എ​രു​മേ​ലി: ടൗ​ണി​ലും പ​രി​സ​ര​ങ്ങ​ളി​ലും തെ​രു​വു​നാ​യ്ക്ക​ളു​ടെ എ​ണ്ണം ക്ര​മാ​തീ​ത​മാ​യി വ​ർ​ധി​ച്ചെ​ന്ന് പ​രാ​തി. ടൗ​ണി​ലും പ​രി​സ​ര​ങ്ങ​ളി​ലു​മാ​യി നൂ​റോ​ളം തെ​രു​വു​നാ​യ്ക്ക​ൾ ഉ​ണ്ടെ​ന്ന് നാ​ട്ടു​കാ​ർ പ​റ​യു​ന്നു. പ്രൈ​വ​റ്റ് ബ​സ് സ്റ്റാ​ൻ​ഡി​ൽ 14 തെ​രു​വു​നാ​യ്ക്ക​ൾ സ്ഥി​ര​മാ​യി ഉ​ണ്ടെ​ന്ന് സ്റ്റാ​ൻ​ഡി​ലെ വ്യാ​പാ​രി എം.​എ. നി​ഷാ​ദ് പ​റ​ഞ്ഞു. കെ​എ​സ്ആ​ർ​ടി​സി ബ​സ് സ്റ്റാ​ൻ​ഡ്, വ​ലി​യ​മ്പ​ലം ഭാ​ഗം, ടൗ​ണി​ലെ പെ​ട്രോ​ൾ പ​മ്പി​ന്‍റെ പ​രി​സ​രം, സ​ർ​ക്കാ​ർ ആ​ശു​പ​ത്രിക്കു സ​മീ​പം, ച​ര​ള - പ​ഞ്ചാ​യ​ത്ത്‌ ഓ​ഫീ​സ് റോ​ഡ് എ​ന്നി​വി​ട​ങ്ങ​ളി​ലെ​ല്ലാം നായ്ക്ക​ളു​ടെ ശ​ല്യം രൂ​ക്ഷ​മാ​ണ്.

അ​ടു​ത്ത നാ​ളു​ക​ളി​ൽ ദൂ​രെ സ്ഥ​ല​ങ്ങ​ളി​ൽ​നി​ന്ന് ഉ​ട​മ​ക​ൾ ഉ​പേ​ക്ഷി​ച്ച് കൊ​ണ്ടു​വി​ട്ട​വ​യാ​ണിവ യെ​ന്ന് നാ​ട്ടു​കാ​ർ പ​റ​യു​ന്നു. ടൗ​ണി​ൽ അ​ല​ഞ്ഞു​തി​രി​യു​ന്ന​വ​യി​ൽ ക​ഴു​ത്തി​ൽ ബെ​ൽ​റ്റു​ള്ള വ​ലി​യ നാ​യ്ക്ക​ളു​മു​ണ്ട്.

ചി​ല​ർ ഒ​രു മോ​ഹ​ത്തി​ന് നാ​യ്ക്ക​ളെ വാ​ങ്ങി​യ​ശേ​ഷം ആ​രോ​ഗ്യ​പ്ര​ശ്ന​ങ്ങ​ളും മ​റ്റും ഉ​ണ്ടാ​കു​ന്ന​തോ​ടെ സം​ര​ക്ഷി​ക്കാ​ൻ ക​ഴി​യാ​തെ ഉ​പേ​ക്ഷി​ക്കു​ന്ന​താ​ണ് തെ​രു​വു​ക​ളി​ൽ നാ​യ്ക്ക​ളു​ടെ എ​ണ്ണം വ​ർ​ധി​ച്ച​തി​ന് പി​ന്നി​ലെ​ന്ന് പ​റ​യ​പ്പെ​ടു​ന്നു. വ​ള​ർ​ത്തു​നാ​യ്ക്ക​ൾ ഉ​പേ​ക്ഷി​ക്ക​പ്പെ​ടു​മ്പോ​ൾ പൊ​തു​നി​ര​ത്തു​ക​ളി​ലും ജ​ന​ങ്ങ​ളു​ടെ ഇ​ട​യി​ലും ജീ​വി​ച്ച് ശീ​ലി​ക്കാ​ത്ത​വ അ​പ​ക​ട​കാ​രി​ക​ളാ​യി മാ​റു​ക​യാ​ണ്.

കാ​ൽ​ന​ട​യാ​ത്ര​ക്കാ​ർ ഭീ​തി​യി​ൽ യാ​ത്ര ചെ​യ്യേ​ണ്ട സ്ഥി​തി​യാ​ണ്. നി​ല​വി​ലു​ള്ള തെ​രു​വു​നാ​യ സം​ഘ​ത്തി​ന് ഇ​ട​യി​ലേ​ക്ക് പു​തി​യ ഒ​രു നാ​യ എ​ത്തു​ന്ന​തോ​ടെ ഇ​വ​യെ മ​റ്റു നാ​യ്ക്ക​ൾ കൂ​ട്ട​ത്തോ​ടെ ആ​ക്ര​മി​ക്കു​ന്ന കാ​ഴ്ച​യും നി​ര​ത്തി​ൽ കാ​ണാം. തെ​രു​വു​നാ​യ്ക്ക​ളെ പി​ടി​കൂ​ടു​ന്ന​തി​ന് പ​ഞ്ചാ​യ​ത്ത്‌ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.