ഇ​രി​ങ്ങാ​ല​ക്കു​ട: നാ​ലേ​മു​ക്കാ​ല്‍ കോ​ടി രൂ​പ​യു​ടെ മെ​യി​ന്‍റനന്‍​സ് ഗ്രാ​ന്‍റ് (റോ​ഡ്)പ​ദ്ധ​തി​ക​ള്‍​ക്കു ന​ഗ​ര​സ​ഭ യോ​ഗ​ത്തി​ന്‍റെ അം​ഗീ​കാ​രം. ഇതുകൂ​ടി ഉ​ള്‍​പ്പെ​ടു​ത്തി​യു​ള്ള 2025 - 26 വ​ര്‍​ഷ​ത്തെ അ​ന്തി​മ വാ​ര്‍​ഷി​കപ​ദ്ധ​തി യോ​ഗം അം​ഗീ​ക​രി​ച്ചു.

കെ​എ​സ്ടി​പി യു​ടെ റോ​ഡ് നി​ര്‍​മാ​ണത്തെത്തുട​ര്‍​ന്ന് താ​റു​മാ​റാ​യ കു​ടി​വെ​ള്ള പ്ര​ശ്‌​നം യോ​ഗ​ത്തി​ല്‍ വീ​ണ്ടും ഉ​യ​ര്‍​ന്നു. തൃ​ശൂ​ര്‍ - കൊ​ടു​ങ്ങ​ല്ലൂ​ര്‍ റോ​ഡി​ലെ നി​ര്‍​മാ​ണ പ്ര​വൃ​ത്തി​ക​ളെ തു​ട​ര്‍​ന്ന് പൈ​പ്പു​ക​ള്‍ പൊ​ട്ടി ശു​ദ്ധ​ജ​ല വി​ത​ര​ണം ത​ട​സപ്പെ​ട്ട ഭാ​ഗ​ങ്ങ​ളി​ലേ​ക്ക് വെ​ള്ളമെ​ത്തി​ക്കാ​ന്‍ പൈ​പ്പ് ലൈ​ന്‍ നി​ര്‍​മാ​ണം പൂ​ര്‍​ത്തീ​ക​രി​ക്കു​മെ​ന്ന് കെ​എ​സ്ടി​പി​യും ജ​ല അ​ഥോ​റി​റ്റി​യും ഒ​രു​മാ​സം മു​ന്‍​പ് ഉ​റ​പ്പ് ന​ല്‍​കി​യി​രു​ന്നു.

പൈ​പ്പ് ലൈ​ന്‍ നി​ര്‍​മാ​ണം പൂ​ര്‍​ത്തിയാ യെന്ന് കെ​എ​സ്ടി​പി അ​റി​യി​ച്ച​തി​നെതു​ട​ര്‍​ന്ന് ജ​ല അ​ഥോ​റി​റ്റി വെ​ള്ളം തു​റ​ന്നു‌വി​ട്ടെ​ങ്കി​ലും പ​ല​സ്ഥ​ല​ങ്ങ​ളി​ലും വീ​ണ്ടും പൈ​പ്പ് പൊ​ട്ടി വെ​ള്ളം പാ​ഴാ​കു​ക​യാ​ണ്.

വാ​ര്‍​ഡി​ല്‍ കു​ടി​വെ​ള്ളം എ​ത്തി​ക്കാ​ന്‍ ന​ഗ​ര​സ​ഭ അ​ടി​യ​ന്ത​ര ന​ട​പ​ടി​ക​ള്‍ സ്വീ​ക​രി​ക്ക​ണ​മെ​ന്ന് കൗ​ണ്‍​സി​ല​ര്‍​മാ​ര്‍ ആ​വ​ശ്യ​പ്പെ​ട്ടു. പു​ത്ത​ന്‍​തോ​ട് മുതൽ മാ​പ്രാ​ണം വ​രെ​യു​ള്ള നി​ര്‍​മാ​ണം പൂ​ര്‍​ത്തീ​ക​രി​ക്കു​ന്ന​തി​നുമു​മ്പ് ക​രു​വ​ന്നൂ​ര്‍ വ​ലി​യ​പാ​ലം പ​രി​സ​ര​ത്ത് റോ​ഡ് പൊ​ളി​ച്ച് തു​ട​ങ്ങി​യ​താ​യി ടി.​കെ. ഷാ​ജു ചൂ​ണ്ടി​ക്കാ​ട്ടി. ഇ​തു​മാ​യി ബ​ന്ധ​പ്പെ​ട്ട് കെ​എ​സ്ടി​പി​യു​ടെ അ​ടി​യ​ന്ത​രയോ​ഗം വി​ളി​ക്ക​ണ​മെ​ന്ന് ഭ​ര​ണ​ക​ക്ഷി അം​ഗം എം.​ആ​ര്‍. ഷാ​ജു ആ​വ​ശ്യ​പ്പെ​ട്ടു. കെ​എ​സ്ടി​പി ഒ​രു നി​ര്‍​മാ​ണ പ്ര​വൃ​ത്തി​യും സ​മ​യ​ബ​ന്ധി​ത​മാ​യി ചെ​യ്യു​ന്നി​ല്ലെ​ന്നും റോ​ഡ് പു​തി​യ​താ​യി പൊ​ളി​ക്കു​ന്ന കാ​ര്യം അ​റി​യി​ച്ചി​ട്ടി​ല്ലെ​ന്നും വ​ര​ള്‍​ച്ചാ ഫ​ണ്ട് ഉ​പ​യോ​ഗി​ച്ച് മി​ത​മാ​യ രീ​തി​യി​ല്‍ വാ​ര്‍​ഡു​ക​ളി​ല്‍ വെ​ള്ളം എ​ത്തി​ക്കാ​നു​ള്ള ന​ട​പ​ടി​ക​ള്‍ സ്വീ​ക​രി​ക്കാ​മെ​ന്നും ചെ​യ​ര്‍​പേ​ഴ്‌​സ​ണ്‍ മ​റു​പ​ടി​യി​ല്‍ അ​റി​യി​ച്ചു.

നി​ല​വി​ലെ ശു​ദ്ധ​ജ​ലക്ഷാ​മ​ത്തി​ന് കാ​ര​ണ​ക്കാ​ര്‍ കെ​എ​സ്ടി​പി ആ​ണെ​ന്നും ജ​ല​വി​ത​രണം ത​ട​സപ്പെ​ട്ട മേ​ഖ​ല​ക​ളി​ല്‍ വ​ര​ള്‍​ച്ച​യു​മാ​യി ബ​ന്ധ​പ്പെ​ട്ട്് പ​ദ്ധ​തി​യി​ല്‍ ശു​ദ്ധ​ജ​ല വി​ത​ര​ണം ന​ട​ത്താ​നു​ള്ള ന​ട​പ​ടി ന​ഗ​ര​സ​ഭ സ്വീ​ക​രി​ച്ചുവ​രു​ന്ന​താ​യും ചെ​യ​ര്‍​പേഴ്‌​സ​ൺ മേ​രി​ക്കുട്ടി ജോ​യ് പ​റ​ഞ്ഞു.
മാ​ലി​ന്യ​മു​ക്ത​ന​വ​കേ​ര​ളം പ​ദ്ധ​തി​യി​ല്‍ ശു​ചി​ത്വ​മി​ഷ​ന്‍റെ പു​ര​സ്‌​കാ​ര​ങ്ങ​ള്‍ നേ​ടി​യ ആ​രോ​ഗ്യ​വി​ഭാ​ഗ​ത്തി​നെ​യും നി​കു​തി പി​രി​വി​ല്‍ നൂ​റുശ​ത​മാ​നം നേ​ട്ടം കൈ​വ​രി​ച്ച പ​തി​നേ​ഴ്, ആ​റ് വാ​ര്‍​ഡ് പ്ര​തി​നി​ധി​ക​ളാ​യ ചെ​യ​ര്‍​പേ​ഴ്‌​സ​ണെ​യും വൈ​സ്‌​ചെ​യ​ര്‍​മാ​ന്‍ ബൈ​ജു കു​റ്റി​ക്കാ​ട​നെ​യും യോ​ഗം അ​ഭി​ന​ന്ദി​ച്ചു. ചെ​യ​ര്‍പേ​ഴ്‌​സ​ണ്‍ മേ​രി​ക്കു​ട്ടി ജോ​യ് അ​ധ്യ​ക്ഷ​ത വ​ഹി​ച്ചു.