പൊ​ൻ​കു​ന്നം കെ​എ​സ്ആ​ർ​ടി​സി ഡി​പ്പോ ന​വീ​ക​ര​ണം വാ​ഗ്ദാ​ന​ത്തി​ൽ മാ​ത്രം
Wednesday, October 16, 2024 5:46 AM IST
പൊ​ൻ​കു​ന്നം: പൊ​ൻ​കു​ന്ന​ത്തി​ന്‍റെ മു​ഖ​ച്ഛാ​യ മാ​റ്റി​യേ​ക്കാ​മാ​യി​രു​ന്ന കെ​എ​സ്ആ​ർ​ടി​സി ഡി​പ്പോ ന​വീ​ക​ര​ണം വാ​ഗ്ദാ​ന​ത്തി​ൽ മാത്രം ഒ​തു​ങ്ങു​ന്നു.

ഡി​പ്പോ​യു​ടെ സ​മ​ഗ്ര​വി​ക​സ​നം ല​ക്ഷ്യ​മി​ട്ടാ​ണ് നാ​ലു​വ​ർ​ഷം മു​മ്പ് ആ​ലോ​ച​നാ​യോ​ഗം ന​ട​ന്നിരുന്നു. ഡോ. ​എ​ൻ. ജ​യ​രാ​ജ് എം​എ​ൽ​എ​യു​ടെ അ​ധ്യ​ക്ഷ​ത​യി​ൽ കൂ​ടി​യ യോ​ഗ​ത്തി​ൽ എ​ടി​ഒ, എ​ഡി​ഒ, ട്രേ​ഡ് യൂ​ണി​യ​ൻ നേ​താ​ക്ക​ൾ തു​ട​ങ്ങി​യ​വ​ർ പ​ങ്കെ​ടു​ത്തി​രു​ന്നു. വ​ർ​ഷ​ങ്ങ​ൾ​ക്കു​മു​മ്പ് നി​ർ​ത്ത​ലാ​ക്കി​യ ബ​സ് സ്റ്റാ​ൻ​ഡ് പു​നഃ​സ്ഥാ​പി​ക്കാ​നും ദേ​ശീ​യ​പാ​ത​യി​ൽ​നി​ന്നു നേ​രി​ട്ട് ഡി​പ്പോ​യി​ലെ​ത്തു​ന്ന​തി​ന് റോ​ഡ് നി​ർ​മി​ക്കാ​നും തീ​രു​മാ​നി​ച്ചി​രു​ന്നു.

കൂ​ടാ​തെ ഇ​പ്പോ​ൾ വ​ർ​ക്ക്‌​ഷോ​പ്പ് പ്ര​വ​ർ​ത്തി​ക്കു​ന്ന പ​ഴ​യ കെ​ട്ടി​ടം പൊ​ളി​ച്ചു​നീ​ക്കി ആ​ധു​നി​ക സൗ​ക​ര്യ​ങ്ങ​ളോ​ടെ പു​തി​യ കെ​ട്ടി​ടം നി​ർ​മി​ക്കുക, നി​ല​വി​ലു​ള്ള ഓ​ഫീ​സു​ക​ളും വെ​യി​റ്റിം​ഗ് ഷെ​ഡും സ്ഥിതിചെയ്യുന്ന പ​ഴ​യ കെ​ട്ടി​ടം പൊ​ളി​ച്ചു​പ​ണി​യു​ന്ന കാ​ര്യം പ​രി​ഗ​ണി​ക്കുക, എം​എ​ൽ​എ​യു​ടെ ആ​സ്തി​വി​ക​സ​ന ഫ​ണ്ടി​ൽ​നി​ന്നു ഡി​പ്പോ ന​വീ​ക​ര​ണ​ത്തി​നു​ള്ള തു​ക അ​നു​വ​ദി​ക്കുക എ​ന്നൊ​ക്കെ​യാ​യി​രു​ന്നു വാ​ഗ്ദാ​ന​ങ്ങ​ൾ. എ​ന്നാ​ൽ, നാ​ലു വ​ർ​ഷം പി​ന്നി​ട്ടി​ട്ടും ന​ട​പ​ടി​ക​ൾ ഒ​ന്നുമാ​യി​ല്ല.


1979ൽ ​അ​ന്ന് ഗ​താ​ഗ​തമ​ന്ത്രി​യാ​യി​രു​ന്ന കെ. ​നാ​രാ​യ​ണ​ക്കു​റു​പ്പാ​ണ് പൊ​ൻ​കു​ന്നം കെ​എ​സ്ആ​ർ​ടി​സി ഡി​പ്പോ സ്ഥാ​പി​ച്ച​ത്. തു​ട​ക്ക​ത്തി​ൽ ബ​സ് സ്റ്റാ​ൻ​ഡും വെ​യി​റ്റിം​ഗ് ഷെ​ഡും യാ​ത്ര​ക്കാ​ർ​ക്കാ​വ​ശ്യ​മാ​യ അ​നു​ബ​ന് ധ​സൗ​ക​ര്യ​ങ്ങ​ളും കാ​ന്‍റീ​നും എ​ല്ലാം ഉ​ണ്ടാ​യി​രു​ന്നു. സ്റ്റാ​ൻ​ഡ് നി​റ​യെ യാ​ത്ര​ക്കാ​രും ബ​സു​ക​ളും എ​ത്തി​യി​രു​ന്നു. എ​ന്നാ​ൽ, ഇ​പ്പോ​ൾ യാ​ത്ര​ക്കാ​ർ​ക്ക് കെ​എ​സ്ആ​ർ​ടി​സി ബ​സി​ൽ ക​യ​റ​ണ​മെ​ങ്കി​ൽ പ്രൈ​വ​റ്റ് ബ​സ് സ്റ്റാ​ൻ​ഡി​ൽ എ​ത്ത​ണം.

ദേ​ശീ​യ​പാ​ത​യി​ലൂ​ടെ​യെ​ത്തു​ന്ന ബ​സു​ക​ൾ പി​പി റോ​ഡി​ലു​ള്ള ബ​സ് സ്റ്റാ​ൻ​ഡി​ൽ എ​ത്താ​ൻ കൂ​ടു​ത​ൽ ദൂ​രം ക​റ​ങ്ങി​ത്തി​രി​യ​ണ​മെ​ന്ന കാ​ര​ണം പ​റ​ഞ്ഞാ​ണ് ബസ് സ്റ്റാ​ൻ​ഡ് നി​ർ​ത്ത​ലാ​ക്കി​യ​ത്. ദേ​ശീ​യ​പാ​ത​യി​ൽ​നി​ന്ന് നേ​രി​ട്ട് നൂ​റു മീ​റ്റ​ർ പാ​ത നി​ർ​മി​ച്ചാ​ൽ ഈ ​പ്ര​ശ്ന​ത്തി​നു പ​രി​ഹാ​ര​മാ​കും. പ​ക്ഷേ അ​തി​നു​ള്ള ശ്ര​മം ന​ട​ത്താ​ൻ​പോ​ലും ആ​രു​മി​ല്ല. ഡി​പ്പോ​യു​ടെ മാ​ത്ര​മ​ല്ല പൊ​ൻ​കു​ന്ന​ത്തി​ന്‍റ ത​ന്നെ മു​ഖഛാ​യ മാ​റു​ന്ന വി​ക​സന തീ​രു​മാ​ന​ങ്ങ​ളാ​യി​രു​ന്നു അന്നെടുത്തത്.