പാ​മ്പാ​ടി: വ്യാ​പാ​രി ഗൂ​ഗി​ൾ പേ​യി​ൽ ന​മ്പ​ർ മാ​റി നിക്ഷേപിച്ച പ​ണം തി​രി​കെ​ ന​ൽ​കി​യി​ല്ല. പ​ണം കി​ട്ടി​യ ക​ർ​ണാ​ട​ക സ്വ​ദേ​ശി​യി​ൽ​നി​ന്ന് പാ​മ്പാ​ടി പോ​ലീ​സി​ന്‍റെ കൃ​ത്യ​മാ​യ ഇ​ട​പെ​ട​ലി​ലൂ​ടെ ഒ​രു മ​ണി​ക്കൂ​റി​ന​കം പ​ണം തി​രി​ച്ചു പി​ടി​ച്ചു. ഇ​ന്ന​ലെ രാ​വി​ലെ 10നാ​യി​രു​ന്നു സം​ഭ​വം.

പാ​മ്പാ​ടി​യി​ലെ ടൈം ​ട്രോ​ണി​ക്സ് വാ​ച്ച് ക​ട ഉ​ട​മ ഷാ​ജി ഫ്രാ​ൻ​സി​സ് ക​ച്ച​വ​ട ആ​വ​ശ്യ​ത്തി​നാ​യി ഫോ​ൺ​പേ വ​ഴി പ​തി​നാ​യി​രം രൂ​പ അ​യ​ച്ചു. പ​ക്ഷേ ന​മ്പ​ർ മാ​റി പ​ണം ല​ഭി​ച്ച​ത് ക​ർ​ണാ​ട​ക​ത്തി​ലെ ബേ​ഡ്മം​ഗ​ല എ​ന്ന സ്ഥ​ല​ത്തു​ള്ള ആ​ൾ​ക്ക്. ഷാ​ജി ഇ​യാ​ളെ ഫോ​ണി​ൽ ബ​ന്ധ​പ്പെ​ട്ട് പ​ണം തി​രി​ച്ച​യ​യ്ക്കാ​ൻ പ​റ​ഞ്ഞു.

പ​ക്ഷെ അ​യാ​ൾ കൂ​ട്ടാ​ക്കി​യി​ല്ല. ഉ​ട​ൻ ഷാ​ജി ബാ​ങ്കു​മാ​യി ബ​ന്ധ​പ്പെ​ട്ടു പ​ണം തി​രി​കെ ല​ഭി​ക്കാ​നു​ള്ള ന​ട​പ​ടി​ക്കാ​യി ശ്ര​മി​ച്ചെ​ങ്കി​ലും അ​തും ന​ട​പ്പാ​യി​ല്ല. തു​ട​ർ​ന്ന് പാ​മ്പാ​ടി പോ​ലീ​സ് സ്റ്റേ​ഷ​നി​ൽ എ​ത്തി ഷാ​ജി എ​സ്എ​ച്ച്ഒ റി​ച്ചാ​ർ​ഡ് വ​ർ​ഗീ​സി​നെ ക​ണ്ടു കാ​ര്യ​ങ്ങ​ൾ ധ​രി​പ്പി​ച്ചു. തു​ട​ർ​ന്ന് പോ​ലീ​സ് ഇ​യാ​ളു​മാ​യി സം​സാ​രി​ച്ച​പ്പോ​ൾ ആ​ദ്യം തി​രി​ച്ച് അ​യ​യ്ക്കാ​ൻ പ​റ്റി​ല്ലെ​ന്ന് പ​റ​ഞ്ഞെ​ങ്കി​ലും പി​ന്നീ​ട് പ​ണം തി​രി​ച്ച് അ​ക്കൗ​ണ്ടി​ൽ നി​ക്ഷേ​പി​ക്കു​ക​യു​മാ​യി​രു​ന്നു.

ഫോ​ൺ പേ ​പോ​ലു​ള്ള ഓ​ൺ​ലൈ​ൻ പേ​യ്മെ​ന്‍റ് ആ​പ്പു​ക​ളി​ൽ പ​ണം അ​യ​യ്ക്കു​മ്പോ​ൾ ഇ​ട​പാ​ടി​ൽ മ​ധ്യ​സ്ഥ​ത വ​ഹി​ക്കാ​ൻ ബാ​ങ്കി​ന് നി​യ​മ​പ​ര​മാ​യി അ​ധി​കാ​രം ഇ​ല്ലെ​ന്ന​താ​ണ് വ​സ്തു​ത. എ​ങ്കി​ലും പ​ണം തി​രി​കെ കി​ട്ടി​യ സ​ന്തോ​ഷ​ത്തി​ലാ​ണ് ക​ട​യു​ട​മ.