തൃശൂർ സഹോദയ കലോത്സവം ചിറ്റിലപ്പിള്ളി ഐഇഎസ് പബ്ലിക് സ്കൂളിൽ
1463402
Wednesday, October 23, 2024 7:43 AM IST
ചിറ്റിലപ്പിള്ളി: തൃശൂർ സഹോദയ സംഘടിപ്പിക്കുന്ന സിബിഎസ്ഇ സ്കൂൾ കലോത്സവം ഒക്ടോബർ 24, 25, 26 തിയ്യതികളിലായി ചിറ്റിലപ്പിള്ളി ഐഇഎസ് പബ്ലിക് സ്കൂളിൽ നടക്കും. 72 സിബിഎസ്ഇ വിദ്യാലയങ്ങളിൽ നിന്നായി 6000ത്തിൽ അധികം കുട്ടികൾ പങ്കെടുക്കുന്ന കലോത്സവത്തിന് നാളെ രാവിലെ ഒൻപതിന് കെ. രാധാകൃഷ്ണൻ എംപി ഭദ്രദീപം കൊളുത്തുന്നതോടെ തിരശീല ഉയരും. തൃശൂർ സഹോദയ ചീഫ് പാട്രൺ ഡോ. എം. ദിനേഷ് ബാബു അധ്യക്ഷത വഹിക്കുന്ന ചടങ്ങിൽ പ്രശസ്ത സിനിമാതാരവും നർത്തകിയുമായ നിരഞ്ജന അനൂപ് മുഖ്യാതിഥിയായിരിക്കും.
22 വേദികളിലായി 146 ഇനങ്ങളിലാണ് മത്സരങ്ങൾ അരങ്ങേറുന്നത്.പത്രസമ്മേളനത്തിൽ ജനറൽ കൺവീനറും ഐഇഎസ് പബ്ലിക് സ്കൂൾ പ്രിൻസിപ്പലുമായ ഡോ. സുജാത ഹരിമോഹൻ, തൃശൂർ സഹോദയ ചീഫ് പാട്രൺ ഡോ. ദിനേഷ് ബാബു, ജനറൽ സെക്രട്ടറി ഷമീം ബാവ, ട്രഷറർ ബാബു കോയിക്കര, എസ്എസ്സിടി പ്രസിഡന്റ് എം.കെ. രാമചന്ദ്രൻ, കെ. മുഹമ്മദ് തുടങ്ങിയവർ പങ്കെടുത്തു.