വൈ​പ്പി​ൻ: പ​ള്ളി​പ്പു​റം, എ​ട​വ​ന​ക്കാ​ട് വി​ല്ലേ​ജു​ക​ളി​ലെ ചി​ല മേ​ഖ​ല​ളി​ൽ ഭൂ​മി​യു​ടെ സ​ർ​ക്കാ​ർ ഫെ​യ​ർ​വാ​ല്യു ക​മ്പോ​ള വി​ല​യേ​ക്കാ​ൾ കൂ​ടു​ത​ലാ​യ വി​ഷ​യം പു​ന​പ​രി​ശോ​ധി​ക്ക​ണ​മെ​ന്ന് കെ.​എ​ൻ. ഉ​ണ്ണി​കൃ​ഷ്ണ​ൻ എം​എ​ൽ​എ​യു​ടെ സാ​ന്നി​ധ്യ​ത്തി​ൽ കു​ഴു​പ്പി​ള്ളി സ​ബ് ര​ജി​സ്ട്രാ​ർ ഓ​ഫീ​സി​ൽ ജ​ന​കീ​യ സ​മി​തി രൂ​പീ​ക​ര​ണ യോ​ഗം ആ​വ​ശ്യ​പ്പെ​ട്ടു. ഇ​തു​മൂ​ലം ഈ ​ഭാ​ഗ​ങ്ങ​ളി​ൽ ഭൂ​മി ക്ര​യ​വി​ക്ര​യം ചെ​യ്യു​ന്ന​വ​ർ​ക്ക് സാ​മ്പ​ത്തി​ക ന​ഷ്ടം സം​ഭ​വി​ക്കു​ന്നു​വെ​ന്നും യോ​ഗ​ത്തി​ൽ ആ​ക്ഷേ​പം ഉ​യ​ർ​ന്നു. പൗ​രാ​വ​കാ​ശ രേ​ഖ പ്ര​കാ​രം ര​ജി​സ്ട്രാ​ർ ഓ​ഫീ​സി​ലെ സേ​വ​ന​ങ്ങ​ൾ യ​ഥാ​സ​മ​യം ല​ഭി​ക്കു​ന്നു​ണ്ടോ എ​ന്നു​റ​പ്പു​വ​രു​ത്താ​നാ​ണ് ജ​ന​കീ​യ സ​മി​തി രൂ​പീ​ക​രി​ച്ചി​രി​ക്കു​ന്ന​ത്.

കെ.​എ​ൻ. ഉ​ണ്ണി​ക്കൃ​ഷ്ണ​ൻ എം​എ​ൽ​എ-​ചെ​യ​ർ​മാ​ൻ, സ​ബ് ര​ജി​സ്ട്രാ​ർ കെ.​ഒ. തോ​മ​സ് - ക​ൺ​വീ​ന​ർ എ​ന്നി​വ​ർ ഭാ​ര​വാ​ഹി​ക​ളാ​യി 12 അം​ഗ സ​മി​തി​ക്കാ​ണ് രൂ​പം ന​ൽ​കി​യി​ട്ടു​ള്ള​ത്. യോ​ഗ​ത്തി​ൽ കു​ഴു​പ്പി​ള്ളി പ​ഞ്ചാ​യ​ത്ത് പ്ര​സി​ഡ​ന്‍റ് കെ.​എ​സ്. നി​ബി​ൻ അ​ധ്യ​ക്ഷ​നാ​യി.