ജി​ജു കോ​ത​മം​ഗ​ലം

കോ​ത​മം​ഗ​ലം: ഡി​ഗ്രി കോ​ഴ്സ് തീ​രും മു​ന്പു​ള്ള അ​ടി​പൊ​ളി വി​നോ​ദ​യാ​ത്ര​യെ​ക്കു​റി​ച്ച് മാ​സ​ങ്ങ​ളാ​യി അ​വ​ർ ആ​ലോ​ച​ന​ക​ളും ക​ണ​ക്കു​കൂ​ട്ട​ലു​ക​ളും ന​ട​ത്തി​യി​രു​ന്നു. എ​ന്നാ​ൽ അ​തി​നേ​ക്കാ​ൾ ആ​വ​ശ്യ​വും ‌ആ​ഹ്ലാ​ദ​വും ‌സ​ഹ​പാ​ഠി​യു​ടെ ജീ​വി​ത​ത്തി​ലേ​ക്ക് അ​ലി​വി​ന്‍റെ വെ​ളി​ച്ചം വീ​ശു​ക​യാ​ണെ​ന്ന ബോ​ധ്യ​ത്തി​ലേ​ക്ക് അ​വ​രെ​ത്തി​യ​ത് വേ​ഗ​ത്തി​ലാ​യി​രു​ന്നു.

പി​ന്നീ​ടൊ​ന്നും ആ​ലോ​ചി​ച്ചി​ല്ല... വി​നോ​ദ​യാ​ത്ര​യ്ക്ക് പോ​കാ​ൻ അ​വ​ർ ശേ​ഖ​രി​ച്ചു ‌ക​രു​തി​വ​ച്ചി​രു​ന്ന 60,000 രൂ​പ കൊ​ണ്ട്, ഭി​ന്ന​ശേ​ഷി​യു​ള്ള പ്രി​യ കൂ​ട്ടു​കാ​ര​നാ​യി അ​വ​ർ ഇ​ല​ക്‌​ട്രി​ക് വീ​ൽ​ചെ​യ​ർ വാ​ങ്ങി. അ​വ​ന്‍റെ പി​റ​ന്നാ​ൾ ദി​ന​ത്തി​ൽ‌ ത​ങ്ങ​ളു​ടെ ക​രു​ത​ലി​ന്‍റെ വീ​ൽ​ചെ​യ​ർ സ​ഹ​പാ​ഠി​ക​ൾ സ്നേ​ഹ​പൂ​ർ​വം കൈ​മാ​റി.

കോ​ത​മം​ഗ​ലം മാ​ർ അ​ത്ത​നേ​ഷ്യ​സ് കോ​ള​ജി​ലെ അ​വ​സാ​ന വ​ർ​ഷ സാ​മ്പ​ത്തി​ക ശാ​സ്ത്ര വി​ദ്യാ​ർ​ഥി​ക​ളാ​ണ് അ​ലി​വി​ന്‍റെ​യും പ്ര​ചോ​ദ​ന​ത്തി​ന്‍റെ​യും പു​തു​പാ​ഠ​മാ​യ​ത്. സ​ഹ​പാ​ഠി​യാ​യ അം​ജി​ത്തി​ന് അ​വ​ർ വീ​ൽ​ചെ​യ​ർ സ​മ്മാ​നി​ച്ച​പ്പോ​ൾ അ​ഭി​മാ​ന​വും അ​ഭി​ന​ന്ദ​ന​വും അ​റി​യി​ച്ചു കോ​ള​ജ് മാ​നേ​ജ്മെ​ന്‍റും അ​ധ്യാ​പ​ക​രും ഒ​പ്പം ചേ​ർ​ന്നു.

കോ​ട്ട​പ്പ​ടി പ്ലാ​മു​ടി നെ​ല്ലി​ത​ണ്ടി​ലെ പാ​ട്ടേ​രു​മാ​ലി​ൽ അ​യ്യ​പ്പ​ൻ​കു​ട്ടി​യു​ടെ‍​യും അം​ബി​ക​യു​ടെ​യും മ​ക​നാ​ണ് അം​ജി​ത്ത്. ജ​ന്മ​നാ കൈ​യ്ക്കും കാ​ലി​നും ബ​ല​ക്കു​റ​വ് ഉ​ണ്ടാ​യി​രു​ന്ന അം​ജി​ത്ത് ഭി​ന്ന​ശേ​ഷി​ക്കാ​ര​നെ​ന്ന പ​രി​മി​തി​യെ ആ​ത്മ​വി​ശ്വാ​സം കൊ​ണ്ട് അ​തി​ജീ​വി​ച്ചു പ​ഠ​ന​ത്തി​ൽ മി​ടു​ക്ക​നാ​യി. മാ​താ​വ് അം​ബി​ക​യു​ടെ സ്കൂ​ട്ട​റി​ന്‍റെ പി​ന്നി​ലി​രു​ന്നാ​ണ് അം​ജി​ത്തി​ന്‍റെ കോ​ള​ജി​ലേ​ക്കും വീ​ട്ടി​ലേ​ക്കു​മു​ള്ള യാ​ത്ര​ക​ൾ.

കാ​ന്പ​സ് മു​റ്റ​ത്ത് നി​ന്നു സ​ഹ​പാ​ഠി​ക​ളു​ടെ ക​രു​ത​ലു​ള്ള വീ​ൽ ചെ​യ​റി​ൽ ക്ലാ​സ് മു​റി​യി​ലേ​ക്കും. ഇ​ല​ക്‌​ട്രോ​ണി​ക് വീ​ൽ​ചെ​യ​ർ അം​ജി​ത്തി​ന്‍റെ യാ​ത്ര​ക​ളി​ൽ ആ​യാ​സം കു​റ​യ്ക്കു​മെ​ന്ന ചി​ന്ത​യി​ൽ നി​ന്നാ​ണ് അ​തു വാ​ങ്ങി​ന​ൽ​കാ​നു​ള്ള ദൗ​ത്യം വി​ദ്യാ​ർ​ഥി​ക​ൾ ഏ​റ്റെ​ടു​ത്ത​ത്. അ​തി​നാ​യി വി​നോ​ദ​യാ​ത്ര​യ്ക്കു​ള്ള തു​ക ഉ​പ​യോ​ഗി​ക്കാ​മെ​ന്ന അ​ഭി​പ്രാ​യം സ​ന്തോ​ഷ​ത്തോ​ടെ ഏ​വ​രും പി​ന്തു​ണ​ച്ചു.

സ​ഹ​പാ​ഠി​ക​ൾ സ​മ്മാ​നി​ച്ച ഇ​ല​ക്‌​ട്രോ​ണി​ക് വീ​ൽ ചെ​യ​ർ കോ​ള​ജ് പ്രി​ൻ​സി​പ്പ​ൽ ഡോ. ​മ​ഞ്ജു കു​ര്യ​ൻ അം​ജി​ത്തി​ന് പി​റ​ന്നാ​ൾ ദി​ന​ത്തി​ൽ കൈ​മാ​റി. ഇ​ക്ക​ണോ​മി​ക്സ് വി​ഭാ​ഗം മേ​ധാ​വി ഡോ. ​എ.​എം. എ​ൽ​ദോ​സ്, അ​ധ്യാ​പ​ക​രാ​യ ഡോ. ​പു​തു​മ ജോ​യി, നീ​തു സ​ലാം, ഡോ. ​മെ​റി​ൻ ജോ​യ്, നി​നു തോ​മ​സ്,

കോ​ള​ജ് യൂ​ണി​യ​ൻ ചെ​യ​ർ​പേ​ഴ്സ​ൺ ജോ​സ്‌​മി ബി​ജു എ​ന്നി​വ​രും ച​ട​ങ്ങി​ൽ പ​ങ്കെ​ടു​ത്തു. വി​ദ്യാ​ർ​ഥി​ക​ളു​ടെ ന​ല്ല മ​ന​സി​നു പ്രോ​ത്സാ​ഹ​ന​മാ​യി ക്ലാ​സി​ന്‍റെ വി​നോ​ദ​യാ​ത്ര​യ്ക്കാ​വ​ശ്യ​മാ​യ തു​ക ന​ൽ​കാ​ൻ കോ​ള​ജ് മാ​നേ​ജ്മെ​ന്‍റും തീ​രു​മാ​നി​ച്ചി​ട്ടു​ണ്ട്.