പ​യ്യ​ന്നൂ​ർ: പ​യ്യ​ന്നൂ​ർ കോ​ട​തി സ​മുച്ചയ നി​ർ​മാ​ണ​ത്തി​ൽ വ്യാ​പ​ക ക്ര​മ​ക്കേ​ടും അ​ഴി​മ​തി​യും ന​ട​ന്നി​ട്ടു​ണ്ടെ​ന്നും ഇ​ക്കാ​ര്യം അ​ന്വേ​ഷി​ക്ക​ണ​മെ​ന്നുമാ​വ​ശ്യ​പ്പെ​ട്ട് ഹൈ​ക്കോ​ട​തി​യി​ൽ പൊ​തു​താ​ത്പ​ര്യ ഹ​ർ​ജി. ഹ​ർ​ജി സം​ബ​ന്ധി​ച്ച് ചീ​ഫ് ജ​സ്റ്റീസ് നി​ധി​ൻ ജം​ദാ​ർ അ​ധ്യ​ക്ഷ​നാ​യ ബ​ഞ്ച് സം​സ്ഥാ​ന അ​റ്റോ​ർണി​യോ​ട് മ​റു​പ​ടി ആ​വ​ശ്യ​പ്പെ​ട്ടു.

പ​യ്യ​ന്നൂ​ർ ബാ​ർ അ​സോ​സി​യേ​ഷ​ൻ അം​ഗ​വും പ​യ്യ​ന്നൂ​ർ കോ​ട​തി കോം​പ്ല​ക്സ് പ്രൊ​ട്ട​ക്ഷ​ൻ ഫോ​റം ചെ​യ​ർ​മാ​നു​മാ​യ പ്ര​ഭാ​ക​ര​ൻ അ​ഡ്വ. ടി.​വി.​ജ​യ​കു​മാ​ർ മു​ഖേ​ന​യാ​ണ് ഹൈ​ക്കോ​ട​തി​യെ സ​മീ​പി​ച്ച​ത്. കേ​ന്ദ്ര​സ​ർ​ക്കാ​രി​നു​ള്ള ധ​ന​സ​ഹാ​യം ല​ഭി​ച്ച ശേ​ഷം കേ​ന്ദ്ര സ​ർ​ക്കാ​രി​നെ അ​റി​യി​ക്കാ​തെ പൊ​തു​മ​രാ​മ​ത്ത് വ​കു​പ്പ് കെ​ട്ടി​ട​ത്തി​ന്‍റെ വ​ലു​പ്പം കു​റ​ച്ചു​വെ​ന്നാ​ണ് ഹ​ർ​ജി​യി​ൽ ചൂ​ണ്ടി​ക്കാ​ട്ടി​യി​രി​ക്കു​ന്ന​ത്. യ​ഥാ​ർ​ഥ എ​സ്റ്റി​മേ​റ്റി​ൽ 84 ല​ക്ഷം രൂ​പ ചെ​ല​വി​ലു​ള്ള ര​ണ്ട് ലി​ഫ്റ്റു​ക​ൾ അ​നു​വ​ദി​ച്ചി​രു​ന്നു. എ​ന്നാ​ൽ ഈ ​ലി​ഫ്റ്റു​ക​ൾ ഒ​ഴി​വാ​ക്കി ഫ​ണ്ട് ദു​രു​പ​യോ​ഗം ചെ​യ്ത​താ​യും പ​റ​യു​ന്നു.

ലി​ഫ്റ്റും അ​ഗ്നി​ശ​മ​ന സം​വി​ധാ​ന​ങ്ങ​ളും ഇ​ല്ലാ​ത്ത​തി​നാ​ൽ ന​ഗ​ര​സ​ഭ ഒ​ക്യു​പ​ൻ​സി സ​ർ​ട്ടി​ഫി​ക്ക​റ്റ് ന​ൽ​കാ​ൻ വി​സ​മ്മ​തി​ച്ച​താ​യി ശ്ര​ദ്ധ​യി​ൽ​പ്പെ​ട്ടി​ട്ടു​ണ്ടെ​ന്നും ഹർജിയിൽ പറയുന്നു. പൊ​തു​മ​രാ​മ​ത്ത് വ​കു​പ്പും ക​രാ​റു​കാ​രും ചേ​ർ​ന്നു​ള്ള ക്ര​മ​ക്കേ​ടും അ​ഴി​മ​തി​യും അ​ന്വേ​ഷി​ക്ക​ണ​മെ​ന്ന് ആ​വ​ശ്യ​പ്പെ​ട്ടു​ള്ള ഹ​ർ​ജി​യി​ലാ​ണ് കോ​ട​തി​യു​ടെ ഇ​ട​പെ​ട​ൽ ഉ​ണ്ടാ​യി​രി​ക്കു​ന്ന​ത്.