ഇ​രി​ട്ടി: ആ​റ​ളം ഫാം ​ബ്ലോ​ക്ക് ഏ​ട്ടി​ലെ 100 ഏ​ക്ക​ർ വ​രു​ന്ന മാ​തൃ​കൃ​ഷി തോ​ട്ട​ത്തി​ലെ കാ​ട്ടാ​ന​ക​ൾ വ്യാ​പ​ക​മാ​യി നി​ഷി​പ്പി​ച്ചു. സോ​ളാ​ർ വേ​ലി ത​ക​ർ​ത്ത് കൃ​ഷി​യി​ട​ത്തി​ൽ എ​ത്തി​യ കാ​ട്ടാ​ന​ക​ൾ 70 വാ​ഴ​ക​ൾ,13 തെ​ങ്ങു​ക​ൾ, 26 തെ​ങ്ങി​ൻ തൈ​ക​ൾ എ​ന്നി​വ​യാ​ണ് ന​ശി​പ്പി​ച്ച​ത്. ക​ഴി​ഞ്ഞ ദി​വ​സം രാ​ത്രി തോ​ട്ട​ത്തി​നു​ള്ളി​ൽ ക​യ​റി​യ ആ​ന​ക​ളെ ഏ​റെ പ​ണി​പ്പെ​ട്ടാ​ണ് സെ​ക്യൂ​രി​റ്റി ജീ​വ​ന​ക്കാ​ർ തു​ര​ത്തി​യ​ത്.

സോ​ളാ​ർ വേ​ലി
ത​ക​ർ​ക്കു​ന്ന​ത്
13 -ാം ത​വ​ണ

കാ​ട്ടാ​ന​ക​ളു​ടെ താ​വ​ള​മാ​യി​രു​ന്ന ബ്ലോ​ക്ക് ഏ​ട്ടി​ലെ അ​ണു​ങ്ങോ​ട് മേ​ഖ​ല വെ​ട്ടി​ത്തെ​ളി​ച്ച് ഫെ​ൻ​സിം​ഗ് ചെ​യ്ത ശേ​ഷ​മാ​ണ് 100 ഏ​ക്ക​ർ സ്ഥ​ല​ത്ത് മാ​തൃ കൃ​ഷി​ത്തോ​ട്ടം ഉ​ൾ​പ്പെ​ടെ കൃ​ഷി ആ​രം​ഭി​ക്കു​ന്ന​ത്. കൃ​ഷി സ്ഥ​ല​ത്തി​ന് ചു​റ്റും തീ​ർ​ത്തി​രി​ക്കു​ന്നു സോ​ളാ​ർ തൂ​ക്ക്‌വേ​ലി ത​ക​ർ​ത്താ​ണ് ആ​ന​ക​ൾ ഉ​ള്ളി​ൽ പ്ര​വേ​ശി​ക്കു​ന്ന​ത്. പ​തി​മൂ​ന്നാം ത​വ​ണ​യാ​ണ് ആ​ന​ക​ൾ വേ​ലി ത​ക​ർ​ത്ത് കൃ​ഷി​യി​ട​ത്തി​ൽ ക​യ​റി നാ​ശ​ന​ഷ്ട​ങ്ങ​ൾ വ​രു​ത്തു​ന്ന​ത്. ഫാ​മി​നെ വീ​ണ്ടും ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യി​ലാ​ക്കു​ന്ന​താ​ണ് ഈ ​കൃ​ഷി​നാ​ശം.

ഫാ​മി​ൽ നി​ന്നും ആ​ന​യെ തു​ര​ത്താ​നു​ള്ള ന​ട​പ​ടി​ക​ൾ ആ​രം​ഭി​ക്ക​ണ​മെ​ന്ന് ഫാം ​അ​ധി​കൃ​ത​ർ വ​നം​വ​കു​പ്പി​നോ​ട് ആ​വ​ശ്യ​പ്പെ​ട്ടു . ഫാ​മി​ന്‍റെ ക​ണ​ക്ക് അ​നു​സ​രി​ച്ച് 80 കോ​ടി രൂ​പ വ​നം വ​കു​പ്പ് ന​ഷ്ട​പ​രി​ഹാ​ര ഇ​ന​ത്തി​ൽ ഫാ​മി​ന് ന​ൽ​കാ​നു​ണ്ട്. .