പൈപ്പ് പൊട്ടൽ തുടർക്കഥ
1463399
Wednesday, October 23, 2024 7:43 AM IST
തിരുവില്വാമല: പൈപ്പ് പൊട്ടൽ തുടർക്കഥയായതോടെ ബിഎംബിസി നിലവാരത്തിൽ പണിത റോഡ് തകർച്ചയിലായി. തിരുവില്വാമല ടൗണിൽ നടുറോഡിലാണ് കുടിവെള്ള പൈപ്പ് പൊട്ടി ഇപ്പോൾ അഞ്ചാമത്തെ കുഴി രൂപപ്പെട്ടിരിക്കുന്നത്.
ഇവിടെ കുടിവെള്ളം റോഡിലൂടെ ഒഴുകുന്നത് നിത്യസംഭവമാണ്. വാട്ടർ അതോറിറ്റി അധികൃതർ പൊട്ടിയ ഭാഗം വന്ന് ശരിയാക്കുന്നുണ്ടെങ്കിലും പിറ്റേന്ന് വെള്ളം പമ്പ് ചെയ്യുമ്പോൾ വീണ്ടും പൊട്ടുന്ന അവസ്ഥയാണ്. ടൗണിന്റെ ഹൃദയഭാഗത്ത് അഞ്ചാമത്തെ കുഴിയാണ് ഇപ്പോൾ രൂപപ്പെട്ടിരിക്കുന്നത് .
പൈപ്പ് പൊട്ടി റോഡിൽ രൂപപ്പെടുന്ന കുഴി യാത്രക്കാർക്കും ഭീഷണിയാണ്. ടിപ്പർലോറികൾ അടക്കം നിരവധി വാഹനങ്ങളാണ് ഇതുവഴി കടന്നു പോകുന്നത്. ദിവസങ്ങളായി തുടരുന്ന പൊട്ടലും ശരിയാക്കാനും ഗതാഗതക്കുരുക്കിനും കാരണമാകുന്നു. കുഴി എടുക്കുന്നതും മരണക്കെണി ആവുന്നുണ്ട് . രാത്രി സമയങ്ങളിൽ റോഡിൽ രൂപപ്പെട്ട കുഴിയിൽ വാഹനങ്ങൾ അകപ്പെടുന്നതും നിത്യസംഭവമാണ്.