പൂച്ചാ​ക്ക​ല്‍: കേ​ര​ള​ത്തി​ൽ കാ​യ​ലി​ന് കു​റു​കെ​യു​ള്ള ഏ​റ്റ​വും നീ​ളം കൂ​ടി​യ പെ​രു​മ്പ​ളം പാ​ല​ത്തി​ന്‍റെ നി​ർ​മാ​ണം പൂ​ർ​ത്തി​യാ​യി. ഒരു കി​ലോ​മീ​റ്റ​റി​ല​ധി​കം നീ​ള​മു​ള്ള പാ​ലം പൂ​വ​ണി​യു​ന്ന​ത് അ​ര​നൂ​റ്റാ​ണ്ടി​ലേ​റെ​ക്കാ​ല​ത്തെ പെ​രു​മ്പ​ളം ദ്വീ​പു നി​വാ​സി​ക​ളു​ടെ ചി​ര​കാ​ല സ്വ​പ്നം കൂ​ടി​യാ​ണ്.

പാ​ല​ത്തി​ന്‍റെ ഏ​റ്റ​വും ഒ​ടു​വി​ല​ത്തെ സ്ലാ​ബ് വാ​ർ​ക്ക​ൽ (55 മീ​റ്റ​ർ നീ​ളം) ചൊ​വ്വാ​ഴ്ച പൂ​ർ​ത്തി​യാ​യി. പാ​ല​ത്തി​ന്‍റെ അ​ന്തി​മ ഘ​ട്ട ജോ​ലി​ക​ളും അ​പ്രോ​ച്ച് റോ​ഡു​ക​ളും പൂ​ര്‍​ത്തി​യാ​ക്കി ജ​നു​വ​രി​യോ​ടെ ഗ​താ​ഗ​ത​ത്തി​നാ​യി തു​റ​ന്നു കൊ​ടു​ക്കും. 1155 മീ​റ്റ​റാ​ണ് പാ​ല​ത്തി​ന്‍റെ നീ​ളം. ഇ​രു​വ​ശ​ങ്ങ​ളി​ലും ഒ​ന്ന​ര​മീ​റ്റ​ര്‍ ന​ട​പ്പാ​ത ഉ​ള്‍​പ്പെ​ടെ 11 മീ​റ്റ​റാ​ണ് വീ​തി. അ​രൂ​ക്കു​റ്റി​യി​ലെ വ​ടു​ത​ല ജെ​ട്ടി ഭാ​ഗ​ത്തുനി​ന്നു തു​ട​ങ്ങു​ന്ന പാ​ലം പെ​രു​മ്പ​ള​ത്തെ പെ​രും​ചി​റ ക​രി വ​രെ​യാ​ണ്.

കൈ​വ​രി​ക​ളു​ടെ​യും ന​ട​പ്പാ​ത​ക​ളു​ടെ​യും നി​ര്‍​മാ​ണം പൂ​ര്‍​ത്തി​യാ​ക്ക​ല്‍, തെ​രു​വു വി​ള​ക്കു​ക​ള്‍ സ്ഥാ​പി​ക്ക​ല്‍, പെ​യി​ന്‍റിംഗ് തു​ട​ങ്ങി​യ​വ​യാ​ണ് ബാ​ക്കി​യു​ള്ള​ത്. ഇ​രു​വ​ശ​ങ്ങ​ളി​ലും ഓ​രോ മീ​റ്റ​ര്‍ ന​ട​പ്പാ​ത​യും കാ​ന​യും ഉ​ള്‍​പ്പെ​ടെ 9.5 മീ​റ്റ​റാ​ണ് അ​പ്രോ​ച്ച് റോ​ഡി​ന്‍റെ വീ​തി. വ​ടു​ത​ല ജെ​ട്ടി ഭാ​ഗ​ത്തെ അ​പ്രോ​ച്ച് റോ​ഡാ​ണ് ഇ​നി നി​ര്‍​മി​ക്കു​ക.

കി​ഫ്ബി​യി​ല്‍ 100 കോ​ടി രൂ​പ ചെ​ല​വി​ലാ​ണ് നി​ര്‍​മാ​ണം. 4.86 കോ​ടി രൂ​പ സ്ഥ​ല​മെ​ടു​പ്പി​നാ​യി അ​നു​വ​ദി​ച്ചി​രു​ന്നു. 2016 2017 വ​ര്‍​ഷ​ത്തെ സം​സ്ഥാ​ന ബ​ജ​റ്റി​ലേ​താ​ണ് പ​ദ്ധ​തി. 2021 ജ​നു​വ​രി എ​ട്ടി​നാ​ണ് നി​ര്‍​മാ​ണം തു​ട​ങ്ങി​യ​ത്.

മൂ​വാ​യി​ര​ത്തോ​ളം വീ​ടു​ക​ളാ​ണ് ദ്വീ​പി​ലു​ള്ള​ത്. ഊ​രാ​ളു​ങ്ക​ല്‍ സൊ​സൈ​റ്റി​യാ​ണ് നി​ര്‍​മാ​ണ​ക്ക​രാ​ര്‍. പാ​ലം യാ​ഥാ​ർ​ഥ്യ​മാ​കു​ന്ന​തോ​ടെ ദ്വീ​പ് നി​വാ​സി​ക​ൾ​ക്ക് ബോ​ട്ടും ജ​ങ്കാ​റും കാ​ത്തു​നി​ൽ​ക്കേ​ണ്ട അ​വ​സ്ഥ ഒ​ഴി​വാ​കും. ഗ്രാ​മ​ത്തി​ലെ ഭൂ​മി വി​ല കു​തി​ച്ചു​യ​രും. ഡ​ൽ​ഹി​യി​ൽ ന​ട​ന്ന അ​ന്താ​രാ​ഷ്ട്ര വി​പ​ണ​നമേ​ള​യി​ൽ സ്ഥാ​നം പി​ടി​ച്ച പെ​രു​മ്പ​ളം കു​ടം​പു​ളി കാ​യ​ൽ ക​ട​ന്ന് വി​പ​ണി ക​ണ്ടെ​ത്തും. പ്രാ​ദേ​ശി​ക കു​ടും​ബ​ശ്രീ ഉ​ത്പ​ന്ന​ങ്ങ​ൾ​ക്ക് മാ​ർ​ക്ക​റ്റ് കി​ട്ടും. പ്ര​കൃ​തി​ര​മ​ണീ​യ​മാ​യ പെ​രു​മ്പ​ള​ത്തേ​ക്ക് വി​നോ​ദ​സ​ഞ്ചാ​രി​ക​ൾ ഒ​ഴു​കി​യെ​ത്തു​ന്ന​തോ​ടെ പ​ഞ്ചാ​യ​ത്തി​ന്‍റെ സാ​മ്പ​ത്തി​ക​നി​ല മെ​ച്ച​പ്പെ​ടും.

മ​ത്സ്യ​വ്യ​വ​സാ​യം ത​ക​ർ​ന്ന​തോ​ടെ പ​ട്ടി​ണി​യി​ലാ​യ ദ്വീ​പ് നി​വാ​സി​ക​ൾ​ക്ക് അ​നു​ബ​ന്ധ ജോ​ലി​ക​ൾ ല​ഭ്യ​മാ​കു​ക​യും ചെ​യ്യും.