​ബാ​ബു, ഇ​ല്ലി​ക്ക​ൽ ജയിം​സ്, എം.​കെ. മു​സ്ത​ഫ ഹാ​ജി, പി. ​ശ്രീ​ധ​ര​ൻ, എ.​വി. നാ​രാ​യ​ണ​ൻ, എം. ​കു​ഞ്ഞി​രാ​മ​ൻ തു​ട​ങ്ങി​യ​വ​ർ പ്ര​സം​ഗി​ച്ചു.