ചെ​റു​പു​ഴ: സം​സ്ഥാ​ന ടൂ​റി​സം വ​കു​പ്പ് അം​ഗീ​ക​രി​ച്ച വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ൽ ചെ​റു​പു​ഴ​യി​ലെ ടൂ​റി​സ്റ്റ് കേ​ന്ദ്ര​ങ്ങ​ൾ ഒ​ന്നു​പോ​ലു​മി​ല്ല. അ​ധി​കൃ​ത​രു​ടെ ഗു​രു​ത​ര​മാ​യ അ​നാ​സ്ഥ​യാ​ണ് ചെ​റു​പു​ഴ​യ്ക്ക് വി​ന​യാ​യ​ത്. ധാ​രാ​ളം വി​നോ​ദ സ​ഞ്ചാ​രി​ക​ൾ എ​ത്തു​ന്ന നി​ര​വ​ധി കേ​ന്ദ്ര​ങ്ങ​ൾ ഉ​ണ്ടെ​ന്നി​രി​ക്കെ​യാ​ണ് ചെ​റു​പു​ഴ അ​വ​ഗ​ണി​ക്ക​പ്പെ​ട്ട​ത്. ടൂ​റി​സം വ​കു​പ്പി​ന്‍റെ ശ്ര​ദ്ധ​യി​ൽ​പ്പെ​ടു​ത്താ​നും അ​വ​രു​ടെ അം​ഗീ​കാ​രം വാ​ങ്ങി​യെ​ടു​ക്കാ​നും അ​ധി​കൃ​ത​ർ ശ്ര​മി​ച്ചി​ല്ല.

ക​ണ്ണൂ​ർ ജി​ല്ല​യി​ൽ പാ​ല​ക്ക​യം​ത​ട്ട്, പൈ​ത​ൽ​മ​ല, ത​ല​ശേ​രി, ധ​ർ​മ​ടം, കൊ​ട്ടി​യൂ​ർ എ​ന്നി​വി​ട​ങ്ങ​ളാ​ണ് വി​നോ​ദ സ​ഞ്ചാ​ര കേ​ന്ദ്ര​ങ്ങ​ളാ​യി ടൂ​റി​സം വ​കു​പ്പ് അം​ഗീ​ക​രി​ച്ച പ​ട്ടി​ക​യി​ൽ ഉ​ള്ള​ത്. ഇ​പ്പോ​ൾ അം​ഗീ​ക​രി​ച്ച​വ കൂ​ടാ​തെ നേ​ര​ത്തെ അം​ഗീ​ക​രി​ച്ച​വ​യും തീ​ർ​ഥാ​ട​ക ടൂ​റി​സം കേ​ന്ദ്ര​ങ്ങ​ളും ജി​ല്ല​യി​ൽ വേ​റെ​യു​മു​ണ്ട്. ചെ​റു​പു​ഴ പ​ഞ്ചാ​യ​ത്തി​ൽ തി​രു​മേ​നി, വ​യ​ക്ക​ര, പു​ളി​ങ്ങോം എ​ന്നി​ങ്ങ​നെ മൂ​ന്ന് വി​ല്ലേ​ജു​ക​ളാ​ണ് ഉ​ള്ള​ത്. മൂ​ന്ന് വി​ല്ലേ​ജു​ക​ളി​ലും വി​നോ​ദ സ​ഞ്ചാ​ര കേ​ന്ദ്ര​ങ്ങ​ളു​ണ്ട്.

ഒ​രു പ​ഞ്ചാ​യ​ത്തി​ൽ ഒ​രു ടൂ​റി​സം കേ​ന്ദ്ര​മെ​ങ്കി​ലും വേ​ണ​മെ​ന്ന് സ​ർ​ക്കാ​ർ പ​റ​യു​ന്നു. ഓ​രോ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലും ഒ​രു ടൂ​റി​സം കേ​ന്ദ്ര​മെ​ങ്കി​ലും വി​ക​സി​പ്പി​ക്കാ​നു​ള്ള ഡെ​സ്റ്റി​നേ​ഷ​ൻ ച​ല​ഞ്ച് പ​ദ്ധ​തി സ​ർ​ക്കാ​ർ ന​ട​പ്പാ​ക്കി വ​രു​ന്നു​ണ്ട്. ഇ​ത്ത​ര​ത്തി​ൽ 500 കേ​ന്ദ്ര​ങ്ങ​ൾ എ​ങ്കി​ലും വി​ക​സി​പ്പി​ക്കാ​നാ​ണ് സ​ർ​ക്കാ​ർ ല​ക്ഷ്യ​മി​ടു​ന്ന​ത്. ടൂ​റി​സ​ത്തി​ലൂ​ടെ പ​ഞ്ചാ​യ​ത്തു​ക​ൾ​ക്കും ജ​ന​ങ്ങ​ൾ​ക്കും അ​ധി​ക വ​രു​മാ​നം ഉ​റ​പ്പു​വ​രു​ത്തു​ക​യാ​ണ് ല​ക്ഷ്യം. തൊ​ഴി​ൽ ദാ​താ​ക്ക​ളാ​കാ​നും സാ​മ്പ​ത്തി​ക സു​സ്ഥി​ര​ത കൈ​വ​രി​ക്കാ​നും ജ​ന​ങ്ങ​ൾ​ക്ക് അ​ധി​ക വ​രു​മാ​നം ഉ​റ​പ്പാ​ക്കാ​നും ക​ഴി​യും. സ​ർ​ക്കാ​ർ ന​യം ത​ന്നെ ഇ​താ​യി​രി​ക്കെ​യാ​ണ് അ​നു​യോ​ജ്യ​മാ​യ നി​ര​വ​ധി സ്ഥ​ല​ങ്ങ​ൾ ഉ​ള്ള ചെ​റു​പു​ഴ ടൂ​റി​സം ഭൂ​പ​ട​ത്തി​ൽ സ്ഥാ​നം പി​ടി​ക്കാ​തെ പോ​യ​ത്.

ടൂ​റി​സ്റ്റ് കേ​ന്ദ്ര​ങ്ങ​ൾ നി​ര​വ​ധി

സ​മു​ദ്ര​നി​ര​പ്പി​ൽ നി​ന്ന് 2800 ലേ​റെ അ​ടി ഉ​യ​ര​മു​ള്ള​തും 4.5 റേ​റ്റിം​ഗ് ഉ​ള്ള​തു​മാ​യ കൊ​ട്ട​ത്ത​ല​ച്ചി​മ​ല, ജോ​സ് ഗി​രി തി​രു​നെ​റ്റി​ക്ക​ല്ല്, താ​ബോ​ർ ക്രൈ​സ്റ്റ് ദ ​റെ​ഡീ​മീ​ർ, ചാ​ത്ത​മം​ഗ​ലം തെ​രു​വു​മ​ല, രാ​ജ​ഗി​രി ക​മ്മാ​ളി​ക്ക​ല്ല്, മീ​ന്തു​ള്ളി വാ​ട്ട​ർ ഫാ​ൾ​സ് തു​ട​ങ്ങി ചെ​റു​തും വ​ലു​തു​മാ​യ നി​ര​വ​ധി ടൂ​റി​സ്റ്റ് കേ​ന്ദ്ര​ങ്ങ​ൾ ഇ​വി​ടെ​യു​ണ്ട്. ട്ര​ക്കി​ങ്ങി​ന് അ​നു​യോ​ജ്യ​മാ​യ മ​ല​ക​ളും ധാ​രാ​ളം ഉ​ണ്ട്. കൂ​ടാ​തെ തൂ​ക്കു​പാ​ല​ങ്ങ​ളും ക​ർ​ണാ​ട​ക റി​സ​ർ​വ് വ​ന​വു​മാ​യി അ​തി​ർ​ത്തി പ​ങ്കി​ടു​ന്ന സ്ഥ​ല​ങ്ങ​ളും സ​ഞ്ചാ​രി​ക​ൾ ഇ​ഷ്ട​പ്പെ​ടു​ന്ന​വ​യാ​ണ്.

റാ​ഫ്റ്റിം​ഗ് മു​ത​ൽ
ക​യാ​ക്കിം​ഗ് വ​രെ

ദ​ക്ഷി​ണേ​ന്ത്യ​യി​ൽ ആ​ദ്യ​മാ​യി വൈ​റ്റ് വാ​ട്ട​ർ റാ​ഫ്റ്റിം​ഗ് ആ​രം​ഭി​ച്ച​ത് ക​ണ്ണൂ​ർ - കാ​സ​ർ​ഗോ​ഡ് ജി​ല്ല​ക​ളു​ടെ അ​തി​രി​ട്ട് ഒ​ഴു​കു​ന്ന കാ​ര്യ​ങ്കോ​ട് പു​ഴ​യി​ലാ​ണ്. മ​റ്റൊ​രു കാ​യി​ക വി​നോ​ദ​മാ​യ ക​യാ​ക്കിം​ഗ് ര​ണ്ട് സ്വ​കാ​ര്യ സം​രം​ഭ​ക​രു​ടെ കീ​ഴി​ൽ കാ​ര്യ​ങ്കോ​ട് പു​ഴ​യി​ൽ ന​ട​ന്നു​വ​രു​ന്നു​ണ്ട്. വ​ട്ട​ത്തോ​ണി​യാ​ത്ര​യും പെ​ഡ​ൽ ബോ​ട്ടിം​ഗ് സൗ​ക​ര്യ​വും ഉ​ണ്ട്. ട്ര​ക്കിം​ഗ്, കൃ​ഷി​യി​ട സ​ന്ദ​ർ​ശ​നം, ഫാം ​സ​ന്ദ​ർ​ശ​നം എ​ന്നി​വ കൂ​ട്ടി​യി​ണ​ക്കി​യാ​ൽ വി​നോ​ദ സ​ഞ്ചാ​രി​ക​ളെ വ​ൻ​തോ​തി​ൽ ആ​ക​ർ​ഷി​ക്കാ​ൻ ക​ഴി​യും.

ആ​ട്, പ​ശു, വ​ള​ർ​ത്തു പ​ക്ഷി​ക​ൾ എ​ന്നി​വ​യു​ടെ ധാ​രാ​ളം ഫാ​മു​ക​ളും സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​താ​ണ്. ഇ​വ​യി​ലൂ​ടെ ക​ർ​ഷ​ക​ർ​ക്ക് അ​ധി​ക​വ​രു​മാ​ന​വും കാ​ർ​ഷി​ക മേ​ഖ​ല​യ്ക്ക് പു​ത്ത​ൻ ഉ​ണ​ർ​വും ല​ഭി​ക്കും.

താ​ങ്ങി​ല്ലാ​തെ
സ്വ​കാ​ര്യ സം​രം​ഭ​ക​ർ

സ​ർ​ക്കാ​രി​ന്‍റേ​യോ ഗ്രാ​മ പ​ഞ്ചാ​യ​ത്തി​ന്‍റെ​യോ സ​ഹാ​യ​മി​ല്ലാ​തെ സ്വ​കാ​ര്യ സം​രം​ഭ​ക​ർ റി​സോ​ർ​ട്ടും ഹോം​സ് റ്റേ​യു​മാ​യി പ​ത്തെ​ണ്ണം പ​ഞ്ചാ​യ​ത്തി​ൽ ഒ​രു​ക്കി​യി​ട്ടു​ണ്ട്. മൂ​ന്ന് ആ​യു​ർ​വേ​ദ ചി​കി​ത്സാ കേ​ന്ദ്ര​ങ്ങ​ളും ഉ​ണ്ട്. ടൂ​റി​സം വി​ല്ലേ​ജു​ക​ളാ​യി അം​ഗീ​ക​രി​ക്ക​പ്പെ​ട്ടാ​ൽ ഇ​വ​യു​ടെ പ്ര​വ​ർ​ത്ത​നം ഭം​ഗി​യാ​യി മു​ന്നോ​ട്ട് കൊ​ണ്ടു​പോ​കാ​ൻ ക​ഴി​യും. കൂ​ടാ​തെ പു​തി​യ​വ തു​ട​ങ്ങാ​നു​ള്ള സ​ഹാ​യ​ങ്ങ​ളും ല​ഭ്യ​മാ​കും. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ൽ കാ​ർ​ഷി​ക - ടൂ​റി​സം മേ​ള​ക​ൾ സം​ഘ​ടി​പ്പി​ക്ക​ണ​മെ​ന്നും പ​ഞ്ചാ​യ​ത്തി​ലെ മൂ​ന്ന് വി​ല്ലേ​ജു​ക​ൾ ടൂ​റി​സ്റ്റ് കേ​ന്ദ്ര​ങ്ങ​ളാ​യി വി​ജ്ഞാ​പ​നം ചെ​യ്യ​ണ​മെ​ന്നു​മാ​ണ് ക​ർ​ഷ​ക​രു​ടെ​യും സം​രം​ഭ​ക​രു​ടെ​യും ആ​വ​ശ്യം.