ത​ല​യോ​ല​പ്പ​റ​മ്പ്: നി​യ​ന്ത്ര​ണം ന​ഷ്ട​മാ​യ ലോ​റി റോ​ഡ​രി​കി​ലെ പാ​ട​ത്തേ​ക്ക് ത​ല​കീ​ഴാ​യി മ​റി​ഞ്ഞു. എ​റ​ണാ​കു​ളം സ്വ​ദേ​ശി​യാ​യ ഡ്രൈ​വ​റ​ട​ക്കം മൂ​ന്നു​പേ​ർ പ​രി​ക്കേ​ല്ക്കാ​തെ ര​ക്ഷ​പ്പെ​ട്ടു.

കോ​ട്ട​യം -എ​റ​ണാ​കു​ളം റോ​ഡി​ൽ വെ​ട്ടി​ക്കാ​ട്ടു​മു​ക്ക് ഗു​രു​മ​ന്ദി​രം ജം​ഗ്ഷ​നു സ​മീ​പം ഇ​ന്ന​ലെ വൈ​കു​ന്നേ​രം ആ​റോ​ടെ​യാ​യി​രു​ന്നു അ​പ​ക​ടം. കോ​ട്ട​യ​ത്ത് നി​ന്നും വേ​സ്റ്റ് പേ​പ്പ​ർ ക​യ​റ്റി ലോ​റി എ​റ​ണാ​കു​ള​ത്തേ​ക്ക് പോ​കു​ക​യാ​യി​രു​ന്നു. വ​ള​വി​നു​സ​മീ​പം എ​തി​രേ വ​ന്ന വാ​ഹ​ന​ത്തി​ലി​ടി​ക്കാ​തി​രി​ക്കാ​ൻ ലോ​റി വെ​ട്ടി​ച്ച​പ്പോ​ഴാ​ണ് നി​യ​ന്ത്ര​ണം വി​ട്ട് മ​റി​ഞ്ഞ​ത്.

അ​പ​ക​ട​ത്തെ തു​ട​ർ​ന്ന് റോ​ഡ​രി​കി​ലെ സു​ര​ക്ഷാ​വേ​ലി​യും വൈ​ദ്യു​ത പോ​സ്റ്റും ത​ക​ർ​ന്നു. അ​പ​ക​ടം ക​ണ്ട് ഓ​ടി​ക്കൂ​ടി​യ പ്ര​ദേ​ശ​വാ​സി​ക​ളാ​ണ് ലോ​റി​യി​ലു​ണ്ടാ​യി​രു​ന്ന​വ​രെ പു​റ​ത്തെ​ത്തി​ച്ച​ത്. വൈ​ദ്യു​ത പോ​സ്റ്റ് ത​ക​ർ​ന്ന​തി​നെ തു​ട​ർ​ന്ന് വെ​ട്ടി​ക്കാ​ട്ട്മു​ക്ക്, വ​ട​ക​ര ഭാ​ഗ​ത്തെ വൈ​ദ്യു​തി ബ​ന്ധം വി​ച്ഛേ​ദി​ക്ക​പ്പെ​ട്ടു.

അ​പ​ക​ട​ങ്ങ​ൾ പ​തി​വാ​കു​ന്ന ഈ ​ഭാ​ഗ​ത്ത് ഏ​താ​നും മാ​സ​ങ്ങ​ൾ​ക്ക് മു​മ്പ് നി​യ​ന്ത്ര​ണം വി​ട്ട സ്വ​കാ​ര്യ ബ​സ് മ​റി​ഞ്ഞ് 30 പേ​ർ​ക്ക് പ​രി​ക്കേ​റ്റി​രു​ന്നു. ഒ​രു വ​ർ​ഷ​ത്തി​നി​ട​യി​ൽ 20തോ​ളം അ​പ​ക​ട​ങ്ങ​ളാ​ണ് ഇ​വി​ടെ ഉ​ണ്ടാ​യ​ത്. ക​ഴി​ഞ്ഞ ദി​വ​സം സ്വ​കാ​ര്യ ബ​സും​കെ എ​സ് ആ​ർ ടി ​സി ബ​സും കൂ​ട്ടി​യി​ടി​ച്ച് ആ​റു​പേ​ർ​ക്ക് പ​രി​ക്കേ​റ്റി​രു​ന്നു.

അ​പ​ക​ട​ങ്ങ​ൾ പ​തി​വാ​കു​ന്ന​ത് ക​ണ​ക്കി​ലെ​ടു​ത്ത് ഗ​താ​ഗ​തം സു​ര​ക്ഷി​ത​മാ​ക്കാ​ൻ പൊ​തു​മ​രാ​മ​ത്ത് വ​കു​പ്പ് ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.