ഏലൂര് റൂട്ടില് ഏഴു മുതല് പുതിയ വാട്ടര് മെട്രോ സര്വീസ്
1538820
Wednesday, April 2, 2025 4:01 AM IST
കൊച്ചി: വാട്ടര് മെട്രോ ഏലൂരിലേക്ക് പുതിയൊരു സര്വീസ് കൂടി ആരംഭിക്കുന്നു. ഏഴിന് പുതിയ സര്വീസ് ആരംഭിക്കുമെന്ന് മന്ത്രി പി. രാജീവ് പറഞ്ഞു. ഏലൂര്, ചേരാനല്ലൂര് റൂട്ടില് ഹൈക്കോടതി ജംഗ്ഷനിലേക്കുള്ള കണക്ടിവിറ്റി വര്ധിപ്പിക്കുന്നതിന്റെ ഭാഗമായാണ് ഒരു ബോട്ട് കൂടി സര്വീസ് ആരംഭിക്കുന്നത്.
കൊച്ചിന് ഷിപ്പ്യാര്ഡില് നിന്ന് ഇന്നലെ ലഭിച്ച 19ാമത്തെ ബോട്ടാണ് ഏലൂര് റൂട്ടില് സര്വീസ് നടത്തുക. ഇതോടെ എറണാകുളത്തേക്ക് ഏലൂരില് നിന്നും നേരിട്ടുള്ള കണക്ടിവിറ്റി വര്ധിക്കുമെന്ന് മന്ത്രി അറിയിച്ചു.
കൊച്ചിന് ഷിപ്പ്യാര്ഡില് നിന്ന് ഇനി നാലു ബോട്ടുകള് കൂടിയാണ് ലഭിക്കാനുള്ളത്. ഏലൂരില് നിന്നും നേരിട്ട് എറണാകുളത്തേക്ക് ടിക്കറ്റ് എടുക്കുന്നതിനുള്ള സൗകര്യം ഏര്പ്പെടുത്തുന്നതിനുള്ള സാങ്കേതിക മാറ്റം പരിഗണനയിലാണെന്നും മന്ത്രി പറഞ്ഞു.