വർണക്കൂടാരം ഉദ്ഘാടനം
1463386
Wednesday, October 23, 2024 7:43 AM IST
ചെന്ത്രാപ്പിന്നി: പെരുമ്പടപ്പ ഗവ.എൽപി സ്കൂളിൽ എസ്എസ്കെ സ്റ്റാർസ് ഫണ്ട് വിനിയോഗിച്ച് മതിലകം ബിആർസിയുടെ നേതൃത്വത്തിൽ കുരുന്നുകൾക്കായി ഒരുക്കിയ വർണക്കൂടാരം ഉദ്ഘാടനംചെയ്തു.
ഭാഷവികസനയിടം, ഗണിതയിടം, കുഞ്ഞരങ്ങ്, ആട്ടവും പാട്ടും, ശാസ്ത്ര അനുഭവയിടം ഹരിതോദ്യാനം, പഞ്ചേന്ദ്രിയാനുഭവയിടം, നിർമാണയിടം, കരകൗശലയിടം, നൂതന സാങ്കേതികവിദ്യയിടം, കളിയിടം അകംപുറം, ശിശു സൗഹാർദ്ര ഇരിപ്പിടങ്ങൾ തുടങ്ങിയ 13 പ്രവർത്തന ഇടങ്ങളാണ് വർണകൂടാരം പരിപാടിയുടെ ഭാഗമായി വിദ്യാലയത്തിൽ ഒരുക്കിയത്. ഇ.ടി. ടൈസൺ എംഎൽഎ വർണക്കൂടാരത്തിന്റെ ഉദ്ഘാടനം നിർവഹിച്ചു. എടത്തിരുത്തി ഗ്രാമപഞ്ചായത്ത് പ്രസിഡന്റ് ടി.കെ. ചന്ദ്രബാബു അധ്യക്ഷതവഹിച്ചു.
എസ്എസ്കെഡിപിസി ഡോ.എൻ.ജെ. ബിനോയ് പദ്ധതി വിശദീകരണം നടത്തി. ജില്ലാപഞ്ചായത്തംഗം കെ.എസ്. ജയ, ബ്ലോക്ക് പഞ്ചായത്തംഗങ്ങളായ നൗമി പ്രസാദ്, വി.എസ്. ജിനേഷ്, പഞ്ചായത്ത് വൈസ് പ്രസിഡന്റ് ഷൈലജ രവീന്ദ്രൻ, ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം.എസ്. നിഖിൽ, പഞ്ചായത്തംഗങ്ങളായ വി.വി. ജയൻ, പി.എ. ഷെമീർ, സാജിത പുതിയവീട്ടിൽ തുടങ്ങിയവർ പ്രസംഗിച്ചു. വിദ്യാലയത്തിൽ എസ്എസ്കെ സ്റ്റാർസ് പദ്ധതിപ്രകാരം 10 ലക്ഷം രൂപ ചെലവഴിച്ചാണ് വർണക്കൂടാരം ഒരുക്കിയത്.