കോ​ല​ഞ്ചേ​രി: മ​ഴു​വ​ന്നൂ​ർ പ​ഞ്ചാ​യ​ത്തി​ലെ വീ​ട്ടൂ​രി​ൽ നി​യ​ന്ത്ര​ണം വി​ട്ട ട്രാ​ക്ട​ർ മി​നി ലോ​റി​യി​ലി​ടി​ച്ച് ര​ണ്ട് ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ മ​രി​ച്ചു.

അ​പ​ക​ട​ത്തി​ൽ മൂ​ന്നു പേ​ർ​ക്ക് പ​രി​ക്കേ​റ്റു. പ​ശ്ചി​മ​ബം​ഗാ​ൾ മൂ​ർ​ഷി​ദാ​ബാ​ദ് സ്വ​ദേ​ശി​ക​ളാ​യ ബെ​ച്ചു(28), അ​മി​റു​ൾ(32) എ​ന്നി​വ​രാ​ണ് മ​രി​ച്ച​ത്. ധ​രം​പൂ​ർ സ്വ​ദേ​ശി​ക​ളാ​യ പി​യാ​റു​ൾ (35), ടു​ട്ട​ൽ മ​ണ്ഡ​ൽ(23), ക​ട്ടാ​കോ​പ്ര സ്വ​ദേ​ശി ആ​സാ​ദ് (20) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഇ​ന്ന​ലെ രാ​വി​ലെ 11 നാ​യി​രു​ന്നു അ​പ​ക​ടം ന​ട​ന്ന​ത്.

വീ​ട്ടൂ​ർ ഐ​എ​ച്ച്ഡി​പി കോ​ള​നി റോ​ഡി​ന്‍റെ ടാ​റിം​ഗ് പൂ​ർ​ത്തി​യാ​ക്കി​യ ശേ​ഷം തൊ​ട്ട​ടു​ത്ത സൈ​റ്റി​ലേ​യ്ക്ക് പോ​കും വ​ഴി​യാ​ണ് അ​പ​ക​ടം. കി​ൻ​ഫ്ര​യ്ക്ക് സ​മീ​പ​മു​ള്ള വ​ലി​യ ഇ​റ​ക്ക​ത്തി​ലാ​ണ് അ​പ​ക​ടം സം​ഭ​വി​ച്ച​ത്. മി​നി ലോ​റി​യി​ൽ പോ​വു​ക​യാ​യി​രു​ന്ന തൊ​ഴി​ലാ​ളി​ക​ളെ നി​യ​ന്ത്ര​ണം വി​ട്ട് എ​ത്തി​യ ട്രാ​ക്ട​ർ ഇ​ടി​ച്ചു തെ​റി​പ്പി​ക്കു​ക​യാ​യി​രു​ന്നു.

ഇ​ല​ക്ട്രി​ക് പോ​സ്റ്റി​ൽ ഇ​ടി​ച്ചു നി​ന്ന ട്രാ​ക്ട​റി​ന് ഇ​ട​യി​ൽ പെ​ട്ട​വ​രാ​ണ് മ​രി​ച്ച​ത്. പ​രി​ക്കേ​റ്റ​വ​രെ മൂ​വാ​റ്റു​പു​ഴ താ​ലൂ​ക്കാ​ശു​പ​ത്രി​യി​ൽ പ്ര​വേ​ശി​പ്പി​ച്ചെ​ങ്കി​ലും ഗു​രു​ത​ര​മാ​യി പ​രി​ക്കേ​റ്റ ര​ണ്ടു​പേ​ർ മ​രി​ച്ചു. മ​രി​ച്ച​വ​രു​ടെ മൃ​ത​ദേ​ഹം മൂ​വാ​റ്റു​പു​ഴ താ​ലൂ​ക്ക് ആ​ശു​പ​ത്രി​യി​ൽ. പ​രി​ക്കേ​റ്റ​വ​ർ കോ​ട്ട​യം മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ണ്.