കൃഷി നടത്തുന്നത് കണ്ടനാട് കൃഷി കൂട്ടായ്മ

ഉ​ദ​യം​പേ​രൂ​ർ: വി​ഷു​വി​നെ വ​ര​വേ​റ്റ് ക​ണ്ട​നാ​ട് പാ​ട​ശേ​ഖ​ര​ത്തി​ലെ വി​ള​വെ​ടു​പ്പ് ഉ​ത്സ​വം. വി​ട​ർ​ന്നു നി​ൽ​ക്കു​ന്ന സൂ​ര്യ​കാ​ന്തി​പ്പൂ​ക്ക​ൾ നി​റ​ഞ്ഞ് മ​നോ​ഹ​ര​മാ​യ കാ​ഴ്ചയൊ​രു​ക്കു​ക​യാ​ണ് ഉ​ദ​യം​പേ​രൂ​ർ പ​ഞ്ചാ​യ​ത്തി​ലെ ക​ണ്ട​നാ​ടു​ള്ള പാ​ട​ശേ​ഖ​രം.

സൂ​ര്യ​കാ​ന്തി​പ്പൂ​ക്ക​ളും ന​ട​പ്പാ​ത​യ്ക്ക് ഇ​രു​വ​ശ​വു​മു​ള്ള പ​ച്ച​ക്ക​റി​ക​ളും കൊ​ണ്ട് സ​മ്പ​ന്ന​മാ​യ പാ​ട​ശേ​ഖ​ര​ത്തി​ലെ വി​ള​വെ​ടു​പ്പു​ത്സ​വം ന​ട​ൻ ശ്രീ​നി​വാ​സ​ൻ ഉ​ദ്ഘാ​ട​നം ചെ​യ്തു. നാ​ട​ൻ പാ​ട്ട് പാ​ടി​യും പൊ​ട്ടി​ച്ചി​രി​ച്ചും നാ​ട്ടു​കാ​ർ​ക്കൊ​പ്പം ശ്രീ​നി​വാ​സ​നും ഭാ​ര്യ വി​മ​ല ശ്രീ​നി​വാ​സ​നും കൂ​ടി. ക​ണ്ട​നാ​ട് കൃ​ഷി കൂ​ട്ടാ​യ്മ​യു​ടെ നേ​തൃ​ത്വ​ത്തി​ലാ​ണ് ഇ​വി​ടെ എ​ല്ലാ വ​ർ​ഷ​വും കൃ​ഷി​യി​റ​ക്കു​ന്ന​ത്.

പ​ഞ്ചാ​യ​ത്തി​ലെ ഏ​ക ത​രി​ശു ര​ഹി​ത വാ​ർ​ഡാ​യ ക​ണ്ട​നാ​ട് പാ​ട​ത്തി​ൽ മൂ​ന്നാം ത​വ​ണ​യാ​ണ് സൂ​ര്യ​കാ​ന്തി കൃ​ഷി ചെ​യ്യു​ന്ന​ത്. ഇ​ത്ത​വ​ണ ഒ​രേ​ക്ക​ർ സ്ഥ​ല​ത്താ​ണ് സൂ​ര്യ​കാ​ന്തി കൃ​ഷി​യു​ള്ള​ത്. കൃ​ത്യ​മാ​യ ന​ന​യും ജൈ​വ വ​ള​വു​മാ​ണ് സൂ​ര്യ​കാ​ന്തി​ക്കു​ള്ള പ​രി​ച​ര​ണം.

ഇ​വി​ടെ നെ​ൽ​ക്കൃ​ഷി ക​ഴി​യു​മ്പോ​ൾ ത​ന്നെ പ​ച്ച​ക്ക​റി​യും സൂ​ര്യ​കാ​ന്തി​യും വ​ള​ർ​ത്തി തു​ട​ങ്ങും. പാ​വ​യ്ക്ക, പീ​ച്ചി​ങ്ങ, ചു​ര​ക്ക, വെ​ണ്ട, പ​യ​ർ തു​ട​ങ്ങി​യ പ​ച്ച​ക്ക​റി​ക​ളാ​ണ് പ്ര​ധാ​ന​മാ​യു​മു​ള്ള​ത്. വി​ഷു​ക്ക​ണി​ക്കു​ള്ള വെ​ള്ള​രി മൂ​പ്പെ​ത്തി​യി​ട്ടു​ണ്ട്. ത​ണ്ണി​മ​ത്ത​നും ക​ണി​വെ​ള്ള​രി​യും ഷ​മാ​മും ഇ​വി​ടെ​യു​ണ്ട്. നാ​ടി​ന്‍റെ പ​ല ഭാ​ഗ​ങ്ങ​ളി​ൽ നി​ന്നു​ള്ള​വ​ർ സൂ​ര്യ​കാ​ന്തി​പ്പാ​ടം കാ​ണാ​ൻ ഇ​വി​ടെ​യെ​ത്തു​ന്നു​ണ്ട്.

വി​ള​വെ​ടു​ക്കു​ന്ന പ​ച്ച​ക്ക​റി​യും പ​ഴ​വ​ർ​ഗ​ങ്ങ​ളും അ​തേ ത​നി​മ​യോ​ടെ ഇ​വി​ടെ നി​ന്നു വാ​ങ്ങാം. ഇ​വി​ടെ​ത്ത​ന്നെ കൃ​ഷി ചെ​യ്ത അ​രി​യും വി​ൽ​പ്പ​ന​യ്ക്കു​ണ്ട്.