ഇ​രി​ട്ടി: ആ​റ​ളം ഫാ​മി​ലെ വി​ര​മി​ച്ച തൊ​ഴി​ലാ​ളി​ക​ൾ ഫാം ​അ​ക്കൗ​ണ്ട് ഓ​ഫീ​സ​റെ ഉ​പ​രോ​ധി​ച്ചു. തൊ​ഴി​ലാ​ളി​ക​ളി​ക​ളു​ടെ ശ​മ്പ​ള​ത്തി​ൽ നി​ന്ന് പി​ടി​ച്ച പി​എ​ഫ് ഫ​ണ്ട് തു​ക അ​ട​ക്കാ​ത്ത​തി​ൽ പ്ര​തി​ഷേ​ധി​ച്ചാ​യി​രു​ന്നു ഉ​പ​രോ​ധം. 2021 ഓ​ഗ​സ്റ്റ് മാ​സം മു​ത​ൽ 2025 ഫെ​ബ്രു​വ​രി മാ​സം വ​രെ ഉ​ള്ള കാ​ല​യ​ള​വി​ൽ ആ​റ​ളം ഫാ​മി​ൽ നി​ന്ന് വി​ര​മി​ച്ച തൊ​ഴി​ലാ​ളി​ക​ൾ അ​വ​രു​ടെ ശ​മ്പ​ള​ത്തി​ൽ നി​ന്ന് പി ​എ​ഫി​ലേ​ക്ക് അ​ട​യ്ക്കേ​ണ്ടു​ന്ന തു​ക പി​ടി​ച്ചി​രു​ന്നു.

എ​ന്നാ​ൽ തു​ക മാ​നേ​ജ്മെ​ന്‍റ് പി​എ​ഫി​ലേ​ക്ക് അ​ട​യ്ക്കാ​ത്ത​തി​നെ തു​ട​ർ​ന്ന് പി​രി​ഞ്ഞു​പോ​യ തൊ​ഴി​ലാ​ളി​ക​ൾ​ക്ക് പി​എ​ഫി​ൽ നി​ന്ന് ല​ഭി​ക്കേ​ണ്ടു​ന്ന ആ​നു​കൂ​ല്യ​ങ്ങ​ൾ ല​ഭി​ക്കാ​തെ വ​ന്ന​തോ​ടെയാ​ണ് അ​കൗ​ണ്ട് ഓ​ഫീ​സ​റെ ഉ​പ​രോ​ധി​ച്ച​ത്. വി​ര​മി​ച്ച തൊ​ഴി​ലാ​ളി​ക​ൾ പ​ല​ത​വ​ണ മാ​നേ​ജ്മെ​ന്‍റുമാ​യി ച​ർ​ച്ച ന​ട​ത്തി പ്ര​ശ്ന​ത്തി​ന് പ​രി​ഹാ​രം കാ​ണ​ണ​മെ​ന്ന് ആ​വ​ശ്യ​പ്പെ​ട്ടി​രു​ന്നു.

എ​ന്നാ​ൽ ഇ​തു​വ​രെ​യാ​യി പ്ര​ശ്ന​ത്തി​ന് പ​രി​ഹാ​രം കാ​ണാ​ത്ത​തി​ന്‍റെ അ​ടി​സ്ഥാ​ന​ത്തി​ൽ 13 വി​ര​മി​ച്ച തൊ​ഴി​ലാ​ളി​ക​ൾ ഇ​ന്ന​ലെ ഫാ​മി​ന്‍റെ മെ​യി​ൻ ഓ​ഫീ​സി​ൽ എ​ത്തു​ക​യാ​യി​രു​ന്നു. അ​ധി​കൃ​ത​ർ വ്യ​ക്തമാ​യ ഉ​ത്ത​രം ന​ല്കാ​തെ​വ​ന്ന​തോ​ടെ പ്ര​കോ​പി​ത​രാ​യ തൊ​ഴി​ലാ​ളി​ക​ൾ അ​ക്കൗ​ണ്ട് ഓ​ഫീ​സ​റെ ഉ​പ​രോ​ധി​ക്കു​ക​യാ​യി​രു​ന്നു.

പി​ന്നീ​ട് അ​ഡ്മി​നി​സ്ട്രേ​റ്റീ​വ് ഓ​ഫീ​സ​ർ എ​ത്തി തൊ​ഴി​ലാ​ളി​ക​ളു​മാ​യി ച​ർ​ച്ച ന​ട​ത്തി. ഒ​ന്നാം തി​യ​തി പ്ര​ശ്നം പ​രി​ഹ​രി​ക്കും എ​ന്ന് എം​ഡി (സ​ബ് ക​ള​ക്ട​ർ ) ഉ​റ​പ്പ് ന​ൽ​കി​യ​തി​നെ തു​ട​ർ​ന്ന് സ​മ​രം അ​വ​സാ​നി​പ്പി​ച്ചു. തൊ​ഴി​ലാ​ളി​ക​ളാ​യ റോ​സ​മ്മ തോ​ട്ട​ത്തി​ൽ, ഔ​സേ​പ്പ​ച്ച​ൻ , രാ​ധാ​കൃ​ഷ്ണ​ൻ , തു​ട​ങ്ങി​യ​വ​ർ സ​മ​ര​ത്തി​ന് നേ​തൃ​ത്വം ന​ൽ​കി .