ചോ​റ്റാ​നി​ക്ക​ര: ചോ​റ്റാ​നി​ക്ക​ര പാ​ല​സ് സ്ക്വ​യ​റി​ന​ടു​ത്തു​ള്ള ആ​ൾ​ത്താ​മ​സ​മി​ല്ലാ​ത്ത വീ​ട്ടി​ലെ ഫ്രി​ഡ്ജി​ൽ നി​ന്നു മ​നു​ഷ്യ​ന്‍റെ ത​ല​യോ​ട്ടി​യും എ​ല്ലി​ൻ ക​ഷ​ണ​ങ്ങ​ളും ക​ണ്ടെ​ത്തി. വൈ​റ്റി​ല​യി​ൽ താ​മ​സി​ക്കു​ന്ന ഡോ.​ ഫി​ലി​പ്പ് ജോ​ണി​ന്‍റെ ഉ​ട​മ​സ്ഥ​ത​യി​ലു​ള്ള 15 വ​ർ​ഷ​ത്തി​ല​ധി​ക​മാ​യി ആരും താ​മ​സ​മി​ല്ലാ​ത്ത വീ​ട്ടി​ലാ​ണ് സം​ഭ​വം.

15 ഏ​ക്ക​റോ​ളം വ​രു​ന്ന വീ​ട്ടു​വ​ള​പ്പ് കാ​ടു​മൂ​ടി​യ നി​ല​യി​ലും വീ​ട്ടി​ൽ ചി​ത​ൽ​പ്പു​റ്റു​ക​ളും മ​റ്റും വ​ള​ർ​ന്നു ക​യ​റി​യ അ​വ​സ്ഥ​യി​ലു​മാ​യി​രു​ന്നു.

സാ​മൂ​ഹ്യവി​രു​ദ്ധ​രു​ടെ താ​വ​ള​മാ​യി​രു​ന്ന ഇ​വി​ടെ തി​ങ്ക​ളാ​ഴ്ച രാ​വി​ലെ​യും സം​ഘം ചേ​ർ​ന്നു​ള്ള മ​ദ്യ​പാ​നം ന​ട​ന്നി​രു​ന്നു. ഇ​തേ​തു​ട​ർ​ന്ന് വാ​ർ​ഡ് മെ​മ്പ​ർ പ​രാ​തി പ​റ​ഞ്ഞ​തി​നെ തു​ട​ർ​ന്നു​ള്ള പോ​ലീ​സ് പ​രി​ശോ​ധ​ന​യി​ലാ​ണ് മ​നു​ഷ്യന്‍റെ അ​സ്ഥി​കൂട ഭാ​ഗ​ങ്ങ​ൾ വൈ​കു​ന്നേ​ര​ത്തോ​ടെ പോ​ലീ​സ് ക​ണ്ടെ​ത്തി​യ​ത്.

വീ​ടി​ന്‍റെ തു​റ​ന്നു​കി​ട​ന്ന വാ​തി​ലി​ൽ കൂ​ടി അ​ക​ത്ത് ക​ട​ന്ന പോ​ലീ​സ് സം​ഘം ഉ​പ​യോ​ഗ​ശൂ​ന്യ​മാ​യി കി​ട​ന്നി​രു​ന്ന ഫ്രി​ഡ്ജ് തു​റ​ന്ന് നോ​ക്കി​യ​പ്പോ​ഴാ​ണ് ബി​ഗ് ഷോ​പ്പ​ർ പോ​ലെ​യു​ള്ള ക​വ​റി​നു​ള്ളി​ൽ ചെ​റി​യ പ്ലാ​സ്റ്റി​ക് കി​റ്റു​ക​ളി​ലാ​യി സൂ​ക്ഷി​ച്ച നി​ല​യി​ൽ ത​ല​യോ​ട്ടി​യും കൈ​യു​ടെ​യും കാ​ൽ​പാ​ദ​ത്തി​ന്‍റെ​യും അ​സ്ഥി​ക​ളും എ​ല്ലി​ൻ ക​ഷ​ണ​ങ്ങ​ളും ക​ണ്ടെ​ത്തി​യ​ത്. വ​ള​രെ പ​ഴ​ക്കം ചെ​ന്ന നി​ല​യി​ലാ​യി​രു​ന്നു അ​സ്ഥി​ക്ക​ഷ​ണ​ങ്ങ​ൾ.

അ​സ്ഥി​ക്ക​ഷ​ണ​ങ്ങ​ളി​ൽ ലാ​ബ് ആ​വ​ശ്യ​ങ്ങ​ൾ​ക്കും മ​റ്റു​മു​ള്ള രീ​തി​യി​ൽ മാ​ർ​ക്കിം​ഗു​ക​ൾ ക​ണ്ടെ​ത്തി​യ​താ​യി ചോ​റ്റാ​നി​ക്ക​ര പോ​ലീ​സ് പ​റ​ഞ്ഞു. ക​സ്റ്റ​ഡി​യി​ലെ​ടു​ത്ത അ​സ്ഥി​ക്ക​ഷ​ണ​ങ്ങ​ളു​ടെ ഇ​ൻ​ക്വസ്റ്റ് ന​ട​ത്തി. ഫോ​റ​ൻ​സി​ക് പ​രി​ശോ​ധ​ന​യ്ക്ക് ഇ​ന്ന് കൈ​മാ​റും. വി​ദ​ഗ്ധ പ​രി​ശോ​ധ​ന​ക​ൾ​ക്കു​ശേ​ഷ​മേ ജ​ഡാ​വ​ശി​ഷ്ട​ങ്ങ​ൾ സ്ത്രീ​യു​ടേ​യോ, പു​രു​ഷ​ന്‍റെയോ എന്ന് തി​രി​ച്ച​റി​യാ​ൻ സാ​ധി​ക്കൂ.