ചു​ണ്ട​നി​ല്‍ തു​ഴ​യെ​റി​യാ​ന്‍ ഇ​നി​യും ക​ണ്ടെ​ത്ത​ണം ല​ക്ഷ​ങ്ങ​ള്‍
Thursday, September 5, 2024 11:40 PM IST
കു​​മ​​ര​​കം: നെ​​ഹ്‌​​റു ട്രോ​​ഫി​​യും സി​​ബി​​എ​​ല്‍ മ​​ത്സ​​ര​​ങ്ങ​​ളും അ​​നി​​ശ്ചി​​ത​​ത്തി​​ലാ​​യ​​തോ​​ടെ നി​​രാ​​ശ​​യി​​ലാ​​യ വ​​ള്ളം​​ക​​ളി ആ​​രാ​​ധ​​ക​​രു​​ടെ പ്ര​​തീ​​ക്ഷ​​ക​​ള്‍​ക്ക് ഓ​​ള​​ത്തി​​ള​​ക്കം.

നെ​​ഹ്‌​​റു ട്രോ​​ഫി, കു​​മ​​ര​​കം, ക​​വ​​ണാ​​റ്റി​​ന്‍​ക​​ര, താ​​ഴ​​ത്ത​​ങ്ങാ​​ടി, അ​​യ്മ​​നം ജ​​ല​​മേ​​ള​​ക​​ള്‍ ന​​ട​​ക്കാ​​നി​​രി​​ക്കെ വ​​ള്ളം​​ക​​ളി പ്രേ​​മി​​ക​​ള്‍ ആ​​വേ​​ശ​​ത്തി​​ലാ​​ണ്. നെ​​ഹ്റു ട്രോ​​ഫി ഉ​​ന്നം​​വ​​ച്ച് 10 മു​​ത​​ല്‍ 15 ദി​​വ​​സം വ​​രെ പ​​രി​​ശീ​​ല​​നം ന​​ട​​ത്തി ക​​ഴി​​ഞ്ഞ​​പ്പോ​​ഴാ​​ണ് വ​​യ​​നാ​​ട് ഉ​​രു​​ള്‍ ദു​​ര​​ന്തം സം​​ഭ​​വി​​ക്കു​​ന്ന​​തും ആ​​ഘോ​​ഷ​​ങ്ങ​​ള്‍ മാ​​റ്റി​​വ​​ച്ച​​തും.

ഇ​​ത് ബോ​​ട്ട് ക്ല​​ബ്ബു​ക​​ളെ​​യാ​​കെ പ്ര​​തി​​സ​​ന്ധി​​യി​​ലാ​​ക്കി. കു​​മ​​ര​​കം ടൗ​​ണ്‍ ബോ​​ട്ട് ക്ല​​ബ് 11 ദി​​വ​​സ പ​​രി​​ശീ​​ല​​നം പൂ​​ര്‍​ത്തി​​യാ​​ക്കി​​യ​​പ്പോ​​ഴാ​​ണ് നെ​​ഹ്‌​​റു ട്രോ​​ഫി അ​​നി​​ശ്ചി​​ത​​ത്തി​​ലാ​​യ​​ത്. പ​​രി​​ശീ​​ല​​ന​​ത്തി​​നാ​​യി 35 ല​​ക്ഷം രൂ​​പ​​യാ​​ണു ചെ​​ല​​വാ​​യ​​ത്. 15 ല​​ക്ഷം രൂ​​പ​​യു​​ടെ ക​​ട​​ക്കെ​​ണി​​യി​​ലാ​​ണി​​പ്പോ​​ള്‍ ക്ല​​ബ്. ടീ​​മി​​ല്‍ 25 ശ​​ത​​മാ​​നം അ​​ന്യ​​സം​​സ്ഥാ​​ന താ​​ര​​ങ്ങ​​ളു​​ണ്ട്. അ​​വ​​രു​​ടെ കൂ​​ലി​​യും ഭ​​ക്ഷ​​ണ​​വും വി​​മാ​​ന ടി​​ക്ക​​റ്റും ക്ല​​ബ്ബാ​​ണു വ​​ഹി​​ക്കു​​ന്ന​​ത്. ഇ​​നി അ​​ടു​​ത്ത ദി​​വ​​സം അ​​വ​​രെ തി​​രി​​കെ​​യെ​​ത്തി​​ച്ച് 12 ദി​​വ​​സം​കൂ​​ടി പ​​രി​​ശീ​​ല​​ന​​ത്തു​​ഴ​​ച്ചി​​ല്‍ ന​​ട​​ത്താ​​നാ​​ണ് തീ​​രു​​മാ​​നം. 11നാ​​ണു വീ​​ണ്ടും തു​​ഴ​​യെ​​റി​​യു​​ന്ന​​ത്.


കു​​മ​​ര​​കം ടൗ​​ണ്‍ ബോ​​ട്ട് ക്ല​​ബ് തു​​ഴ​​യു​​ന്ന ന​​ടു​​ഭാ​​ഗം ചു​​ണ്ട​​ന്‍ ഇ​​പ്പോ​​ള്‍ വ​​ള്ള​​പ്പു​​ര​​യി​​ലാ​​ണ്. ശു​​ഭ മു​​ഹൂ​​ര്‍​ത്തം നോ​​ക്കി വ​​ള്ളം നീ​​ര​​ണി​​യി​​ച്ചു വീ​​ണ്ടും കൊ​​ണ്ടു​​വ​​രേ​​ണ്ട​​തു​​ണ്ട്. കു​​മ​​ര​​കം ബോ​​ട്ട് ക്ല​​ബ്ബി​ന്‍റെ മേ​​ല്‍​പ്പാ​​ടം ചു​​ണ്ട​​നും അ​​ടു​​ത്ത​​യാ​​ഴ്ച ആ​​ദ്യം വീ​​ണ്ടും പ​​രി​​ശീ​​ല​​ന തു​​ഴ​​ച്ചി​​ല്‍ ആ​​രം​​ഭി​​ക്കും. വെ​​ച്ചു​​ര്‍​പു​​ത്ത​​ന്‍​കാ​​യ​​ല്‍ സ്വാ​​മി​​ക്ക​​ല്ല് ഭാ​​ഗ​​ത്താ​​ണു മേ​​ല്‍​പ്പാ​ടം ചു​​ണ്ട​​ന്‍റെ ക്യാം​​പ് പ്ര​​വ​​ര്‍​ത്തി​​ക്കു​​ക.

ച​​ങ്ങ​​നാ​​ശേ​​രി ബോ​​ട്ട് ക്ല​​ബ്ബി​ന്‍റെ (സി​​ബി​​സി) യു​​ടെ പ​​രി​​ശീ​​ല​​ന​​ത്തു​​ഴ​​ച്ചി​​ലും അ​​ടു​​ത്ത​​ദി​​വ​​സം ആ​​രം​​ഭി​​ക്കു​​മെ​​ന്ന് ക്യാ​​പ്റ്റ​​ന്‍ സ​​ണ്ണി തോ​​മ​​സ് ഇ​​ടി​​മ​​ണ്ണി​​ക്ക​​ല്‍ പ​​റ​​ഞ്ഞു. ച​​ങ്ങ​​നാ​​ശേ​​രി ബോ​​ട്ട് ക്ല​​ബ് ആ​​യാ​​പ​​റ​​മ്പ് വ​​ലി​​യ​​ദി​​വാ​​ന്‍​ജി ചു​​ണ്ട​​നി​​ലാ​​ണു തു​​ഴ​​യ​​റി​​യു​​ക. ബോ​​ട്ട് ക്ല​​ബ്ബു​​ക​​ള്‍ നി​​ല​​നി​​ല്‍​ക്ക​​ണ​​മെ​​ങ്കി​​ല്‍ ക​​ട​​ക്കെ​​ണി​​യി​​ല്‍​നി​​ന്നു ക​​ര​​ക​​യ​​റ​​ണം. അതി​​ന് സ​​ര്‍​ക്കാ​​രും ടൂ​​റി​​സം വ​​കു​​പ്പും സ​​ഹാ​​യി​​ക്ക​​ണ​​മെ​​ന്നാ​​ണ് ബോ​​ട്ട് ക്ല​​ബ്ബു​​ക​​ളു​​ടെ ആ​​വ​​ശ്യം.