ആ​ല​ങ്ങാ​ട്: ആ​ല​ങ്ങാ​ട് പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ൽ മു​ണ്ടിനീ​ര് വ്യാ​പി​ക്കു​ന്നു. ജാ​ഗ്ര​ത​യോ​ടെ പ്ര​ദേ​ശ​വാ​സി​ക​ൾ. ആ​ല​ങ്ങാ​ട് കോ​ട്ട​പ്പു​റം ഗ​വ. എ​ൽ​പി സ്കൂ​ളി​ലെ വി​ദ്യാ​ർ​ഥി​ക​ളി​ൽ ഒ​ട്ടേ​റെ പേ​ർ​ക്കു മു​ണ്ടി​നീ​ര് പി​ടി​പെ​ട്ട സാ​ഹ​ച​ര്യ​ത്തി​ൽ മൂ​ന്നു ദി​വ​സ​ത്തേ​ക്കു സ്കൂ​ൾ അ​ട​ച്ചി​ടാ​ൻ നി​ർ​ദേ​ശം ന​ൽ​കി.

പ്രീ​പ്രൈ​മ​റി വി​ഭാ​ഗ​ത്തി​ലെ ആ​റു വി​ദ്യാ​ർ​ഥി​ക​ൾ​ക്കാ​ണ് ആ​ദ്യം മു​ണ്ടി​നീ​ര് പി​ടി​പെ​ട്ട​ത്. തു​ട​ർ​ന്നു പ്രൈ​മ​റി വി​ഭാ​ഗ​ത്തി​ലെ വി​ദ്യാ​ർ​ഥി​ക​ളി​ലേ​ക്കു പ​ട​രാ​ൻ തു​ട​ങ്ങി​യ​തോ​ടെ ആ​രോ​ഗ്യ​വി​ഭാ​ഗം അ​ധി​കൃ​ത​രു​ടെ​യും എ​ഇ​ഒ​യു​ടെ​യും നേ​തൃ​ത്വ​ത്തി​ൽ ഇ​ന്ന​ലെ സ്കൂ​ളി​ൽ പ​രി​ശോ​ധ​ന ന​ട​ത്തി.മെ​ഡി​ക്ക​ൽ ഓ​ഫീ​സ​റു​ടെ നേ​തൃ​ത്വ​ത്തി​ലു​ള്ള സം​ഘം സ്കൂ​ളി​ലെ​ത്തു​ക​യും പ്ര​തി​രോ​ധ ന​ട​പ​ടി​ക​ൾ സ്വീ​ക​രി​ക്കു​ക​യും ചെ​യ്തു.

വാ​യു​വി​ലൂ​ടെ പ​ക​രു​ക​യും ഉ​മി​നീ​ർ ഗ്ര​ന്ഥി​ക​ളെ പ്ര​ധാ​ന​മാ​യും ബാ​ധി​ക്കു​ക​യും ചെ​യ്യു​ന്ന​തി​നാ​ൽ രോ​ഗം പെ​ട്ടെ​ന്നു പ​ട​ർ​ന്നു പി​ടി​ക്കാ​ൻ സാ​ധ്യ​ത​യേ​റെ​യാ​ണ്. മ​റ്റു​ള്ള​വ​രു​മാ​യി സ​മ്പ​ർ​ക്കം ഒ​ഴി​വാ​ക്കി​യു​ള്ള വി​ശ്ര​മ​മാ​ണ് രോ​ഗ​പ്പ​ക​ർ​ച്ച ത​ട​യാ​നു​ള്ള മാ​ർ​ഗം. അ​തി​നാ​ലാ​ണ് വി​ഷ​യം ബ​ന്ധ​പ്പെ​ട്ട​വ​രു​ടെ ശ്ര​ദ്ധ​യി​ൽ പെ​ടു​ത്തി അ​ടി​യ​ന്ത​ര ന​ട​പ​ടി സ്വീ​ക​രി​ച്ച​ത്.